فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الخميس، يناير ٠١، ٢٠٠٩

موقف سخيف في نقابه الاطباء

أتفقت انا ومنذر للذهاب الي نقابه الأطباء أمس للمشاركه بأضعف الوسائل وهي التبرع بالدم لصالح أهالي غزه . وقد جاءتني رسائل عديده علي هاتفي من معظم الاصدقاء تؤكد التبرع في النقابه
ذهبنا وعندما دخلنا النقابه لم نجد أي شخص يدلنا علي طريق اي شئ حتي وجدنا أسهم تشير الي الطرق وكأننا علي الطريق الدائري كل الاسهم تشير الي كل الطرق وكأننا في لعبه أختبار للذكاء
المهم دخلنا الي ممر طويل حيث تجلس سيده علي مكتب وتوجهنا اليها وسألنها وكانت الوحيده التي قد أجابتنا ودلتنا علي المكتب
دخلنا المكتب فأذا بنا نجد حوالي 40 شخص متواجد لم نعرف نسأل مين ولا نعمل ايه ؟
توجهنا الي أحد الاشخاص الجالس علي مكتبه يقوم بوضع أختام علي استمارات وبجانبه زميل له ينظر لنا بأستغراب
فسألت الشخص الجالس : عايزين نتبرع بالدم ؟
فوجدي الشخص الجالس بجواره وكأننا أطلقنا نكته فقام بالضحك وينظر لنا
فرد زميله الاخر : مفيش تبرع بالدم .التبرع بفلوس وادويه بس
فقلت له : ليه يعني مفيش تبرع بالدم
قال لي : مستشفي العريش مش عايزه دم هما عندهم دم كفايه
قلت له: يعني ايه مش عايزين دم
قال لي : النقابه بتقبل تبرعات ماديه وادويه بس
فأنفعلت وتسأءلت في حيره أزاي ولكن يبدو علي منذر انه استسلم للامر الواقع واخذني وخرجنا في حيره من ذلك الموقف الغريب
يعني ايه مش عايزين ؟
وافرضوا مش معانا فلوس يبقي بلاش يفتح الله ؟
وايه الاسلوب السئ في التعامل ده وكأننا داخلين نشحت ؟
دي نقابه الاطباء المفروض هي اللي تتحايل علي الناس وتلم منهم تبرعات مش تتعامل بهذه البلاده ومنتهي قله الذوق واللا مبالاه 
يبقي نقضيها شعارات وهتافات وكفايه كده 

التسميات:

22 تعليقات:

  • في الخميس, يناير ٠١, ٢٠٠٩ ١٢:٥١:٠٠ م , Blogger Shimaa Esmail يقول...

    السيد الأستاذ/ محمد مفيد
    صاحب مدونة / في الصميم
    " تحية طيبة" وبعد..
    اعتذر عن الخروج من موضوع التدوينة، ولكنني ليس لدي أي وسيلة لمراسلتك فلم تشر لبريدكم الإلكتروني عبر المدونة أو أي وسيلة اتصال أخرى، أرجو من سيادتك مراسلتي عبر بريدي الإلكتروني shimoo_771@yahoo.com توضح فيها بريدك الإلكتروني واسم المدونة حتى يمكنني مراسلتك ذلك لأنه وقع الاختيار على مدونتكم كأحد مفردات العينة المختارة من مجتمع المدونات المصرية والتي أسعى لجمع بيانات ومعلومات عنها واللازمة لرسالتي المسجلة بقسم المكتبات والمعلومات والوثائق، كلية الآداب، جامعة القاهرة تحت عنوان "المدونات المصرية على الشبكة العنكبوتية العالمية مصدراُ للمعلومات: دراسة تحليلية " من إعدادي "شيماء إسماعيل عباس" وتحت إشراف الأستاذة الدكتورة "يسرية عبد الحليم زايد" أستاذ المكتبات والمعلومات بالقسم.
    أرجو الاهتمام والرد سريعا ومراسلتي لمعرفة مدي موافقتك أم لا على الإجابة عن استمارة استقصاء البيانات – استبيان- عن المدونات المصرية.
    تحياتي وتقديري
    شيماء إسماعيل
    باحث ماجستير- كلية الآداب جامعة القاهرة.

     
  • في الخميس, يناير ٠١, ٢٠٠٩ ١:٤٩:٠٠ م , Blogger AHMED SAMIR يقول...

    هههههههههههههه
    ماهو الراجل قاللك المفيد يا مفيد
    مفيـــــــــــــــش دم
    الراجل ماكدبش
    فعلا ناس معندهاش دم
    تحياااااتي
    كل سنة وانت طيب

     
  • في الخميس, يناير ٠١, ٢٠٠٩ ٣:٠٥:٠٠ م , Anonymous غير معرف يقول...

    ما هو الراجل قالك مفيش عندهم تبرع بالدم
    هو هيعورك وياخذ دم فى جردل

    معندهمش إستعدادات بأجهزة ولا بأكياس ولا بدكاترة حتى

    ديه نقابة مش مستشفى
    واللى شغالين فيها دول موظفين مش دكاترة

    هى نقابة المهندسين بيشتغل فيها المهندسين فى الإستقبال مثلاً

     
  • في الخميس, يناير ٠١, ٢٠٠٩ ٣:٢٤:٠٠ م , Blogger Shimaa Esmail يقول...

    السيد الأستاذ/ محمد مفيد
    صاحب مدونة / في الصميم
    " تحية طيبة" وبعد..
    اعتذر عن الخروج من موضوع التدوينة، لقد أرسلت لك دليل العمل (صفحتين)والجزء الأول من الاستمارة (8 صفحات) ، أرجو منك إرسال رسالة توضح أن الجزء قد وصلك بالفعل وأنه ليس هناك من مشكلة في إرساله أعاقت وصله لسيادتك .
    تحياتي وتقديري
    شيماء إسماعيل
    باحث ماجستير- كلية الآداب جامعة القاهرة.

     
  • في الخميس, يناير ٠١, ٢٠٠٩ ٤:٢٤:٠٠ م , Blogger http://kasperb4.blogspot.com/ يقول...

    هي دي مصر للأسف

     
  • في الخميس, يناير ٠١, ٢٠٠٩ ٨:٥٣:٠٠ م , Blogger أحمد سعيد بسيوني يقول...

    بسم الله

    اعتقد انه توجد اماكن اخرى للتبرع غير النقابة والتي اظن انها لا تتوفر فيها المعدات اللازمة لذلك

    انا مش من القاهرة عشان كده مش هاقدر افتيك ممكن تتبرع فين

     
  • في الخميس, يناير ٠١, ٢٠٠٩ ١٠:١٤:٠٠ م , Blogger مـحـمـد مـفـيـد يقول...

    الاخ غير معرف
    الفكره مش فكره جردل ولا جركن
    الفكره فكره تعامل مع الافراد والرسايل اللي بتتبعت علي الموبيل بتفيد اماكن التبرع ومنها النقابه
    وليه مش يكون هناك في النقابه مكان للتبرع بالدم ؟

     
  • في الخميس, يناير ٠١, ٢٠٠٩ ١٠:١٦:٠٠ م , Blogger مـحـمـد مـفـيـد يقول...

    أحمد سعيد بسيوني

    الاماكن كثيره ومعروفه ولكن كان ده اقرب مكان لتجمعنا يومها
    أكيد في منافذ تانيه كتيره
    شكراً لاهتمامك

     
  • في الخميس, يناير ٠١, ٢٠٠٩ ١٠:١٧:٠٠ م , Blogger مـحـمـد مـفـيـد يقول...

    احمد سمير
    عارف اني مقصر معلش
    :))
    فعلاً مفيش دم


    الام والامال
    لازم بقي نتغير يا محمود والا ايه ؟

     
  • في الخميس, يناير ٠١, ٢٠٠٩ ١١:٤٥:٠٠ م , Blogger جنّي يقول...

    بالأمس مات الصناع .. صناع سياسة الذل والهوان ..من الخليج الثائر الى المحيط الهادر .. ماتوا وهم احياء وزكمت انوفنا رائحتهم القذرة بعدما خرجوا من الاجتماع ..

    الظاهر ان العدوى اصابت الموظفين .. على الاقل كانوا افادوكم عن مكان آخر للتبرع بالدم..

    ولك كل التحية

     
  • في الجمعة, يناير ٠٢, ٢٠٠٩ ١٢:٥٠:٠٠ ص , Blogger maha zein يقول...

    لا حول ولا قوة الا بالله
    يعني اذاي مش عاوزين
    لا طبعا عاوزين
    دي الدم هي اكتر حاجة بيتهيقلي هما عوزينها
    في تبلد في المشاعر
    والكرامة ماتت
    وبالذات الاطباء بيتهيقلي من كتر اللى بيشوفوه من دم وجروح
    بقه عندهم تبلد وبيتهيقلي ممكن ميكونوش مستكبرين اللى بيحصل في غزة
    بس طبعا انا مش بجمع
    في اطباء ربنا يزيدهم
    انا بتكلم عن صنف معين منهم وده قابلته كتير
    مش بيتالموا ابدا لاي منظر مؤثر
    يلا شوف مستشفي معهد ناصر
    اكيد محتاجين

     
  • في الجمعة, يناير ٠٢, ٢٠٠٩ ٤:٠٨:٠٠ ص , Blogger اعشق فى الليل ضوء القمر يقول...

    تفتكر فى بلادنا فيه حاجه ممكن توصل
    أظن الفكره فى الرفض حالتين :
    الأولى :-
    عمليه تبرع بالدم و التكاليف إللىهتشيلها الحكومه من أكياس و أبر و خراطيم النقابه هتدفعها و والنقابه مش عايزه تبرعها يكون كده وكذلك عمليه التحليل للدم مكلفه
    ثاني :-
    علشان الأسباب السابقه برده مع
    عدم إمكانيه سرقه الدم مثل الفلوس و الدواء
    ذلك رأى

     
  • في الجمعة, يناير ٠٢, ٢٠٠٩ ٣:٥٤:٠٠ م , Blogger سلوى يقول...

    فعلا موقف مستفذ

    أقل شئ هو استقبال المتبرعين بما يليق

    حسبنا الله ونعم الوكيل

     
  • في الجمعة, يناير ٠٢, ٢٠٠٩ ١٠:٤٧:٠٠ م , Blogger يا مراكبي يقول...

    أجمل جملة عجبتني في البوست ده: هما عندهم دم كفاية

    بجد عندهم دم؟

     
  • في الأحد, يناير ٠٤, ٢٠٠٩ ٥:٥٠:٠٠ م , Blogger رفقة عمر يقول...

    استاذ محمد شكرا لحضرتك على سؤالك
    لكن ظروف تمنعنى من المتابعه
    وجاءت احداث غزة اضافت الى هذه الظروف
    يكفى ان حضرتك حاولت تساعد وان شاء الله يجعل لك الله مخرجا تقدر تساعد به اهل غزة
    ربنا ينصرهم اللهم امين
    ويستخدمنا ولا يستبدلنا
    امين يارب العالمين

     
  • في الأحد, يناير ٠٤, ٢٠٠٩ ٦:٢٦:٠٠ م , Blogger انا مين يقول...

    هو مش قالك مش عايزين دم
    يبقي مش عايزين دم
    ههههههههههههههههههههههههههههههههه
    اه يا عرب
    المفروض بقي بدل ما نتبرع بالدم نروح نبيع دمنا هو دا اللي ناقص
    وطبعا يا استاذ محمد هو مش عايزين دم لاننا عندنا دم جاهز ملوث من بتاع الاستاذ هاني ورفاقه اللي طلعوا براءة مش عارف ليه بس اكيد لان الصفقة كان الاتفاق عليه من الاول دم ملوث
    اه ياعرب
    معلش دخلت في الموضوع علي طول بس دا من الهم والغم
    معلش بقالي فترة مش بسأل بس والله مشاغل الدنيا بس
    وايه اخبار العبدين
    ابراهيم عز

     
  • في الاثنين, يناير ٠٥, ٢٠٠٩ ١:٥٥:٠٠ م , Blogger Nadia Hassan يقول...

    السلام عليكم ورحمة الله وبركاته
    مفيد
    أنا معاك أن الموقف مفجع
    وأن الرد صادم
    بس أنا كمان أرفض وبشدة أننا نعممه ونخده هو القاعدة الوحيدة اللي ثابته في بلادنا
    زي ما في ناس بتتصرف بالشكل دا
    في ناس كتيييييير قوي وبردوا في بلادنا أنها توصل ولو أقل القليل

    أنا أرفض وبشدة أن أي حد يقول
    أن هي دي مصر

    أيوة فيها سلبيات
    أيوة عندنا مواقف صادمة كتير
    أيوة في ناس ضميرها خارج نطاق الخدمة من زمن وعشش فيه العنكبوت كمان

    بس في خير والله العظيم
    اللي عاوز يوصل هيحاول يوصل بأي حاجة
    بس المحاولة وراء المحاولة هي السر

    كمل ودور علي باب تاني وأنا متأكدة أنك بتدور

    والحمد لله في دم
    والحمد لله فيه فايدة
    وأيوة أحنا في مصر
    شكرا

     
  • في الاثنين, يناير ١٢, ٢٠٠٩ ٩:٠٤:٠٠ م , Blogger ذو النون المصري يقول...

    يا استاذ محمد
    مين في مصر الان و اي مؤسسه فيها سلوكها مضبوط كما يجب لها ان تكون
    الله يلعن مبارك
    خربها و افسد كل شيء فيها
    حتي سلوكيات الشعب

     
  • في الثلاثاء, يناير ١٣, ٢٠٠٩ ٢:٤٠:٠٠ م , Blogger عاشــــــ النقاب ـقــــة"نونو" يقول...

    للاسف الشديد حنى الشركات عمالة تتحايل على حد يبعت لهم عربية اسعاف للتبرع في الشركات او يحددوا لهم وقت يلاقوا دكاترة تاخد منهم تبرع
    للاسف لا حياة لمن تنادي
    مع اني سمعت انهم في حاجة ماسة للدم في مستشفيات غزة ناهيك عن المرضى هنا
    مش عارفة فيه ايه بس
    تقبل الله منكم
    ورفع الله عن اهالينا في غزة البلاء ورفع عنا وعنهم والحصار

     
  • في الخميس, يناير ١٥, ٢٠٠٩ ١٢:٢٢:٠٠ م , Blogger بنت أبيها يقول...

    فعلا ايه المعاملة دي

    ربنا يشفي ويهدي

    -----------------------------------

    حملة المقاطعة

    لا تستطيع ان تجاهد

    لا تستطيع ان تتظاهر

    لا تستطيع ان تتبرع بالمال

    اذاً قاطع

    وادعو غيرك لمقاطعة منتجات كل من يدعم العدو

     
  • في الجمعة, يناير ١٦, ٢٠٠٩ ٢:٤٥:٠٠ ص , Blogger روح يقول...

    للاسف في شريحة كبيرة
    من الشعب المصري عندها تبلد
    بطريقة بشعة لعلك وقعت في
    اناس من الصنف دة
    ربنا يهديهم

     
  • في السبت, يناير ١٧, ٢٠٠٩ ٩:٤٦:٠٠ م , Blogger قلم جاف يقول...

    تعليقي في سطر واحد : "دي نقابة يابابا".. مع الاعتذار لمسرحية "محمد نجم" في السبعينيات..

     

إرسال تعليق

الاشتراك في تعليقات الرسالة [Atom]

<< الصفحة الرئيسية