فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

السبت، أغسطس 12، 2006

غـبـي مـنـه فـيـه

فانا لا اتحدث عن الفيلم الكوميدي ولكن ساتحدث عن فيلم اكثر منه سذاجه هو فيلم نشاهده قرابه الاكثر من 25 عام وهو الفيلم الذي يقوم ببطولته المطلقه زعيمنا المفدي ( ابو جيمي ) الذي جاء في السنوات الاخيره وبدأ يعد العده لميلاد سنيد جديد وهو ( جمال ) وهذا الفيلم لن تكلف نفسك في البحث في احد دور العرض المزدحمه بل في بيتك في بيتي عندي وعندك فانظر الي حالك ستجد نفسك كمبارس فيه
ففي حوار لمجله اكتوبر هذا الشهر قال حسني مبارك ( لن يعرف مراره الحرب وذلها الا من ذاقها وانا لا انساق وراء من يطالبني بالحرب مع لبنان ) فنحن يا سياده الرئيس لن نطلب منك هذا لانك ببساطه لن ولم تفعل ولكن ما نريده هو انك تقف وقفه رجل معهم فليس نهايه المطاف ان ترسل لهم بطاطين وسكر وعيش وحلاوه. بل
لماذا لم تطرد السفير الاسرائيلي في مصر ؟
لماذا لم تقطع العلاقات جميعها مع اسرائيل ؟
هذا ما نريده اما اذا طلبنا منك يا ريس فالموضوع يطول فانظر الي الداخل واحوال البلد ؟ فلماذا تحدثت عن لبنان وتركت الاحوال الداخليه؟ هل هو شو اعلامي
اي انت من زياده الاسعار والتي اصبحت زي الماء والهواء. اي انت من خصخصه الشركات والتي جعلت كبار الفاسدين يستولون علي الشركات دون اي محاسبه لهم وجعلوا الاب والابن يجلسون سويا دون عمل علي القهوه. اين انت من عدم توافر فرص عمل للشباب الذين اصبحوا كهولا من كثره همومهم.
فهذه هي طلباتنا ياريس فنحن لم نطالبك بالحرب لاننا كل يوم يمر عليناهو بمثابه الحرب
فهل ستستجيب لمطالبنا البسيطه ياريس؟

27 تعليقات:

  • في السبت, أغسطس 12, 2006 3:19:00 ص , Blogger Epitaph يقول...

    لا
    في المش مش ان شاء الله

     
  • في السبت, أغسطس 12, 2006 3:41:00 ص , Blogger Nouran يقول...

    السلام انت عايزنا نبقى سبب لتبويظ عملية السلام مع اسرائيل بقى ده اسمه كلام يا باشا :)

     
  • في السبت, أغسطس 12, 2006 8:38:00 م , Blogger محمد أبو الفتوح يقول...

    أنا بس هاقول فى الأحوال الداخليه
    عليه العوض فى ده شعب
    أما فى الأحوال الخارجيه
    أقسم بالله العظيم لو إتفتح باب القتال مع حزب الله لأكون أول واحد يضحى بروحه ولا هافكر فى أهل و لا مستقبل
    أهلى هيغتصبوا أول ماليهود يدخلوا مصر أما مستقبلى ف مش هنا مستقبلى هناك حنب الكوثر و نهر اللبن اللى بحبه موت

     
  • في السبت, أغسطس 12, 2006 8:39:00 م , Blogger saso يقول...

    مين قال نحارب ؟ دة حتي بيانات الشجب والتنديد بطلناها.. بلاش نصر اللة بقي اسمة البتاع دة!! بس بصراحة عملنا موقف جامد هنخوف بية اسرائيل
    عمو جرانة علق البرامج المشتركة مع إسرائيل مانت عارف السياحة لما نمنعها هتوجعهم ويعرفوا اننا عرب لكن خط أنابيب الغاز مش مشكلة

     
  • في السبت, أغسطس 12, 2006 8:44:00 م , Anonymous هيثم محفوظ ملحن و مغنى يقول...

    الأول عايز أقولك إنى صاحب أبو الفتوح و إن شاء الله الموقع و المدونه بتوعى هيكونوا موجودين قريب
    بجد يا محمد أنا بحس إنه الكلام عن أبو جمى و نقده صدقنى ده إستهلاك كبير قوى للوقت فمضيعش وقتك فى الكلام عنه
    أبسط حاجه فين أبو جمى من وعوده اللى أطلقها بعد فوزه(الحتمى) فى إنتخبات الرئاسه الحل لا فموته و لا الحل هيجى بشكل طبيعى الرهان الحقيقى ع الشعب ده و إن متحركش هنشغل قاعدة دوام الحال من المحال و فجأه و انت لا بيك و لا عليك هيجى واحد بشكل مش طبيعى زى عبد الناصر مثلا بس فى الحاله دى الله أعلم هيكون شكله إيه

     
  • في الأحد, أغسطس 13, 2006 10:04:00 ص , Blogger مـحـمـد مـفـيـد يقول...

    epitaph
    والله انا عارف بس ايه العمل؟
    نوران ( شمعه المدونين )
    والله بينا ومن غيرنا بايظه بايظه

     
  • في الأحد, أغسطس 13, 2006 10:08:00 ص , Blogger مـحـمـد مـفـيـد يقول...

    محمد باشا ابو الفتوح\ اللهم افتح ابواب الجهاد وان يجمعنا في الجنه سويا
    ساسو ( استاذ دكتور التدوين
    والله احنا بنحي الشو الاعلامي ومبدا البيضه والا الفرخه متاصل فينا اوي
    الفنان هيثم محفوظ
    اولا اشكرك علي زيارتك لمدونتي البسيطه ويالا بسرعه اعمل المدونه لنري طلقاتك والالحانك تشدو في المدونه وسلملي علي النجم محمد ابو الفتوح
    شكرا جدا

     
  • في الأحد, أغسطس 13, 2006 3:23:00 م , Blogger farida يقول...

    و الله يا محمد حال البلد و حال الناس بقى يخنق
    لكن كل ما اقرا لحد مخنوق زيي و كل ما اسمع الأخبار اسأل نفيب السؤال اللي حيجنني
    و بعدين؟
    كلنا متفقين و متضايقين و متنيلين
    طب و بعدين؟!!!! ؟

     
  • في الأحد, أغسطس 13, 2006 4:57:00 م , Blogger وله نهايه يقول...

    ياااااااااااااا
    الواحد تعب مطالب لدرحه اني مش عارف افتح فمي اطلبها من الاحباط السائد
    ومش قادر اقري مطالب
    لانه راجل ابعد عن الرجوله وابعد عن الدم ورائحته
    باااااااااااااارد

     
  • في الأحد, أغسطس 13, 2006 5:27:00 م , Blogger المزاجنجي يقول...

    يااااااااااااه يا محمد انت بتحاول تنفخ في القربة المهربدة مش المقطوعة بس انا رهاني على الشعب الشعب ده لو قام والله لا اقعد مطرحه يا بني احنا البلادة بقت في دمنا لازمنا تغير دم ولا احنا اصلا مبقاش عندنا دم ؟وخلاص اتعودنا ؟؟؟؟ سؤال بريء

     
  • في الاثنين, أغسطس 14, 2006 7:51:00 ص , Blogger Nouran يقول...

    يا استاذ محمد انا بعتلك تاج وقلت لازم اجي اقولك بنفسي المهم ودودي كمان بعتتهولك يا ريت نشوفوه عندك قريب

     
  • في الاثنين, أغسطس 14, 2006 12:48:00 م , Blogger محمد أبو زيد يقول...

    فهل ستستجيب لمطالبنا البسيطه ياريس؟


    يا راجل قول كلام غير ده

     
  • في الاثنين, أغسطس 14, 2006 12:48:00 م , Blogger محمد أبو زيد يقول...

    فهل ستستجيب لمطالبنا البسيطه ياريس؟


    يا راجل قول كلام غير ده

     
  • في الاثنين, أغسطس 14, 2006 5:42:00 م , Blogger sahar يقول...

    أشكرك علي كلامك الجميل ده بس أحنا نييجي جنبك أيه يافندم واضح أنك قديم أوي في موضوع البلوجات وموضعاتك ممتازة ميرسي يافندم

     
  • في الاثنين, أغسطس 14, 2006 7:04:00 م , Blogger بعدك على بالى يقول...

    عشم ابليس فى الجنة ...

    خالص تحياتى بوست جامد

     
  • في الاثنين, أغسطس 14, 2006 7:05:00 م , Blogger أروى الطويل يقول...

    يا عم كن غيرك اشطر وبعدين سيادة الريس ما بيقراش الحاجات دى دا امن الدولة بس

     
  • في الاثنين, أغسطس 14, 2006 7:06:00 م , Blogger أروى الطويل يقول...

    ولو سمحت خلى التعليقات تظهر فى نفس الصفحة علشان انا بتنرفز كده

     
  • في الاثنين, أغسطس 14, 2006 9:00:00 م , Blogger RAED 4744 يقول...

    الله يكون في العون

     
  • في الثلاثاء, أغسطس 15, 2006 4:59:00 ص , Blogger الغـــــــــــــريب يقول...

    محدش هايسمعك
    غيرنا
    مهما ناديت
    أو حتى صرخت
    بأعلى صوتك
    جدران الصمت أعلى من أى صرخه

     
  • في الثلاثاء, أغسطس 15, 2006 10:23:00 ص , Blogger مـحـمـد مـفـيـد يقول...

    فريده
    طيب وبعدين والله الواحد اتخنق
    وله نهايه
    بارد بس دي اقل حاجه
    عمنا عادل باشا
    الف سلامه عليك واتمني لك الشفاء العاجل

     
  • في الثلاثاء, أغسطس 15, 2006 10:28:00 ص , Blogger مـحـمـد مـفـيـد يقول...

    نوران الشمعه الرقيقه
    ده شرف كبير قوي ليا لا ادعيه
    محمد باشا ابو زيد
    طيب اعمل معاه ايه
    سحر
    اخجلتم تواضعنا
    بعدك علي بالي
    ربنا يخليكي
    اروي
    حقك عليا
    read4744
    شكرا
    الغريب
    يبقي عملنا اللي عليا وكفايه انك ياباشا تسمعني

     
  • في الثلاثاء, أغسطس 15, 2006 11:32:00 ص , Blogger fadwa يقول...

    اكيد انت كده أحبط من التعليقات لو مكنتش أصلا محبط من قبل كده بس أكيد كنت محبط من قبل كده ف معلش انا كمان هزيد احباطك و اقولك حسني مش بيعبر حد غير عياله و مدام سوزي
    و مش هيعبرنا و بصراحه عشان الشعب مبقاش عنده كرامه و مستنيين اللي ييجي يغيرنا
    احنا اللي نستاهل
    ف الشعوب بجد تستحق حكامها

     
  • في الثلاثاء, أغسطس 15, 2006 2:43:00 م , Blogger شــهــروزة يقول...

    الزعيم المفدى تبعنا غاطس فى غيبوبة مفادها اخترناك اخترناك...وهو يعلم علم اليقين ان محدش فى البلد المستعمرة دى بيقبل فيه شعرة هو ولا عيلته ولا الحاشية اللى حواليه..لكنها سياسة فرض الامر الواقع..والحمد للة الناس ملهية يا ولداة فى الجرى ورا اكل العيش وكل ما نحاول نشم نفسنا يكتمنا بزيادة جديدة فى الاسعار لحد الناس مبقتش لاقية العيش الحاف مش كمان كيلو فاكهة؟ اصبحت الفاكهة والتحليةوالملابس الجديد مجرد رفاهية لا يقدر عليها الا اتنين..هو وعيلته واللى حواليه ..والحرامية الكبار الناشئين تحت مظلة حكمه الرشيد..ويسعدنى بكل تفاؤل وامل انه مفيش فايدة

     
  • في الثلاثاء, أغسطس 15, 2006 11:47:00 م , Blogger BaTresYa يقول...

    أنا هقول حاجه بس
    إللي في ايديه حاجه يعملها
    وبلاش ندور على شماعه نعلق عليها اخطائنا انا مش بنفي ان في اخطاء بس بردوا لازم كل واحد يدور على نفسه اللي عايز حاجه بيعملها
    وربنا يتولانا

     
  • في الأربعاء, أغسطس 16, 2006 1:33:00 ص , Blogger Mamdouh Dorrah يقول...

    و الله يا محمد خلاص ما بقاش في رجا من أبو جيمي
    احنا نكلم ام جيميو هي تخلص الموضوع ده

     
  • في الأربعاء, أغسطس 16, 2006 2:07:00 ص , Blogger Dr. Tantawy يقول...

    انت لسه عندك امل
    ياعم الراجل مبقاش بيسمع ولا بيشوف :) انسى يا عمرو

     
  • في الخميس, أغسطس 17, 2006 2:52:00 م , Anonymous rahel يقول...

    يستجيب لمين ياعم انت بتتعب نفسك وبتاذن في مالطة ده كل اللي يهمه الشوالاعلامي وبعدين هو كان حد طلب منه حرب خارجية امال الحرب الداخليه نسيبها لمين وبعدين ياريس فعلا لن يذوق مراره الحرب الا اللي عايش فيها واحناكل يوم مبندقش غير المرارة بتاعت حروبنا الداخلية اليومية من اول مابنقوم لحد مابنام وندعي ان ربنا يرحمنا ومنصحاش تاني ده انت لو دوقت المرارة اللي احنا فيها يوم واحد كنت بصيت لنا بعين تانيه خالص بس هنقول ايه حسبنا الله ونعم الوكيل قال حرب خارجية قال ونخرجلهم ليه ماهما جايين جايين واحنا في مكانا ده حتي من خرج من داره

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية