فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأحد، مارس 08، 2009

حمدي قنديل

 
شاهدت بإعجاب شديد حلقه العاشره مساءاً والتي كان ضيفها الاعلامي الشهير/ حمدي قنديل 
 فبعد توقف برنامجه الشهير ( قلم رصاص ) في قناه دبي منذ ما يقرب من شهرين وهو يبحث عروض لتقديم برامج علي قناه أخري .  وأثناء حديثه أعلن أنه انتقل للعمل في قناه فضائيه أخري تدعي ( الليبيه ) خاصه بلبيا ( أيوه ليبيا متستغربش) في الوقت الذي خرجت علينا وزاره الاعلام المصريه بدعوه تطوير القنوات المحليه لمجاراه التقدم الرهيب في الفضائيات 
فكان السؤال البديهي للمذيعه عن إمكانيه عمله بالتليفزيون الحكومي فقال لها وبالحرف / لو طلبني التليفزيون المصري لتقديم برنامج لي فسأعتذر لتليفزيون ليبيا واعمل في التليفزيون فوراً ولكن لم يحدثني أحد ولن يحدثوني 
فكان الرد وبصراحه في منتهي الروعه ليثبت لنا أن عجز وقله حيله دعاه تطوير الاعلام المصري
ففازت ليبيا بحمدي قنديل
ونحن نعاني من أقزام أمثال تامر أمين والباقون   

التسميات:

18 تعليقات:

  • في الأحد, مارس 08, 2009 11:10:00 ص , Blogger sakayar يقول...

    من الصعب جداً يكون تليفزيون عم حسين العجلاتي طالع علشان يفضح عم حسين العجلاتي ... صح الكلام؟؟
    بالظبط هي كده ... هيفضل أي حد يطلع يتكلم عن مميزات عصر حسين العجلاتي وكيفية نفخ الكاوتش وتحسينه وإزاي قدرنا ننمي تجارة العجل في عصر عم حسين العجلاتي ... لكن مش هينفع نجيب واحد يطلع ف تليفزيون عم حسين ويقول فيه ناس ماسكة الجادون ومش راضية تسيبه ... او فيه ناس متحكمة في البدال ... صح يا عمنا؟؟
    ولذلك أرى إن التليفزيون المحلي لازم يفضل مملكة تامر أمين وأشباهه
    وهنيئاً لليبيا ... والله بضحك وانا بقولها برضه ... بس اعمل ايه ... المجانين أحياناً بيعملوا حاجات مبيعرفش يعملها اللي بنشوفهم أعقل

     
  • في الأحد, مارس 08, 2009 11:35:00 ص , Blogger Appy يقول...

    هما مش عاوزينه فى التليفزيون المصرى وانت عارف كويس ليه

     
  • في الأحد, مارس 08, 2009 12:36:00 م , Anonymous غير معرف يقول...

    أخر الرجال المحترمين.فى عصور غير المحترمين.فهنيئا للأفاقين الحكومة ومنافقينها.وهم يطلون علينا بأكاذيب وتزيين للباطل كل يوم حتى مللنا من الأعلام المصرى بكافة وسائله وقبح المذيعيين والمذيعات خلقة وخلقا وهم من تعينوا فى هذة الأجهزة بالمحسوبيات والوسائط.فما زادوا ألا جهلا وجهالة.فلك الله ياكل شريف ولكل كلمة حق سوف تدوىمثل الرصاصةمن كل رجل شريف رغم حقد الحاقدين.

     
  • في الأحد, مارس 08, 2009 2:08:00 م , Blogger خمسة فضفضة يقول...

    السلام عليكم ورحمة الله وبركاته

    ماباقتش استغرب لما اشوف حاجات زي كده

    الجو في بلدنا اليومين دول بقي طارد لكل الكفاءات وفي كل المجالات ، واعتقد ان ده هايتكتب في التاريخ علي انه من انجازات هذا العصر

    ربنا يرحمنا بقي

    سلام

     
  • في الأحد, مارس 08, 2009 8:36:00 م , Blogger اعشق فى الليل ضوء القمر يقول...

    أنا شفت اللقاء أمس
    ربنا معاه
    هى كده الحياة الشخصيات المحترمة دايما بتتبهدل

     
  • في الأحد, مارس 08, 2009 10:46:00 م , Blogger يا مراكبي يقول...

    أولا .. من المعروف سلفا أن مصر طاردة لكل من هو جيد عن عمد .. وذلك لإضعاف مصر من جهة وتقوية الآخرين عليها من جهة أخرى

    ثانيا وهذا هو الأهم .. أن طريقة ووظيفة حمدي قنديل تجعله من المستحيل أن ينتمي إلى أي جهة تتبع الحكونة المصرية .. فصميم عمله هو نقد لها في الأساس

     
  • في الاثنين, مارس 09, 2009 1:40:00 ص , Blogger صاحب المضيفة يقول...

    يبقى انت اكيد اكيد في مصر

     
  • في الاثنين, مارس 09, 2009 1:33:00 م , Blogger farida يقول...

    للأسف لم اسمع البرنامج
    فاتني
    :(

    اشكرك للتنويه عنه
    ساحاول مشاهدته في الحصاد الأسبوعي

    تعليق استاذ احمد القاضي
    قال كل اللي كنت عاوزه اقوله

    في الصميم
    :)

    و تدوينة الكاشات
    اكتر من رائعه
    و احييك لجرأتك في الكلام مع الرجل و قول رأيك بصراحه

    التدوينه بسيطه وواقعيه و تصف الحال الآن

    تحياتي

     
  • في الاثنين, مارس 09, 2009 5:56:00 م , Blogger د/محمدعبدالغنى حسن حجر يقول...

    قطعا ويقينا الأستاذ/حمدى قنديل هامة وقامة كبيرة واعلامى قدير وبرنامجه قلم رصاص طلقات فى صدور وعقول الفاسدين والمتاجرين بقضايانا وليس التلفزيون المصرى الحكومى وحده الذى يرفضه بل الخاص والخلفى للحكومة!!
    وإن كنا نهنىء الليبية بفوزها به إلا أننا نشفق عليها من الأخ العقيد ومفاجئاته كما نشفق على الأستاذ نفسه

    غير أن لى تعليق على تلك العبرات"الدموع" التى فاضت بها عينى منى الشاذلى بعد تلك العبارة التى أوردتها فى نشرك "لو طلبنى التلفزيون المصرى سألبى النداء ولكن هذا لن يحدث"!!!والتى حاولت التبرء منها بقولها أن هذا خطأ مهنى .، وأقول ليس الإحساس الصادق خطأ مهنى أو حادث عابر يعتذر عنه بل يرفع صاحبه ويعظم الحدث ويبجله !!
    وأدينا فى الإنتظار 19 مارس موعد أول حلقة أو على أكثر تقدير 26 مارس ويارب تخيب ظنونى فى الأخ العقيد!!!!!!!

     
  • في الثلاثاء, مارس 10, 2009 1:18:00 ص , Blogger hend...hanady يقول...

    صراحة انا مشفتش الحلقة دى بس شفت حلقته مع القاهرة اليوم وبصراحة ما زلت اقول انه اكتر صحفى ومذيع مصرى فاهم فى الشئون الخارجية والداخلية ولديه الجرئة والشجاعة والاحترام الذى يفتقدهم الكثيرين ومش بيسيس اموره كالجميع من محمود ومعتز وغيرهم ياريت نشوفه فى برامج باستمرار لايهم من اين تبث يكفى ان نسمعه ونشاهده ودبى خسرت كتير

     
  • في الثلاثاء, مارس 10, 2009 8:05:00 م , Blogger No Fear يقول...

    السلام عليكم
    أنا رخم و مش هأعلق علي البوست ده هأعلق علي البوست اللي أنت منزلتوش
    :)))))))))))
    يابني مش هنقدر نعاند القدر أحيانا كتير بنفارق حاجات غالية علينا بس مش بأدينا مفيش قدمنا غير الرضا بقضاء ربنا و الصبر
    و أكيد إن شاء الله ربنا هيقدم لنا الخير اللي إحنا مش عارفينه جاي منين

     
  • في الأربعاء, مارس 11, 2009 9:36:00 م , Blogger ذو النون المصري يقول...

    الله يبارك في قنديل و امثاله الكبار في الاعلام
    كبير بثقافته و طريقة عرضه
    حتي بنبرة صوته و التي احبها جدا جدا جدا

     
  • في الخميس, مارس 12, 2009 2:30:00 م , Blogger ملكة بحجابى يقول...

    عندك حق
    وعجبنى اوى استايل الكتابه اللى فيه اشارات مباشرة وغير مباشرة لاوضاع سيئة للاسف
    وانا كنت اشرتلها فى مدونتى فى توبيك سلملى عالسيستم بس بجد تحفة
    تقبل مرورى ملكة بحجابى

     
  • في الخميس, مارس 12, 2009 8:13:00 م , Blogger جـيـداء يقول...

    للأسف الشديد أشياء كهذه لم تعد تثير استغرابي و استعجابي فى بلد العجائب حيث كلمة الحق عدوان و إرهاب و صوت الباطل أعلى من كل ما سواه..

     
  • في الجمعة, مارس 13, 2009 9:00:00 م , Blogger قلب الأسد يقول...

    ماهو كان موجود زمان ، بس شغله مش بييجي على هواهم .... يا فرحة الليبية !!!!ه

     
  • في الجمعة, مارس 13, 2009 10:49:00 م , Blogger أسما عواد يقول...

    محمد
    قلبي بيوجعني على مصر
    موش عارفةاقولك ايه
    انابقرأ البوست بتاعك وانا في سيارة على طريق اسكندرية الزراعي
    منير بيغني حدوته مصرية
    وانا نفسي أكتبلك تعليق عبارة عن كلماته اللي حاسة بيها قي قلبي
    بخاف على مصر ونفسي أحكيلها على المكنون
    ميت اللي عاقل فينا ومين مجنون
    مين اللي ظالم ومين مظلوم
    ماهو كلنا منها وفيها مسئولين منها وعليها
    شكرا على الألم اللي فكرتني بيه

     
  • في السبت, مارس 14, 2009 11:10:00 م , Blogger نبض اسكندرية يقول...

    صوت الحق مش هيتذاع على تليفزيون مصرى حكومى ابدا

    وهذا الرجل هو الحق بعينة

    لنا الله يا محمد

    دمت بخير وخالص تحياتى

     
  • في الثلاثاء, مارس 17, 2009 7:33:00 م , Blogger أسوور يقول...

    التليفزيون المصرى محلك سر ومش عايزين يطوروا اى حاجة فيه

    الإضاءة اكتر حاجة بتنرفزنى .. بتحسسنى انهم زى العفاريت

    هم يستخدمون اسلوب قديم جدا لم يعد يستخدم .. لذلك تجد فرق كبير

    اما عن المذيعين والمذيعات واسلوب الحوار والتقديم فحدث ولا حرج

    والله كويس له قوى ان محدش بعتله من التليفزيون المصرى .. دى نعمة

    تحياتى

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية