فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الثلاثاء، أغسطس 29، 2006

صفوت حجازي ...... اصمد


قامت الدنيا ولم تقعد عندما حلل الشيخ صفوت حجازي قتل الاسرائيلي المجند وكانوا ارتكب جرم يحاسب عليه القانون فمن الممكن يكون علي صواب او علي خطأ لكن ما حدث كان عكس ذلك تماما فقد تم سحب منه ترخيص الخطابه ومنعه من الدروس وتحويله للتحقيق في امن الدوله.كل هذا بسبب ما قاله

فانا اعلرف الشيخ معرفه شخصيه وهومن الشيوخ الذين يعرفون بالوسطيه وعدم التزمت والتشدد

فمن منا لم يقل ذلك ولماذا كل هذه الضجه تجاه هذا الراي لانه يمس الكيان الصهيوني ولا نريد ان نخسر العلاقه الوطيده التي اصبحت ميه ميه بعد الحرب بعد الموقف الجبان اللي احنا عمملناه مع لبنان

لو كانت الراي ده في الصلاه او الزكاه او اي شي من الثوابت لم تكن كل هذه الضجه وايه يعني مش مهم الدين انما تيجي لحد اسرائيل لا والف لا . كفايه تواطؤ وذل ومهانه وهذا رجل في زمن قلت فيه الرجوله وقال كلمه حق في الوقت التي خرست كل الالسنه واكتفت بان تشاهد الاحداث .

فتحيه لك يا صفوت علي الراي الجريء ولم تلتفت الي ما يحاولون ايهامك بالخطا وكل هذا في ميزان حساناتك يوم القيامه ولا تنظر خلفك

ولمعرفه المزيد عن الداعيه الرائع صفوت حجازي

www.daralansar.com

8 تعليقات:

  • في الثلاثاء, أغسطس 29, 2006 7:11:00 م , Anonymous نورهان مفيد يقول...

    اولايامحمد انا اللي كنت بعلق تحت اسم رحيل
    ثانيالااجدمااقوله انت قولت كل حاجة كفاية تواطؤوذل ومهانة بقي معقول ده يكون جزاء رجل قال كلمة حق سبق وقولتلك الصوت الواحد مبيتسمعش هنفضل لحد امتي كل ماحد مننا يقول كلمه حق يتهان ويتاذي انت علي حق ياشيخ صفوت وباذن الله هو وحده القادر علي رفع كلمة الحق عاليا وحسبي الله ونعم الوكيل في كل واحد ليه يد في المهانه اللي احنا فيها

     
  • في الأربعاء, أغسطس 30, 2006 8:06:00 م , Blogger وله نهايه يقول...

    لا انا مش معاك خالص
    ده راجل خطيب يعني مسؤل وكل كلمه بتتاخد له او عليه
    وبالتالي لازم يحاسب
    ومش لازم نعارض بدون عقل
    لا برده فيه حساب

     
  • في الأربعاء, أغسطس 30, 2006 10:22:00 م , Blogger moorgen يقول...

    محمد
    صفوت الشريف من الدعاه اللى ظهرو فى الاخر وانا بحس انه عادى ممكن يحلل حاجة يحرمها غيره وعموما كل واحد ليه اسلوبه فى الاقناع والدعايه وهو بيحاول يكون مش متشدد بس حاجات وحاجات

    وعموما دى مش اول مرة اى حد يقول كلمه مش شرط حق اى كلمه مش على الهوى والامثله كتير وانت عارف
    فى بلد ك خالف تحبس قول الحق تعتقل
    يا محمد انا لسه هانقول وكويس انه اتحول للتحقيق واتسحب من الترخيص

     
  • في الأربعاء, أغسطس 30, 2006 11:11:00 م , Blogger شــهــروزة يقول...

    يا مولانا هم بعد ما منعوا الدعاء على اليهود فى خطب الجمعة والصلاة فى المساجد وكمان منعوا ترخيص فيلم عن السيد نصر اللة ..رغم فرحتى العارمة برفض الترخيص حتى لا تستغل شخصية اسطورية كالسيد نصراللة فى التربح التجارى والاستغلال الاعلامى.....علشان اية؟؟؟ علشان لا ندخل طرفا فى الصراع القائم فى المنطقة وحتى لا تتعمق مشاعر الكراهية فى نفوس الشعب المصرى بما لا يخدم المصلحة العليا للدولة...بعد كل دة وانت متوقع ان كلمتين فى الصميم زى بتوع الاستاذ الفاضل صفوت حجازى يعدوا بالساهل؟؟؟ يا عم لاحاج بلدنا بقت محافظة من محافظات اسرائيل خبط لزق..طيب صدقنى ...وبكرة الصبح حتلاقى رجل تل ابيب جنب الاهراه على طول..وبكرة تلاقى جارك بيخبط عليك الباب وبيقولك ..شااالوم يا حبيبى..تلاجتك فيها اكل ولا انت بتنام خفيف؟؟انا جارك ليشع ودة ابنى افرايم...وسلم لى على الوطنية والقومية والهوية العربية

     
  • في الخميس, أغسطس 31, 2006 9:05:00 ص , Blogger Yousra يقول...

    علي فكرة العمل المشكلة ديه أن وكالات الأنباء تناقلت خبر أن الشيخ صفوت بيحلل قتل المدنيين اليهود مش المجندين و ده العمل الضجة
    أنا لم أحضر تلك الخطبة لكني سمعت الخبر ، و إذا حد حضر الخطبة يا ريت يفيدنا

     
  • في الجمعة, سبتمبر 01, 2006 1:56:00 ص , Blogger saso يقول...

    مش بحب اتكلم وانا مش متاكدة
    بس انا اللي وصلني انة حلل قتل المدنيين وطبعا دي هتترجم للاخوة السياح الاسرائيلين اللي بيحرقوا دمي عند معبد بني عزرا اللي فرحانين بية دة.. ولو انهم زي مانتوا عارفين بس برضة بشر وهتولع الدنيا لما يتقتل كلب منهم ويروح قصادة ولد مصري وعلي ايد عساكر مصرية
    وبما اني مش باحب سي صفوت ولا حركات ايدية المستفزة كان عندي استعداد مسبق اني اصدق
    لو قال كدة يبقي يستاهل الدبح اصلها مش ناقصة ولعة ماهي بايظة لوحدها
    لو مقالش يبقي لك حق تزعل علية

     
  • في السبت, سبتمبر 02, 2006 4:39:00 ص , Blogger المزاجنجي يقول...

    اولا: وقبل كل شيء السلام عليكم ورحمة الله وبركاته
    ثانيا:وبعدأي كلام السلام عليكم ورحمة الله وبركاته واشوفكم بخير
    انتم زعلانين انهم وقفوا ومنعوا وحجبوا الشيخ صفوت حجازي لانه قال كلمة حق في حق اليهود انت مش عارفين انه بكده غلط في اناس ظراف لطاف لا يتكلمون كما نتكلم نحن المسلمون .... نعم نحن نتكلم ولا نفعل اما اليهود فهم يفعلون ولا يتكلمون ..كم من فلسطيني قتل كم من لبناني قتل كم وكم وكم واين الجنود المصرين الدين قتلوا على الحدود في ظل معاهدة الخزي والهوان ؟؟؟؟ الم اقل لكم نحن نتكلم وهم يفعلون لدا وجب على حكامنا مقاضاة هدا الراجل طويل اللسان الدي تجرأ على هؤلاء الحملان الضعاف الدين لا يتكلمون في حقنا بكلمة واحدة انما يقتلون ويسرعون فيبكون فيكفكف العالم دموعهم ...... والله تستاهل يا شيخ صفوت لانك حرضت الناس على اناس ضعاف مثل اليهود .... هو مش انا من الاول قلت السلام عليكم ورحمة الله وبركاته واشوفكم بخير ايه اللي خلاني اتكلم ؟؟؟؟

     
  • في الجمعة, مارس 06, 2009 2:08:00 م , Anonymous غير معرف يقول...

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية