فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

السبت، نوفمبر 18، 2006

النساء ....النساء

يزعجني كثيرا عندما امر امام احد المحلات واجد هذه اللافته (مطلوب انسه للعمل حسنه المظهر ) واعتقد كلنا وجدنا هذه الافته وكأن العمل لا يسير الا اذا كانت البنت جميله وفي صفحات الجرائد ايضا.و كثيرا من المدونات الاناث قاموا بحمله ليس لها اي فائده او معني وهي حمله كلنا ليلي للدفاع عن السيدات من قهر وظلم يقع عليهن من قبل الرجال لماذا هذه النظره الرجعيه التي ينظر كلا من الرجل والمرأه الي بعضهم البعض.
لابد من ان ينظر كل نوع مننا الي انه مكمل للاخر ولاتسير حياه اي رجل الا وبجانبه زوجه صبوره تتحمل معه مشقه الحياه ولا تصبح اي سيده سعيده في حياتها الا اذا كانت تعيش في كنف رجل.فالرجل والمرأه كلا منهما هو نصف قلب الحياه النابض فلا يجب ان نفصل بينهما.
ونجد في الدين الاسلامي الحنيف علي مر عصوره انه كرم المرأه وجعل منها كيان عظيم لابد من احترامه وتقديره والامثله كثيره ولكن لاننسي قول الرسول صلي الله عليه وسلم في خطبه الوداع فقال ( اوصيكم بالنساء خيرا..الله الله في النساء وما ملكت يمنيكم) فالدليل قاطع علي وصيه اشرف خلق الله علي النساء .
ما دفعني لكتابه هذه السطور ما وجدت عليه انشقاق فظيع من خلال مجموعه من الكتابات التي تميزكلا من الرجل والمرأه عن الاخر.فلا يستطيع اي رجل ان يعيش بدون ام او اخت او زوجه والعكس .اعتقد ان يجوز هذه السطور قد لا تعجب بعض الافراد ولكنها حقيقه لابد من الوقوف عليها واقرارها
فهيا بنا يدا بيد نقف امام كل هذه الاكاذيب الواهيه وكفانا احاديث لا تفيد وليتفرغ كلا منا للرساله التي يسير اليها حتي يكون كلا منا السند وقت الشده

21 تعليقات:

  • في السبت, نوفمبر 18, 2006 3:37:00 ص , Anonymous حسنة من الله يقول...

    رائع يا محمد بجد دائما مواضيعك مميزة
    وانا اضم صوتى لصوتك ان الاسلام كرم المراة لكن لمن يفهم دينه فالمرة فى الاسلام تعامل كانها ملكه وكل احكام الاسلام تويد ذلك لكن للاسف الجهلاء لا يفهمون فيفسرون ذلك خطا وذا لا يعيب الاسلام انما يعيبهم
    ويكفى ان الله سبحانه خلق حوا لان ادم استوحش الجنه الجنه منغير ونيس فخلقت حواء من ضلعه لتكون سكنه ويكون هو حاميها وليس قاهرها كما يظنوا معذبى المراه اقصدة مدعين ناصرى المراة

     
  • في السبت, نوفمبر 18, 2006 8:52:00 ص , Blogger No Fear يقول...

    السلام عليكم
    موضوع مهم جدا اللي أتكلمت فيه و للأسف أنا معرفتيش عن موضوع الحملة كلنا ليلي ده
    بس لو هتعملوا حاجى تاني لمحاربة هذا الموضوع أنا معكم

     
  • في السبت, نوفمبر 18, 2006 12:04:00 م , Blogger شــــمـس الديـن يقول...

    يا اخ/ت حسنة محدش عمرة قال ان الاسلام مكرمش المراة

    و لكن المشكلة الممارسات التي تتم من اناس مسلمون لا يعلمون شيئا عن دينهم و تلصق خطأ بالاسلام

    يعني اكيد البنات الكتير اللي اتكلموا في حملة كلنا ليلي فعلا حاسين بشئ من الظلم , ليس راجع للاسلام طبعا , و لكن راجع لمنظومة ظلم كبيرة الكل عايش فيها و بيئن تحت وطئتها

    ياريت لا حد بشتكي نحاول نتوحد مع شكواة و نشوف ايه الوافع اللي فعلا خليتة يقول كدا و هل هو متجني ( يبقي نحاول نناقشة باللتي هي احسن ) ام فعلا يعاني حقا ...

    للاسف لما الست بتشتكي بيتقال انه شعار مستهلك ولا احد يعير الامر اهتماما حقيقيا و نقول الامر كلة زوبعة في فنجان

    علي فكرة انال م احضر حملة كلنا ليلي هذة لاني مدونة حديثة و المقالة نفسها جيدة و لكن ليتنا نطبق ما نزل من نبي الرحمة لكنا ارتاحنا جميعا

     
  • في السبت, نوفمبر 18, 2006 2:02:00 م , Blogger shaimaa يقول...

    عجبنى اوى وجهة نظر ان لازم الاتنين يبصوا انهم مكملين لبعض

    هو ده المفروض
    تحياتى للموضوع وللصورة

     
  • في السبت, نوفمبر 18, 2006 2:32:00 م , Blogger tazart يقول...

    الله ينورك

     
  • في السبت, نوفمبر 18, 2006 3:50:00 م , Blogger sahar يقول...

    أولاً حملة كلنا ليلي اشتركت فيها وكانت نفسي تستمر اكتر من كدة لاني عندما بدأت اكتب في موضوع الظلم الواقع علي المرأة وجدت المواضيع تسترسل وأجلت ماكتبته الي الحملة القادمة التي اعتقد انها ستستمر طالما هناك ظلم ومظلومات
    ومع ذلك انا لا أنكر ان هناك ظلم أشمل يشمل كلا الجنسين في هذا المجتمع الظالم
    وقد كتبت عنه أيضاً ولكن لم يأتي أحد الرجال ليقول انتي بتظلمي البلد والحكومة ليه؟
    الإسلام فعلاً أستوصي الرجال خيراً
    بالنساء ولكن أين المسلم الحقيقي الذي يلتزم بالإسلام شكلاً وموضوعاً
    تحياتي

     
  • في السبت, نوفمبر 18, 2006 5:47:00 م , Blogger حنيـــــــن يقول...

    فعلا مش قادره اتخيل ان فيه نساء لسه بتنادى بحرية المرأه وشايفه ان فيه ظلم واقع عليها

    بقينا فريقين

    كل فريق بيحاول ينتزع اكبر حقوق من الطرف الاخر حتى لو ماكنتش حقه

    محدش واخد باله ابدا ان الاتنين فعلا مكملين لبعض

    وفى الاخر لا بقت الست عارفه تبقى ست ولا الراجل بقى راجل

    مع احترامى الشديد للجميع نساء ورجال

     
  • في السبت, نوفمبر 18, 2006 6:30:00 م , Blogger ادم المصري يقول...

    تعتقد ان كل الاديان .... ليس الاسلام وحده


    يحثون علي احترام المراة


    ولكن شتان بين الدين

    والمنتسبين اليه

     
  • في السبت, نوفمبر 18, 2006 10:08:00 م , Blogger نمنماية يقول...

    كلام جميل ..كلام معقول مقدرش اقول حاجة عنه
    و ربنا يكمل كل آدم بعقله :D
    و بحيادية شديدة فأنا مش شايفة اي تعارض بين الفكرة اللي بتتكلم عنها و بين حملة كلنا ليلي
    لان فيه فعلا ظلم واقع علي المرأة و خصوصا في الطبقات التي يتدنى فيها المستوي الاجتماعي و الديني و الثقافي و السلوكي بالتبعية
    رغم اني مقدرش انكر ان هناك من استغللن فرصة الحملة لضرب كرسي في الكلوب علي دماغ الرجل
    عموما انا بحييك علي البوست دا و خصوصة انك تناولت المسألة بموضوعية شديدة
    و ياريت كلنا نتوصي ببعضينا احنا برده في النهاية ملناش غير بعض :D

     
  • في السبت, نوفمبر 18, 2006 10:20:00 م , Blogger عبدالله مفتاح يقول...

    كلام جميل يا محمد
    اؤيدك بشدة في كل ما قلت
    لان الرجاله بردو ليهم مشاكل ومصايب وعمرهم ما اتلموا وقالوا نعمل حاجة
    لان اغلب الرجاله مقتنعين ان مهمتهم في الحياة انهم يتبهدلوا
    وتحياتي

     
  • في السبت, نوفمبر 18, 2006 10:32:00 م , Blogger moony يقول...

    انا فعلا كان بيستفزنى جدا موضوع اللى كانوا بيكتبوا ورقه على محل او فى جريده كاتبين فيها مطلوب انسه حسنه المظهر.مشفاهمه واخدنها عياقه وبس.وانا معاك طبعا ان مفيش حد يقدر يستغنى عن النصف الاخر فى اى من صوره اخت اخ اب ام زوج زوجه.

     
  • في الأحد, نوفمبر 19, 2006 12:16:00 ص , Blogger ام العيال يقول...

    كلام جميل ووجهة نظر تحترم
    بعد استشهادك بكلام الرسوم صلى الله عليه و سلم لا كلام بعد ذلك

     
  • في الأحد, نوفمبر 19, 2006 6:05:00 ص , Blogger albida يقول...

    جميل جدا يا محمد... بجد أنت جبت من الاخر
    ياريت الناس كلها تبقى شايفة الموضوع ده زيك كده

    وليا ملاحظة تانية... ماتتخيلش عجبونى قد ايه الكلمتين اللى أنت كاتبهم عن نفسك فى البروفيل بتاعك
    فعلا, دورنا ان احنا نشاور على الحق لكن مانرغمش حد عليه

    بجد أحييك على فكرك الناضج


    manal

     
  • في الأحد, نوفمبر 19, 2006 7:44:00 ص , Anonymous الهام يقول...

    أقول لماذا لايتجمل الرجل
    ولماذا انحصر اهتمام المرأة بأرضاء الرجل
    أجيب لان المرأة احبت ذلك وما انتبهت للفخ الذي تقع فية باختيارها !!
    اقول المرأة ظلمها الرجل واجيب لانها ظلمت نفسها وما اعطتها حق قدرها!!صارت اليوم سلعه صارت لوحة صارت عارضة وموديل صارت سوقا كبيرا للشراء والبيع (مكياج -ثيلب -عطور -احذيه -حقائب )اصبحت غير انيقة وانما مبتذلة اصبحت غير جميلة وانما مختزله الى مقاييس الجمال من الله او بيدها تغير ما تريد
    اصبحت تقلق على رشاقتها اكثر من قلقها على اسرتها او امتها
    انه فخ العصريه الزائفه
    لست ضد الجمال فهو صفة خصها الله به كما خص الرجل بنصيب منه ولكنني ضد الغرق في ه وعدم البحث عن جمالها الاخر الذي دفنته مساحيق لوران وازياء ديور وهلم جره

     
  • في الأحد, نوفمبر 19, 2006 11:15:00 ص , Blogger مـحـمـد مـفـيـد يقول...

    حسنه من الله
    اعتقد انكي سوقتي الدليل القاطعوشكرا لمتابعتك القيمه لي


    No Fear
    تشرفنا ياباشا

    شمس الدين
    المشكله في من ينتسبون الي الاسلام وليس لها علاقه بها اساسا

    شيماء
    هي ليست وجهه نظر بل انها الحقيقه بعينها وشكرا علي كلامك الجميل

    tazart
    اشكرك

    الغاليه سحر
    اولا اشكرك علي تواصلك القيم
    ثانيا اعتقد ان حمله كلنا ليلي جعلت النفوس تتبدل والعلاقه تتوتر بين الطرفين فلابد من المصالحه والمصارحه

    حنين
    تعليق رائع احييكي جدا


    ادم المصري
    اشكرك يا فنان

    نمنمايه
    هذه الحقيقه لابد من نشرها وتعميمها

    عبد الله مفتاح
    اشكرك جدا جدا علي كلامك الجميل ده


    moony
    فعلا معكي حق واشكرك جدا

    ام العيال
    كم انتي رائعه وتعليقك يسعدني

    منال
    والله الكلام ده كتييييييير عليا
    اخجلتم تواضعنا

    الهام
    ليس الكل ممن رخص المرأه فلابد من المحاربه له

     
  • في الأحد, نوفمبر 19, 2006 1:09:00 م , Blogger meho يقول...

    يا محمد كلامك صح جدا" بس للاسف أحنا مش عارفين دينا ...دينا اللى كرم المرأة وجعل لها شخصية مستقلة ...وذمة مالية أيضا" وداه اللى بينادى بيه الغرب دلوقتى ...
    دلوقت يا محمد السيدات المحترمات فىى مصر بتأخد اسم جوزها بنعمل زى الغرب
    تحياتى ..

     
  • في الأحد, نوفمبر 19, 2006 3:25:00 م , Blogger elgharep يقول...

    أكتر حاجة تغيظ فى موضوع حقوق المرأة أنى أنا بأحسه ساعات حاجة أشبه بالتقليعة اللى تلاقى الكل بيتكلم عنها وبنفس الوقت والحدة يقولك حقوق المرأة فى المجتمع الشرقى هيا فين حقوق الرجالة قال يعنى وخداين حقنا قوى أحنا كلنا مقهورين مطحونين مسحوقيين رجالا ونساءا وكفاية بقى تقاليع مستوردة
    الغريب

     
  • في الأحد, نوفمبر 19, 2006 5:25:00 م , Blogger HaMzA يقول...

    السلام عليكم ورحمة الله

    انا احييك جدا على نظرتك وطريقت تفكيرك :) يا بخت مصر بيك والله
    انا مؤيد للفكره كمعني ومضمون :)

    يالله
    في امان الله

     
  • في الأحد, نوفمبر 19, 2006 10:33:00 م , Blogger tota يقول...

    العزيز محمد

    انا حبيت اعلق على البوست ده
    لان اصحاب الاعلانات المذكورة لا يعنيهم من المرأة الا مظهريتها وبوضوح هو يشير الى كونها جسد لا روح وده منظور مش جديد على المجتمع المصرى ليس بالتعميم ولكن للاسف المجتمع المصرى الذكورى النزعة يعامل المرأة بصورة مهينة وكأنها ليست كيان يستحق الاحترام برغم كونها شريك الرجل بل درجة شراكتها قد تكون اكبر بحكم دورها كأم ومربية وزوجة واخت ومشاركة فى كل كيان فى المجتمع
    لا يمكن بأى حال من الاحوال ان تكون حملة ليلى نابعة من لا شىء بالعكس هى نابعة من غضب تشعر به كل ليلى فى كل يوم ومع كل تعامل فى المجتمع

    نأسف ان يكون هذا فكر رجال كثيرين فى مجتمع مصر رجال يعنيها الجسد لا الروح

    تحياتى

     
  • في الخميس, نوفمبر 23, 2006 4:02:00 م , Blogger tamer يقول...

    والله محمد دى ازمة فكر وانحضار ورجعية الكل يتعامل بقصد او بدون مع المراة وكانها سلعة تباع وتشرى

    والنظر الى الرجل على انة وحش كاسر لايهمة من الحياة سوى معاشرة النساء

    وفعلاا كلامك مظبوط

    الاثنين بيكملوا بعض والدين الاسلامى شرح النقطة دى

    كل طرف لية وجبات وعلية حقوق

    ولكن يوجد فى كل طرف شواز خارجين عن القاعدة الاساسية

    دة لايلغى القاعدة نفسها

    تحياتى

     
  • في الأربعاء, يناير 10, 2007 8:45:00 م , Blogger رفقه عمر يقول...

    استاذ محمد بجد بجد انا حسيت انى مدونتى بتشرف بزيارتك وتعليقاتك لانى لما قرأت مدونتك وجدتى انى ولاحاجه جنب كتباتك وبالنسبه لبوست النساء النساء فعلا جميل جدا وانا برضه معالك فر رأيك انا الاسلام جعل من المرأة ملكه متوجه ويمكن جعل لها حقوق اكتر من الرجل كمان بس ياريت يقرأوا كويس ويعرفوا انا الاسلام اعطى للمرأة كل حقوقها بالعكس انا شايفه ان معظم اللى بيتكلموا عن حقوق المرأه متخبطين ومش عارفين هما عايزين ايه بس شهرة وبس وبروباجندا

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية