فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، أغسطس 21، 2006

بيتعمل فينا كده ليه؟

فوجئت بالتليفون بيرن فرديت وجدت احد اصدقائي منذ الدراسه ورفيق الكفاح وقالي عندي ليك خبر وحش . قالي ان اتنين من اصدقائنا سافروا الي ليبياالنهارده الصبح للبحث عن شغل هناك وبعدين يسافروا علي ايطاليا .وهما اتفقوا مع بعض من غير ما حد يعرف عشان محدش يعجزهم.
فاغلقت التليفون وجلست افكر هل هم خطأ ام علي صواب ؟ فوالله والله العظيم انا اعرفهم قرابه ال8 سنوات وكنا مع بعض في الجامعه وبعد التخرج جلسنا نبحث عن عمل فانا وجدت شغل كده لحد ما تفرج .انما هما اشتغلوا كل حاجه ومفيش عندنا ان في شغل عيب وامنيتي ان اجد لهم في المكتب عندي عمل لكن دون جدوي ولا انسي احدهم الذي كان خاطب حبيبه عمره ولكن في ظل الظروف اللي فيها اضطر لفسخ الخطوبه ولم يجدوا اي امل لهم الا السفر للخارج.
هل هذا نتيجه المذاكره والاجتهاد وبعد ان صرف اهالينا علينا دم قلبهم يجدونا بدون عمل او نسافر الي الخارج ونتمرمط ويطلع عين ابونا عشان نلاقي نعيش احنا مش طالبين اي حاجه صعبه احنا عايزين شغل .
فنحن عندنا 25 سنه يعني عز الشباب وان لم تفعل شي في هذا السن لم تفعل ونريد ان نفعل كل شي ونجتهد ونعيش عيشه مستوره بجانب اهلينا لكي يجدونا حينما يحتاجونا.
ذنبا اننا كنا طلبه مجدين في الدراسه وكلنا اتخرجنا بتقديرات كبيره طالما الخريجين مش هيشتغلوا يبقي ليه نوجع نفسنا ونتعب اهالينا معانا الواحد هيجنن من كتر التفكير.
ليه كل العلماء المصريين من زويل الي مستجيرالي .......... حققوا ما وصلوا اليه خارج مصر ولم يحققوا في مصر هل العيب فيهم ام في مصر تجد لا مبالاه في كل شي واهي ماشيه وربك هيفرجها يعني انت اللي هتغير الكون . كل ده كلام هتسمعوا الواحد بقي علي اخره والعمليه مش ناقصه
والله انا مش عارف انا كنت ناوي مكتبيش وانا زهقان لكن وجدت ان الموضوع لايحتمل التاخير فيا تري هشوف صحابي دول تاني والا يكون القدر اقوي مننا لانهم لم يتركوا اي شي يدل عنهم في الخارج.
وارجو الا يتم الخلط بينهم وبين ال11 عيل بتوع جامعه المنصوره الذين هرولوا وراء السراب من اجل امريكا اللعينه
فالان اصبحت مصر بالفعل أســـــيا اوي علي اهلها
مع الاعتذار لفيلم عماره يعقوبيان

14 تعليقات:

  • في الاثنين, أغسطس 21, 2006 7:36:00 م , Blogger Sampateek يقول...

    البلد الان يسكنها اصناف معينة من الناس
    الحرامية
    او
    المرتشين
    او الغلابة الصابرين


    -
    -
    -
    مبقتش بلدنا
    --------------------
    ارجو التاكد من صحة الخبر المنشور عند اخونا من زمان
    و اخباري بالحقيقة
    http://menzamaaan.blogspot.com/
    خالص تحياتي

     
  • في الثلاثاء, أغسطس 22, 2006 2:55:00 ص , Blogger Epitaph يقول...

    اااااااه ياني
    جيت ع الجرح

    بس هوا ينفع نستسلم كدة بسرعة
    ؟؟
    ينفع نهرب لبرة و نسيب بلدنا يخربوها
    ؟؟
    طب ماهو لو سبناها مين حيعمرها غيرنا
    ؟؟

    مش عارفة
    و في نفس الوقت
    انا فاهمة احساسهم كويس
    لا قادرة الومهم
    ولا اي حاجة
    غير اني ادعيلهم ربنا يوفقهم
    ماحدش عارف الخير فين

     
  • في الثلاثاء, أغسطس 22, 2006 9:46:00 ص , Blogger Yousra يقول...

    بداية أنا مع كل اليسافر و يسيب البلد ديه، مش مقتنعة بالكلام الكبير أننا نعمرها و نبنيها زي ما بنينا السد العالي ، مع كل الحرامية الموجودين مفيش أي أمل في أي حاجه في البلد ديه

    غير ان 11 السافروا أمريكا مين قال أنهم سافروا للسراب دول سافروا بعثة علمية
    و حتي لو حد سافر يغسل صحون في أمريكا أكيد هيعيش بكرامة بدل ما يغسل صحون في بلده من غير كرامة
    أنا بقول الكلام ده لأني واحده أتخرجت الثلاثة علي الدفعة و كان حلم حياتي أكون معيده بس طبعا محصلش و أشتغلت عشان أتعلم في جامعة خاصة و أصرف علي الدراسة
    الشغل واسطة و الجواز لازم عريس جاهز ، بلد مفيهاش أمل إلا بعد سنين طويلة

     
  • في الثلاثاء, أغسطس 22, 2006 7:53:00 م , Blogger توهة يقول...

    أنا بقول أخدها من قصيرها وأسيب الكليه من دلوقتى بدل ميتحرق دمى أكتر ماهو محروق وأبقى فحمه خالص
    وأروح أهرب مخدرات أحسن ولا مدونات
    مش هههههههههه
    انا فى مثل كنت ديما بردده فى سيرى والان سأعلنه على الملأ مصر ديما طرده بطنها لبره

    الباكيه من القهره فانتازيا

     
  • في الأربعاء, أغسطس 23, 2006 3:57:00 ص , Anonymous rahel يقول...

    من المسئول عن ضياع احلامنا وامالنا حتي الحلم بقي كابوس يقعدوا ليه ولمين لاهلهم مابيموتوا من حسرتهم علي ولادهم كل يوم ومافيش امل في بكرة كل يوم نقول غد يوم اخر يجي بكرة اسود والعن من اللي قابله خلاص بقولها صراحة وع الملا مافيش امل في بكرة طول مااحنا كده طول مابيتحكم في لقمة عيشنا واحلامنا وامورنا ناس مبيعرفوش ربنا حسبي الله ونعم الوكيل وربنا يعوضنا عن شباب زي الورد بيسافروا برة باحلام وامال يابينجحوا بعدسنين وسنين من عمرهم يابيرجعوا لاهاليهم جثث في صناديق يارب انت العالم والمطلع علي احوالنا احنا رايحين لحد فين ليه بيعملوا فينا كده ليه ربنا يوفقك يامحمد ويطمنك ع اصحابك ويوفقهم هما وكل الشباب اللي زيهم وحسبنا الله ونعم الوكيل

     
  • في الأربعاء, أغسطس 23, 2006 5:41:00 ص , Blogger gwad يقول...

    يا اخوانى الصبر مفتاح الفرج
    نحن لم نهن على مصر بل هنى على من يحكمنا هذه هى الحقيقة
    عبارة وغرقت وقطار واتحرق وقطارين وزهقوا ودخلوا فى بعض
    وسنترال رمسيس ولع
    العيب مش فى مصر
    واذا جاء العيب من اهل العيب ميبقاش عيب

     
  • في الأربعاء, أغسطس 23, 2006 5:41:00 ص , Blogger nirfana يقول...

    لا تعليق









    لا تعليق

     
  • في الأربعاء, أغسطس 23, 2006 9:28:00 ص , Blogger المزاجنجي يقول...

    سأحلول المشاركة لكن أنا الان قد غيرت مدونتي وهي

    http://elmazagange.blogspot.com/

    بدلاً من (من زماااااااان )وحبيت بس يا حمادة اعرفك ان عايش ومستنيك تيجي تشجعني كالعادة واعرف اللي حصل من المدونة نفسها

     
  • في الأربعاء, أغسطس 23, 2006 4:21:00 م , Blogger شــهــروزة يقول...

    دى حالة تسعة وتسعين فى المية من شباب مصر...يعنى بقت زى المرض المزمن...والسبب الرئيسى فيه الكووووسة..محصول مصر الرئيسى من ايام الهكسوس..مش يبقا واحد معاة دبلوم صنايع وييجى يشتغل ويبقا مثبت وكمان رئيس على واحد معاه بكالوريوس هندسة...واسالنى انا..شفت بعينى ومحدش قال لى...كل مؤهلاته قرايبة فلان بية وعلان باشا...وسكرتير الوزير الفلانى...دى بس كل مؤهلاته
    مفيش فااايدة

     
  • في الأربعاء, أغسطس 23, 2006 9:57:00 م , Blogger moorgen يقول...

    اولا الحمد لله انك بقيت كويس والى حد ما حاله الملل راحت يعن انت فى فترة نقاه منها
    يا محمد انت بتسأل ليه مصر بقت اسيا كدا مصر طول عمرها اسيا تخيل لما الواحد يفضل يدرس ويتحرق دمه ودم اهله فى الامتحانات والنتيجه وفى الاخر يتخرج وياخد لقب عاطل او يشتغل شغلانه مش تخصصه ويتبهدل فالبنسبه ليه الحل الوحيد السفر على الاقل ناس تقدره وتقدر دراسته وتخصصه
    على الاقل حتى لو كنت فاكر السفر فى مرمطه لبعض الناس فليها مقابل
    مش مرمطه بدون مقابل
    على فكره انا اخويا مسافر ولاقى نفسه فى السفر ولاقى اللى يقدر قدراته

     
  • في الأربعاء, أغسطس 23, 2006 10:25:00 م , Blogger Dody يقول...

    منهم لله اللى خالوا حال شبابنا كده و بس

     
  • في الأربعاء, أغسطس 23, 2006 10:46:00 م , Blogger rasha يقول...

    ربنا معاهم و يمكن يلاقوا شغل هناك ويرجعوا تاني بسرعه ويكونوا عملوا قرشين يفتحوا بيهم اي مشروع صغير ربنا معاهم ومع كل الشباب

     
  • في الخميس, أغسطس 24, 2006 2:57:00 م , Blogger محمد أبو زيد يقول...

    فالان اصبحت مصر بالفعل أســـــيا اوي علي اهلها


    يا صديقي مصر بقت قاسية على ولادهامن زمان
    وطبعا فاكر الجملة الشهيرة للريس : أأكلكم منين
    اللوم مش على صحابك
    ولاحتى على طلبة المنصورة ، دول هربوا يا صاحبي من مستقبل غامض
    ويمكن مخيف

     
  • في الخميس, سبتمبر 07, 2006 9:10:00 م , Anonymous حسنة من الله يقول...

    اه اه اه والف اه
    جيت على الوجيعه يا محمد
    انا خطيبى مسافر رغم انه كان عنده مبدا ان بلدنا اولى بينا واحنا اولى بيها من غيرنا لكن والف لكن خليته يسافر ورغم انه تعبان فى غربته بس بيصبر نفسه لانه مش فى بلده لكن فى مصر كان تعبان ومش قادر يقول اه لانه فى بلده شوفت احنا وصلنا ان حتى اه مش قادرين نقولهل فى بلدنا

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية