فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، سبتمبر 06، 2006

خمسه سبتمبر



نفس التاريخ المؤلم الحزين منذ عام مضي كالدهر علي كل متضرر .هوتاريخ محرقه بني سويف هو التاريخ الذي شب فيه حريق قصر الثقافه ببني سويف

ففي البرنامج الرائع ( العاشره مساءا) تم عرض فيلم تسجيلي بعنوان ( خمسه سبتمبر) مدته 13 دقيقه لكنه يوازي 13 يوم 13سنه من الابداع ومدي الحزن والاسي علي 50 من زينه شباب الفنانين والمبدعين والنقادمن مختلف انحاء الجمهوره فالضحايا من ( القاهره- بني سويف - بورسعيد - الاسكندريه - السويس)الذين حرقوا بنيران الشموع الشموع التي كانت ستضيئ لهم ابواب النجوميه ولم يدركون انهم يحملون اكفانهم بين ايديهم.فالفيلم في منتهي الروعه واخراج رائع من صديقه الضحايا ( اسماء يحي الطاهر) والموسيقي الشجيه الحزينه المؤلمه الرائعه للفنان(عماد سعد).التي تكاد تقطر القلب دمافالدعاء لهولاء السباب بالرحمه وان يصبر اهاليهم ويعينهم علي النسيان وان كان صعب

ففي هذه البلد الكريمه من لم يمت في حريق مات في القطار او العباره او المستشفي من الاهمال

ولي ولكم ان نختارمصيرنا . والله المستعان

17 تعليقات:

  • في الأربعاء, سبتمبر 06, 2006 12:37:00 م , Blogger moorgen يقول...

    محمد
    اولا ربنا يرحمهم

    من يعلم فلعل موتهم هذا رحمة لهم
    فهنا اصبح الحزن والموت يأتى من كل الجهات
    تعددت الاسباب والموت واحد

     
  • في الأربعاء, سبتمبر 06, 2006 8:22:00 م , Blogger gwad يقول...

    الى استاذى العزيز
    نحن شعب لا نستطع ان نفعل شىء
    السلبية واجب اساسى او حق منحقوق المواطنة المصرية
    فما لنا الان الا ان نقول
    حسبنا الله ونعمة الوكيل
    شكرااا

     
  • في الأربعاء, سبتمبر 06, 2006 9:49:00 م , Blogger ادم المصري يقول...

    لا تنسي انك اكيد في مصر

     
  • في الأربعاء, سبتمبر 06, 2006 11:22:00 م , Blogger ...دنيتي يقول...

    ربنا يرحمهم جميعا
    انا كان ليا معارف شخصية ماتوا في الحريق
    وشفت الشريط الأصلي اللي اتصور واللي انت شفته دة مش تلاتة على عشرة من اللي حصل
    عربية المطافي جت بعد ما الناس ماتوا مع انها متبعدش غير بالكتير دقيقة ونص من قصر الثقافة
    هي في الواقع في ضهر قصر الثقافة
    غير ان مكنش في اسعاف والمحروقين كانوا رايحين في ميكروباصات وغير
    وغير
    وغير .....

     
  • في الخميس, سبتمبر 07, 2006 10:50:00 م , Blogger أجدع واحد في الشارع يقول...

    ربنا يرحمهم جميعا
    مش هنقول غير كده
    ومش فى ايدنا اى حاجه نعملها

     
  • في الخميس, سبتمبر 07, 2006 11:59:00 م , Blogger LAMIA MAHMOUD يقول...

    انا لله وانا اليه راجعون

     
  • في الجمعة, سبتمبر 08, 2006 1:30:00 ص , Blogger film69 يقول...

    http://seainsideme.blogspot.com/2006/09/5.html
    ستجد في هذا اللينك رأيي في موضوع محرقة بني سويف

     
  • في الجمعة, سبتمبر 08, 2006 9:04:00 ص , Blogger sara يقول...

    لا اله الا الله
    ربنا يرحمهم جميعا..
    وياخد اللى موتوهم او قصروا فى شغلهم

     
  • في الجمعة, سبتمبر 08, 2006 10:47:00 ص , Blogger layal يقول...

    ربنا يرحمهم
    محمد عندي تعليق بسيط
    ياريت لو تحط لنك صغير تحت مواضعيك اللي بتتكلم فيها عن الشئون الداخليه لمصر او اي امور اخري حتي نعلم اصل الحكايه
    اصلي رحت ادور عشان احصل علي اصل الموضوع
    ارجو ان تتقبل اقتراحي بصدر رحب
    تحياتي

     
  • في الجمعة, سبتمبر 08, 2006 12:02:00 م , Blogger أبو أمل يقول...

    انت نسيت اهم نوع للموت
    واللى بيموت بيه
    75
    مليون واحد
    وهو الموت بالحيا
    تحياتى




    فينك

     
  • في الجمعة, سبتمبر 08, 2006 11:06:00 م , Blogger sahar يقول...

    الله يرحمهم ويرحمنا معاهم

     
  • في السبت, سبتمبر 09, 2006 1:39:00 ص , Blogger محمد أبو الفتوح يقول...

    الله يرحمهم
    أنا كل ما أفكر فى المشهد
    قاعه مقفوله و النار للسقف
    صريخ..صوات..ألم يسبب الموت قبل النار عن طريق الصدمه العصبيه
    أقول إيه البلد دى؟
    وليه نتعامل أسواء من البقر و الجاموس؟
    على فكره المخرجه دى أبوها كان روائى و قصاص عظيم(يحى الطاهر عبد الله)
    هو اللى كتب الطوق و الإسوره و انا قريت له مجموعه قصصيه فوق التحفه
    و أحلى سلاااااااام من عيون باكيه

     
  • في السبت, سبتمبر 09, 2006 3:14:00 ص , Anonymous حسنة من الله يقول...

    ان لله وان اليه راجع
    اه يا عينى على شبابك يا بلد
    يا يموتوا فى حريق علشان مبدعين
    يا يموتوا فى حادث قطار علشان من شغلهم راجعين لبيوتهم
    يا من الغربه فى عباره راجعين
    او قاعدين نايمين مع البطاله متعايشين فى النهايه ميتين

     
  • في الأحد, سبتمبر 10, 2006 1:53:00 م , Blogger MAKSOFA يقول...

    من لم يمت بالسيف مات بغيره

     
  • في الأحد, سبتمبر 10, 2006 6:56:00 م , Blogger so7ab يقول...

    حاولت اخرج نفسى من اجواء الحزن وحاولت انسى الذكرى السنويه للمحرقة وحاولت معاها انسى وشوش صحابى ودموعنا ادام الحامدية الشاذلية السنه اللى فاتت بس لسه الاحساس بيطلع كل مادخل مسرح وحس ان كان فيه هنا فنانين زى الورد اتحرقةو وهما بيستمتعو

    احيانا الهروب بيكون مستحيل

     
  • في الخميس, سبتمبر 14, 2006 1:55:00 ص , Blogger كراكيب نـهـى مـحمود يقول...

    اناكمان فقدت زميل ليه كان معايا في المكتب لمدة 5 سنين بشوفه كل يوم اتعلمت منه كتير في بداية شغلي وقبل المحرقة بكام يوم اتنقل وراح القسم الفني وصمم يسافر يغطي المهرجان
    سبحان الله
    ربنا يرحمهم جميعا ويصبرنا
    مش عارفه اقولكم ايه بس تفتكروا دي اخر ذكرى سيئة لحاجة سببها الإهمال وسوء التنظيم والفساد تفتكرو!

     
  • في السبت, سبتمبر 16, 2006 10:49:00 م , Anonymous نورهان مفيد يقول...

    حسبي الله ونعم الوكيل علي كل من تسبب في ضياع ارواح بريئة وموت ناس بمختلف اعمارهم وبمختلف الطر ق والوسائل المهينة التي لاتمت للرحمة والانسانية بشئ اصبحنا في وضع لايعرف منا باي وسيلة سيلقي ربه مهان مشرد ام معزز مكرك وكماقولت علينا ان نختار مصيرنا فلا املك الا ان اطلب من الله ان اموت وانا راكعة ساجده له ادعوه وابكي بين يديه وفي كل لحظه اقول اللهم ارزقنا حسن الخاتمة الف رحمة ونور تنزل علي شهدائنا وامواتنا واللهم ابدلهم بدار خير من دارهم واسكنهم فسيح جناتك

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية