فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، سبتمبر 11، 2006

يحرق التدخين وسنينه


في مقال قال فيه المفكر الاسلامي ( الذي لا يفقه اي شي عن الاسلام للاسف) جمال البنا واصدر فتوي تفيد ان شرب السجاير في نهاررمضان لا يفطر وان لا يوجد اي شبهه تحريم للسجاير
فانا لا اتعرض لهذا المفكر المجنون ولكني ساسرد لكم تقرير منظمه الصحه العالميه الاخير يقول
ان السيجاره تتكون من 4500 ماده منها 52 ماده مسرطنه( تسبب السرطان ) وان بمعدل كل 6 ثوان يموت شخص بسبب التدخين فهذا المفكر لم يقرا في السنه ابد ان الرسول صلي الله عليه وسلم قال ( لاضرر ولا ضرار ) اي انك لا تضر نفسك ولا تضر من حولك وقد صدرت فتوي من الشيخ\ نصر فريد واصل تفيد ان التخين حرام شرعا
يا ايها المعتوه اذا كان الله حرم الجماع في نهار رمضان وهو حلال فمابالك من شرب السجائر التي لا نقول حرام بل مكروه زي البعض ما يحلو له
فقال الرسول صلي الله عليه وسلم- الحلال بين والحرام بين وبينهما متشابهات فاتقوا الشبهات
فبالله عليكم ونحن علي ابواب رمضان ذلك الشهر الفضيل فعلي كل مدخن الذي يستطيع ان يتخلي عنها من الفجر حتي المغرب لا تفرق معك السويعات القليله التي تدخنها حتي السحور
يا من تري ان السجائر حلال فلماذا لاتسم الله قبل ان تشربها؟
يامن تري ان السجائر نعمه فلماذا تطؤها بالحذاء بعد شربها؟
يا من تري ان شربها متعه فلماذا لا تعلمها لاولادك؟
يا من تري انها شي عادي فلماذا لا تشربها امام والديك؟
يقول الله عز وجل ولا تقتلوا انفسكم ان الله كان عليكم رحيما

22 تعليقات:

  • في الثلاثاء, سبتمبر 12, 2006 12:21:00 ص , Anonymous Green Data يقول...

    و ما علاقة أضرار التدخين بكونه مفطرا أو لا !؟

     
  • في الثلاثاء, سبتمبر 12, 2006 2:22:00 ص , Blogger so7ab يقول...

    العزيز مفيد

    بص انا عندى اكتر من مشكله فى الموضوع اولها كونى مستفز من حالة الهجوم و الدفاع عن التدخين ومحاوله اعطائه احكام شرعية وللامانه اضرار التدخين السلبى فى بلدنا محدودة جدا مع نسبة التلوث الضخمة من الاساس واضرار التدخين الاساسية واقعة على اللى بيشربها ونظرا لكون التدخين ليه سن قانونى فالمدخن هو السؤل عن صحته بعيد عن محاوله تلبيسه حكم شرعى بالتحريم او بالاباحه

    ثانيا رغم اهتمامى بكتابات جمال البنا اللى بختلف معاك فى حكمك عليه لاسباب يطول شرحها لكن طول الوقت جمال كان بيتكلم فى اشياء اراها مهمه للنقاش وبالتحديد فى اشتباكاته مع قضية المرأة لكنى فى هذه الحادثة ارى انه انجر لتفسيرات اللحظة والدخول فى صراعات دون وضوح اى سبب منطقى ليها

    فى النهاية رغم اختلافى مع كتير مع الافكار اللى انت بتطرحها لكن منكرش احترامى الشديد ليك وبارائك و بجد تدوينه ذكرى بنى سويف وجعتنى اوى

     
  • في الثلاثاء, سبتمبر 12, 2006 6:00:00 ص , Blogger أجدع واحد في الشارع يقول...

    ده موضوع كبير اوى بجد

     
  • في الثلاثاء, سبتمبر 12, 2006 12:59:00 م , Blogger moorgen يقول...

    محمد
    موضوع التدخين دا الكل افتى فيه كتير

    سيبك من انها بتضر اللى بيشمها اكتر من اللى بيشربها
    واللى بيشرب سجاير ماسألش نفسه انه فى يوم هايسأل عن عمره فيما افناه
    وعن الصحة اللى ربنا ايهاله وحرم منها ناس تانيه
    ولا مش حاسس ان فلوسه اللى بيشرب بيها سجاير بيته واولاده احق بيها
    وعارف انه كل سيجارة بتنقص عمر الواحد ثانيه احسبها كدا
    يا ريت اللى بيشربوا سجاير يتقوا ربنا فى نفسهم وفى اللى حواليهم
    ولو كان من حقه يظلم نفسه فمش من حقه يظلم اللى حواليه

     
  • في الثلاثاء, سبتمبر 12, 2006 4:54:00 م , Blogger شــهــروزة يقول...

    الشيخ العبيط دة وامثاله هم اللى متسلطين علينا يظهر علشان يلهونا عن البلاوى اللى احنا فيها
    واشمعنا بقا دة وقت الافتاءات المفتكسة دى؟؟
    عشان محدش يعرف يتكلم فى اسعار الاغذية اللى اترفعت للضعف؟
    ولا اسعار الادوات المدرسية اللى بقت تلات اضعاف؟
    ولا كله ينكتم وميحط جذمة فى بقة ومحدش يتكلم فى المذابح اللى بيعانيها المصريون البسطاء فى المواصلات العامة؟
    ولا تفتكر انهم طلعوا الواد بتاع بنى مزار المظلوم اصلا براءة ليييييييية؟؟
    علشان الناس تلاقى حاجة تمسك فيها وترغى فيها؟؟
    والشيخ دة وامثاله هم كمان من ادوات الالهاء المتعمد دة؟؟
    مش عارفة

     
  • في الأربعاء, سبتمبر 13, 2006 4:20:00 ص , Blogger أحمــــــــدبــــــــــلال يقول...

    أ/محمدمفيد

    تحياتى
    الموضوع ده بالذات محتاج رد من نوع بدون تعليق لأن الكلام فيه كتير جداً

    على العموم من أن الحياة الاجتماعية المباشرة من حولى بها التدخين بشكل طبيعى جداً ألا أنى بعيداً عن تحريمه
    لم أحب التدخين و لا أقتنع به
    فضلت سنة بدخن علشان أعرف المتعة فيها لم أجدها
    لذا تركتها بعقلى قبل قرائاتى عن أضرارها
    و طبعاً لا أعترف كذلك بمتعة تضييع الوعى المسماة المخدرات
    فلا أجد فائدة مرجوة من خروجى عن التفكير الواقعى و الطبيعى


    تحياتى مرة أخرى
    تشرفت بأضافتك الى قائمة أصحابى البلوجرية

    و لا للتدخين

     
  • في الأربعاء, سبتمبر 13, 2006 1:19:00 م , Blogger Ø£ÙÙƒØªØ¨ بالرصاص يقول...

    انا قرات ان الازهر قال ان فتوى شرب السجائر في رمضان باطلة
    بس ماكنتش اعرف ان في واحد افتى بذلك
    والان وقد بطل العجب لما عرفنا السبب



    بقى هو جمال البنا!!!
    اللي افتى قبل كده بعدم شرعية الحجاب

    عجبي

     
  • في الأربعاء, سبتمبر 13, 2006 5:04:00 م , Blogger nirfana يقول...

    اللهّم لا تؤاخذنا بما فعل السفهاء منا
    هؤلاء الشيوخ ما هو الا مرتزقه الفتوى والكلمة والضجة

     
  • في الأربعاء, سبتمبر 13, 2006 5:04:00 م , Blogger محمد أبو الفتوح يقول...

    بص يا بو حميد أولا كده أنا مدخن شره علشان نبقى عل بياض
    ثانيا أنا اللى أعرفه فى الإسلام إن العالم الجتهد المصيب له أجران و المخطىء له أجر _لييييييييه؟ علشان العالم ده إنسان مش ملاك بيغلط عادى يعنى و علشان أثبت لك لو عالك كيميا غلط فى معادله بنسلخه كده مع إن الإتنين علم و الإتنين عالم و الإتنين بشر
    ثالثا ما ينفعش نكون بندافع -من وجهة نظرنا -عن الإسلام بكلام زى (المعتوه و اللى مابيفهمش) ده بره الحوار العقلانى و كمان بره أداب الإسلام
    رابعا وجهة نظرى أنا سؤال(هو الواحد لو بص لبنت فى نهار رمضان بشهوة يفطر؟)و (هل كل المعاصى تفطر على تفاوتها فى الدرجه؟) و (ما هو تعريف الجوف الذى إذا دخل إليه الطعام أفطر الإنسان؟)
    و ما تزعلش منى فى الحق
    و أحلى سلاااااااااااام

     
  • في الأربعاء, سبتمبر 13, 2006 9:48:00 م , Blogger توهة يقول...

    بص انا مشكلتى مع السجاير انها بتعمل حموضه مش عارفه ازاى بس دى الحقيقه عندى شوف بقه تعمل ايه فى اللى بيشربها
    بس انا متفقه مهاك المفروض انها تحرم بس فى ناس كتير بتشربها هروب من التفكير فعلا لحظت ان كتير من الشباب بيشربوها بعد مايمروا بأزمه وللاسف ده حصل معايا بس ادمنت النسكافيه يعنى حاجه مش حرام شويه

     
  • في الخميس, سبتمبر 14, 2006 1:24:00 ص , Blogger saso يقول...

    اخطأ ولة اجر
    المشكلة مش في الفتوي قد الجدوي، وماذا اذا كانت لا تفطر ؟ ماهي بتتشرب كدة كدة بتضر او مش بتضر مفيش اي موضوع تاني حاسس انة عاوز يدرسة ويطلع فية باجتهاد غير دة؟

     
  • في الخميس, سبتمبر 14, 2006 2:01:00 ص , Blogger lo0ola يقول...

    السجاائر
    ياربي من السم دا الي يشربوو العالم
    انا مانتي فاهمة اش اللفائدة ولا اش المتعه فيه
    مانقوول غير الله يهديهم

     
  • في الخميس, سبتمبر 14, 2006 2:12:00 ص , Blogger توهة يقول...

    إيه ده يا كروان أدمنت أستغفر الله

    ومين سمعك
    ولكن لا حياة لمن تنادى


    فانتازياااااااااااااااااااااا
    فانتازياااااااااا

     
  • في الخميس, سبتمبر 14, 2006 9:23:00 ص , Blogger LAMIA MAHMOUD يقول...

    يعني يا حرام الناس اللي ماشية في الشارع بتشم الدخان دي فطرت
    هههههههههههههههههههههههه
    ما هو مبدا برضه سيب الراجل ياكل عيش

     
  • في الخميس, سبتمبر 14, 2006 12:09:00 م , Blogger محمد أبو الفتوح يقول...

    أنا بعت تعليق قبل كده يا جماعه هتلاقوه فوق بس أنا بتأسف لسوء فهمى و إدراكى
    أنا كنت فاكر صاحب الفتوى ده جمال قطب اللى هو راجل أزهرى و عالم بس
    إختلط عليه إسمه مع جمال البنا اللى هو لا عالم و لا حاجه أصل كل واحد اليومين دول عايز يعمل فى الدين ما بدا له يطلق على نفسه مفكر إسلامى(مش كلهم طبعا) فسامحونى
    و أحلى سلاااااااااااام

     
  • في الخميس, سبتمبر 14, 2006 2:31:00 م , Blogger مفلس افندى الرايق يقول...

    الموضوع ده بجد احزننى هى الناس ناقصه بعد عن الدين كمان جاى واحد زى ده يقول انها حلال ف نهار رمضان والجهله ما اكثرهم وكل واحد هيشرب ويقول الشيوخ حللولها ومع الايام والسنين هتلاقى شربها فى نهار رمضان بقى شئ عادى وتبقى اكبر ضربه فى عنق المسلمين

    ياجماعه حراااااااام وكفايه بعد وهدم ف الدين كفايه

    ربى هبى لى العزيمه

    ان أهزم الشيطان

    الا اعود يوما

    للحظة العصيان

    ربى هبى العزيمه

    ان اهزم الشيطان

    واهزم كيد وظلم

    كل بنى الانسان

     
  • في الخميس, سبتمبر 14, 2006 8:30:00 م , Blogger tota يقول...

    العزيز محمد مفيد
    شكرا على هذا البوست فعندما نضع ايدينا على الاخطاء فهذا معناه ان الخطأ مازال شىء ينتقد ولم يصل لمرحلة شىء عادى لا نستطيع ادراكه من هول ما اصبح واقع

    الفتوى فى عصرنا هذا باتت تحكمها اهواء سياسية ومالية وابت ان تقف عند ذلك بل امتدت الى اهواء شخصية
    بعدما كنا نظن ان الغرض منها هو توجيه العباد نحو ارضاء الله وتطبيق شرائعه التى هدفها هو صالح العباد

    السيد الذى ادلى بدلوه فى هذه الفتوى اعطى اسطح صورة ممكنة للصيام ولم يصل ابدا الى العمق الاساسى
    الصيام هو الامتناع عن الاكل والشرب والملذات والذى نسى سيادته ان التدخين والنيكوتين نوع من ملذات اللانسان لجهازه العصبى
    وارتجع فى فتواه ان التدخين استنشاق الدخان من الانف للرئة فلا يمر الى الجوف بحرفية ونص الكلمة ونسى ان النيكوتين يدخل الى الدم ولانه ليس بغرض التغذية يصبح غير محرم وكأن سيادته يعرف كيميائيا ما هى التركيبة الفعلية للتبغ وماذا يمكن ان يكون تاثير هذه التركيبة على الجسم غير تأثيرها على الجهاز العصبى
    لا ادرى ايجب ان يستفتى كل واحد قلبه وننسى من حملناهم لامانة وماذا لو القلب به مضغة غير صالحة اذا لنا الله
    لعله يدرك انه سوف يتحمل وزر من تبع فتواه ولا حول ولا قوة الا بالله

    تحياتى ايها العزيز

     
  • في الخميس, سبتمبر 14, 2006 11:58:00 م , Blogger gwad يقول...

    ما اقولة
    حسبنا الله ونعمة الوكيل
    ممكن من هذا المكان النزية نبعتلة نصيحة الاو هى ان يتعلم القراءة
    قبل ان يتفوة باى كلمة
    تحياتى

     
  • في الجمعة, سبتمبر 15, 2006 5:19:00 ص , Blogger مفلس افندى الرايق يقول...

    نزلت بموضوع جديد تعال

     
  • في السبت, سبتمبر 16, 2006 10:35:00 م , Anonymous نورهان مفيد يقول...

    اولا بالرغم من ان البوست جامد موت والموضوع يستاهل فعلا المناقشة والتعليق الا اني انتقدك في نقطة واتمني انك متزعلش مني وان تتقبل الراي والراي الاخر انت يامحمد تحدثت بغضب لغيرتك علي الدين والاسلام ويوم رمضان اللي ممكن يضيع ثوابه بسبب رجل لايعلم امور دينه جيدا وبدل من ان يحث الشباب علي ترك السيجارةفي رمضان ويدعوهم للاستمرار بعدرمضان وترك السجائر للابد اخذيحثهم علي شربها في نهار رمضان بحجة انها لاتفطر انا معاك في انها حاجة تحرق الدم بس كان لازم توجه نقدك بشكل اكتر لباقة يعني بلاش استخدام كلمات مثل المعتوه والمجنون فلابد وانت مسلم حريص علي دينك وقواعده ان تكون انت افضل منهوليست من ناحية اللباقة والذوق فقطولكن انت كده كمان غلط في حق انسان مش موجود وممكن تكون اغتبته وده هيحملك زنوب انت في غني عنها انامعاك انتقد وناقش وجادل ودور عن الحق والصح بس بطريقة احسن من كده لانك بمدونتك انت عنوان لدينك وبيتك وبلدك وبتعكس اخلاقك ومبادئك انا اسفة لو كنت طولت عليك بس ده رائي وياريت متزعلش اما عن ماقاله فاانا لا اقول الا ان متحمل زنوب كل من ينساق من الشباب اصحاب النفوس الضعيفة وراء هذه الفتوي وحسبي الله ونعم الوكيل اللهم بلغنا رمضان وارزقنا حسن الخاتمة

     
  • في الأربعاء, سبتمبر 20, 2006 1:19:00 م , Blogger المزاجنجي يقول...

    محمد مفيد انت بجد حرقت دمي انا مش بادخن انا باكل السجاير اكل وفرحت قوي بالفتوى دي وانت جاي تعكنن مزاجنا ارحمونا بقى وسيبوا الراجل يتمزج ويمزجنا معاه وسيب الهباب اللي بتشربه ده هايدمر عقلك هاتقولي يدمر عقلي ؟ ده انا بادهبزة وابهرزه علشان يفرفش ويرعشش ويبقى اخر طعطعه ....مش عارف حاسس انا لسه واقع من فيلم الكيف .... كيفك انت ؟

     
  • في الثلاثاء, سبتمبر 26, 2006 2:47:00 م , Blogger shaimaa يقول...

    da enta htl2y 3o2 kteer elsna de 3shan elmwdo3 da..tl2y wa7d mask sagara w be7lflk eno sayem..yalla ma 3lena ..bgd lw eldonya de mosh feha sagyer kant el7ya htb2a a7sn kteer..ana 3n nfse wa7da mt32da mnha w mn re7tha

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية