فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، أغسطس 16، 2006

بـدون عــنــوان


تنتابني حاله من الملل والزهق ومش لاقي لها سبب واضح هل الروتين في العمل ام الصراعات الحياتيه التي لا تكاد ان تنتهي مش عارف اي سبب بالظبط . حتي المدونه التي اجد فيها جزء من سعادتي لم اقدر علي التدوين لاني ادون ما يهزني واحس به لكني في خضم الاحداث والصراعات الداخليه لم اجد سعادتي الا مع زوجتي الحبيبه وابني البوكيمون الصغير ( عبد الله - عام واحد-) وبمجرد الخروج الي الحياه العامه اجد حاله الملل والزهق تنتابني ولم اجد لها سبب حتي الان .
ارجو من الله ان اخرج من هذه الحاله سريعا حتي اعود . ارجو الدعاء

25 تعليقات:

  • في الأربعاء, أغسطس 16, 2006 2:04:00 م , Blogger sahar يقول...

    ربنا يخليلك عبد الله ومامته يارب دي النظرة في وشهم تساوي الدنيا وما فيها وميرسي علي كلامك

     
  • في الأربعاء, أغسطس 16, 2006 4:26:00 م , Blogger محمد أبو زيد يقول...

    الوحيد اللي هيخليك تطلع م الحالة دي هو عبد الله
    أكيد لما بتقعد معاه بتحس إن الدنيا أجمل
    اقعد معاه شويه أكتر

    ربنا يخليهولك

     
  • في الأربعاء, أغسطس 16, 2006 4:34:00 م , Blogger Nouran يقول...

    بص يا عم خد عبدالله وام عبدالله وروح شم هوا ف حته تانية او روح اسكندرية او ع النيل كده يعني واعمل التاج بقى يا باشا :)

     
  • في الأربعاء, أغسطس 16, 2006 5:22:00 م , Blogger Sampateek يقول...

    لست وحدك
    كلنا
    في
    نفس المركب
    و الحر
    لا موج
    و لا هوا
    كاتمة
    ----
    اتمني لك انفراجة سريعة
    خالص تحياتي

     
  • في الأربعاء, أغسطس 16, 2006 9:13:00 م , Anonymous alaa يقول...

    خلي عبدالله يجبلك وسطة وانا معاك

     
  • في الأربعاء, أغسطس 16, 2006 9:45:00 م , Blogger حــلم يقول...

    عارف لو راقبت عبدالله
    تقدر تكتب كتب مش مدونة صغيرة

    حالة عامة والله

    لكن ربنا يفرجها عليك وعلينا

    ما تغيبش

     
  • في الأربعاء, أغسطس 16, 2006 9:48:00 م , Blogger Dody يقول...

    انا اشارك الاخرين الراى وهو ان عبدالله هو اللى هيخليك تخرج من الحاله دى وصلى كتير وادعى ربنا يخرجك من الحاله دى وربنا يخليلك عبدالله وتشوفه عريس كده بس ابقى اعزمنى على الفرح

     
  • في الأربعاء, أغسطس 16, 2006 10:32:00 م , Blogger gwad يقول...

    يا أبو عبد الله
    كلنا هذا الرجل

    كل ما حولنا يجعلنا نشعر بالملل بالياس

    ولكن اللهم يفرج عنك وعنى وعن امة محمد

    اللهم امين

     
  • في الأربعاء, أغسطس 16, 2006 10:35:00 م , Blogger شــهــروزة يقول...

    الحالة عامة ..يبدو انه اتجاه لاارادى نحو الانتحار او ما شابه..يعنى...مش لاقيين حاجة عدلة تستحق اننا نعيشها ونتفر عليها..الا اللى زيك عندهم لسة شعاع مال...عبد اللة واللى زى عبداللة...دول اللى يستاهلوا اننا نعيش عشانهم...سلامى لعبداللة وام عبداللة...اللة يبارك لك فيه

     
  • في الخميس, أغسطس 17, 2006 12:54:00 ص , Blogger بعدك على بالى يقول...

    خد البوكيمون الجميل فى حضنك ونام..خد البراءه والطهر والحب والدفا والامان .... ابنك هو كل ده وهو الحقيقة الوحيدة فى الحياة ، خد من ابتسامته اللى يمحى كل الهموم حتى لو للحظات اعتقد حتكون كافية لانك تشحن بطاريتك تانى ....

    ربنا يفك ضيقتك ويزيل همك .. صلى اكتر
    واطلب منه السكينة

     
  • في الخميس, أغسطس 17, 2006 2:43:00 م , Anonymous rahel يقول...

    اتفق مع الجميع عبدالله بالدنياومافيها ده كفاية بس ضحكته البريئه اللي مافيش اصدق منها ولاني اعرف عبدالله معرفة شخصية باعتباري عمته الصغيرة بقولك ياابوعبدالله اللي في خفة دم عبدالله قادر يخرج اي حد من الخنقة والملل ربنا يخليهولنا كلنا متتاخرش علينا وربنا معاك

     
  • في الخميس, أغسطس 17, 2006 9:52:00 م , Blogger ادم المصري يقول...

    ربنا يخلي النون يا باشا
    ده انت طلعت تقيل بقي
    ماشي ياعم

     
  • في الخميس, أغسطس 17, 2006 9:53:00 م , Blogger توهة يقول...

    ربنا ينصرك على من يعاديك ولا يشمت فيك أعاديك ويخليليك عبد الله وأمه يا محمد يا بن حوا وأدام
    راقتك وإسترقاتك من العين ومن الحساد ومن كل اللى شافك ولا صلاش على النبى
    ويشيل من عندك الملل والقلق وكل حاجه وحشه
    قولوا آآآآآآآآمين

    فانتازيا

     
  • في الجمعة, أغسطس 18, 2006 1:14:00 ص , Blogger saso يقول...

    وبعدين بقي ... يعني أنا افوق انت تدخل في الموود دة؟ مينفعش كدة
    متضايق إمسك ورقة وقلم او كيبورد في حالتنا وطلّع اللي جواك

     
  • في الجمعة, أغسطس 18, 2006 1:48:00 ص , Blogger ...دنيتي يقول...

    أولا ميرسييييييييي جداااا على السؤال
    بجد فرحت اوي
    وسبب غيابي كان نفس الحالة اللي انت بتمر بيها
    وده اللي مخليني مش عارفة اكتب حاجة

    يارب
    ان شاء الله يفك كربك ويهديك




    متفهمش يهديك دي غلط
    عشان محدش بيفهمني اما بدعيلوا الدعوة دي

    يارب
    يشيل عنا جميعا:)

     
  • في الجمعة, أغسطس 18, 2006 1:49:00 ص , Blogger ...دنيتي يقول...

    نسيت اقولك
    صورة البيبي دي ملهاش حل

     
  • في الجمعة, أغسطس 18, 2006 2:34:00 ص , Blogger أجدع واحد في الشارع يقول...

    ايوة يا ابو عبدالله
    ربنا معاك
    ومش انت لوحدك اللى فى الحاله دى
    فى كتير اوى زيك

     
  • في الجمعة, أغسطس 18, 2006 7:42:00 ص , Blogger layal يقول...

    استعن بالله
    بين طرفه عين يغير الله من حال الي حال
    ربنا يخلي لك عبودي وامه

     
  • في الجمعة, أغسطس 18, 2006 11:03:00 م , Blogger توهة يقول...

    اعمل زى كروان واحمد ربنا كل يوم الصبح على النعمه اللى انت فيها وقول كل يوم لا اله الا الله ميت مره وصلى باتقان ولو عملت كده هتطلع من الحاله دى باذن الله واسأل الدكتور كروان
    وكل ماتجيلك الحاله زود الجرعه شويه وربنا الشافى

    كروان

     
  • في السبت, أغسطس 19, 2006 12:54:00 ص , Blogger arwa يقول...

    استعن بالله وفوض له امرك
    أسأل الله ان يحفظ لك عبودي وامه
    وان يبدل حالك إلى أحسن حال

     
  • في الأحد, أغسطس 20, 2006 1:21:00 ص , Blogger farida يقول...

    ايه بس يا محمد
    كلنا حنموت من الزهق
    متحطش في دماغك و اطلع من الموود ده
    و اوعى تبطل كتابه
    اكتب اي حاجه يا سيدي احنا راضيين

    الصوره دي تحفه
    و اجمل حاجه في الدنيا اكيد عبد الله و الله لو شلت من دماغك و ركزت معاه اكيد حتنسى الدنيا

     
  • في الأحد, أغسطس 20, 2006 12:53:00 م , Blogger moorgen يقول...

    السلام عليكم محمد

    اتمنى من الله انك تكون دلوأتى فى احسن حال شفت ان كلنا تنتابنا حاله من الملل والضيق بس بصراحة كفايه النظرة الى برأءة عبد الله والابتسامه منه تكفى للتفاؤل ربنا يحفظهولك

    دول ملايكه يا محمدربنا يرحمنا ويفرج عنا

     
  • في الأحد, أغسطس 20, 2006 4:27:00 م , Blogger BaTresYa يقول...

    كل منا في لحظه من الحياة يشعر بملل شديد وإحساس رهيب ينتابه
    لـكل انظر لمن حولكـ بنظره تفاؤل وتنفس رياح الحياه لتنعم بفكر صافي وابتسامه مشرقه
    ربي يحفظكـ ويقويكـ ويشعل نار الأمل فيكـ
    دمت سالماً

     
  • في الأحد, أغسطس 20, 2006 5:52:00 م , Blogger karakib يقول...

    حاول تغير جو

     
  • في الثلاثاء, سبتمبر 26, 2006 2:52:00 م , Blogger shaimaa يقول...

    ana 3rfa el7la de btb2a mometa..w elnse7a dymen eli btgdy f3ln hya elt3'eer lw 2mkn tb3n

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية