فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، نوفمبر 26، 2008

من الآباء ما قتل

أثناء ركوبي احد الميكروباصات للذهاب لمكان ما وإذ برجل في الثلاثين يجلس بجواري ومعه ابنه الذي لم يتجاوز الست سنوات وفي يد الطفل كيس بلاستيكي به بعض الحلويات والشيبسي ودار بينهم الحوار الآتي

الأب : شوف يا حبيبي أنا بفسحك أزاي عشان تعرف بحبك أد أيه مش أمك بنت ......

الابن : يابابا ما أنت اللي مش راضي ترجع البيت

الأب : أرجع هههههه ده لما اخلي أمك تلف حوالين نفسها

الابن : يابابا نفسي اقعد مع سلمي ونلعب مع بعض

الاب : وشرف ..... لوريها وهخلي أمك تبوس رجلي واسكت بقي دماغي وجعاني

خطر في بالي سريعاً كلام أحمد شقير والي الحال الذي وصلنا إليه فقررت ان أتحدث مع هذا الرجل ولكنه نظر لي و ترك الميكروباص ونزل .

جلست أتخيل شعور هذا الطفل البرئ جراء حديث الأب

بعد عشر سنوات ما مصير هذا الطفل الذي جاء إلي الكون وجد أب طائش لم يدرك معني كلمه الأب ( مهما حدث بين الأب والأم )

فلابد من تصحيح المفاهيم المغلوطة لدي معظم الرجال ونشر ثقافة المودة والرحمة بين الأزواج ولنتذكر قول الرسول الحبيب ( رفقاً بالقوارير ) ونتذكر سوياً ان لا يتحمل الرجل نصف ما تتحمله المرأة من معاناة داخل البيت فيكون لها هو الحنون المرابط علي قلبها ولو بكلمه واحده تضيع عناء كل هم وتعب وشقاء اليوم وليعلم ان هذا هو فرض عليه ولان تقليل منه بل بالعكس فهذه هي قمة الرجولة

فانتق الله في زوجاتنا و بيوتنا و لتستمر الحياة بقدر من الحكمة حتى نستطيع الخروج بأجيال وأجيال قادرة علي التصدي لأي صراعات حياتيه و تصحيح بعض من المفاهيم المغلوطه


التسميات:

35 تعليقات:

  • في الأربعاء, نوفمبر 26, 2008 11:35:00 ص , Blogger Mohamed Hamdy يقول...

    موضوع جميل وحساس جدا .. انا من فتره كنت بتكلم مع صديقه مطلقه .. وكنت بقولها اننا فى مصر مفتقدين لما يعرف باستراتيجية الطلاق الناجح , والاستراتيجية دى بتؤدى اننا حتى لو هنتطلق نحتفظ بخط اخير من الود المتبادل عشان الاولاد

    تحياتى ليك على الموضوع الجميل والطرح الاجمل

    سلام

     
  • في الأربعاء, نوفمبر 26, 2008 12:11:00 م , Blogger A.SAMIR يقول...

    حاجة عجيبة فعلا....من الواضح ان الرجل دة ماتعلمش ولا دحل مدارس ولا حتى اتفرج على تليفزيون
    لو كان عمل اي حاجة من دي كان لا يمكن يكون دة سلوكه مع طفل بريء كل ذنبه في الحياة انه اتولد لقي ابوه بيكره امه
    رحمتك يا رب

     
  • في الأربعاء, نوفمبر 26, 2008 12:20:00 م , Blogger أحمد سلامــة يقول...

    هو اكيد طبعا كان مش طايق نفسه من السعادة لانه عارف ان الرسالة القذرة دي هتوصل للأم عن طريق الضحية الصغيرة دي
    منذ فترة لم اسعد باغتياب احدهم مثلما اغتبت ذلك الـ ..
    اعاتبك قليلا لم لم تجره من قفاه وتحاوره قليلا ولو على سبيل الفضول
    كنت اتمنى ان اسمع منه مبررات على طريقته هذه

     
  • في الأربعاء, نوفمبر 26, 2008 1:02:00 م , Blogger صاحب المضيفة يقول...

    لا حول ولا قوة الا بالله

    اللهم ارحمنا وارزقنا البصيرة والرشد في كل أمر يارب العالمين


    كل التحية يا صديقي

     
  • في الأربعاء, نوفمبر 26, 2008 1:16:00 م , Blogger (أم البنين) يقول...

    المشكلة أن الأبناء ببراءتهم لا يستوعبون مقدار الخلاف...ويظلمون رغم أنفهم
    لابد من وقفة للأب وللأم لنتبها للكلام
    وكم من كلمة قتلت نفسا صغيرة
    فعاش بعدها إنسانا محطما يحمل فقط...جسدا يتألم

     
  • في الأربعاء, نوفمبر 26, 2008 2:25:00 م , Blogger عمرو يقول...

    ربنا سبحانه و تعالى بيقول (و لا تنسوا الفضل بينكم)
    يعنى حتى بعد الاٍنفصال و الطلاق لا يجوز أبدا للزوج و الزوجه أن يجرحوا فى بعض حفاظا على مشاعر الأطفال و اٍحتراما لما كان بينهما من عشره و قد أفضى بعضهم اٍلى بعض
    عارف حتى السؤال العبيط اللى كنا أتسألناه من أشخاص عبيطه برضو : بتحب بابا أكتر و لا ماما؟
    حتى السؤال ده لا يجوز أن أن يتسأله الطفل لأن ه بيخلق عنده نوع من التشتت و التفاضل الغير مرغوب فيه بين سببى وجوده فى الحياه

     
  • في الأربعاء, نوفمبر 26, 2008 3:18:00 م , Blogger EmY يقول...

    موضوع جميل بجد و في الصميم فعلا

    حتي لو الام ست لا تطاق و هو مش طايقها الولد مالو ليه يسمع كلام زي ده عن امه

    و مهما كان الاطفال دايما متعلقين بامهم و الكلام ده هايأثر علي نفسية الولد

    تحياتي

     
  • في الأربعاء, نوفمبر 26, 2008 4:09:00 م , Blogger هوندا يقول...

    لأا حول ولا قوة الا بالله شىء يحزن بصراحة وجهل مش أكتر بثقافة الزواج ونفسية الطفل كأنهم بيعلمو ولادهم الادب بسبب أخطاء الكبار الى هما صغيرين عقلا

     
  • في الأربعاء, نوفمبر 26, 2008 6:17:00 م , Blogger محمد ابراهيم يقول...

    الراجل فعلا احمق و متهور انه يعرف ابنه بالمشاكل الي بينه و بين زوجته
    بجد حرام عليه فعلا
    و بفرض انه الابن سلوكه لما يكبر هيكون مش تمام
    هيتخذ الخلافات ذريعة له في الفساد و محدش هيقدر يلمه
    و التفرقة دي هتتسبب ليه في عدم الشعور بالامان من تي حد
    ياريت الاشكال دي بجد تختفي من الدنيا

    تحياتي
    محمد

     
  • في الأربعاء, نوفمبر 26, 2008 6:46:00 م , Anonymous أم البنات يقول...

    هى ثقافة يا إما معى يا إما عدوى
    يعنى احنا اختلفنا فى أمر ..هذا لا يعنى ان نغلق كل الأبواب
    تعلمت فى الزمانات البعيده من مديرى ربى يكرمه
    انى عندما اختلف معك فى أمر اجعله_خلافى_
    محصور فى هذا الأمر واعاملك بما يرضى الله
    فى باقى الأمور
    ولكن كونى مختلفه معك لا يعنى أنى صح وانت خطأ
    بل هو اننا مختلفون ولم نتفق
    وكنا غير متفقين لا يعطى طرف لطرف السماحيه بإهانة الآخر
    والأهم تشويه نفسية الأطفال
    سبحان الله
    مفروض قبل الإنجاب اننتعلم كيف سنربى الجيل القادم

     
  • في الأربعاء, نوفمبر 26, 2008 9:19:00 م , Blogger ذو النون المصري يقول...

    كتيره النمازج المماثله في هذه الايام
    و ظاهره و انتشرت و للاسف بيتربي عليها جيل الله وحده يعلم حاله هيكون شكله اي لما يكبر و يبقي اباءو امهات

     
  • في الأربعاء, نوفمبر 26, 2008 11:06:00 م , Blogger حائر في دنيا الله يقول...

    سمعت من نوعية هذا الحديث من الطرفين يا أبو العبدين وثارت أعصابي جداً كيف يسمحوا لأنفسهم بتدمير نفسية أطفال؟؟ والسؤال الأخطر كيف نمت كل تلك الكراهية في علاقة المفروض أنها مودة ورحمة ... وسكن

    اللهم استرها علينا

    لك تحياتي
    السلام عليكم

     
  • في الخميس, نوفمبر 27, 2008 1:18:00 ص , Blogger مصــــري يقول...

    وبعد كده يقولوا العيال المعقدة دي بتخرج منين؟؟

    سياسة الآباء في مصر اختلفت تماما.
    مطلق بقي مش مطلق.
    في خلاف أو مفيش

    يمكن من الضغط الاقتصادي عليه.
    بس نرجع ونقول ايه ذنب القوارير؟؟

    تحياتي
    أسامة

     
  • في الخميس, نوفمبر 27, 2008 1:47:00 ص , Blogger اعشق فى اليل ضوء القمر يقول...

    والله يا اخ محمد ياريت كلامك يتسمع
    ده غلط مثل كثير من الأباء يعلمون الخطاء و الكذب لأولادهموهم يدركون فضاحت ما أوى إليه

     
  • في الخميس, نوفمبر 27, 2008 11:42:00 ص , Blogger سنابل قمح يقول...

    ياااه ده فيه من ده كتير
    مش بس أباء لاوأمهات كمان
    لما الكراهية تعمي القلب والعقل بيشوهوا نفوس ولادهم وهما مش واخدين بالهم أن ابنهم لما يكبر هيكرههم هما الإتنين

     
  • في الخميس, نوفمبر 27, 2008 1:16:00 م , Blogger koukawy يقول...

    المفروض ان لا الأم و لا الأب حتي لو منفصليت مطلقين متنيلين
    المفروض ما يدخلوش العيال بينهم
    و المفروض ان كل واحد يتكلم عن التاني كويس و بالحسني عشان ما يطلعش الطفل مريض و معقد نفساني

     
  • في الخميس, نوفمبر 27, 2008 1:54:00 م , Blogger Monzer يقول...

    العيال ملهمش ذنب

    انشالله يولعوا هما بجاز وسخ

    بس حرام العيال الصغيرة الى ملهاش ذنب فى اي حاجة

     
  • في الخميس, نوفمبر 27, 2008 8:26:00 م , Blogger موناليزا يقول...

    كيف يفعل هذا وقد افضوا الى بعضهم وكان بينهم ميثاقا غليظا؟؟؟؟
    انا لله وانا اليه راجعون

     
  • في الأحد, نوفمبر 30, 2008 4:23:00 م , Blogger أخـــ مسلمة ـــت يقول...

    أب غبي
    ومايستاهلش يكون أب
    هيكسب ايه لما يخلي ابنه يكره مامته
    هو الخسران في الآخر لأنه اكيد في يوم هيكره والده كمان

    ربنا يهدي

     
  • في الأحد, نوفمبر 30, 2008 8:44:00 م , Blogger دنـيـا محيراني(ايناس لطفي يقول...

    ازيج يا محمد كل سنه وانت طيب اولا
    ثانيا انا عايزه احيئك بجد علي محاولاتك الجرئية انك تكلمه وتحاول تنصحه بس هو زي اغلب الناس مش بيسمع غير نفسه وصوته وفقط والمظلوم دائما هم الابناء ولاسف يوجد ايضاء العكس بمعني ان الامهات تغذي الكرهيه في قلوب الصغار من ناحية الاب لاسف انا بعتبرها نفوس مريضه تحتاج للعلاج
    ربنا يهدي
    شكرا كتير علي تشجيعك لي يا اخي العزيز
    تحياتي

     
  • في الأحد, نوفمبر 30, 2008 9:01:00 م , Blogger انسااااااااانة....غريبة يقول...

    صورة معبرة اوى عن احتياج الابن وبعد الاب

    بجد عندك حق لازم الاباء يعرفوا ده ويفهموا يعنى ايه ابوة من تانى


    انا عايزة اعرف كام ابن دلوقتى بحب ابوه اكتر من امه؟؟؟؟

    لو عايز نرجع لاصل انعدام معنى الابوه يبقى هنكلم عن الرجولة ؟؟؟ عليه العوض ومنه العوض

    اصل صحيح هتيجى منين الابوة ومفيش رجالة ؟؟ الا من رحم ربى

    جزاك الله خير وربنا يهدى اباء المسلمين جميعا

     
  • في الأحد, نوفمبر 30, 2008 11:46:00 م , Blogger maha zein يقول...

    الله اعلم بمين غلطان
    بس النظرية ان مينفعش ام تشوه صورة اب حتي لو فاسد والعكس صحيح
    لان الطفل في النهاية هو الضحية
    هيطلع طفل معندوش انتماء ولا اي مشاعر نحو ابويه
    وهيشعر بتناقض شديد في حياته

     
  • في الاثنين, ديسمبر 01, 2008 6:33:00 م , Blogger smraa alnil يقول...

    يااااااااااااااااه يا محمد
    جعتني لزمان او بمعني ادق رجعتني لفترة قبل جوازي

    ابويا من النوعية دي بس دة بيفسح ابنه

    بعد عشر سنين حاجة من الاتننين

    يا هيعرف الصح من الغلط بدماغه ويميز بين الشئ ونقيضه

    يا اما هينساق في طريق ربنا بس اللي يعرف مداه

    في كلا لحالات هيطلع مش سوي

    وهيعاني من اللي هو مر بيه

    وبمرور الوقت هينسي سلمي زي ما اخويا نسيني كدة

    مش قادرة اقول غير حسبي الله ونعم الوكيل في اللي بيقتل الابوة

    عارف لحد دلوقتي بدفع التمن

    وللاسف جوزي كمان بيدفع التمن معايا

    كفاية انه بيعاني معايا اللي حصلي

     
  • في الثلاثاء, ديسمبر 02, 2008 4:42:00 م , Blogger مولان يقول...

    وهتلاقي العكس مع الام

    وفي الاخر اللي بيضيع الاطفال

     
  • في الأربعاء, ديسمبر 03, 2008 12:50:00 ص , Blogger واصطنعتك لنفسي يقول...

    الحسنى..المعروف..التربية
    كلمات مفقودة
    ذهبت..ولم تعد بعد

     
  • في الخميس, ديسمبر 04, 2008 9:25:00 م , Blogger جنّي يقول...

    السلام عليكم ورحمة الله وبركاته

    كلامك معقول جدا ولكن كما ان هناك رجال مخطئون هناك نساء يكفرن العشير ويخربون البيوت ..

    والبيت كالسفينة تحتاج لربان ماهر ليصل لبرالامان ..

    وكل عام وانتم بخير بحلول عيد الأضحى المبارك

    كل عام وانتم على صعيد عرفات
    كل عام وانتم من الحجيج
    كل عام وانتم من الملبين
    كل عام وانتم من المكبرين
    كل عام وانتم من المهللين
    كل عام وانتم مغفور لكم
    كل عام وأنتي حرة يا أمتي

    أخوكم سعيد

     
  • في الجمعة, ديسمبر 05, 2008 1:09:00 ص , Anonymous همسة يقول...

    السلام عليكم انا الموضوع دة عجبني جدابس بجد جميل جدا واللاب عايز يبقي هو القدوة للابنو او لبنتو بس واللام عوزة وهي لها دور كبيرا جداتردي اللاب واللابناء يعني في الوسط وهي لها دورا مهما جدا في حياتنا

     
  • في الجمعة, ديسمبر 05, 2008 8:45:00 م , Blogger عين ضيقة يقول...

    مش عارف تسميه ايه؟

    سميه بلاء

    أشعر أن الدنيا تسقط فى بئر أسود والله

     
  • في السبت, ديسمبر 06, 2008 10:09:00 ص , Blogger shaimaa samir يقول...

    والله لو عارفين الشرع
    ما كل ده حصل

    لكن الناس بقيت عايشة كدة
    تاكل وتشرب
    ولا عارفة حقوق ولا واجبات ولا دين

     
  • في السبت, ديسمبر 06, 2008 3:06:00 م , Blogger حزينه يقول...

    الاباء بجد ساعات بيدمروا مستقبل كامل بسبب معاملتهم الغلط
    وبياثروا فى النفسيه اوى على فكرة

    حزينه

     
  • في السبت, ديسمبر 06, 2008 11:35:00 م , Blogger أحمد كمال يقول...

    جزاك الله خيرا على الموضوع ، و عندك حق ، كثيرا ما يجني الآباء على الأبناء ، بسوء فهم ، أو بسوء تقدير ، أو بسوء تربيتهم هم أنفسهم

    كل سنة و انت طيب

     
  • في الأحد, ديسمبر 07, 2008 3:58:00 م , Blogger ذو النون المصري يقول...

    كل سنه و انت طيب

     
  • في الأربعاء, ديسمبر 10, 2008 4:03:00 م , Blogger م/ الحسيني لزومي يقول...

    تقبل الله منا ومنكم
    وكل عام وانتم بخير

     
  • في الأربعاء, ديسمبر 10, 2008 4:03:00 م , Blogger م/ الحسيني لزومي يقول...

    تقبل الله منا ومنكم
    وكل عام وانتم بخير

     
  • في الثلاثاء, ديسمبر 23, 2008 10:47:00 ص , Anonymous غير معرف يقول...

    وضعت أناملك على مربط الفرس ..فذكرتنى برفاقا أخذوا هذا المسلك هدفا ومنهجا وقاموا هما الأثنين بشحز الطفل وتربيته ورسم ملامحه بخطوط الحقد والغل والكره ..وكانوا يجهلون ان فى جعبتهم ينمو الغول الذى تغول وكانوا والديه هم اول طعامه ....ليت الأباء والأمهات يعملوا نعمة الخالق وهى " الرحمة " التى داخل قلوبهم تجاه ابنائهم وليتركوا مشيئة الله تنفذ على رقاب الصالح والطالح

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية