فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، أغسطس 09، 2006

أحـذروا الكــولا


اخبرني صديق بهذا الموضوع لكني لم اهتم به حتي وجدت هذا الموضوع علي النت
قامت جامعه دلهي بالهند بمسابقه من يشرب اكبر كميه من البيبسي كولا وكان الفائز قد شرب 8 علب من الكولا ثم مات في نفس اللحظه لارتفاع نسبه ثاني اكسيد الكربون في الدم مما ادي الي عدم تمكنه من الحصول علي الاكسجين الازم.
وقد قام احد الباحثين بوضع ( سنه مكسوره ) داخل زجاجه كولا وبعد 10 ايام وجدوا السنه قد تحللت . مع العلم ان الاسنان والعظام هي اخر ما يتحلل من الجسم بعد مرور سنوات
وقال احد العلماء ان تركيبه البيبسي لا يعرفها الاقليل لانها مركبات محرمه دينيه من لحوم الخنزير وهي ماده البيبسيوم التي تخرج من امعاء الخنزير لتساعد علي الهضم
واليك مجموعه من التجارب التي قام بها احد العلماء
وضعوا لحم طازج في 2 كاس من الكولا وتركوها 10 ساعات وجدوا الكاس انقسم الي 3 طبقات ( الدم لوحده- ماء لونه اصفر - اللحم وكانها مطبوخه )
وضعوا بيضه في كاس به كولا وبعد 7 ساعات وجدوا لونها اصبح بني وتكسرت قشرتها
وضعوا الكولا في المرحاض لمده ساعه ثم سحبوا السيفون فوجدوا جميع البقع والدهون قد ازيلت ( لاحتواء الكولا علي حمض الستريك
هذا هو البحث فقد استرعي انتباهي جدا ولا اعلم ما مدي صحه هذا الكلام فحتي نتأكد ما المانع من المقاطعه الكولا
المشروبات السوداء خاصه ) لتجنب كل هذه الاخطار فمن لديه اي معلومه عن ذلك الموضوع فأرجو الافاده
والبحث موجود علي

16 تعليقات:

  • في الأربعاء, أغسطس 09, 2006 12:33:00 م , Blogger Epitaph يقول...

    انا كمان سمعت نفس الكلام
    واعرف انه يتسبب في هشاشة عظام
    زلي صديقة تعاني من ذلك
    واذا حدث و ان شربت كولا لازم تعوض ذلك بكوب من اللبن علي مدار اليوم

    فيها ايه بس لو نرجع للحاجات الطبيعية يعني عصائر و كركدية و دوم و تمر هندي و خروب و برتقال و قصب حتي
    سبحان الله فوائدهم احسن كتير

     
  • في الأربعاء, أغسطس 09, 2006 2:53:00 م , Blogger محمد أبو الفتوح يقول...

    صباح الخير
    أولا أنا مع المقاطعه طبعا و مقاطع فعلا
    ثانيا أسمحلى أقول إن كلامك يفتقد للأمانه العلميه يعنى مثلا أنت تكلمت عن أضرار كتير من غير ما تقول المرجعيه الصحيحه و لا أعتقد إن المرجعيه الصحيحه لموضوع علمى زى ده هتكون موقع دينى إسلامى-أنا متدين-
    و بعدين بالعقل لو كانت الكولا فيها كل هذه الأضرار كانوا مابعوهاش فى الغرب لشعوبهم مثلا
    مش كده و لا إإإإإإإإإإإإإإيه
    أتمنى تشرفنى على مدونتى

     
  • في الأربعاء, أغسطس 09, 2006 6:02:00 م , Blogger sherehan84 يقول...

    أنا مع محمد أبوالفتوح فلو كان الخبر ده صحيح كان ناشر الخبر أشار إلى موقع الجامعه الهنديه الإلكتروني غلى الأقل .. أنا قريت الخبر دده من فتره في رساله جتلي على البريد الإلكتروني ولم أصدقها لنفس السبب اللي قلته من دقيقه إنه مفيش مصدر موثوق .. أظن أنها كذبه الهدف منها مقاطعة الكولا والبيبسي و أنا بصراحه أختلف مع المقاطعه ومش ناويه أقاطع وعلى فكره انا بحب الكركديه والقرفه والحاجات دي بس ميمنعش إني برده أشرب بيبسي
    تحياتي

     
  • في الأربعاء, أغسطس 09, 2006 9:52:00 م , Anonymous حسنه من الله يقول...

    انا لى راى فى المقاطعه :المقاطعه لها اصول ولازم تكون منتجات 100%مستورده اما المنتجات التى تصنع هنا حتى ولو فى نسبه حق الانتفاع بالاسم التجارى بيروح للخارج ده مش معناه نضر النسبه الاكبر .اما على البيسى انا مستعده ابطله بشرط يا محمد قول للحكومه ترخص اللبن شويه اوتصرفه زى الدول اللى بره من الاحتياجات الاساسيه وشكرا

     
  • في الأربعاء, أغسطس 09, 2006 10:10:00 م , Anonymous -= Mafia =- يقول...

    اه الكلام ده قديم بس مفيش فايده العالم عارفه اللي بيضرها ايه وبتجري عليه مش بتبعد عنه مفيش وعي يقولك كلام النت ده اونطا زي ما تقول ان الشعب ده فاهم ان لما يتعب شويه من البيبسي الساقع يشرب حاجه بداله سخنه ها تريحه ما يعرفش ان في بلاوي في المستشفيات وفاكرين ان العمليه سهله انا لسه باعتلك اميل انهارده في تصوير لمصنع بيبسي في بدروم وبيغسلوا الزجاجات بتاعته في بانيو مع بعض واتفرج ع الطينه اللي طالعه والعيال اللي واقفه ع الماكينه تقرف تشوفهم من قله الحموم تخيل بقا بيدوك حاجه تشربها وانت كل همك انها ساقعه وعليها مسابقه ولا لاءة
    عدم وعي من كثرة الجهل

    -= Mafia =- Star Net

     
  • في الأربعاء, أغسطس 09, 2006 10:36:00 م , Blogger BaLqEeS يقول...

    الله يحفظنا

     
  • في الخميس, أغسطس 10, 2006 10:00:00 ص , Blogger مـحـمـد مـفـيـد يقول...

    epitaph
    شكرا علي الزياره الكريمه وده مش جديد عليكي
    محمد ابو الفتوح
    والله انا قلت ان الموضوع كان قديم ومش عارف مدي صحته لذلك نشرتها وقلت ياريت الاقي حد يعرف
    شيرين
    سعيد بنقدك لي واتمني المزيد منكي
    حسنه من الله
    تنفعي داعيه ويا بخت ابو علي بيكي
    مافيا
    الباشا الكبير مش لاقي حاجه اقولهالك
    الملكه بلقيس
    احييكي

     
  • في الخميس, أغسطس 10, 2006 2:13:00 م , Blogger saso يقول...

    محمد
    دخلت علي مليون صفحة تابعة للFAO
    مفيش جديد عن الكولا غير السمنة والحاجات دي
    علي فكرة حامض الستريك دي زعلتني مووت.. دة اسم الدلع لليمون
    يعني عادي انة يدوب الدهون هو الليمون بقي ممنوع كمان ؟

     
  • في الخميس, أغسطس 10, 2006 3:46:00 م , Blogger محمد أبو الفتوح يقول...

    أنا متشكر على زيارتك لمدونتى قوى يا محمد مفيد
    أنا عايز أقول حاجه بس إستحملونى
    لحد إمتى هتفضل كل حاجه متلخبطه
    العلم على الدين على البتنجان
    محدش يجيبلى صوره و يقولى كذا. ده كلام مايلزمنيش
    عايز تقنعنى هاتلى بحث موثق ساعتها أبقى إبن كلب لو ماقتنعتش
    و بعدين ماحنا بقالنا سبع تلاف سنه بنشرب كولا كان إيه اللى حصل
    ماشفتش يعنى الشعب المصرى مات زى الجراد من تأثيرها المضر
    و أخيرا أنا مع المقاطعه بكل كيانى لكن لا أقبل إنى إهين عقلى

     
  • في الخميس, أغسطس 10, 2006 5:40:00 م , Blogger حــلم يقول...

    يعنى لوشربت كولا معدتى هتبقى فى نضافة التواليت

    اوكى

     
  • في الخميس, أغسطس 10, 2006 6:54:00 م , Blogger مـحـمـد مـفـيـد يقول...

    عزيزتي ساسو
    منقدرش علي زعلك لكن والله انا لقيت البحث ده والموضوع شدني وانا مش عارف مدي صحته انا ماجرمتش عشان اعرف ده صح والا لا والبحث بيقول حمض الستريك ولو اتمنع الليمون ابقي ادعي عليا
    عم محمد ابو الفتوح
    فلا شكر علي واجب
    حلم
    محدش يقدر يقول كده

     
  • في الجمعة, أغسطس 11, 2006 1:39:00 ص , Blogger soosa el-mafroosa يقول...

    و ماله التمرهندي و الخروب؟

     
  • في السبت, أغسطس 12, 2006 1:22:00 ص , Blogger layal يقول...

    خلونا نقاطعهم
    مش بس الكولا والبيبسي كمان
    لها بدائل مش بس دي كل اللي نقدر نقاطعه
    هو احنا استفدنا منهم ايه غير الكولسترول والضغط ووجع القلب

     
  • في الأحد, أغسطس 13, 2006 2:31:00 ص , Anonymous alaafiza يقول...

    الناس لو مشربتش الكولا هتعمل اضراب ومش هتشتغل

     
  • في الثلاثاء, أغسطس 15, 2006 11:43:00 م , Blogger BaTresYa يقول...

    من قال لا أدري فقد أفتى
    أنا مش عارفه بس سمعت الموضوع دا كتير
    بس بردو لو طلت البيبسي شهر لازم ارجع لـه
    ربنا يحمينا إن شاء الله
    وميرسي على تحذيركـ

     
  • في السبت, سبتمبر 09, 2006 4:14:00 م , Blogger ياسمين حميد يقول...

    الخبر الذي ذكرته في تدوينتك لم أسمع به قبلا ولا أدري مدى صحته.
    الذي أعرفه من أكثر من مصدر في النت وخارج النت أن في الهند فحصوا البيبسي والكوكاكولا فوجدوا فيها مخلفات مواد سامة بتركيز أكبر من المسموح في الهند ب30 مرة في البيبسي و 27 مرة في الكوكاكولا، من بينها مادة الليندان المسرطنة بتركيز 5,5 في البليون، وهو تركيز يفوق الحد الأعلى المسموح به ب54 مرة
    !!
    كما أن شركة الكوكاكولا في الهند خسرت مؤخراً قضية رفعت عليها من قبل السكان و مناصري حماية البيئة في منطقة بلاشيمادا أدت الى اغلاق فرع الشركة في تلك المنطقة وذلك لتسببها في جفاف المياه الجوفية في المنطقة و تلويث المنطقة بمخلفات المصنع.
    كل ذلك، بالإضافة الى الانخفاض الشديد في الأجور للعاملين في كوكاكولا في الهند، أدى الى نداء في الهند بمقاطعة منتجات الشركة، وأدت المقاطعة الى انخفاض معدلات البيع للكوكاكولا والبيبسي بمعدل 14% في الفترة من أبريل الى يونيو، وهي الفترة التي يزداد فيها الاقبال على المشروبات الغازية عادة نظراً للحر الشديد. وطالب البرلمان الهندي بمنع بيع منتجات الشركتين في الهند. و قد منعت الحكومة الهندية بيع المشروبات الغازية فعلا في جميع الجامعات والمدارس الحكومية، و انذرت المحكمة العليا بالهند الشركتين بان عليهما اخبارها بجميع محتويات مشروباتهما الغازية خلال مدة أقصاها 4 أسابيع. ويستبعد أن توافق الشركتان على ذلك، فقد سبق لهماأن اضطرتا الانسحاب من الهند من عام 1978 حتى 1993 لرفضهما الافصاح عن التركيبة السرية للمشروبات. هذا وتحاول الشركتان نسب الخطأ الى المياه أو السكر في الهند التي تدعيان تلوثهما لنفي التهمة عن مشروباتهما.

    المصدر: http://orf.at
    http://www.oew.org

    نصيحتي: توقفوا جميعا عن شرب هذه المشروبات، فالله أعلم بما تحتويه وما تسببه من أضرار
    (وعلى فكرة، مسألة هشاشة العظام صحيحة، وبالاضافة الى ذلك فالكولا تسبب فقر الدم لأنها تحتوي على مواد تمنع امتصاص الحديد)

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية