فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأحد، يوليو 09، 2006



أ نــا خــلاص قــرفــت

النهارده يوم الاحد الموافق9/7/2006 هو يوم الوقفه الاحتجاجيه ويوم الصحافه المحجوبه في مصر ردا علي قانون حبس الصحفيين في مجلس الشعب فانا لا اتخيل ابدا يوم من يوم يمر دون ان يجد كل من هو متابع لجريده حقا او يحب ان يقرأ بحق وحقيق انه لم يجد الجريده المفضله له وده كله عشان الظلم والاستبداد اين حريه الصحافه التي يتشدقون بها ؟ اين حريه التعبير؟ انهم يريدون اعين صماء ايدي مكبله يريدون صحافه عوجاء لا تري الا الجانب الحكومي المشرق.سوف تجداليوم بائع الجلرائد الغلبان بيهش وينش علشان محدش بيشتري الاهرام - الاخبار- الجمهوريه - ........ وزيهم تخيل ان النهارده مش هتلاقي الصحافه الجريئه التي تدافع عن المواطن الغلبان وتدافع عن ابسط حقوقنا ولا تجد الا الصحافه الحكوميه الموجهه التي تتزين لنا كل صباح ولا تجد لها فائده الا ان تفرشها في المطبخ او علي التربيزه او تلمع بها زجاج السياره يعني بتنفع في الاغراض المنزليه انما تتطلع منها بخبر اشك

انا خلاص قرفت وتذكرت الان احدي رباعيات عمنا صلاح جاهين التي تقول:

انــــا كل يوم اسمع فلان عذبــــــــــــوه

أسرح في بغداد والجزائر واتـــــــــــــوه

ماأعجبيش م اللي يطيق بجسمه العذاب

وأعجب من اللي يطيق يعذب اخـــــــــــوه

وعجبي

5 تعليقات:

  • في الأحد, يوليو 09, 2006 2:41:00 م , Blogger ...دنيتي يقول...

    حسبنا الله ونعم الوكيل
    حتى لو هيبقى مفيش صحافة محترمةصدقني الحاجة الوحشة لازم ريحتها تطلع مفيش حاجة بتستخبى

     
  • في الأحد, يوليو 09, 2006 3:52:00 م , Anonymous مرام الجندي يقول...

    والله يا محمد ربنا ينتقم منهم

     
  • في الأحد, يوليو 09, 2006 8:54:00 م , Anonymous حسنه من الله يقول...

    الحق مهما غاب راجع والكلمه الجريئه اللى فى الاصل هى الحقيقه مسيرهاصوتها يعلى ويسمع لو فى جريده او لو منعوا الجريده لان الكلمه دى جوانا وللظلم نهايه على فكره لو مفيش شئ خايفين منه مكنش القانون ده ظهر يلا ..

     
  • في الاثنين, يوليو 10, 2006 3:46:00 م , Blogger Sampateek يقول...

    اسه ان المجلات و الجرايد حتبقي تطبع و تتباع في السر زي المنشورات ايام الاحتلال و اللي عايز يقرا لازم يروح حارة ام ننس و يشتري من تحت بير السلم لحسن حد يشوفه و يتهموه بتهمة التثقف و هي تهمة منيلة في بلدنا تودي ورا الشمس
    انا شخصيا مش عايزة اصيف في لازوغللي
    بصوت عالي
    عاش النظام عاش
    و بصوت واطي قوي
    ربنا يخده
    انا عارفة مش حنجبها لبر ربنا يستر

     
  • في الاثنين, يوليو 10, 2006 10:55:00 م , Blogger ادم المصري يقول...

    كل ما نعيشه الان هو صميم العدل

    الناس لسه راضيه باللي بيحصل ولسه عندها استعداد تستحمل امتر يبقي عدل ولا مش عدل

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية