فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الخميس، أبريل ٢٤، ٢٠٠٨

حنيني لوسط البلد


إلي ما يزيد عن 8 سنوات وأنا اعمل في مكتب في شارع طلعت حرب بوسط البلد . ولم أكن اعرف مدي إعجاب جميع الأصدقاء بهذه المنطقة بالذات حتي زوجتي يوم الاجازه كانت تطلب مني النزول الي وسط البلد وأتذكر جيداً تعليقي عند شيماء علي بوست لها عن وسط البلد وقولي لها انه بسبب الروتين اليومي أصبحت وسط البلد وكأنها شئ تقليدي فقدت بريقها لدي لأني بها ليل نهار .
والآن وبعد انتقالي إلي العمل في أقصي أطراف المدينة وبعد الحقد الدائم والنقءالمستمر من
NOFEAR :( علي وجودي بوسط البلد أصبحت أشعر بحنين فظيع لوسط البلد وكل الاماكن التي كنت أقضي فيها يومي . ذلك البقعة الساهرة التي لا تنام بشوارعها العامرة بالمارة و المزدحمة بالمحلات والممتلئة بالأماكن الساحرة

بالفعل تبدو وسط البلد في عيون قاصديها كأنها لوحه بديعة أودعها الخالق في هذا المكان لتكون ملتقي لكل الأصدقاء وعشاقها وأنا أولهم

التسميات:

32 تعليقات:

  • في الخميس, أبريل ٢٤, ٢٠٠٨ ١:٤٣:٠٠ م , Anonymous غير معرف يقول...

    طبعا يا بني
    وسط البلد من كتر الناس اللي حبوها بجد
    بقيت مصدر إلهام ضخم
    الشعر يمر في روحك وانت ماشي في الشارع

     
  • في الخميس, أبريل ٢٤, ٢٠٠٨ ١:٥٥:٠٠ م , Blogger محمد عبد الغفار يقول...

    احبها بس نسيتها

     
  • في الخميس, أبريل ٢٤, ٢٠٠٨ ٢:٤٨:٠٠ م , Blogger خمسة فضفضة يقول...

    السلام عليكم ورحمة الله وبركاته

    ذلونا بقي عشان انتوا سكان القاهره واحنا سكان الاقاليم

    :-)

     
  • في الخميس, أبريل ٢٤, ٢٠٠٨ ٣:٠٧:٠٠ م , Blogger صاحب المضيفة يقول...

    يا حنينك يا حنينك

    تعرف كل واحد فينا بيحن لحاجتا جامده سواء كانت أماكن او حتى عربيتا مثلا او اي شيء بيستخدمه لمدة طويلة من الزمن

    وهنا بيتجلى اسم الله الودود الاي بيحط فينا العاطفة ويسخر كل ما حولنا لينا ليشعرنا بمحبته ووده لينا

    عرفت قد ايه ربنا كريم معانا بقى


    سلامي للعبدين يا باشا

     
  • في الخميس, أبريل ٢٤, ٢٠٠٨ ٣:٢٧:٠٠ م , Blogger ... يقول...

    المكان السحري أنا ممكن أشوف أجمل ما فيه تصاميم العمارات وقدمها وروائح مداخلها والأرصفة الواطئة ومحلات زمان حتي بفتارينها الجديدة والميادين والتماثيل والأنوار بالليل
    وغيري هيشوف جمال تاني وتاني
    جميل البوست

     
  • في الخميس, أبريل ٢٤, ٢٠٠٨ ٩:٥٨:٠٠ م , Blogger ست الحسن يقول...

    وسط البلد

    ده المكان اللي بروحه لما يبقى ف جيبي اتنين جنيه وعايزة أخرج واشوف ناس

    المكان اللي بروحه لما ابقى غضبانة ومحتاجة اممشي كتيير من غير ما افكر ها اروح امتى

    وسط البلد يعني التكعيبة وسوق الحميدية والأتيليه وتاون هاوس وكل الناس اللي بحبهم

     
  • في الخميس, أبريل ٢٤, ٢٠٠٨ ١٠:١٨:٠٠ م , Blogger No Fear يقول...

    السلام عليكم
    أولا الله يسامحك
    بالسنبة لوسط البلد و الله من فترة سألت منذر نفس السؤال ده هو ليه خروجة وسط البلد لها طعم تاني خالص تحس إن فيه حاجة في هوا المنطقة دي مختلف مش عارف إزاي طوعك قلبك و سبت الشغل اللي أنت فيه من ثمانية سنين و كمان في وسط البلد
    ده أنت هتشوف أيام

     
  • في الجمعة, أبريل ٢٥, ٢٠٠٨ ١:١٧:٠٠ ص , Blogger saso يقول...

    في الاول بس لحد مالدنيا تتزحم
    وتخرج مع الولاد مليون مرة ف وسط البلد

    بس بطعم تاني
    من غير بدلة وشنطة وجري وساعة بتجري وحسبه في عقلك
    :)

    هيبقي خروجة ومكتبتين ع الارض وسينما وقصر النيل وفيشار ومظاهرة والف اعلان وصورة

    فاهمني
    هيبقي تفاصيل اكتر من اللي كنت بتشوفها ف طريقك

    التعود اوقات بيضيع جمال الحاجات

    ميروك الشغل ويارب يبقي خير يا محمد

     
  • في الجمعة, أبريل ٢٥, ٢٠٠٨ ١٠:٣٢:٠٠ ص , Anonymous غير معرف يقول...

    wanderful post

     
  • في الجمعة, أبريل ٢٥, ٢٠٠٨ ٣:٢٨:٠٠ م , Blogger dina يقول...

    انا فعلا بحس ان وسط البلد ليها جو تانى غير اى حتة فى القاهرة رغم انى اصلا اسكندرانية بس فعلا نفسى ازورها يوم..حاسة انها زى بحرى كدا عندنا مثلا..و يمكن اللى حببنى فيها اكتر انها مرتبطة معايا بفكر فريق وسط البلد..فلو كانت دماغهم من المنطقة دى يبقى اكيد المكان رائع و مصدر ابداع
    تحياتى و سلامى للعبدين

     
  • في الجمعة, أبريل ٢٥, ٢٠٠٨ ٨:٥٨:٠٠ م , Blogger يا مراكبي يقول...

    أنا بقى قضيت أحلى أيامي متسكعا في وسط البلد .. كنت حاسس إني بأمتلكها وبتمتلكني .. روحي فيها وروحها فيا

    هتخليني أكتب بوست عنها أنا كمان قريب

     
  • في السبت, أبريل ٢٦, ٢٠٠٨ ١٠:٣٢:٠٠ ص , Blogger FATMA يقول...

    انا كمان نفسي اشتغل في وسط البلد او اسكن فيها

     
  • في السبت, أبريل ٢٦, ٢٠٠٨ ٨:٤٥:٠٠ م , Blogger ذو النون المصري يقول...

    انا زرت وسط البلد مره واحده و هي فعلا منطقه جميله و اجمل ما فيها الصخب الجماهيري و كثرة الناس و تجمعات الاصحاب
    كنا مجموعه من الاصدقاء هناك و اتقبلنا علي قهوة البورصه في السهره
    فعلا منطقة تزعل علشان تركت العمل فيها
    تحياتي

     
  • في السبت, أبريل ٢٦, ٢٠٠٨ ١٠:٢٢:٠٠ م , Blogger نبض اسكندرية يقول...

    بالرغم من انى ولا مرة زورت مصر لكن حنينى لروئيها لا يوصف

    ربنا يحفظها من كل سوء

    تحياتى

     
  • في الأحد, أبريل ٢٧, ٢٠٠٨ ٣:٣٠:٠٠ ص , Blogger Ahmed Kamal يقول...

    انت عارف يا محمد ، أنا حاسس إني أعرفك من قبل كده :)

    أنا بقى باحن لمصر ، لكل حتة من مصر اللي حبيتها ، و اللي بتتغير ، و اللي الناس اللي مش فاهمين فاكرينها وحشة ، لكن الحقيقة إن هم اللي وحشين .

    المرات القليلة اللي باكون فيها في وسط البلد باحس إني كنت مسافر و رجعت مصر ، أو باحس إن مصر هي اللي كانت مسافرة و رجعت لي ..

    بس كفاية كدة ده حايبقى بوست ثاني :)

     
  • في الأحد, أبريل ٢٧, ٢٠٠٨ ٢:٤٢:٠٠ م , Anonymous غير معرف يقول...

    دايما الانسان مبيحسش بالحاجة طول ماهى بين ايديه

     
  • في الأحد, أبريل ٢٧, ٢٠٠٨ ١١:٢٩:٠٠ م , Blogger حائر في دنيا الله يقول...

    اقولك
    بحب المشي والتسكع في أماكن كتلك كثيرا
    ولكن أقتل تلك العادة داخلي ما دام هناك تلك الضوضاء وهذا الازدحام الغير عادي

    واحشني يا صديقي والله
    السلام عليكم

     
  • في الثلاثاء, أبريل ٢٩, ٢٠٠٨ ١١:١٢:٠٠ ص , Blogger قوس قزح يقول...

    اول زيارة ليا لمدونتك
    وانا صغيرة كنت من سكان وسط البلد
    معرفش ولا اسم شارع فيها بس حافظة كل حتة و كل مكان حتى وشوش الناس اصحاب محلات الانتيكات فاكرها - اصل باقى المحلات اصحابها بيتغيروا كل شوية - لما برجع لوسط البلد بحس انى كنت فى غربة و رجعت لوطنى

    كلام احمد كمال عنك صح جدا :)

    تحياتى

     
  • في الثلاثاء, أبريل ٢٩, ٢٠٠٨ ١٢:٠٩:٠٠ م , Blogger walaa يقول...

    انا بقه من اسكندريه وعمرى ما طلعت بره اسكندريه باين عليا زى السمك مش بيحب يخرج من الميه
    بس نفسى اروح القاهره والله يا مسهل
    تحياتى ولاء

     
  • في الخميس, مايو ٠١, ٢٠٠٨ ٤:١٦:٠٠ م , Blogger goodman يقول...

    فعلا لا نستطيع ان نفهم الشىء ونحن داخلة لابد من الخروج الى خارج الاطار

     
  • في الجمعة, مايو ٠٢, ٢٠٠٨ ١٠:٠٥:٠٠ م , Blogger memoz_nemoz يقول...

    أقولك علي حاجه
    وسط البلد دي مكان بعشقه بدرجه لا توصف بجد
    انا بحبه اوووي بحب امشي فيه اتعلم من وشوش الناس ابص علي بلدنا كل يوم نظره مختلفه ونفسي بجد امشي فيها الفجر علشان احس ان البلد كلها بتاعتي لوحدي بجد فعلا انا كمان المكان ده بيوحشني كتير مكان له رونقه وجماله وتاريخه

     
  • في السبت, مايو ٠٣, ٢٠٠٨ ٩:٠٧:٠٠ م , Anonymous غير معرف يقول...

    مالى لا اراك فى مدونتى؟

     
  • في الأحد, مايو ٠٤, ٢٠٠٨ ٤:٠٢:٠٠ م , Blogger Unknown يقول...

    اخر مره كنت في القاهره كنت في المكان دا تحديدا
    في وسط البلد
    حقيقي ليه رونقه الخاص
    وخصوصا بليل
    مقدرش اقول يابخت اللي عياش هناك
    لاني مبسوط هنا
    تحياتي

     
  • في الأحد, مايو ٠٤, ٢٠٠٨ ٧:٠١:٠٠ م , Blogger kareem azmy يقول...

    الصديق الغالي
    انا كمان بحب وسط البلد
    ع الرغم اني مش عايش فيها

    اتمني ان تكون بخير و سعادة

    تحياتي
    كريم عزمي

     
  • في الاثنين, مايو ٠٥, ٢٠٠٨ ٢:٢٠:٠٠ ص , Blogger روح يقول...

    والله مش هقدر افيدك في الموضوع
    دة لاني مش من القاهرة
    انا من الصعيد
    وانت شوقتني انزل فعلا لوسط البلد
    تقبل تحياتي

     
  • في الثلاثاء, مايو ٠٦, ٢٠٠٨ ٩:٥٢:٠٠ م , Blogger القط البرى يقول...

    بسم الله الرحمن الراحيم
    والسلام عليكم ورحمة الله وبركاته

    انا مدون جديد ممكن اتعرف بيك انا

    فى الصف الخامس الابتدائى

    انا منتظر الرد

    شكرا

     
  • في الأربعاء, مايو ٠٧, ٢٠٠٨ ١:٣٠:٠٠ ص , Blogger Ahmed Al-Sabbagh يقول...

    انا بقى يا سيدى شغال فى وسط البلد

    على بعد خطوات من الصورة اللى حاططها دى

    وبلاش بقى حقد

    كلام فى سرك

    بعشفها بجد

    تحياتى لك

    واتشرفت بمعرفتك كتير

    احمد الصباغ

     
  • في الأربعاء, مايو ٠٧, ٢٠٠٨ ٤:٥٧:٠٠ ص , Blogger rona يقول...

    طبعا وسط البلد
    دى من اجمل الاماكن
    فى مصر

     
  • في الاثنين, يونيو ١٦, ٢٠٠٨ ١١:٥٠:٠٠ ص , Anonymous غير معرف يقول...

    يا صاحبى احنا مكناش بنسيب وسط البلد وعمرنا مازهقنا منها ازاى تقول كدة بس انا نفسى ارجع ليوم واحد بس من ايام وسط البلد دى يا صاحبى بلاش صاحبى قصدى اخويا واحشنى جدا وواحشانى وسط البلد ومصر جدااااااااااااااااااااااا ولتانى مرة بغلط وبخرج منها تانى ومش بتعلم ومهما مصر كان فيها قرف يا اخويا اسمها بردو ام الدنيا ولا دبى والامارات كلها معوضانى يوم من اللى كنا مع بعض فية انا وانت واسامة وعمرو وعلاء ولا ساعة من ساعات افتر ايت اخوك محمد نبيل (شيكو) من الامارات تانى غلطة فى حياتى واخبار عيالك اية ؟ وسلملى كتير جدا على سكولز

     
  • في الاثنين, يونيو ١٦, ٢٠٠٨ ١١:٥٢:٠٠ ص , Anonymous غير معرف يقول...

    يا صاحبى احنا مكناش بنسيب وسط البلد وعمرنا مازهقنا منها ازاى تقول كدة بس انا نفسى ارجع ليوم واحد بس من ايام وسط البلد دى يا صاحبى بلاش صاحبى قصدى اخويا واحشنى جدا وواحشانى وسط البلد ومصر جدااااااااااااااااااااااا ولتانى مرة بغلط وبخرج منها تانى ومش بتعلم ومهما مصر كان فيها قرف يا اخويا اسمها بردو ام الدنيا ولا دبى والامارات كلها معوضانى يوم من اللى كنا مع بعض فية انا وانت واسامة وعمرو وعلاء ولا ساعة من ساعات افتر ايت اخوك محمد نبيل (شيكو) من الامارات تانى غلطة فى حياتى واخبار عيالك اية ؟ وسلملى كتير جدا على سكولز

     
  • في الاثنين, يونيو ١٦, ٢٠٠٨ ١١:٥٥:٠٠ ص , Blogger Hawk يقول...

    يا صاحبى احنا مكناش بنسيب وسط البلد وعمرنا مازهقنا منها ازاى تقول كدة بس انا نفسى ارجع ليوم واحد بس من ايام وسط البلد دى يا صاحبى بلاش صاحبى قصدى اخويا واحشنى جدا وواحشانى وسط البلد ومصر جدااااااااااااااااااااااا ولتانى مرة بغلط وبخرج منها تانى ومش بتعلم ومهما مصر كان فيها قرف يا اخويا اسمها بردو ام الدنيا ولا دبى والامارات كلها معوضانى يوم من اللى كنا مع بعض فية انا وانت واسامة وعمرو وعلاء ولا ساعة من ساعات افتر ايت اخوك محمد نبيل (شيكو) من الامارات تانى غلطة فى حياتى واخبار عيالك اية ؟ وسلملى كتير جدا على سكولز

     
  • في الاثنين, يونيو ١٦, ٢٠٠٨ ١١:٥٦:٠٠ ص , Blogger Hawk يقول...

    يا صاحبى احنا مكناش بنسيب وسط البلد وعمرنا مازهقنا منها ازاى تقول كدة بس انا نفسى ارجع ليوم واحد بس من ايام وسط البلد دى يا صاحبى بلاش صاحبى قصدى اخويا واحشنى جدا وواحشانى وسط البلد ومصر جدااااااااااااااااااااااا ولتانى مرة بغلط وبخرج منها تانى ومش بتعلم ومهما مصر كان فيها قرف يا اخويا اسمها بردو ام الدنيا ولا دبى والامارات كلها معوضانى يوم من اللى كنا مع بعض فية انا وانت واسامة وعمرو وعلاء ولا ساعة من ساعات افتر ايت اخوك محمد نبيل (شيكو) من الامارات تانى غلطة فى حياتى واخبار عيالك اية ؟ وسلملى كتير جدا على سكولز

     

إرسال تعليق

الاشتراك في تعليقات الرسالة [Atom]

<< الصفحة الرئيسية