فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، نوفمبر 01، 2006

وحشاني.....يا مصر


عندما يتحدث معي اصدقائي المسافرين خارج البلد فدائما يقولون لي/امتي نرجع مصر دي وحشتني اوي
وكل ما تتحدث معي اختي المقيمه في السعوديه اكثر من 6 سنوات فتقول لي/ مصر دي حلوه اوي امتي بقي ارجع؟
فعلا لانهم بعيد عنها وحبها في قلبهم لذلك يشعرون بالوحشه والغربه .اما نحن الذين نعيش فيها ليل نهار تحت سماؤها ورغم ذلك نشعر بنفس الاحساس او اكثرلانها ببساطه لم تعد ام الدنيا كما تعلمنا قديما في كتب التاريخ الواهيه التي كنا ندرسها فالان اصبحت الام الكاهله التي لم تقدر علي احتواء ابناؤها
فنحن جيل نجحت مصر وبأقتدار ان تهمشه من كل شئ من الطموح من الاهداف من التعبير عن الرأي .اتذكر ونحن في مراحل التعليم المختلفه كان هدفنا كيف ان نخرج الي المجتمع ونشق طريق لحياتنا بحثا عن الذات ولكن سرعان ما تحولت كل هذه الاحلام والاماني الي ضرب من الترهات
فمصر مليئه بالكفاءات في جميع المجالات من اطباء - مهندسين-مثقفين - .......ويبحثون عن ربع فرصه كي يجدوا انفسهم ولكن بكل سهوله سدت مصر كل ابواب الامل وجوه شبابها الذين اصبحوا كهولا من كثره الهموم فكم من خريج عاطل ؟ كم من شباب تخطوا سن الثلاثين ولا يقدرو علي كسب قوت يومهم لن اقول لك ابسط حلم ان يكون له اسره صغيره ينعم بها من قسوه الايام
فوالله فوالله ان حبك يا مصر متغلغل في وجدان كل شاب وفتاه يحيون داخل وطنك الحزين ويريدون ان تكون احسن دوله علي وجه الارض ولكن بكل سهوله ويسر تصري علي ان تبقي هكذا محلك سر
الا بعد كل ذلك وقلوبنا تنزف حزنا واعيننا تظرف دموع الحسره ولساننا يقولها بكل مراره
وحشاني ..... يا مصر

45 تعليقات:

  • في الأربعاء, نوفمبر 01, 2006 4:17:00 ص , Blogger Mr.GEMYHOoOD يقول...

    وحشتينا يا شادية

     
  • في الأربعاء, نوفمبر 01, 2006 1:10:00 م , Blogger حــلم يقول...

    عندك حق
    حاسة ان كل حاجة بتتغير للأسوأ
    بس مصر اللى هى ارض وسما ونيل زى ما هى
    الناس هم اللى بيتغيروا
    هم اللى بيعملوا بايديهم بلد تانية غير اللى حفظناها فى الاغانى وقرأناها فى الكتب
    كل الناس
    من فووووق لتحت خالص

    بس برضه فيه أمل

     
  • في الأربعاء, نوفمبر 01, 2006 1:35:00 م , Blogger rony يقول...

    لا لا لا يااستاذ محمد...أيه نبره اليأس دى ؟هى مصر لا سمح الله عملت فيك حاجه وحشه
    انا رايى ان مصر بيتعمل فيها بس من شعبها وريسها وابنه و حزبه الوثنى....انما الست صابره ومستحمله يمكن احنا فى يوم من الايام اللى مش باين انها جايه...عارف انا بجد بعد موضوع يوم الوقفه فى سوط البلد ده كان اول حاجه جات فى بالى...امتى بقى امشى واسيبها اه يمكن مش هاتعامل كويس فى اى بلد تانى لما يعرفوا انى مصريه من باب ان المصرى بياخد على دماغه ويسكت بس على الاقل وقتها هاقول بتهان من ناس متعرفش يعنى ايه مصر...بتهان فى بلد غير بلدى ...بس البلوه اننا بنتهان وبينداس علينا فى بلدنا ومن ناسنا وشعبنا
    كنت دايما بسمع اغنيه "مصر هى امى" واقول اه لو امى تبقى مصر هاتبقى العيشه رائعه بس دلوقتى بقول مالها امى اللى خلفتنى على الاقل لما ببقى فى حضنها محدش بيقرب ليا علشان يطلعنى منه
    عمار يامصر

     
  • في الأربعاء, نوفمبر 01, 2006 2:40:00 م , Anonymous ناصر المشاري يقول...

    اعتقد يا حبيبي ان مصر ليست اسؤا حال من مثليها في الوطن العربي
    فكل الدول العربيه تعاني مما تعاني منه مصر من جمعاء المجالات
    والحال بيزداد سوءا والجميع نيام

     
  • في الأربعاء, نوفمبر 01, 2006 6:49:00 م , Blogger No Fear يقول...

    سعيد بمرورك بمدونتي و معلش بس أنت اللي قلتلي تعالي في مدونتي
    هو أنا مش يأس
    بس بصراحة كلام إن مصر هي النيل و السما و مش عارف أية ده بأضحك عليه
    أي وطن في الدنيا هو الشعب بس بصرف النظر عن الحاجات التانية و إحنا دلوقتي الحمد لله بننهش في بعض هو أنا أسف أنا كل تعليقاتي في كل مكان بأكتب نفس الكلام بس للأسف دي الحقيقة

     
  • في الأربعاء, نوفمبر 01, 2006 11:33:00 م , Blogger bEscUitA يقول...

    هى مين مصر الظبط
    بادور عليها بأتوه
    لكن حقيقى لوكل واحد فينا فاق لحظة و دور عليها ممكن نلاقيها كلنا مع بعض
    يمكن يحصل فرق ساعتها و ترجع صغيرة و تاخدنا ف حضنها
    يمكن
    بس مؤقتا كفاية ان لسه فى حد بيدور عليها
    حتى لو كان انت انا و هم بس
    ده ف حد ذاته امل
    ف حد ذاته انجاز

     
  • في الأربعاء, نوفمبر 01, 2006 11:37:00 م , Blogger emz يقول...

    اه .. يا مصر
    واحشانى و الله رغم كل اللى فيكى .. من ظلم و قهر و و و و الخ
    بس واحشانى و الله
    واحشنى النيل .. واحشانى السما ..واحشنى الناس اللى فى مصر
    يا رب ارجع بقى .. لحسن الغربة دى عذاب

     
  • في الخميس, نوفمبر 02, 2006 12:49:00 ص , Blogger أحمــــــــدبــــــــــلال يقول...

    ياعم هى ناقصة أحباط
    مش كفاية بحضر أوراق الجيش بتاعتى الايام دى و سامع كلام يجنن عن الجيش

    على العموم أنا بحب مصر و الله بحبها جداً
    بلدى ياجدعان
    بس مابحبش الغلطات اللى فيها كان نفسى تبقى أجمل و أحلى

    قرأت مرة جملة تشبه ما يقوله المغتربين خارج مصر
    أن القمر من بعيد يبدو جميلا مضيئاً رائعاً حلم للناس
    و لكن أذا أقتربت منه وجدته معتم و ملئ بالحفر و التكسيرات

     
  • في الخميس, نوفمبر 02, 2006 2:58:00 ص , Blogger me يقول...

    walah mish bes enta bit7ib ma9er..ana bamoot fe ma9er..dee om el dunya o gameela ya ma9r...

    ta7iyati min kuwaitiya bit7ib ma9er :)

     
  • في الخميس, نوفمبر 02, 2006 3:20:00 ص , Blogger shaimaa يقول...

    مصر دى احلى حاجة فى الدنيا
    ان سافرت براها 10 ايام رحت اعمل عمرة مع اهلى ابويا وامى واخواتى
    من سنتين
    كنت قبلهابتمنى انى اروح اعيش فى حته نضيفة بره علشان ابقى مرتاحة

    لما سافرت العشر ايام دول حسيت بغنوة شادية يا حبيبتى يا مصر يا مصر
    افتكرت حواريها و زقاقتها
    افتكرت بيت السحيمى و الخيامية
    افتكرت بياع التين الشوكى و البطاطا
    افتكرت قعدتى على رصيف فى وسط ميدان التحرير علشان افوق انا وصحابى واتفرج على الميدان

    افتكرت اول مرة طلعت فيها البرج وشفت جمال كتير اوى
    افتكرت كليتى اللى مش هالاقى زيها فى اى جته
    افتكرت الاقصر واسوان
    افتكرت وافتكرت

    وبالرغم من انى كنت ماشية ببكى من المدينةو عنيا على البقيع اماكن الصحابة
    واهل المدينة الطيبين
    وعلى اد حبى للكعبة ورهبتى ليها وحبى لها الا ان قرفى من اهلها ومعاملتهم السئية كان نفسى ارجع مصر اوى

    لما رجعت كان قلبى يا حبيبتى يا مصر

    العيب مش فى مصر
    العيب فى اللى ماسكينها كل عصر

    تحياتى للبوست اللى حرك فيا مشاعر كتير اوى

     
  • في الخميس, نوفمبر 02, 2006 5:22:00 م , Blogger محمد أبو زيد يقول...

    المشكلة الأصعب إنك تحس بالغربة وانت جوه بلدك ، إنك ما تحسش بيها ، إنك تتوه عن تفاصيلها ، إنك تحس إنهم نجحوا للاسف في غنهم يبعدوك عنها ، وانت جواها

     
  • في الجمعة, نوفمبر 03, 2006 9:11:00 ص , Anonymous الهام يقول...

    مدونتك جميلة
    اما الغربة فآة منها
    نحن الغرباء في اوطاننا ,الفقراء من خيراتها المحرومون من نعمها وامنها وعطفها
    بلدي مثل بلدك وحالي مثل حالك والمتآمرون لديكم هم انفسهم لدينا ولكن مع اختلاف الوجوة والاقنعة
    الحب هو لتراب أعزتك ورفعتك الى مصاف النجوم وليس الولاء لتربة ولدنا فيها وجبلنا على حبها
    اقول هذا الكلام احيانا ولكنني اعو دائما لحب هذة التربة والشعور بانها مظلومة مثلي تماما تريد ان ترى ابنائها الذين يحبونها فعلا
    تعيش اوطاننا ولها ولنا اللة
    تحياتي

     
  • في الجمعة, نوفمبر 03, 2006 12:18:00 م , Blogger سَيد العارفين يقول...

    العزيز محمد ، سعدت بلقائك

    الغريب هو من في بلده غريب كما قال عمنا الغريب الأكبر أبو حيان التوحيدي

    وحشاني ..... يا مصر

     
  • في الجمعة, نوفمبر 03, 2006 6:30:00 م , Blogger أجدع واحد في الشارع يقول...

    ازيك يا باشا
    عامل ايه
    انا عارف انى جيت متاخر
    بس والله كنت تعبان شويه
    بصراحه انا مع كلام حلم
    عشان مفيش فى ايدنا حاجه نعملها
    تحياتى ليك يا باشا

     
  • في السبت, نوفمبر 04, 2006 12:13:00 ص , Blogger Epitaph يقول...

    اه ياني علي مصر اللي وجعت قلوبنا من حالها

    وحشاني مصر بتاعة المشربية و الناس الطيبة الشريفة اللي بجد
    اللي ما بتموتش عيالها بالسرطان و الدخان و المياه و الهوا الملوث
    واللي تعليمها ابن ناسو عيالها دماغها نضيفة

    اه يا بلد

     
  • في السبت, نوفمبر 04, 2006 1:13:00 ص , Blogger بعدك على بالى يقول...

    يبدو البعيد عن العين قريب من القلب،،، والبعد مش جفا و خدوا عينى شوفوا بيها، بس ارجع واقولك احنا مهما بنتعب من البلد دى ونقرف بس لو حسينا بحد ممكن يهينها بنتجنن، وكفايه قهرتنا على حالها.....

     
  • في السبت, نوفمبر 04, 2006 1:32:00 ص , Blogger مـحـمـد مـفـيـد يقول...

    الاخ جيمي هود
    شكرا لك ولكني لم افهم تعليقك؟

    الاخت حلم
    لو لم يكن لدينا امل لما طالبا بكل بكل المطالب ولكن لابد من ان نغير انفسنا

    الاخت روني
    براحه عليا شويه انا لم اقل اننا نتركها ونخرج ولكني بقول ان ده قدرنا اننا في ه>ا الوطن فلابد من نصلح بيننا حتي يعود علي مصر لانها وببساطه مش هتعمل حاجه

     
  • في السبت, نوفمبر 04, 2006 1:51:00 ص , Blogger saso يقول...

    لو الغربة تبدأ لما تخرج من الحدود كانت تهون.. غربتك اللي بتوجع وانت خارج من اي مكتب حكومي أو وانت بتطوي الجورنال بعد ما اتطمنت ان مفيش ولا حاجة واحده ماشية كويس.. غير ارباح فودافون وموبينيل اللي بينشروها بالعند فيا
    بس مش وحشاني.. ماهي موجودة هتوحشني لية.. تحت التراب نزلت بس موجودة.. تحفر تطلعها ماتلحقش توصي ابنك بيها مايلحقش المهم انها موجودة يبقي اللي واحشك انت مش البلد.. انت ايام المدرسة والجامعة وافكارك اللي يا انطفت يا اتنست يا احبطت فانطفت واتنست
    انا كئيبة النهاردة صح؟ معلش بقي جت فيك

     
  • في السبت, نوفمبر 04, 2006 3:22:00 م , Anonymous حسنة من الله يقول...

    هناك من يدفعون ارواحهم ثمن مغادرتهم ارض مصر ظنوا ان فى البعد خيرا وما الخير فى البعد عن الارض اللى شهدت اول خطوة ليك فى الكون والارض اللى مشيت عليها للمدرسة ولاصحابك واللارض اللى شهدت حبك وفيها ضمت امك والارض اللى ......ياه بعد كل ده نسيبها طب ليه علشان اللى احنا عايشونا فيها من بطالة وظلم وضياع حقوق وايه يعنى برضوه بلدنا ولازم نصبر ونغيرها لو مشينا هيبقى البوضع كما هوا عليه..وبعدين مصر كتر خيرها من ايام المماليم والعثمانيين والى عصر(.....)وهى صابرة وصامدة .........والله بنحبك يا مصر

     
  • في السبت, نوفمبر 04, 2006 9:20:00 م , Blogger mano يقول...

    للأسف لقد اصبح هذا الشعةر يعم الجميع. لذا تجد الأنتماء قد قل و اصبح نادر

     
  • في السبت, نوفمبر 04, 2006 10:40:00 م , Blogger مـحـمـد مـفـيـد يقول...

    ناصر المشاري
    والله كل الوطن العربي ما هو الا وجه واحد لنصف عمله مترهله


    nofear
    بص يا عم الزملكاوي فعلا الدوله هي شعب ولكن تبقي هي دوله تبقي لها كيانها تقدر تقولي فين الكيان ده؟

    لحظه الصدق الحقيقيه
    مش بنتوه ولكن بنفقدها احيانا ولكن ليس كثيرا لاننا في الاخر نرجع لها



    بنت عاديه
    واللهانتي بره ففي سبب لغربتك ما بالك احنا بقي اللي جوه وبنعاني من الغربه

    جندي مجند احمد بلال
    الامل فيك يا ابو حميد وانت عسكري بقي تغير كل ده وبلاش احباط


    me
    تحياتي الغاليه ليكي واهلا بيكي في وطنك الثاني مصر


    شيماء
    اولا اتمني من الله عز وجل ان يتقبل منك العمره وعقبال الحج
    ثانيا فعلا هي دي المشكله ولكن لابد من التحرر بقي

    محمد ابو زيد
    يا سلام علي تتوه في تفاصيلها والله فنان


    الهام
    اشكرك علي كلامك الجميل وحقا لنا الله جميعا

     
  • في السبت, نوفمبر 04, 2006 10:45:00 م , Blogger مـحـمـد مـفـيـد يقول...

    ابراهيم .سيد العارفين
    انا اللي اتشرفت بلقاءك وسعيد بمعرفتك جدا

    باسم اجدع واد
    الف سلامه عليك يا عم
    وبعدين خليك بقي استني لما يمنوا علينا ويغبروا لازم احنا نعمل حاجه ده لو بتحبها بجد


    ايبيتاف
    والله انتي جبتي من الاخر اةةةةةة يا بلد


    بعدك علي بالي
    لازم نتحرر من القهر ده وكفايه بقي

     
  • في السبت, نوفمبر 04, 2006 10:51:00 م , Blogger مـحـمـد مـفـيـد يقول...

    صفاء
    لا وحشاكي بس علشان موجوعه منها بتحاولي تكرهيها ومش عارفه ده قدرنا ولازم نتحرر احنا لان مفيش حد هيحررنا من قيودها وبعدين ايه اللي قدر يخنق صفاء؛؛؛؛؛؛؛؛


    حسنه من الله
    انا عارف ان رايئ ممكن مش يعجبك اللي بيهرب لبره هو اللي مش عايز يعمل فيها حاجه احنا اللي لازم نعمل واحنا جوه منخرجش بره ونقعد نقول كان وكان

    mano
    الانتماء موجود ولكنه بيخمد رويدا رويدا

     
  • في السبت, نوفمبر 04, 2006 11:15:00 م , Blogger بين الأمل و اليأس يقول...

    بجد موضوع حساس جدا انا من ضمن الناس اللي حياتي كلها كانت بره مصر وطبيعي كانت الحياة بره فيها نوع من العزله نظرالظروف الحياة انا حياتي كلها كانت بره يعني لما اعيش 19 سنه من طفولتي الى الجامعه بره دي في حد ذاتها كارثه تخيل متعرفش حاجه عن بلدك تخيل التاثير الاجتماعي من العيشه بره بلدك والمصيبه الاكبر انك لما ترجع هنا تلاقي عادات وتقاليد غريبه يمكن انا صح ونظامي صح لكن هي الحياه هنا كدااتعودوا على الهرجله والظيطه وعدم النظام لكن اولا واخيرا هي بلدك ، وثانيا تتخيل ان مثلا والدك عايش بره بعيد عنك عشان يوفرلك حياة هنية كويسهوبالمقابل تحرم من حنان الاب ولو عشت معاه تخيل انك طفل انت عارف ان نطقك وتعليمك هايكون ابطأ من لو كنت في مصر ،
    عرف مصر دي معناها ايه هي العيله واللمه والاهل ، تخيل انك عايز تعيش نفس المأساه بجد لو جربتها هاتلاقي انك فعلا تاكل هنا وتعيش على العيش والملح ولا تعيش بره وتحرم نفسك من اهلك وتحرم اطفالك من اهلهم، على فكره انا اهه خلصت ورافض السفر رغم انه قدامي عشان معدش شريط حياتي تاني في الغربه واولادي في المستقبل يعنوا نفس معاناتي
    وربنا يسترها

     
  • في الأحد, نوفمبر 05, 2006 12:06:00 ص , Blogger elgharep يقول...

    للدرجة دى حاسيين بالأغتراب فى بلدنا عندك حق يامحمد ده بيفكرنى بأغنية أيمان البحر درويش اللى بتقول "يابلدنا يابلد هوا من أمتى الولد بيخاف من أمه لما فى الضلمة صدقينى خفت منك خفت منك صدقينى عايز أصرخلك وعاجز أسمعك أو تسمعينى"
    الغريب

     
  • في الأحد, نوفمبر 05, 2006 3:22:00 ص , Blogger frozen love يقول...

    بحبها وهي مالكة الارض ..شرق وغرب..واكرهها والعن ابوها بعشق زي الداء


    ده اللي عمنا صلاح قاله وده اللي كلنا حاسين بيه

     
  • في الأحد, نوفمبر 05, 2006 9:07:00 ص , Blogger Heba Al_Menshawy يقول...

    مصر هتفضل هي مصر مش هتتغير ... الناس هي اللي بتتغير والنفوس بتتغير بس للأسف للأسوأ مش للاحسن
    احساس مش بسيط انك تحس انك غريب في بلدك ... واحدة عاشت برة تقريبا مايقارب 17 سنة وطول السنين دي بتحن انها ترجع تعيش في مصر بلدها اللي هي امها لانها استطولت فترة الغربة ولما ترجع لبلدها تحس انها غريبة فيها ويمكن بالنسبة ليها غريبة اكتر من ما كانت برة .. احساس صعب ومش جميل بالمرة للأسف :( ... ودا احساسي حاليا
    برغم الناس الجميلةاوي اللي عرفتها هنا لكن البلد نفسها بالنسبة ليا غريبة
    مش عايزة اطول عليكم
    مدونة رائعة يا استاذ محمد مفيد
    وشكرا على تشريفك ليا بالزيارة :)
    تحياتي

     
  • في الأحد, نوفمبر 05, 2006 1:15:00 م , Blogger aymen.farouk يقول...

    الله ينور عليك يا محمد كلامك بجد فى الصميم

    على فكره انا واحد من الناس بس ده البلوج الجديد لان التانى وقع

     
  • في الأحد, نوفمبر 05, 2006 1:36:00 م , Blogger tamer يقول...

    كلامك صيح محمد


    وانا يضا وحشنى مصر

    العراقة والحضارة لكن مش بالكلام بالفعل والعمل

    تحياتى

     
  • في الأحد, نوفمبر 05, 2006 10:13:00 م , Blogger Hafsa يقول...

    ايه ده يا محمد انا كتبت بوست بالظبط بنفس العنوان لكن يوم 25 اكتوبر؟
    توارد بوستات يعني و لا ايه؟
    علي العموم بيقولوا بالانجليزي
    "great minds think alike"

    :)

    regards

     
  • في الاثنين, نوفمبر 06, 2006 6:09:00 م , Blogger ادم المصري يقول...

    ابقي انصحهم يعقلو

     
  • في الثلاثاء, نوفمبر 07, 2006 8:05:00 م , Blogger Lion king™ يقول...

    محمد باشا
    مساء الخيرات
    اولا عاوز اشكرك على زياراتك الجميله عندي
    بجد بتنورني جدا
    والكومنتس الي بتقولها
    ربنا يخليك بجد
    بشكرك عليها
    كلك زوق

    وثانيا كل الكلام الي انت قلته
    للاسف واقع
    مرير
    لدرجة ان الواحد مبقاش عارف يعمل ايه
    من كتر ما حاسس انه غريب
    في بلدة
    مصر
    ..............
    وكلي اسف

     
  • في الأربعاء, نوفمبر 08, 2006 7:01:00 ص , Blogger H Y M N S يقول...

    لو قلت انها وحشتيني اوي
    بس ازاي بلد يحضنك هو نفسه بردان و متغرب و بيعاني ..
    بس برضو واحشاني و واحشني حبيبي اللي هيبقا منها و فيها

    في الصميم (F)

     
  • في الأربعاء, نوفمبر 08, 2006 2:03:00 م , Blogger gamal يقول...

    اللـــــــه على مدونتك وموضوعك هذا فعلا فى الصميم
    وجاء على الوتر الحساس
    لعلمك انا من الذين ضيعــوا عمرهم فى الغربةوعندما جئت الى بلدى الحبيب التى أعشقها عشق المولود الى امه
    لم أجد مكـــانا فبها لدى
    فالنفــوس تغيرت والأخلاق انعدمت عند الكثير وعلى الرغم من ذلك فمــا زلت عندى أمــل فى البقاء فيها
    حتى لوكان على حســاب نفسى
    لك تحيـــاتى

     
  • في الخميس, نوفمبر 09, 2006 12:47:00 ص , Blogger مـحـمـد مـفـيـد يقول...

    ميزو -بين الامل والياس
    اعتقد انك جيت من غربه لغربه تانيه بس مره اوي

    frozen love
    يا سلام عليك وعلي عم صلاح كمان

    الغريب
    والله واضح انك شارب من نفس الكاس مش مصدق؟ افتح البروفيل عندك


    العزيزه هبه
    لولا شكرا علي كلامك الجميل ده ولكن احنا عايزنها تتغير علشان بنحبها


    ايمن
    ربنا يخليك وعودا حميدا يا نجم


    تامر
    ربنا يخليك يا عمنا


    حفصه
    اعتقد ان الاسم متشابه ولكن المضمون مختلف
    وشكرالزيارتك

     
  • في الخميس, نوفمبر 09, 2006 12:51:00 ص , Blogger مـحـمـد مـفـيـد يقول...

    lion king
    والله ببقي سعيد بتواصلك معايا لانك حد جميل والله


    ادم الفنان
    انت بقي غيرها يا فنان دي مهمتك

    hymns
    والله انتي اللي كلامك في الصميم

    أ/جمال مرسال
    اشكرك علي تواجدك عندي والله يعينك علي الغربه الاكبر هنا

     
  • في الخميس, نوفمبر 09, 2006 10:39:00 ص , Blogger Dananeer يقول...

    وحشانا كلنا يا محمد
    ساعات كنت باحلم بحرب
    و اقول لنفسى يمكن ساعتها نفوق
    بس كفيانا حمامات الدم اللى حوالينا

     
  • في الخميس, نوفمبر 09, 2006 5:08:00 م , Anonymous غير معرف يقول...

    أنا عايش فى مصر وحاسس بكل كلمة قلتها وعارف كويس اننا فى أيام أسود من السواد على رأى محمد صبحى وعارف اننا بنتحارب اقتصاديا وفكريا وسياسيا ووووو الخ

    بس صدقنى الفجر لازم يطلع وكلنا عارفين انها كل متسود وتشتد سواد يبقى ضوء الفجر قرب ومتنساش وعد ربنا عز وجل لينا

    وعد الله الذين آمنوا منكم وعملوا الصالحات ليستخلفنهم فى الأرض كما استخلف الذين من قبلهم وليمكنن لهم دينهم الذى ارتضى لهم وليبدلنهم من بعد خوفهم أمنا يعبدونى لا يشركون بى شيئا
    صدق الله العظيم

    والله النصر آت آت بس "أروا الله من أنفسكم خيرا" أو كما قال الرسول صلى الله عليه وسلم

    إن الله لا يغير ما بقوم حتى يغيروا ما بأنفسهم

    والسلام عليكم ورحمة الله وبركاته

     
  • في الجمعة, نوفمبر 10, 2006 12:39:00 ص , Blogger Lion king™ يقول...

    تسلملي يا محمد باشا

     
  • في الأحد, نوفمبر 12, 2006 1:31:00 م , Blogger saso يقول...

    مين قال حاجة عرفت تخنقني.. انا بس كنت جد حبتين وانا مش متعودة عليا وانا جد
    اكرهها دي صعب.. تعالي نعرف البلد.. لو هيا حبه التراب يبقي بلاش منها احسن.. لو هيا ذكرياتك م اللي فات واحلامك في اللي جاي يبقي مش هينفع تزهق منها لان هنا الملل معناة الانتحار

    وانا اخر حد يفكر يكرة اي حاجة.. وخصوصا لو كانت بلد وولاد جايين وناس عاوزة اعيش وسطهم

     
  • في الأحد, نوفمبر 12, 2006 8:01:00 م , Blogger مـحـمـد مـفـيـد يقول...

    دنانير
    والله المسأله مش محتاجه حرب محتاجه وقفه لان الوضع بقي سيئ جدا

    Anonymous
    والله تعليقك من اجمل التعليقات اللي قريتها في مدونتي
    اشكرك جدا



    احمد
    ربنا يخليك يابو حميد وكم انت انسان جميل والله


    الجميله صفاء
    ادام الله عليكي راحه البال ولا تكوني يوما ما مضايقه وكم انا انتظر تعليقك عندي علي البوستات لانه من التعليقات التي تخدم الموضوعات واحيانا بيبقي اجما من الموضوع نفسه
    شكرا لكي ايتها الرائعه

     
  • في الاثنين, نوفمبر 13, 2006 9:47:00 م , Anonymous نورهان مفيد يقول...

    انه مصر اللي انت بتدور عليهامصر اللي من يوم ماوعينا ع الدنيا اتعلمنا حبهافرسمنلها صورة خيالية في دماغنا وكانها المدينة الفاضلة وكمل الصورة اللاغاني اللي بتتكلم عن مصر من نظرتهم الفنية بيتكلموا عن امن وامان وشجر حاضن النيل وسما وارض والخ
    ولا قصدك مصر بتاعت دلوقتي اللي امنها اتحول خوف ورعب وامانها بقي ارهاب مصر اللي مدهوسة تحت رجلين ناس مبيعرفوش ربنا اللي خيرها منهوب وحالها مقلوب وشبابها اول شبابه وشاب ولا مصر اللي الاحلام فيها بقت كوابيس والحقيقة بقت سراب
    انا بنادي معاك وبصرخ باعلي حس فيا وحشتينا يامصر وحشتينا يامصر

     
  • في السبت, نوفمبر 25, 2006 11:03:00 م , Blogger منة الله يقول...

    الغربة مش ارض
    الغربة احساس
    الغربة بعد عن الله و وحدة بدون من تحب
    عشت سنوات خارج مصر فلم اشعر بالغربة
    و عشت سنوات عمرى بمصر و مرت علي اوقات شعرت بالغربة
    الارتباط بالارض و الاهل و الذكريات هو قمة الحنين لمصر و لكن هل فعلا مصر تحن الينا
    و صدق من قال
    مصر مش امى مصر مرات ابويا

     
  • في الثلاثاء, نوفمبر 28, 2006 6:28:00 م , Blogger محمود عزت يقول...

    في الجون يا حمادة
    خرمت قلبي

     
  • في الجمعة, فبراير 15, 2008 2:47:00 م , Blogger dina يقول...

    انت ممكن يكون معاك حق فعلا...انا كنت لسا قارية مقال لفاروق جويدة ان حب الوطن لازم يكون حب من طرفين..يعنى انت بتدى بلدك و بتحبها عشان ادتلك و هنا يكون فى انتماء و المشكلة دلوقتى اننا بطلنا ناخد فالناس بطلت تدى

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية