فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأحد، فبراير 24، 2008

بقاله محمد مفيد

يسعدني ويشرفني بالتعاون مع الحكومه المصريه الرشيده أن اقدم لكم اسعار السلع الاساسيه لكل بيت مصري مطحون ومغلوب علي امره

كيلو الطماطم 2.5 جنيه
كيلو الارز 3.5 جنيه
كيلو المكرونه 4 جنيه
كيلو البطاطس 3 جنيه
كيلو اللبن 4 جنيه
رغيف العيش 25 قرش
زجاجه الزيت 9 جنيه
كيلو السكر 4 جنيه
كيلو الفراخ البيضاء 17 جنيه
كفايه كده علشان الضغط وأصحاب الامراض


وعلي الساده محدودي الدخل الموت جوعاً وضرب دماغهم في الحيط
وتتحدي البقاله شراء سلعه نهاراً بنفس سعرها ليلاً
وهذه الاسعار قابله للزياده بعد أقل من ربع ساعه
وتحيا جمهوريه مصر العربيه
وحسبي الله ونعم الوكيل


التسميات:

27 تعليقات:

  • في الأحد, فبراير 24, 2008 3:08:00 ص , Blogger آلام وآمال يقول...

    وحسبي الله ونعم الوكييييييل

    ده حضرتك كمان جايب الأسعار تقريبا بعد التخفيض

    ربنا يسترها علينا ف الايام الجاية

     
  • في الأحد, فبراير 24, 2008 8:22:00 ص , Blogger Rania يقول...

    انا بقول نعمل اضراب عن الطعام
    و اهو كله منفعة منه نظهر استنكرنا و منه نبقى وفرنا

    تحياتى

     
  • في الأحد, فبراير 24, 2008 8:53:00 ص , Anonymous yasser يقول...

    الله يجازيك
    :)
    طيب معندكش جبنه

     
  • في الأحد, فبراير 24, 2008 11:21:00 ص , Blogger صاحب المضيفة يقول...

    ربنا يخليك للغلابة يا مفيد افندي

    وتحياتي للعبدين يا باشا

    تحياتي

     
  • في الأحد, فبراير 24, 2008 11:23:00 ص , Blogger خمسة فضفضة يقول...

    السلام عليكم ورحمة الله وبركاته


    حسبنا الله ونعم الوكيل


    بس فيه حاجات غاليه وحاجات رخيصه
    ياريت تتأكد من الاسعار
    :-)

     
  • في الأحد, فبراير 24, 2008 12:21:00 م , Blogger walaa يقول...

    مش عارفه اقولك ايه بس هى ناس تستاهل عارف لييه علشان احنا اللى ساكتين على الوضع دهة
    عاملين نشجب ونستنكر فقط
    بالله عليك شعب 80مليون نسمه مش عارف يحرر نفسه من شوية حراميه زى دول
    حسبنا الله ونعم الوكييييل
    ولاء

     
  • في الأحد, فبراير 24, 2008 6:01:00 م , Blogger قلب الأسد يقول...

    انت نسيت ان النسكافيه بالكريمر بـ 13 جنيه !! أووو طب الواحد يعدل مزاجه بإيه ؟ أغير الصنف ؟ هيبقى أغلى.. اهئ

     
  • في الأحد, فبراير 24, 2008 7:07:00 م , Blogger gamal يقول...

    الأستاذ محمد
    وحشنى جدا ... أرجوالله أن يزيل عنك الحزن ويجعلك دائما صحة وعافيه

    أيه ياعم الأسعار ده
    ماخلاص ح نعمل بطاقة تموين ونضيف ولادنا على بطاقة العيله وهو خلاص الوزير وعدنا ان كل سلعة ح تدخل فى البطاقه يعنى ماتشغلش بالك
    سوف نعودالى الوراء ونشترى الصابون وبقية السلع بالبطاقه ....افرح ياعم

     
  • في الأحد, فبراير 24, 2008 9:10:00 م , Anonymous أبو شمعة يقول...

    بدلا من أن نلعن الظلام فالنضيء شمعة
    شوف البوست ده و قولي رأيك
    http://project4egypt.blogspot.com/2008/02/blog-post_23.html

     
  • في الأحد, فبراير 24, 2008 9:16:00 م , Blogger dina يقول...

    لا اله الا الله
    ربنا عالظالم بقى نقول ايه
    طب الطماطم و طول عمرها مجنونة..انما بقية الاسعار اللى نطت مرة واحدة دى اتعدت هى كمان

    على رأيك و الله...و على محدودى الدخل الموت جوعا

     
  • في الاثنين, فبراير 25, 2008 12:11:00 ص , OpenID ta5areef يقول...

    بجد يا مفيد إنت حاقود

    و متزعلش مني مش فاهم

    الحكومة ليه غلت الأسعار؟؟ فكر كده

    000000000000000

    000000000000000

    شوية كمان

    000000000000000

    000000000000000

    000000000000000

    أيه زهقت؟؟ أقولك أنا, الحكومة شايفة إن معظم المصريين بيعانوا من السمنة فقالت تغلي الأسعار عشان يعملوا رجيم و يخسوا

    و شافت إن فيه فقرة كتير في البلد حالهم مايسورش و مش عايزين ينتحروا عشان مايموتوش كافرين فقالت تموتهم من الجوع و تكسب ثوابهم و تخلصهم من العيشة

    وشافت إن اللي مرتاحين مش فارق معاهم فلوسهم و بيصرفوها في كلام فاضي فقالت أما نخليهم يصروفها في كلام مليان

    فيه ايه تاني؟؟؟

    يبقى منقولش حسبي الله و نعم الوكيل إحنا نشكر الحكومة الجميلة اللي وصلتنا للحال ده و خلت الستات تتضرب من الرجالة بتاعتهم و فتواتهم عشان فكروا يقابلوا أمهم شوزي الله... و لا بلاش

    بطل حقد بقى يا مفيد

     
  • في الاثنين, فبراير 25, 2008 10:55:00 م , Blogger محمد عبد الغفار يقول...

    بس متقلش رغيف

     
  • في الثلاثاء, فبراير 26, 2008 1:13:00 ص , Blogger نبض اسكندرية يقول...

    ابو العبادلة ازيك يا فندم


    حضرتك نسيت حاجة مهمة تقولنا سعرها

    كيلو العتس ب9جنية

    كيلو الفول ب6 جنية

    وتحيا الوحدة الملوخية

     
  • في الثلاثاء, فبراير 26, 2008 4:58:00 ص , Anonymous ام عهد يقول...

    السلام عليكم يا ابا العبدين بجد مش عارفه اعلق اقول ايه بس بجد حراااااااام دى حاجه تجنن ربنا يرحمنا برحمته بس انت جبت الصميم
    جسبنا الله ونعم الوكيل

     
  • في الثلاثاء, فبراير 26, 2008 10:14:00 م , Blogger نداء يقول...

    هههههههههههههههههههه
    علي فكرة الاسعار ديه قديمة اوي
    انا شكلي كده جيت متاخر
    الاسعر في ارتفاع مستمر

     
  • في الأربعاء, فبراير 27, 2008 12:57:00 ص , Anonymous محمد الجرايحى يقول...

    طالما أن السادة الكبار
    قابعين فى قصورهم العاجية
    يرفلون فى نعمة وترف ورفاهية
    فلن تنحل مشكلة الأسعار
    لأن لايشعر بالنار إلا من يده فيها

     
  • في الأربعاء, فبراير 27, 2008 1:36:00 ص , Blogger محمد فوزي يقول...

    ما هو حضرتك اللي غلطان اسمحلي! بتحط اسعار الجمله ليه؟!.. كيلو بحالوو
    طب خليها سعر المكرونايه كذا
    سعر الرزايه كذا , سعر معلقة السكر كذا, سعر ملو غطا قزازة الحليب كذا
    بالطريقه دي تلاقي الاسعار جميله خالص , لازم الاسراف ده يعني؟!!

     
  • في الأربعاء, فبراير 27, 2008 1:37:00 م , Blogger أم أحمد يقول...

    كيلو الزيت حضرتك لسه شارياه امبارح ب14 جنيه ..زيت ذرة عشان محسوبتك مابتاكلش اي زيت والسلام
    وحسبي الله ونعم الوكيل

     
  • في الأربعاء, فبراير 27, 2008 10:52:00 م , Blogger raspoutine يقول...

    محمد انت اشتغلت فى سوق العبور ولا ايه
    وبعهدين انت فين انا بحب رأيك فى مواضيعى
    تعالى بقى يا صاحبى

     
  • في الخميس, فبراير 28, 2008 2:24:00 ص , Anonymous غير معرف يقول...

    ايه يا عم الجمال والحلاوه دي

     
  • في الخميس, فبراير 28, 2008 9:51:00 م , Blogger حائر في دنيا الله يقول...

    يراجل
    السكر ب4جنيه
    دحنا عندنا محل وبايعه النهاردة بتلاتة بس
    بص احنا عندنا كمية هات العيال وتعالة ونا أظبطك
    :)

    لك تحياتي وربنا يخلي العبدين
    السلام عليكم

     
  • في الجمعة, فبراير 29, 2008 12:49:00 ص , Blogger محمد مارو يقول...

    انت نسيت تقول ان الكرنبايه ب 15 جنيه

     
  • في الجمعة, فبراير 29, 2008 8:11:00 م , Blogger Mo3Az يقول...

    :)
    كنت بكلم واحد بتاع حزب وطنى
    مقتنع هو اوى بإن الحزب الوطنى على حق والشعب هو اللى مش كويس

    ولما قلتله على الفساد وغلاء الاسعار
    وجبت له اكتر من دليل دامغ على الكلام

    قالى نعم هناك اخطاء ، وذلك ما سنصلحه فى الثورة الاقتصادية التاليه
    :)

    دا باعتبار ان كان فى ثورة اولى يعنى
    وقالى ان سبب المشاكل دى كلها هما الاخوان اللى عاملين الفساد فى البلد

    عجبى
    تحياتى على الموضوع يا فندم

     
  • في الجمعة, فبراير 29, 2008 9:44:00 م , Blogger أحمــــــــدبــــــــــلال يقول...

    حسبنا الله و نعم الوكيل

     
  • في السبت, مارس 01, 2008 12:22:00 م , Blogger مصطفى السيد سمير يقول...

    فعلا كفاية
    عشان أصحاب الضغط والسكر والقلب
    انت عارف إن الأدوية كمان غليت

     
  • في السبت, مارس 01, 2008 1:18:00 م , Blogger يا مراكبي يقول...

    ماشية معاك .. ربنا فتحها عليك وبقى عندك بقالة قد الدنيا .. إنت كده عديت

    نسيت أقولك في البوست اللي فات .. عجبتني قوي جملة: إن الحزن يعلمنا كيف نكتب .. جميلة جدا بجد

     
  • في الخميس, مارس 20, 2008 11:34:00 م , Blogger منة الله يقول...

    أجمل نكتة سمعتها عن موضوع الغلاء بتقول واحد اصطاد سمكه و رجع بيها البيت فرحان و طلب من مراته تقليها قالتله الزيت غالي قالها طب اشويها قالتله الردة غالية قالها اعمليها طاجن بالصلصة قالتله الطماطم غالية راح الراجل واخد السمكة و رماها تانى فى البحر
    طلعت السمكة ترقص تحيا جمهورية مصر العربية هههههههههههههههه
    و الله بقت عيشة صعبة مش بس الاكل و الشرب و الايجارات و التعليم و الصحة لا زاد و غطى فواتير الكهربا المرعبة
    حسبي الله و نعم الوكيل

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية