فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الثلاثاء، فبراير 03، 2009

حتي الحلاقه بقت صيني



اثناء جلوسي مع مجموعه من الاصدقاء في وسط البلد فؤجئت بدخول شاب صيني يحمل في يديه شنطه انيقه ويتحدث العربيه بصعوبه قائلاً / حد يحب يحلق وعارضاً أسعاره المغريه 5 جنيه للشعر و2 جنيه للذقن
المهم انصرف الشاب في هدوء متوجهاً الي أخرين. الملفت للنظر مدي صباحه الشاب وروحه العاليه وإيمانه بما يفعله حتي ولو كان شئ يخجل منه هم يبحثون عن فرصه عمل
كثيراً ما كان يشغلني ( الميداليه الفانوس ) هذه الميداليه المكونه من حجر ساعه ولمبه صغيره وبها ميداليه تباع في رمضان بمبلغ واحد جنيه صينيه الصنع . في حين أنك لو ذهبت لتغيير حجر لساعه يديك فعليك دفع أكثر من 7 جنيهات لهذا الحجر
والنماذج الصينيه كثيره وعديده كفيله بأنك تنظر اليها وتنظر الي نظيرتها في مصر لتعرف الفارق بيننا وبينهم
أعتقد أنه أقترب اليوم لنجد كل المصريين تحت يد الحلاقين الصينين ليس بسبب السعر فقط
ولكن هروباً من صداع الحلاقيين المصريين 

التسميات:

36 تعليقات:

  • في الثلاثاء, فبراير 03, 2009 10:03:00 ص , Blogger اعشق فى الليل ضوء القمر يقول...

    تفتكر

     
  • في الثلاثاء, فبراير 03, 2009 10:51:00 ص , Anonymous saher elbohey يقول...

    رصد رائع
    أحييك علي تناولك للموضوع بالفكره دي

     
  • في الثلاثاء, فبراير 03, 2009 11:06:00 ص , Blogger ~*§¦§ Appy §¦§*~ يقول...

    انا خايفه بعد كده الاقى واحد صينى طالع من التلاجه
    بس اقولك معلومه سر يعنى
    من احسن الكوافيرات الصينين
    لانى جربت فى ماليزيا بس هما فعلا بيتقنوا شغلهم وده الفرق بينا وبينهم

     
  • في الثلاثاء, فبراير 03, 2009 1:28:00 م , Blogger مصــــري يقول...

    أبو العبدين

    كيف الحال؟ وحال العبدين؟

    يمكن مش الصداع وبس
    ده ممكن يكون تلامة الموس مثلاً.
    وأكيد في نوع المكنة وكده يعني.

    أسامة

     
  • في الثلاثاء, فبراير 03, 2009 3:55:00 م , Blogger kareem azmy يقول...

    ههههههههه
    و الله عندك حق
    و اسعاره منافسة للاسعار المصرية المحلية
    طيب مش كنت تجرب

    فيه كتاب شفته امبارح
    اسمه ( الفيل و التنين )
    هشتريه بكره ان شاء الله

    يمكن اعرف سر تفوق الناس دول ايه
    و عقبالنا يا رب

     
  • في الثلاثاء, فبراير 03, 2009 9:15:00 م , Blogger شيمـــــاء يقول...

    حتى هويتنا كمصريين فى حاجات صغيرة كتير هنفقدها
    تفتكر هتنبسط من غير صداع الحلاق ؟؟ حتحس انك حلقت ؟
    انا مفتكرش

     
  • في الثلاثاء, فبراير 03, 2009 9:39:00 م , Blogger أحمــــــــدبــــــــــلال يقول...

    أعتقد أن المرحلة اللى جاية عينينا هاتضيق و هانقصر
    و هانبقى صينيين مية مية
    حمدالله على سلامة عبده

     
  • في الأربعاء, فبراير 04, 2009 8:49:00 م , Blogger fahd يقول...

    رغم ضيقي منهم الا اني احترمهم جدا

    واغير منهم

    واتمني شباب بلدي بدلا من ان يسخروا منهم ان يقلدوهم هؤلاء الشباب

     
  • في الجمعة, فبراير 06, 2009 8:25:00 ص , Blogger الرابطة وبناء الأمة يقول...

    السلام عليكم ورحمة الله وبركاته
    نتقدم بدعوي لك أخي ( أختي ) المدون بمناقشة
    محاكمة عادلة
    مبارك بين التأييد والرفض
    ملف يناقش ويحلل ويضع الحلول
    رائيك يهمنا جدا
    مع خالص تحياتنا الكتيبة السياسية

     
  • في الجمعة, فبراير 06, 2009 4:32:00 م , Anonymous حسنة من الله(ام محمد يقول...

    الصراحة ان الصين تحترم افرادها مما تتيح لهم الابداع حتى ولو عندهم مشكاكل او تعداد سكان اكبر دولة فى العالم
    ام المصريين لا يجدون كرامتهم لاعلى ارضهم او خارجها ازى هيبدعو حتى ولو فى ميداية او حلقةشعر

     
  • في الجمعة, فبراير 06, 2009 6:21:00 م , Anonymous همسة يقول...

    السلام عليكم ازيك ياابو العبدين الموضوع دة جميل جدا وهو دة ايلي ماشي في البلد اليومين دول انا خايفة يكون المماء الي بنشربة صينى واللاكل الي بنكلة صيني بس نقول اية الحمداللة الي احنا عيشين

     
  • في الجمعة, فبراير 06, 2009 8:41:00 م , Blogger ahmEd_H يقول...

    ممتاز والله !! انا عجبتنى الفكره جدا و يمكن لو كنت قاعد معاكوا و عايز احلق كنت حلقت ... الفكره هنا يا محمد مش انه صينى ..لأننا كدوله قبلنا بفكرة الاقتصاد الحر و سمحنا للصينين بالنزول للسوق المصرى .. الفكره انه راجل بيعرض عليك خدمه مقابل مال و مقارنة بالأسعار المصريه الراجل دا رخيص .. الخلاصه انا مع الاقتصاد الحر

    تحياتى

     
  • في السبت, فبراير 07, 2009 4:35:00 م , Blogger mohamed ghalia يقول...

    الصين شكلها احتلت البلد
    ربنا يستر من الى جاى

     
  • في السبت, فبراير 07, 2009 5:30:00 م , Blogger انت تسال والكمبيوتر يجيب يقول...

    دعوه
    الأخ العزيز/او الأخت العزيزه
    تحيه طيبه
    ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
    المدونه
    http://netonradio.blogspot.com
    الموقع
    http://dear.to/cairo

     
  • في السبت, فبراير 07, 2009 9:05:00 م , Blogger زهرة الجنة يقول...

    مش الحلاقة بس اللي اصبحت صيني
    اكتر الأشياء عندنا اصبحت صينية الصنع
    وده شيء محزن للغاية
    لان في شباب كتير بيخجل انه يشتغل اي شيء يقتات منه
    لكن هما بيشتغلوا اي شيء وبيحاولوا يغزو البلد بكل ما هو متاح ليهم
    والشيء اللي يفرس جدا انه شاطرين في شغلهم

    ربنا يستر ومش نصحي الصبح نلاقي شكلنا قلب صيني (:

     
  • في الأحد, فبراير 08, 2009 11:32:00 ص , Blogger واصطنعتك لنفسي يقول...

    على كده إحنا نتوقع بقا قريباً كوافيرات صينيات..ربنا يستر والواحد ميفتحش الحنفية في يوم تنزله الميه Made In China

     
  • في الأحد, فبراير 08, 2009 3:02:00 م , Blogger أسما عواد يقول...

    الهروب اللي يرعب من حلاقة الحلاقين في الموس
    تعرف انا كل ما بمر على محل حلاقة اسأل نفسي كم واحد اتنقل فيروس من تحت ايد الحلاق ؟
    يا ترى اخوانا الصينيين عاملين ايه في المشكلة دي

     
  • في الخميس, فبراير 12, 2009 8:30:00 ص , Blogger الحقيقه المصريه يقول...

    دعوه للتضامن
    لعلك علمت بالحكم الصادر ضدي بغرامه 42.500 الف جنيه
    لاني نشرت مستندات تؤكد خطوره شركه تراست للكيماويات ببورسعيد على البيئه وعلى العمال
    وعلى امن مصر القومي
    لذا ادعوك لزياره المدونه
    والوقفوف على اخر التفاصيل
    وارجو في حال الاقتناع بما نشرته
    ضد الشركه من مستندات ان اجد تضامنا منكم
    لان هناك رساله خطيره جدا موجهه للمدونون المصريون
    وأنا اول من تلقى هذه الرساله
    فأما ان نتكاتف واما سنقول غدا
    اوكلت يوم اكل الثور الابيض

    تقبل تحياتي تامر مبروك


    http://elhakika.blogspot.com/

    http://www.elhaqeqa.com/?page_id=1160

    ===

     
  • في الخميس, فبراير 12, 2009 12:15:00 م , Blogger رابطة هويتي اسلامية يقول...

    الحجاب حقيقة ثابتة أم مجال للتفكير

    من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
    ومن هنا تبنت الرابطة أن تكون هي حجة علي من يدور بينهم النقاش علي صفحاتها.
    نفجر الجديد دائما حوارنا اليوم
    الحجاب حقيقة ثابتة أم مجال للتفكير
    وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
    ندعوكم للمشاركة في هذا الحوار المفيد
    تقبلوا دعوتنا ننتظركم لنستفاد منكم
    رابطة هويتي إسلامية

     
  • في الجمعة, فبراير 13, 2009 11:18:00 ص , Blogger KING TOOOT يقول...

    حلاّق من الصين بيحلق و السعر خمسة جنية
    وسيم و شايل مقصه في شنطة زي البيه
    الحلاقين رغّايين في مصر بس يا خوفي
    ل الصيني يطلع بيرغي ساعتها نعمل إيه ؟
    وعجبي
    KING TOOOT

     
  • في الجمعة, فبراير 13, 2009 12:05:00 م , Blogger الرابطة وبناء الأمة يقول...

    السلام عليكم ورحمة الله وبركاته
    دعوة
    أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
    دعوي مرفوعة ضد مبارك بنص ".........................."
    أول جلسة
    نتمني منك أخي المدون الحضور للجلسة
    مع تحياتنا لك بالتوفيق
    الكتيبة السياسية

     
  • في الجمعة, فبراير 13, 2009 3:22:00 م , Blogger Shimaa Esmail يقول...

    السيد الأستاذ/ محمد مفيد
    صاحب مدونة / في الصميم
    " تحية طيبة" وبعد..
    اعتذر عن الخروج من موضوع التدوينة، لقد أرسلت لك دليل العمل (صفحتين) والجزء الأول من الاستمارة (8 صفحات) ، أرجو منك إرسال رسالة توضح أن الجزء قد وصلك وأنه ليس هناك مشكلة في إرساله أحالت وصله لسيادتك .
    تحياتي وتقديري
    شيماء إسماعيل
    باحثة بالماجستير- كلية الآداب جامعة القاهرة.

     
  • في الجمعة, فبراير 13, 2009 6:28:00 م , Blogger مها يقول...

    والله انا شخصيا معجبة بكفاح الصين العظيم.. الصينى بيدخل فى اى مهنة وبيطور نفسه بدأب غير عادى علشان يحسن مستوى معيشته.. يا ريت ناس كتير ف مصر تتعلم منهم ده .. ساعتها هتلاقى مافيش متسولين ف شوارع مصر ابدا...


    حلو الموضوع و..... نعيماً
    :)))))))))))))))))
    -

     
  • في الجمعة, فبراير 13, 2009 11:31:00 م , Blogger اعشق فى الليل ضوء القمر يقول...

    أنت عارف يا محمد
    بخاف أقوم من نومى ألاقى أبى و أمى صينيين

     
  • في الأحد, فبراير 15, 2009 12:59:00 ص , Blogger د. إيمان مكاوي.. أم البنين يقول...

    إحنا للأسف فقدنا براعتنا في حاجات كتير ..واتعودنا على التنبله واستيراد كل شيء حتى فانوس رمضان
    المشكله إننا لسه سايبين نفسنا كده

    تحياتي

     
  • في الأحد, فبراير 15, 2009 6:27:00 م , Blogger يا مراكبي يقول...

    شوف يا عزيزي

    الصين تحديدا لها قصة أخرى مختلفة تماما عن كل ما سمعت عنه في العالم .. ولن أطيل في الشرح والتفاصيل لكني سأذكر نقطة واحدة وهي ن الصينيين إعتبروا أن تعداد سكانهم المهول (والذي يعد تعجيزا لأي حكومة على وجه الأرض) إعتبروهم ثروة لا تقدر بمال .. وتم إستغلالها على الوجه المبهر الذي تراه .. وسيصبحون قادة العالم قريبا

    بس كده

     
  • في الأحد, فبراير 15, 2009 11:30:00 م , Blogger dodo يقول...

    اعتقد ان احنا السبب فتحنا الباب ومش عارفين نوقف الطوفان الصينى اللى حل علينا ربنا يستر ( ارجو افادتى كيفية نشر المدونه على المدونات الاخرى)

     
  • في الاثنين, فبراير 16, 2009 10:21:00 م , Blogger hend...hanady يقول...

    انا مقتنعة بحاجة ان سبب نجاح دول اسيا انهم عرفوا ازاى يحترموا بعض ويحترموا نفسهم واللى بيعملوه مهما كان المهم ان عندهم الاحترام اهم حاجة وماشاء الله روحهم العالية واصرارهم انما عندنا مفتقدين عنصر الاحترام لاى حاجة حتى لذاتنا واللى ميعرفش يحترم نفسه مش هيعرف يجبر اللى حواليه على احترامه ولا هيعرف يحترم اللى بيعمله ويحس بقيمته

     
  • في الأربعاء, فبراير 18, 2009 1:09:00 ص , Blogger محمد ابراهيم يقول...

    بجد موقف جامد جدا
    حتي الحلاقة خلاص وصلولها
    و مش مهم مكان الحلاقة المهم انك هتحلق حلاقة تمام
    غير انهم بيحترموا نفسهم اوي
    و بيحرموا بعض
    ايمانهم العالي بشغلهم و اعتزازهم بنفسهم حتي في الغربة
    يخليني احترمهم بجد
    بس عن نفسي عمري مستغني عن الحلاق المصري
    علي الاقل صداعه ممتع و اتعودت عليه

    تحياتي
    محمد

     
  • في الأربعاء, فبراير 18, 2009 9:23:00 م , Blogger ذو النون المصري يقول...

    انا واثق ان هذا سيحدث و قريبا
    انا في بيتي في كفر الشيخ و الفي الارياف
    سمعت جرس الباب
    خرجت
    فتحت
    لقيت بنت صينيه جميله جدا تحت العشرين او بعدها بقليل و معها شاب صيني وسيم
    قالت بالعربي المكسر
    بنبيع هدوم
    قالتها
    بنبيع هتوم
    و كل مده بينزل منهم كثيرين بسيارات لهم جايين بها منين لا ادري
    نفسي اعرف
    بيغامروا ازايبالسفر لمحافظات ليس لهم فيها موطيء قدم
    فكر في بياته و نومه و اكله
    فكر في حياته
    هيحل مشاكله ازاي
    نفسي افهم النقطه دي
    ....................
    نمرة موبايلك وصلتني علي الفيس بوك و هتصل بيك في اقرب فرصه
    .....................
    تحياتي

     
  • في الأربعاء, فبراير 18, 2009 9:23:00 م , Blogger ذو النون المصري يقول...

    جايز العرسان الصيني يحلوا محلنا يا ابو العبدين
    الحمد لله
    انا وانت اتجوزنا خلاص

     
  • في الخميس, فبراير 19, 2009 12:58:00 ص , Blogger روح يقول...

    فعلا بستغرب علي رخص
    المادة الخام
    ياريت نبقي ربعهم
    ازي حضرتك
    اتمني تكون بخير
    انت واسرتك
    وابنك اتم الله شفاؤه

     
  • في الجمعة, فبراير 20, 2009 2:49:00 ص , Blogger صرخة حق يقول...

    الحاجة الوحيدة الي نفسي اشوفها صيني وحلمي مش راضي يتحقق ان يجيبولنا حكومة من الصين مش هيسخروا حاجة وبجملة نجيبهم شحنة مع اي حاجة من الحاجات الكتير الي بتيجي بس وقتها يا عيني هنقطع اكل عيش الناس دي عندنا لان اعتقد اننا ممكن ننضف

     
  • في السبت, فبراير 21, 2009 11:19:00 م , Blogger اعشق فى الليل ضوء القمر يقول...

    محمد إنت عامل إيه
    طمنى عليك بقالى فتره معرفتش عنك حاجه لعل المانع خير

     
  • في الأحد, فبراير 22, 2009 5:34:00 ص , Blogger بدراوى يقول...

    هههههههههههههههه
    كله بقى صينى و حياتك يا محمد
    فاضل ييجوا يحتلونا
    ههههههههههههههههه
    ----
    انا احمد بدراوى اظن عارفنى كويس يا محمد
    يا صديقى العزيز فى الفيس بوك
    انا نشطت مدونتى من تانى
    ياريت تشرفنى فيها
    http://ta3melboyout.blogspot.com/

     
  • في الأحد, فبراير 22, 2009 7:49:00 م , Blogger عاليا حليم يقول...

    هههههههههه

    إشمعنة الحلاقة يعنى إللى مش هتبقى صينى

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية