لو عايز تموت
لوعايز تموت شهيد ؟
ياتركب طياره ياتركب عباره
لو عايز تموت من الجوع؟
ياتشتغل موظف ( بعقد) يا تشتري عربيه قسط
لو عايز تموت من الحسره ؟
يا تتفرج علي الفاترينات يا تروح مارينا
لو عايز تموت من الغيظ ؟
ياتتفرج علي القنوات المحليه ياتتفرج علي النشره الجويه
لوعايز تموت من الزهق؟
يا تستني الاشاره تفتح يا تقف في اي طابور
لوعايز تموت من الهبل ؟
يا تدخل السينما يا تسمع نجوم اف ام
لو عايز تموت مخنوق ؟
يا تروح تخلص اي ورق يا تقرأ الجرايد الحكوميه
لو عايز تموت مشهور ؟
يا تتجوز راقصه يا تنصب علي بنك
لو عايز تموت مليونير؟
يا تعمل فيديو كليب يا تلعب كوره
لو عايز تموت من الحزن ؟
يا تفكر في احوالك يا تحط الحكومه في بالك
لو عايز تموت في حالك؟
اعمل نفسك مش واخد بالك
مرسلة بواسطة مـحـمـد مـفـيـد @ ٣:٥١ م
22 تعليقات:
في الثلاثاء, يوليو ١١, ٢٠٠٦ ٧:٢٩:٠٠ م ,
sherehan84 يقول...
واللي عايز يعيش بكرامه يعمل إيه؟؟
في الثلاثاء, يوليو ١١, ٢٠٠٦ ١١:١٧:٠٠ م ,
Nouran يقول...
بصراحة اللي يسمع نجوم اف ام يتشل ده مبدئيا يعني
وبصراحة عندك حق في كل كلمة كتبها
في الثلاثاء, يوليو ١١, ٢٠٠٦ ١١:٢٣:٠٠ م ,
غير معرف يقول...
ياعم انت بتتكلم في كل حاجه كده ليه خاف علي نفسك شويه.أنت بتفكرني بكتاب الماحي في جميع النواحي الكتاب ده عشان كان بيتكلم في كل حاجه إتمحا من السوق وطبعا باين من اسمه الماحي في جميع النواحي خلي بالك من المنحرف يا ميدو
في الثلاثاء, يوليو ١١, ٢٠٠٦ ١١:٢٤:٠٠ م ,
غير معرف يقول...
ياعم انت بتتكلم في كل حاجه كده ليه خاف علي نفسك شويه.أنت بتفكرني بكتاب الماحي في جميع النواحي الكتاب ده عشان كان بيتكلم في كل حاجه إتمحا من السوق وطبعا باين من اسمه الماحي في جميع النواحي خلي بالك من المنحرف يا ميدو اللي فات ده تعليقي بس كتبته تاني عشان نسيت اكتب اسمي
في الأربعاء, يوليو ١٢, ٢٠٠٦ ١:١٩:٠٠ ص ,
saso يقول...
لا ثانية واحدة نتفق انت هتكتب ارائك ولا هتكتب الايميلات الفوروارد في البلوج؟ هو الايميل دة مسلي وحلو وكل حاجة بس انا بافتح البلوج علشان اشوف رايك انت مش ايميل كليشية محفوظ
في الأربعاء, يوليو ١٢, ٢٠٠٦ ٤:٠٩:٠٠ ص ,
Mamdouh Dorrah يقول...
بوست جميل و دمه خفيف
في الأربعاء, يوليو ١٢, ٢٠٠٦ ٢:٤٣:٠٠ م ,
علاء السادس عشر يقول...
بوست برشامة ...... وشكراً على الأبتسامة
في الأربعاء, يوليو ١٢, ٢٠٠٦ ٦:٢٥:٠٠ م ,
ام مليكة يقول...
ياااااااااااااااااااااه
الظاهر انه توجه عام في دنيا الشباب وهو التفكير في الموت ؟؟؟؟؟؟؟؟؟؟ ياترى ايه السبب زهقنا من حياتنا الغريبة في مجتمعنا المنهوب ولا نوينا نتوب الى الله تعالى ونبطل ذنوب يارب يكون التفكير في خير وليس في شر
احييك على اسم مدونتك الرائع
في الأربعاء, يوليو ١٢, ٢٠٠٦ ٨:٤٩:٠٠ م ,
... يقول...
رصد جميل
كل كلمة فى مكانها الصح جدا
في الأربعاء, يوليو ١٢, ٢٠٠٦ ٩:٣٢:٠٠ م ,
غير معرف يقول...
يا عم محمد من الاخر كده اللى عايز يروح ورا الشمس يردد كلامك
في الأربعاء, يوليو ١٢, ٢٠٠٦ ٩:٥٧:٠٠ م ,
العـابــــــــره يقول...
كم اسعدنى المرور هنا،شكرآ لمرورك على مدونتى المتواضعه ،وبمناسبه الموضوع انا هعمل نفسى مش واخده بالى ، يعنى احب اموت فى حالى
في الأربعاء, يوليو ١٢, ٢٠٠٦ ١٠:٣١:٠٠ م ,
بعدك على بالى يقول...
طيب واللى عاوز يموت مستور... ؟؟؟
بوست فعلا جميل ودمه خفيف والمدونه كلها، دى زيارتى الاولى و اعتقد مش حتكون الاخيرة...
تحياتى
في الأربعاء, يوليو ١٢, ٢٠٠٦ ١١:٥٥:٠٠ م ,
محمد أبو زيد يقول...
.......
لو بتعمل فعلا كل ده
يبقى انت أكيد في مصر
في الخميس, يوليو ١٣, ٢٠٠٦ ٣:٢٤:٠٠ م ,
غير معرف يقول...
طيب واللي مش عايز يموت يعمل ايه؟؟
بلوج ظريف جدا
في الجمعة, يوليو ١٤, ٢٠٠٦ ١٢:٢٠:٠٠ ص ,
DoOoOoOdY يقول...
عندك حق والله يامحمد بس نعمل ايه بقى؟
في الجمعة, يوليو ١٤, ٢٠٠٦ ٤:٣٨:٠٠ ص ,
so7ab يقول...
البقية فى حياتك يا مفيد
بجد دمك خفيف ضحكتنى
في الأحد, يوليو ١٦, ٢٠٠٦ ٢:٥٣:٠٠ م ,
Adel يقول...
حمادة انت رائع ورائع جدا والله وكلامك فعلا فالصميم بس انا معترض على الجماعة اللي بيخوفوك ماهو يانموت زي الشجر واحنا واقفين يا اما نستحمل نحط على دماغنا الطين وانا شايف اننا بنموت بالبطيئ والبركة في قرارات حكومتنا اللي مش مرتاحه لاهلينا ولا عاوزانا وفعلا اختزل كلمة الاستاذ الثائر الحر ابراهيم عيسى هم فعلا حكومة وطلع لها شعب وللاسف شعب مقرف من عينتي اللي مش عاجبهم العجب ولا الصيام في رجب وعموما يابومفيد الله يقويك ويزيدك سخرية ونقد وشكرا يابو عموعلى زيارتك الميمونة لمدونتي
في الثلاثاء, يوليو ١٨, ٢٠٠٦ ٧:٣٥:٠٠ م ,
غير معرف يقول...
واللي عايز يحب وحلمه ان ربنا يجمعه مع الي بيحبه ويكون اسرة تطلع للنور قايمة ع الحب والود والاحترام والتفاهم وقبل كل دة طاعة ربنا يعمل ايه يقضيها حب ولا يتخطب وتتفسخ بعد شهر ولايتجوز من غير لاحب ولا خطوبة ولايترهبن قولي ياميدو اللي عايز ده يعمل اية
في الأربعاء, يوليو ١٩, ٢٠٠٦ ٢:١٠:٠٠ ص ,
MAKSOFA يقول...
أنا عايزة أموت في مصر
في الأربعاء, يوليو ١٩, ٢٠٠٦ ١١:١٧:٠٠ ص ,
الحكائين يقول...
gamda mooooooot ya mofid :)
tediny e7sas b kobayet ahwa mazbota awy!
good job!
في الأربعاء, يوليو ٢٦, ٢٠٠٦ ٤:٤٦:٠٠ م ,
moorgen يقول...
هىىىىىىىىى
انت مستعجل ع الموت كدا ليه
ما احنا كدا كدا هانموت بس لما يجى دورنا ليه بقى استعجل
والحمد لله انا عايزة اموت طبيعى مش م الحاجات دى
في الخميس, أغسطس ٣١, ٢٠٠٦ ٧:٢٧:٠٠ م ,
غير معرف يقول...
2na 3ayza 2moot 5alas 2t5n2t mn so7aby mn elbet mn kol 7agaaaaaaa ya rab 5odnyyyyyyyyyy offffffffffff
إرسال تعليق
الاشتراك في تعليقات الرسالة [Atom]
<< الصفحة الرئيسية