طيب ليه كده ....؟
امس وعند عودتي من العمل واثناء ركوبي للميكروباص اخبرنا السائق بأن الاجره اصبحت الضعف . فأخذ رجل في اخر السياره يكيل السباب والشتائم لمده تزيد عن 15 دقيقه للحكومه وللرئيس وللمسئولين .
لم اسمع احد يتحدث بهذه الحرقه والانفعال من فتره مثلما شاهدت هذا الرجل وعند وصولي لمكان النزول كان الرجل قد وصل الي قمه انفعاله . ولا اعلم هل وصل الي بيته انه الان في عداد المفقودين
لم اسمع احد يتحدث بهذه الحرقه والانفعال من فتره مثلما شاهدت هذا الرجل وعند وصولي لمكان النزول كان الرجل قد وصل الي قمه انفعاله . ولا اعلم هل وصل الي بيته انه الان في عداد المفقودين
******
اثناء تناولي العشاء انا وعبد الله أمس وعندما ظهر الرئيس في أحدي المحطات حتي صرخ عبد الله صاحب الثلاثه اعوام بشده وقال /الراجل ده رخم اوي يا بابا . فأستغربت من الجمله فقلت له ليه قال لي / هو كده رخم يعني رخم.
******
طيب ليه كده .....؟
ليه الحكومه بتعمل فينا كده ؟
ليه مش حاسه بالشعب وكأنهم من كوكب أخر ؟
ليه الكبير والصغير ناقم وبيشتم ومش قادر يستحمل ؟
بجد الناس كلها تعبانه وجابت اخرها
الشعب كله مهموم والوشوش مش قادره تضحك
المسئولين دول مش بيمشوا في الشوارع ويشوفوا الناس ؟
بيعرفوا يناموا بالليل ؟
مرتاحين البال ؟
والله من يوم زياده الاسعار والكل بيكلم نفسه
عليه العوض
التسميات: تحيا مصر
مرسلة بواسطة مـحـمـد مـفـيـد @ ١١:٢٩ ص
28 تعليقات:
في الخميس, مايو ٠٨, ٢٠٠٨ ١٢:١٦:٠٠ م ,
tamer.sala7 يقول...
طيب يا ابو عبد الله انت لسة عندك عبدالله طفل برئ وقال رخم انا عندي والدي اللي سنه اكبر من سنك ومن سني من يوم الاثنين الماضي عامل زي نور الشريف في فيلم سواق الاتوبيس اخر مشهد ( يا ولااااااااااد الكللللللللللب يا ولااااااااااد الكللللللللللب يا ولااااااااااد الكللللللللللب ) مش بيقول غير كدة وربنا يعينك علي عبد الله علشان لو دخلته مدرسة خاصة او تجريبي يبقي عليه العوض لأن سيدنا الرئيس عظم الله اجره الغي الاعفاءات الضريبية من علي المدارس والجامعات الخاصة
في الخميس, مايو ٠٨, ٢٠٠٨ ٢:١١:٠٠ م ,
smraa alnil يقول...
هو انا كل ماجي اقول حسبي الله ونعم الوكيل
يا محمد الناس دول مش تبعنا
واحنا مش تبعهم ولا احنا من الكوكب دة
اومال اللي داخلين علي جواز بقي يعملوا ايه
سلملي علي عبد الله اوي يا ابو عبد الله
في الخميس, مايو ٠٨, ٢٠٠٨ ٤:٥٣:٠٠ م ,
AHMED SAMIR يقول...
لا...مش بيمشوا في الشارع ومش بيشوفوا الناس
ورا ستاير عربياتهم وورا حراسات قصورهم ووسط تكييفاتهم البلازما مش ممكن يحسوا ببني ادمين بيركبوا ميكروباصات
بس خلاص
في الخميس, مايو ٠٨, ٢٠٠٨ ٧:٢٣:٠٠ م ,
رفقة عمر يقول...
يمكن عبدالله زهق انه كل يوم بيشوفه
نفسه يشوف حد جديد
في الخميس, مايو ٠٨, ٢٠٠٨ ٩:١٨:٠٠ م ,
tarek momen يقول...
الأطفال مابيعرفوش يكدبوا او يكرهوا
عندك حق يا عبدالله
في الخميس, مايو ٠٨, ٢٠٠٨ ٩:٣٧:٠٠ م ,
غير معرف يقول...
والله عبد الله ده طلع محترم زي ابوه بالظبط
عارف انك مش بتحب الالفاظ الخارجه والشتيمه
كنت هقولك حاجات يعاقب عليها القانون
وحشتني يا مفيد
SAHER
في الجمعة, مايو ٠٩, ٢٠٠٨ ٧:٢٢:٠٠ ص ,
المبدع الناقد يقول...
ربنا يكون في العون الجميع
http://fekrety.blogspot.com/
زر مدونتي استاذي الفاضل
في الجمعة, مايو ٠٩, ٢٠٠٨ ٥:٣٢:٠٠ م ,
No Fear يقول...
السلام عليكم
حبيبي مفيد
هو أنا ناوي أكتب بوست عن التعليق بتاعي ده إن شاء الله
بس بجد
إن الله لا يغير ما بقوما حتي يغيروا ما بأنفسهم
أحنا غلط فاكيد اللي هيحكمنا غلط لو مشي و حد تاني جه هيكون غلط لأنه مننا و إحنا غلط
سلام يا باشا
في الجمعة, مايو ٠٩, ٢٠٠٨ ٨:٥٧:٠٠ م ,
روح يقول...
بتسأل ليه كدة
لان الطبقة دي جاهلة جدا
بأمور الدين مش حاسين بالمصيبة
اللي هما فيها وعبأ الامارة
هيبقي عليم ازاي يوم القيامة
دة احنا هنتفرج عليهم
لما يتحاسبوا واحد ورا التانيعلي كل واحد فينا واما نشوف
هيردوا بإيه
..........
استاز محمد بصفتك اوي تعليق
ليا علي اخر بوست ليا
هل البوست عجبك
ولا حسيت انة تقليدي؟
انا بصراحة بعد ما نزلته
مش مقتنعة اوي بيه
حسة ان كان ممكن ابذل فيه
مجهود اكتر مش عارفة
انت اية رأيك في الاسلوب
منتظرة ردك
في السبت, مايو ١٠, ٢٠٠٨ ٢:٠٧:٠٠ ص ,
إيمان يقول...
فى العادى يا محمد بتنفس هواء ..ولكننا فى مصر ...أصبحنا نتنفس غلاء وهم وفساد ووجع
فى مصر..أصبحت تعانى لأنك تحمل درجة مواطن مصرى
فى مصر....كل ما هو قاتم وسىء له قيمة
مش عارفة أقولك إية ده تالت بوست اعلق عليه فى هذا الموضوع وتصدق مش بجده متنفس بقدر ما هو استحضار جديد للألم...اللى شبعت نفوسنا منه
أنا بقرأ الاهرام النهاردة لاقيت تجاهل فظيع للأحوال الناس وكل ما يتعلق بالازمة ...الرئيس سوف يصدق البوم على علاوة ال3.%
تحياتى وتقديرى
في السبت, مايو ١٠, ٢٠٠٨ ٥:١٥:٠٠ م ,
محمد عبد الغفار يقول...
تابع ردود أفعال تماماً عند
http://alienzero.blogspot.com/2008/05/blog-post.html
في الأحد, مايو ١١, ٢٠٠٨ ١٢:٥٣:٠٠ ص ,
soosa el-mafroosa يقول...
و النبي عبد الله ده عنده ذوق
بس لأ ..إنتوا كده ظالمين
لما العسل ده تقولوا عليه رخم
امال إبنه يتقال عليه إيه؟
في الأحد, مايو ١١, ٢٠٠٨ ٦:٢٦:٠٠ ص ,
Rania Lelah يقول...
و اله يا محمد
انا دخلت مرة فى نقاش مع صديق على نفس الموضوع
و لقيته جامد جدا فى المناقشة و لقيته بيقول ان الشعب يستاهل اكتر من كدة و يستحق كل الى بيحصله
طبعا انا مسكتش
بس قالى حاجة تقريبا اول مرة اعرفها
قالى حديث عن رسول الرحمة صلوات الله عليه و سلامه
فيما معناه ان الاولى بالشعب تقريبا الحكومة اما بتبقى ظالمه كدة يبقى العيب فى الشعب نفسه بيكون الشعب فعلا تخلى عن دينه
معدتش فى امانه ولا فى صدق و الغش ملى الحياه و الناس و الكدب و الخلاعه و الحاجات دى
و دة تقريبا عقاب من ربنا
انا بصراحة اتثبتت
:)
انا مش هسلم بحاجه
غير ان ربنا يرحمنا ان كان من نفسنا او من الحكومة الى هتجبنا الارض قريب قوى
تحياتى
في الأحد, مايو ١١, ٢٠٠٨ ١١:٤٩:٠٠ ص ,
غير معرف يقول...
لية اية
من غير لية
يعني اية " لية مش حاسة "
هو الاحساس له سبب
الاحساس يا موجود يا مش موجود
السؤال المفروض يوجه لينا احنا
لية
لية
في الأحد, مايو ١١, ٢٠٠٨ ١:٤٥:٠٠ م ,
Unknown يقول...
سبحان الله
حتى اااااانت ياعبد الله .. الولد استشف من جواه الحقيقة المرة .. لا حول ولا قوة الا بالله
ربنا يحميهولك ويخليهولك يارب .. وابقى سلملى عليه بالله عليك اوى
سلام
في الأحد, مايو ١١, ٢٠٠٨ ٢:١٠:٠٠ م ,
غير معرف يقول...
هذا الشبل من ذاك الأسد :)
منذر
في الأحد, مايو ١١, ٢٠٠٨ ٨:٠٥:٠٠ م ,
-_- يقول...
مش انا قولتلك قبل كده ان اسعار السوبر ماركت بتاعتك رخيصة اوي و محدش صجقنى
اهي غلت اكتر
و لسسسسسسسسسسسسسسسسسسسسسة
في الأحد, مايو ١١, ٢٠٠٨ ٨:٠٩:٠٠ م ,
غير معرف يقول...
ربنا يعفينا يارب
يارب ارحمنا يا رب
في الاثنين, مايو ١٢, ٢٠٠٨ ٧:٢٧:٠٠ ص ,
رينـــــــــــا يقول...
والله والله والله منهم لله
انا مش عايشه فى البلد ومحروووووووووووقه وبدعى عليهم فى كل سجدة صلاة
وماشاء الله ابنك حسه السياسى عالى بيكره من منظره بس :D
في الاثنين, مايو ١٢, ٢٠٠٨ ١٠:١١:٠٠ م ,
son's egypt يقول...
السلام عليكم
للاسف الحكومة عايشة في البرج العاجي مش حاسة بهموم ومشاكل الناس
في الثلاثاء, مايو ١٣, ٢٠٠٨ ١:٤٥:٠٠ ص ,
صاحب المضيفة يقول...
ونفس السؤال بيتكرر في ذهني كل شوية
ليه كل ده وعلشان ايه برضو
سلامي للعبدين يا جميل
تحياتي
في الثلاثاء, مايو ١٣, ٢٠٠٨ ٦:٢١:٠٠ م ,
قوس قزح يقول...
و الله ما عارفة ليه بتعمل كده
بس الناس هيجى عليها وقت و مش هتسكت او هتهج
ربنا يكون فى عون كل الغلابة
في الثلاثاء, مايو ١٣, ٢٠٠٨ ٩:٣٠:٠٠ م ,
Shreef يقول...
و الله مش عارف ليه كدا
يمكن زي ما عبد الله قال
رخامة
رخامة رخامة يعني
انا بردو اتمنى ان حد يجاوبني على نفس الاسئلة اللي انت سألتها ديه
بس ما اعتقدش ان حد هيقدر يجاوب
لان الكل بيدور اصلا على اجابات
تحياتي لحضرتك
سلام
في الثلاثاء, مايو ١٣, ٢٠٠٨ ١١:٢٦:٠٠ م ,
اعشق فى الليل ضوء القمر يقول...
ربنا يبارك فى إبنك عبد الله وأسأل الله أن يكون عبده بحق
وأن يترعرع على الفطرة السليمة
فطرة لا إله إلا الله محمد رسول الله
في الأربعاء, مايو ١٤, ٢٠٠٨ ١٢:٣٤:٠٠ ص ,
مدحت محمد يقول...
انا لما الحكومة زودت 30 فى المية
قعدت اقول للمدونين اللى بيهاجمو الحكومة بتهاجموها ليه بقى اهى اثبتت حسن نية وزودت الموظفين انتم بتتلككم
بقى
وفى الشغل وفى كل حتة ادافع عن الحكومة
لحد لما جه الخاذوق اى والله خاذوق رفع الاسعار
وبقى شكلى وووووحـــــــــش
اللى يمشى ورا الحكومة .............
تحياتى
في الأربعاء, مايو ١٤, ٢٠٠٨ ١:١٩:٠٠ ص ,
مصــــري يقول...
أبو عبد الله
هذه زيارتي الاولي للمدونة,أرجو قبولي زائراً دائماً.
أحياناً أشعر أننا في ابتلاء بهؤلاء الحكام.
وبرغم صغر سن عبد الله ولكنه فهمها وهذا ما لا يريدون فهمه.
لقد كبر شباب مصر عقلياً وبصورة كبيرة,أشعر وأني كهلاً ولكن في العشرين.
هؤلاء بشر لم يعملوا حساب قبر ولا موت ولا حساب.
جزاهم الله علي ذلك,وان كنت أريد فعل أشياء غير الدعاء وبعيدة عن العنف من جانبي ولا أظنها كذلك من جانبهم.
تحياتي
أسامة
في الأربعاء, مايو ١٤, ٢٠٠٨ ١٠:٥٨:٠٠ ص ,
Unknown يقول...
فيه راجل برده اتخانق مع سواق الميكروباص الى كنت مروحة فيه اول امبارح و قاله عايز زيادة اطلع على القسم و الغريب ان السواق خاف يطلع على القسم مع ان المفروض على حد كلام السواقيين ان الحكومة عارفة بزيادة الاجرة عشان البنززين غلى اوى عليهم
تعرف و الله الاتنين صعبوا عليا الراكب و السواق ماهو السواق معذور برده
في الأحد, مايو ١٨, ٢٠٠٨ ٢:٥٥:٠٠ م ,
mnoon يقول...
السلام عليكم ورحمه الله
والله كويس إن عبدالله فى السن دا وقادر يحس باللى بيحصل لنا
بس خاف عليه أحسن أمن الدوله تاخده
إرسال تعليق
الاشتراك في تعليقات الرسالة [Atom]
<< الصفحة الرئيسية