فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، مارس 12، 2008

أرحموا من في الأرض

أعلم أني هذه الايام أصبحت سوداوياً وحزين لاسباب معلومه وغير معلومه ولكن ما دفعني لكتابه هذا البوست المؤلم هو الأتي
عندما قمنا في موقعنا أبناء مصر بتبني مأساه قريه كفر العلو وعند تعرض الأهالي للأعتداء من الأمن وحدوث أصابات وتحويلهم الي المستشفي لم يتم اسعافهم الا بعد تدخل الأخت العزيزه مريم -أحد أفراد أبناء مصر - عندما أكتشفت صله تربط بين قريب لها والدكتور حاتم الجبلي وزير الصحه وعلي الفور أتصلت بالوزير وحكت له ما حدث مع أهالي كفر العلو وعلي الفور أمر المستشفي بأجراء العمليات والجراحه اللازمه للمصابين والاهتمام بهم.
واليوم وعند عودتي من العمل وأثناء متابعه برنامج البيت بيتك في فقره المشاكل وجدت طفل يبلغ من العمر 10 سنوات ويعاني من سرطان في الدم وعدم وصول الاوكسجين الي المخ ويحتاج الي جراحه تتكلف 100000 جنيه وطبيبه المعالج رفض اجراء الجراحه الا بعد الحصول علي المبلغ ووالده متوفي وقال بالحرف الواحد / بشوف صحابي وهما بيلعبوا بيبقي نفسي العب زيهم لان طول عمري ما لعبت لاني علي طول بقع من طولي. فوالله دمعت عيناي من شده الألم
وبعدها قام أصحاب الخير بالتبرع لهذا الطفل بالمبلغ المطلوب ولكن يبقي سؤال
ماذا يحدث لو لم تتصل مريم بكل شهامه بالدكتور حاتم الجبلي ؟
ماذا يحدث لهذا الطفل لو لم يصل لبرنامج البيت بيتك ؟
فهذه أمثله صغيره فالأمثله كثيره تجعل القلب يقطر دماً تقطر دماً
فرجاء من أي طبيب ان يراعي ضميره وربنا فيما هو أمامه من حاله للمرضي الذين يعانون من قله الحيله وليس لهم سوي الله عز وجل ليلجأون اليه في هذا الزمن
بجد اتمني ان احنا نحاول نتقي ربنا ونحاول نساعد أي حد يكون محتاج أي حاجه وحتي ولو بالكلمه الطيبه بجد بتخفف كتير أوي من الألم المتواصله التي يشعر بها اي مريض بجد لازم نبدأ بينا أحنا
معذره لأختي مريم علي ذكر هذه الحادثه ولكن والله كان ولابد من ذكرها لتوصيل الفكره وليس أكثر وربنا يبارك لك ويجعله في ميزان حسناتك

التسميات:

26 تعليقات:

  • في الخميس, مارس 13, 2008 1:42:00 ص , Blogger saso يقول...

    ربنا يبارك لمريم أولاً
    مسألة الضمير المهني واعتبارات الإنسانية تقريبا انتهينا منها
    مش موجودة لمجرد عدم مطابقتك لمواصفات المريض المثالي عند الإخوة الدكاترة
    جزئية عدم الوصول للإعلام وغيره هيا فيها جزء من المنطق
    ماهو التأمين الصحي مش هيقدر يغطي الكم ده من العلاج وعليه التبرع هوا الحل، وعشان نعرف مين محتاج تبرع لازم الإعلام والجمعيات الاهلية تعمل حاجة
    بس صدقني في أي بلد مهما بلغ ثراءها تكاليف العملية بالكامل للعدد ده من المرضي
    لو حظك وقع في طريقك قايمة واحدة من منتظري العلاج علي نفقة الدولة هتفهم انا قصدي ايه، يا تعالج 4 منهم مجانا يا تعالج 40 جزئياً وفي الحالتين هيموت 4000 من غير علاج خالص

    مش عيب في بلد ليه اقتصاد متدمر -بغض النظر عن اللي كان السبب ربنا يكرمهم- ان الإعلام يقوم بالدور ده طالما بيعمله بحب مش بالدور هما كمان
    وكل واحد بيحاول يساعد من ناحيته من الناس والأطبا المتبرعين بالمال والمجهود

    ربنا يديم علينا الصحة

     
  • في الخميس, مارس 13, 2008 2:05:00 ص , Anonymous ام عهد يقول...

    يااااااااه يا ابو عبدالله وجعتنى اوى بالبوست الرائع ده او لانى بالفعل موجوعه منذ6سنوات تقريبا عندما ربنا رزقنى باحسن حاجه فى حياتى وهى بنتى عهد وانت اكتر حديعرف ادايه اهمال الدكتور اثناء الولاده سبب لها ايه انا فعلا حاسه بها الطفل وماساه امه ربنا يشفيه ويشفى كل مريض وحسبى الله ونعم الوكيل فى كل دكتور مش بيراعى ضميره فى حالات المرضى وربنا هوالمنتقم الجبار
    اما بالنسبه لموضو كفر العلو فانا بقول ان اللى ليه ضهر مابيضربش على بطنه ابدا
    واشكر كثيرا الاخت مريم رغم عدم معرفتى بها ولكن جزاها الله كل خير
    واخيرا اشكرك انت يا ابا العبدين واسفه جداللاطاله ولكن الموضوع يستحق فلك منى كل التقدير

     
  • في الخميس, مارس 13, 2008 3:16:00 ص , Blogger آلام وآمال يقول...

    انا بردو شوفت الحلقة ووالله جه في بالي نفس الكلمتين اللي انت كتبتهم دول
    ايه اللي كان هيحصل للطفل ده لو مكانش وصل للبرنامج؟

    وفيه غيرو كتير طبعا مش قادرين يوصلو ويموتو يوميا لعدم قدرتهم على نفقات العلاج

    البلد دي فيها فلوس كتير اوي فعلا
    بس للأسف
    معظمها رايح للعيبة الكورة والفنانين والفنانات
    يمكن هما اهم عند اصحاب الأموال دي من الناس اللي بتموت يوميا فقط لأنهم معندهمش فلوس
    طبعا دي اقدار واعمار وربنا يرحم الجميع
    بس كل واحد يقدر يقدم مساعدة لأي حد ولم يجتهد لتوصيل المساعدة دي هيتحاسب عليها أمام الله عز وجل

     
  • في الخميس, مارس 13, 2008 9:05:00 ص , Anonymous saher ellathy يقول...

    بجد وجعتني سطورك لان بجد ده حالنا
    أشكرك علي طرحك هذه الفكره
    أشكر جهد الاخت ريم
    وبجد لازم نبدأ بنفسنا
    الحال اصبح اكثر تعقيد ولازم نفكر شويه ونفوق من الاوهام ونتنظر الحلول من الاخرين
    انا متابع ابناء مصر من فتره ولكن مكنتش اعرف ان لهم نشاطات خيريه كده

     
  • في الخميس, مارس 13, 2008 2:48:00 م , Blogger محمد عبد الغفار يقول...

    يعنى ايه ضمير؟؟

     
  • في الخميس, مارس 13, 2008 6:15:00 م , Blogger نبض اسكندرية يقول...

    انت دايما كدة تاخد المواضيع من على بالى

    هايل يابو عبدالله

    تحياتى

     
  • في الخميس, مارس 13, 2008 11:13:00 م , Anonymous غير معرف يقول...

    :(
    ولا يزال المواطن المصري متهان

     
  • في الخميس, مارس 13, 2008 11:57:00 م , Blogger Rania يقول...

    لو وضع كل شخص نفسه مكان واحد من هؤلاء
    لتغيرت الدنيا و اصطلح حالها

    لنا الله

    تحياتى

     
  • في الجمعة, مارس 14, 2008 1:48:00 ص , OpenID ta5areef يقول...

    طيب يا أبو العبادلة كاتب إسمي حط اللينك بتاعي إعملي دعايا على البلوج !!! ههههههههههههههه لأ بهرج بجد

    أولا اللي عملته ده أقل ما يمكن عمله فعلا أولا لأنه ماكلفنيش حاجة ثانيا لأنه واجب عليا

    و لو كنت أقدر أكلم دكتور حاتم كل ساعة أنا كنت كلمته كل ساعة عن حالة جديدة

    و اللي حصل ده ما حصلش بإسمي, ده حصل بإسم أبناء مصر و كل مصري بيتوجع على أخوه و أخته من أب و أم تانين

    ربنا يديم علينا الصحة و يشفي مرضى المسلمين و يرحمنا برحمته يا رب

     
  • في الجمعة, مارس 14, 2008 1:51:00 ص , Blogger صاحب المضيفة يقول...

    مين سمعك يا محمد

    الاف من النماذج دي كل ساعة وكل يوم


    من لها غير الله



    يارب أنزل فرجك على المسلمين


    تحياتي

     
  • في الجمعة, مارس 14, 2008 4:45:00 م , Blogger اعشق فى اليل ضوء القمر يقول...

    الله يبارك فى من سعى للخير للمسلمين
    لكن المشكله زى ما انت قلت اسال الله ان يرقق قلب حكامنا علينا ويجعل ولات امرنا خيرنا

     
  • في الجمعة, مارس 14, 2008 5:57:00 م , Blogger عاليا حليم يقول...

    ازيك يا اخ محمد عامل اتمنى تزول حالتك النفسية رغم انى ماليش وش اقولك افرح و اضحك و البلاوى دى كلها بتحصلنا و احنا مكتوفين الايدى ما بنعملش حاجة

    تحية ليك و للأخت مريم لكن اتمنى ان تتحدث فى يوم من الأيام عن موقف كهذا حدث بون أن يكتشف احد بالمستشفى وجود صلة قرابة بينك و بين الوزير

    تحياتى و مودتى

     
  • في الجمعة, مارس 14, 2008 6:40:00 م , Blogger يا مراكبي يقول...

    فعلا يا عزيزي أسئلة في محلها تماما .. فالحالات التي لا يعرف عنها المسؤلون شيئا عددها يفوق الخيال .. أما ما يصل للمسؤولين كما ذكرت هنا فهو أمر نادر للغاية ويعد من النوادر

    فكيف للأمور أن تسير إذا تمنى الجميع النوادر؟ ألا يخاف المسؤل من الله فهو مسؤل عن رعيته في مجاله؟ كيف لا يبحث هو بنفسه عمن يحتاج العون كما كان يفعل عمر بن الخطاب؟

    حسبي الله ونعم الوكيل

     
  • في السبت, مارس 15, 2008 2:11:00 م , Blogger ياسمين يقول...

    واحدة نعرفهااكتشفنا فجأة ان عندها سرطان فى بداياته وانه ممكن يتعالج بس العلاج هيستمر لفترة وقد ينتهى بالتدخل الجراحى لإستئصال الورم بعد محاصرته
    العلاج يتكلف بخلاف الجراحة حوالى 1500 جنيه كل اسبوع .. والجراحة تتكلف 25000
    البنت باباها المتوفى ليبى الجنسية
    ليس لها اى علاقة بأهلها فى ليبيا
    تحمل الجنسية الليبية رغم مصرية الأم لأن ايدهم مش طايلة تكاليف نقل الجنسية
    وكله بقى يقول لكله .. لمينا تمن عدة جرعات كيماوى من بعض ولم نسأل احدا الا وساهم ولو حتى ب 3 جنيهات
    لقيت برامج بتتصل بية من الفضائيات وبيقولوا تطلع تقول وهتلاقى اللى يساعدها .. البنت رفضت ان تكون فقرة فى احد البرامج وبفضل اولاد الحلال فى مصر واللى مابيخلصوش ابدا البنت اقتربت من الشفاء والحمد لله .
    تحياتى

     
  • في السبت, مارس 15, 2008 2:31:00 م , Blogger Monzer يقول...

    مريم يا عم ربنا يكرمها نشاط ما شاء الله من نار .. وإخلاص مافيش بعد كده

    وحكيمة من يومها

    صاحبة القول المأثور فكك من الى بيشكك

     
  • في السبت, مارس 15, 2008 5:23:00 م , Blogger No Fear يقول...

    السلام عليكم
    تعرف يا محمد زمان ماكنوش بيقولوا علي الدكتور دكتور كانوا بيقولوا عليه الحكيم علي ما أعتقد لها معاني كبيرة طيبة رفق هدوء ضمير دلوقتي بنقول عليه دكتور أصبر شوية هتلاقينا بنقول عليه عيادة السفاح فلان هنا مدبح الدكتور فلان
    و لعلمك المصطلحات دي أصبحت حقيقة بجد و الله
    طبعا مش هنعمم بس للأسف الأغلبيةو للأسف بردوا في كل المجالات يعني بس الطب مؤلم أكتر

     
  • في الأحد, مارس 16, 2008 1:26:00 ص , Blogger شاب اسكندرانى يقول...

    u stell the best bloger i have too much long time never wiet any thing but now its oky i come back

     
  • في الأحد, مارس 16, 2008 11:47:00 م , Blogger monaliza يقول...

    ربنا يكرم مريم ويجعل كل الناس ذيها فى الشهامة والجدعنة
    اما عن البوست فهو مؤلم حقا
    اللهم ارفع غضبك ومقتك عنا

     
  • في الأربعاء, مارس 19, 2008 1:08:00 ص , Blogger Ahmed Al-Sabbagh يقول...

    تسلم ايدك يا أخى

    ربنا يبارك لك

    هى دى الحالة اللى وصلت لها مصر

    وكم ملايين الاصوات مش بتوصل

    تحياتى لك

    احمد الصباغ

     
  • في الأربعاء, مارس 19, 2008 3:10:00 م , Blogger د/محمدعبدالغنى حسن حجر يقول...

    الحروب الصليبية والهولوكوست !!!


    أبدا لم تكن سقطة أو زلة لسان...



    إعلان جورج بوش الحرب الصليبية على الإسلام بعد أحداث الحادى عشر من سبتمبر وحاول بعدها التبرير وتمرير الكلمة على أنها سقطة وزلة لسان إلا أن الواقع الذى نحياه منذ إعلان الحرب على الإرهاب فى آفغانستان تحت شرعية دولية ومظلة إنسانية فى خداع للأمم من الرافضين للحرب والداعين للسلام ثم بعد ذلك عرج على العراق فى حرب بدون غطاء للشرعية أو حتى مراعاة للإنسانية أهلكت فيها قوى التحالف الغاشم الحرث والنسل ودمرت دولة وتبيد شعبا وتشعل نار الفتنة الطائفية بين أبنائه وهم يدّعون محاربة أسلحة الدمار الشامل ونشر الديموقراطية ..ثم بعد ذلك نشتّم رائحة هذه الحروب الصليبية فى السودان وسوريا ولبنان وإيران والبقية تأتى ...



    بعد هذا وفى إعلان آخر لكنه هذه المرة من الكيان الصهيونى الغاشم والغاصب والمحتل لفلسطين والمدنس للأقصى الشريف يأتى الإعلان من قبل وكيل وزارة دفاع هذا الكيان بأنهم سيقومون بحرق قطاع غزة بهولوكوست جديد على غرار ما يدعون حدوثه معهم من قبل هتلر ومع أنهم تباكوا وما يزالون يبكون حول هذه المحرقة المزعومة ..



    يبدأون فى إبادة أهل قطاع غزة والضفة فى محرقة غلّهم وحقدهم ونازيتهم التى تفوق كل نازية يتحدثون عنها...أطفال تقتل ومنزل تهدم واغتيلات ورضّع أصبحوا هدفا لصواريخهم وقذائفهم التى أهدتها وما زالت تهديها لهم أمريكا ..تحت مظلة الدفاع عن النفس وحق إسرائيل فى الوجود كل هذا وهم ينكرون حق الفلسطينين فى الدفاع عن النفس وينكرون حقهم فى وجود دوله لهم..ومع تصاعد الضربات وزيادة القذائف وهدم المنازل وتناثر الأشلاء فى هذه المحرقة النازية هولوكوست إسرائيل ضد شعب فلسطين نجد من يخرج منهم ليقول أنها سقطة وزلة لسان ...
    تماما كتصريح بوش بيهودية وعنصرية الدولة الإسرائيلية


    والعجيب والغريب أن نجد من بيننا أناس يصدقون ويلوكون الكلام مثلهم ويتبنون الدفاع عنهم وكأنهم أمريكان أو يهود ناسين ومتناسين الحقوق الواجبة عليهم تجاه إخوانهم العرب والمسلمين فى كل البلاد التى تقام ضدها هذه الحروب وتو ضع فى محرقة الكيان الصهيونى الهولوكوست الجديد من بنى إسرائيل...ومتجاهلين حق نصرة الإسلام...



    لكى الله ياغزة ولك الله يا إسلام ...



    وحسبنا الله ونعم الوكيل.

     
  • في الخميس, مارس 20, 2008 1:40:00 م , Blogger ادم المصري يقول...

    كلنا بنقول بس مين يسمع ؟؟؟
    رحم الله اناس هانوا علي الوالي
    .
    .
    تحياتي والسلام

     
  • في الخميس, مارس 20, 2008 10:21:00 م , Blogger عاليا حليم يقول...

    أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء

     
  • في الجمعة, مارس 21, 2008 10:21:00 م , Blogger حائر في دنيا الله يقول...

    عارف
    احنا ممكن نعمل لو حبينا
    وممكن
    نتحسن لو أردنا
    وممكن
    نتقدم
    لو فكرنا شوية

    والله ممكن المعادلة ليست صعبة ولا مستحيلة
    عايزين حد يحس ويحد عنده ضمير وحد بيحب البلد دي شوية ويعملها شوية من قلبه عشان خاطر ربنا يقدم له العمل دا وهوا بيقابله

    بس فين
    قليلين أوي

    ربنا يكرمك ورتنا نماذج كويسة قدرت تدي وورتنا نماذج تانية محتاجة

    ربنا يكرمك بجد

    لك تحياتي
    السلام عليكم

     
  • في السبت, مارس 22, 2008 10:16:00 ص , Blogger مُزمُز يقول...

    السوداوية لم تعد حالة استثنائية

    صارت حالة طبيعية

    في ظل ما تحكيه

    أتأكد أكثر من رأيي

     
  • في الأحد, مارس 23, 2008 2:22:00 م , Blogger مصطفى السيد سمير يقول...

    يمكن لأن فكرة الضمير عندنا اجتهاد فردي
    مش نظام عمل

    هنا مفيش أي حاجة تخليك تشوف شغلك بضمير
    الرشوة لغة رسمية
    والواسطة واقع
    والغش قاعدة
    واللي بيراعي ربنا
    بيقولوا عليه عبيط

     
  • في الثلاثاء, مارس 25, 2008 6:26:00 م , Blogger جمهورية مصر العربيه يقول...

    entist
    كل مكان فى الوحش وفى الحلو
    بس يارب يكون فى مصر الحلوين اكتر من الوحشيين
    مع انه صعب
    بهيه هتستناك

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية