فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الثلاثاء، أغسطس 08، 2006

مرتضي الفاشل


اسطوانه مشروخه وقصه فاشله وممله هي قصه عوده مرتضي منصور لنادي الزمالك . كل يوم في الجرايد مرتضي رجع بامر المحكمه . واليوم التاني تجميد مرتضي منصور. الم ينظر هذا الرجل المريض الي حال نادي الزمالك ماذا حدث له علي يديه بعد ان اصبح حاله في الحضيض وبتغلب من كل من هب ودب وفضايح بره وجوه. والله الحل بسيط جداوقرار من حسن صقر( رئيس مجلس الرياضه ) وهو حل هذا المجلس وعقد جمعيه عموميه طارئه لانتخاب مجلس اداره جديد بدل الافلام الهابطه اللي عايشين فيها اكتر من سنتين نادي بحجم الزمالك لا يملك احد من العقلاء للتدخل لحل كل هذه المشاكل.
انا اهلاوي صميم وحتي النخاع والمفروض اكون مبسوط للوضع ده لاننا نغلبهم رايح جاي بس انا بتكلم من منطلق المصلحه العامه.
فوالله الحل هواستقاله هذا الفاشل المريض نفسيا وعوده الرجال (ان وجدوا ) لانقاذ نادي الزمالك.

11 تعليقات:

  • في الثلاثاء, أغسطس 08, 2006 3:44:00 م , Blogger bosbos يقول...

    ده مش فاشل بس

    ده قليل الادب كمان

     
  • في الثلاثاء, أغسطس 08, 2006 6:37:00 م , Blogger NoOR يقول...

    انا اعتقد ان في واحد اولي من مرتضي كاتم علي نفس نادي الزمالك والاهلي من يجي 25 سنه كده اعتقد انه اولي من مرتضي

     
  • في الثلاثاء, أغسطس 08, 2006 7:17:00 م , Blogger Nouran يقول...

    يعيني من ساعة ما مسك النادي وهو ف النازل هيا بتبقى انتخابات علشان يمسكه ولا حد بيختاره بس المفروض يمشي بكرامته اذا كانت بقيه ليه كرامة اصلا
    بس انا برضه اهلاوية صميمة بس حاجة وحشة ان ميبقاش في منافس ع الساحة لازم المنافسة علشان اللعبة تحلى

     
  • في الثلاثاء, أغسطس 08, 2006 8:07:00 م , Blogger ادم المصري يقول...

    اسف
    هو انا ما ليش في الكورة

    بس كنت واخد بالي انك رجل مهموم بلبنان والصور وكذا بوست ورا بعض

    وفجاة لقيت كورة

    عارف انا حاكية التنوع .. بس انت شايف ان لبنان تستاهل ان يكون الكلام عنها .. ييجي بالتوازي مع الكلام في الكورة

    معلش انا كنت اسي حبتين

    اصلي متضايق
    ما تخدش في بالك

     
  • في الأربعاء, أغسطس 09, 2006 4:37:00 ص , Blogger abourrisha يقول...

    ياسيدي أنه صورة للقيادات التي تحكم البلد
    بالرغم من أن هذا السيد رجل قانون فقد كان محاميا وقاضيا ومستشارا

    فما بالك بالآخرين الذين لا يملكون مثل تلك المؤهلات ويحتلون مواقع قيادية خطيرة

     
  • في الأربعاء, أغسطس 09, 2006 10:27:00 ص , Blogger أُكتب بالرصاص يقول...

    والله انا شايف ان الراجل ده زي العسل
    كاريزما

    فاكهة الإعلام
    انا اتمنى يكون موجود على رأس نادي الزمالك

    إنجازاته لا يمكن ننكرها

    ربنا يدي له طولة العمر ويكون على رأس نادي الزمالك
    قادر يا كريم



    التوقيع :
    أهلاوي صميم

     
  • في الأربعاء, أغسطس 09, 2006 9:48:00 م , Anonymous حسنه من الله يقول...

    مرتضى منصور ...وصاحب العباره اياها ....والمجنين اياهم ..هم دول اللى الصاحفه صحيلهم عقبال الباقى

     
  • في الأربعاء, أغسطس 09, 2006 10:05:00 م , Anonymous Mafia يقول...

    امبارح قلع الجزمه انهارده رجع للنادي بكره هايقلع ايه تاني ويا تري هايرجعوه بعدها ولا ايه يا عم الكورة ده انا ليا راي في مشجعي الكورة لما ده يكسب وده يكسب ها تستفاد ايه تعب اعصاب وخلاص هاتقولي انتماء وكلام فاضي اذا كان انت مش منتمي لدينك ها تنتمي لفريق كورة لما تتعصب ها تسب وهاتخرج عن شعورك وانت في الاخر هاتشيل الذنب مين بقا ها يشيل عن ذنبك يا عم مفيش حاجه عدله

    _= Mafia =- Star Net

     
  • في الخميس, أغسطس 10, 2006 10:48:00 ص , Blogger saso يقول...

    مع إني مش باحب اسمع سيرة الكورة والماتشات أساسا.. بس الراجل دة أخبارة مغرية فعلا
    بلطجي ما شاء اللة .. ومحسسني إن ولا قوانين - مع انة كان محامي ومستشار وحاجات كدة - ولا أخلاق ولا مصلحة النادي المسكين تفرق معاة
    المهم ان سيادتة يمشي اللي ف راسة

     
  • في الخميس, أغسطس 10, 2006 3:40:00 م , Blogger Epitaph يقول...

    مرتضي منصور ما هو الا نموذج فاسد لبقية شلة الفساد اللي ماسكة كل حاجة في البلد

    ممكن يبان ان الموضوع مش متماشي مع لبنان

    لكن اذا لم نحل العقدة -من فساد و نفاق و رشاوي في بلدنا في كل الميادين- مين حينقذنا بعد كدة

    الموضوع مش كورة ..ولا صحة و لا امن و داخلية
    الفساد والديكتاتورية حتي النخاح
    من رئيس اتحاد عمارة بيتنا
    الي رئيس اتحاد مصر المملوكية

     
  • في الأحد, أغسطس 13, 2006 1:56:00 ص , Anonymous alaafiza يقول...

    دة مفروض نسمية فبلم صاحب العمارة بقي بية

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية