فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأحد، ديسمبر ٠٣، ٢٠٠٦

الافتاء .. والسقوط في بحر الظلمات

انتشرت وبطريقه مفزعه تصل لحد الاستنفار في الفتره الاخيره في المجتمعات العربيه بصفه عامه والمجتمع المصري بصفه خاصه وهي الفتاوي التي انتشرت انتشار رهيب في الاونه الاخيره عبر جميع الفضائيات ورسائل الموبيل والايميلات والاتصال 0900 وغيرها
فوجئنا بفوضي وعشوائيه بالغه في مجال الافتاء واصبح كل من هب ودب يفتي في امور خطيره بمنتهي السهوله والسذاجه احياناً وكثيراًمن هولاء ليسوا من المتخصصين في علوم الشريعه.فليس كل من اطلق لحيته وقصر ثيابه قادر علي اصدار الفتوي.فتجد كثيراً منهم الا من رحم ربي لا يكلف نفسه ان يجلس الي اهل العلم الثقات ويأخذ عنهم ويتخرج علي ايديهم.انما كون ثقافته من قرارت سريعه في كتب المعاصرين انما الرجوع الي المصادر الاصليه والمراجع الشرعيه فتجد بينه وبين دراستها مائه حجاب وحجاب
فانتشرت الفتوي التي تثير الرأي العامه واستباحوا ما حرم الله مثل فتاوي اباحه الزنا المقنع (الزواج العرفي وما علي شاكلته) واباحه السجائر واللبان في نهار رمضان و ارضاع الكبير والي اخر الفتاوي التي تجعل الانسان يفقد ثوابه امامها.فقد عرض علي الامام مالك اربعون فتوي اجأب علي اربعه فقط والكل يعلم من هو الامام مالك
فالافتاء هم كبير لا يحمله غير من هو قادر عليه.فنجد الان الدعاه الذين اصبحوا اكثر من الموبيلات في كل القنوات الفضائيه وتتصارع كل قناه لاجتذاب الشيخ فلان وحصريا علي قناه كذا الشيخ فلان والخروج منه بفتاوي تثير الرأي العام لتحقيق اكبر نسبه مشاهده للبرنامج والقناه
فأذا كان الدعاه الي الله قدارتضوا طريق الدعوه والافتاء فليعلموا ان عليهم استحقاقات وواجبات لابد مراعاتها وان الفتوي من اعظم شئون الاسلام التي تتعلق بها امور المسلمين والمجمتع ككل في دنياهم واخرتهم ويتوقف عليا كل سبل الانضباط في المجتمع كله
يقول احد السلف الصالح (العلم ثلاث: كتاب ناطق - وسنه قائمه - ولا ادري ).واخيرا وليس اخرا
فمن قال لا ادري فقد افتي

51 تعليقات:

  • في الأحد, ديسمبر ٠٣, ٢٠٠٦ ٤:٤٤:٠٠ م , Blogger gamal يقول...

    الأستاذ محمد
    تحية لك من الأعماق بعد هذة الأستفادة
    التى أردت أن أعرفها منك
    وانا سعيد بهذه الأتصالات
    اما موضوع الأفتاء فهو فعلا أصبح زائدا عن الحد لدرجة انه يزيد التخبط فى الأفكار والأراء الدينية ونجد كل من هب ودب وكل من حصل على درجة علمية فى الدراسات الدينية نجده يفتى وهذا شىء خطر


    لك تحياتى والى الأمام دائما

     
  • في الأحد, ديسمبر ٠٣, ٢٠٠٦ ٤:٤٧:٠٠ م , Blogger VEЯŎ يقول...

    فعلا بقى كتير قوي وانتشر قوي كمان موضوع خطير يستحق مننا اننا نقف عندو .
    بحييك على مواضيعك اللي في صميم دي يا محمد .

     
  • في الأحد, ديسمبر ٠٣, ٢٠٠٦ ٧:٥٩:٠٠ م , Blogger Ahmed Fathy يقول...

    و الله يا أخ محمد هي المشكلة أساسا في عقلية المشاهد أو المستفتي نفسه
    فالبعض يتصل بشيخ ليسأله عن حكم مشاهدة مباريات كأس العالم!!
    آخر يتساءل عن من وجد أولا هل الفرخة أولا أم البيضة و ماأثر ذلك في عقيدة المسلم الصحيحة ..
    ناهيك عن الفتاوى في أمور جنسية غريبة .. ما هذه العقلية التي باتت تحشر المشايخ في كل صغيرة و كبيرة!
    هنا مكمن المشكلة و ليس وجود مفتين على شاشات الفضائيات دعاة كانوا أم علماء متخصصين .. فالشيخ سيفتي و خلاص و قلما نسمع لا أدري التي ذكرتها في موضوعك
    تحياتي

     
  • في الأحد, ديسمبر ٠٣, ٢٠٠٦ ٨:٥٢:٠٠ م , Anonymous غير معرف يقول...

    مدونتك اصبحت مرجع من المراجع الهامة للمواضيع القيمة والشيقة ولان مواضيعك كلها في الصميم بمعني اوضح انت بتيجي ع الجرح وبتدوس اوي بس مين يسمع ومين يشوف يارب للامام دايما ياابوعبدالله
    اما عن الفتوي وصراع القنوات الفضائية علي اختطاف الشيوخ فالمشكلة ليست فقط في ذلك المشكلة تبدا من مذيع منافق لايريد الا توقيع الشيوخ في بعض من اجل الشو الاعلامي واكبر دليل المذيع المبجل صاحب برنامج عم يتساؤلون ولاداعي لذكر اسماء فلمتعته الوحيده في ان يوقع بين الشيوخ وتضارب الفتاوي من اجل الشو الاعلامي ولفت النظر لبرنامجه
    اما عن الشيوخ فحدث ولا حرج
    اصبحوا يتاجرون بالدين والسنة والعقيدة يفتون ويحرمون ويحللون علي راحتهم اصبحت مهذلة معلش طولت عليك بس ده موضوع بجد يحرق الدم ومرجعنا الاول والاخير للسنة كما قال رسول الله صلي الله عليه وسلم تركت فيكم ماتمسكتم به لن تضلوا بعدي ابدا كتاب الله وسنتي

     
  • في الأحد, ديسمبر ٠٣, ٢٠٠٦ ٩:١٥:٠٠ م , Blogger Lion king يقول...

    كلامك صحيح بجد يا محمد ربنا يتر علينا
    من فتاوى الجاهلين
    وفعلا افتى من قال لا اعرف
    تحياتي

     
  • في الأحد, ديسمبر ٠٣, ٢٠٠٦ ١٠:٤٥:٠٠ م , Blogger Dananeer يقول...

    مسخره بجد لما تلاقى واحده بتتكلم و تسأل
    ياترى لما تغير قدام الكلب بتاعها عادى ولا حرام
    دى انا سمعتها من صديقه و مش مصدقه احنا وصلنا لكده!!!

     
  • في الأحد, ديسمبر ٠٣, ٢٠٠٦ ١١:٠٦:٠٠ م , Blogger mariam يقول...

    احييك على مناقشة هذا الموضوع الحيوى
    المشكلة فى نظرى ان الناس دى بيتعاملوا مع الدين على انه تجاره
    و لما تتكلم مع اللى حواليك تلاقى كل واحد جايب فتوى شكل من شيخ شكل
    الموضوع دة مينفعش فية العشوائية
    لازم التخصص

     
  • في الاثنين, ديسمبر ٠٤, ٢٠٠٦ ١٢:١٤:٠٠ ص , Blogger أحمد المصري يقول...

    عندك حق في كل اللي قلته000
    بس احنا لازم نفرق بين الأمر بالمعروف والنهي عن المنكر وبين الإفتاء بدون علم 00أليس كذلك؟
    مع تحياتي00
    والسلام عليكم0

     
  • في الاثنين, ديسمبر ٠٤, ٢٠٠٦ ٥:٠٤:٠٠ ص , Anonymous غير معرف يقول...

    http://alba7r.al.funpic.de/vb/

     
  • في الاثنين, ديسمبر ٠٤, ٢٠٠٦ ٥:٥٢:٠٠ ص , Blogger LAMIA MAHMOUD يقول...

    زكده جبت المفيد
    من قال لا اعرف فقد افتى
    ياريت كل واحد يعمل بيها
    بدل ما الشيوه بقوا نجوم دلوقتي

     
  • في الاثنين, ديسمبر ٠٤, ٢٠٠٦ ١٠:٢٥:٠٠ ص , Blogger مـحـمـد مـفـيـد يقول...

    استاذ جمال مرسال
    شكرا علي كلامك الجميل ده وده كتير عليا اوي وانا اسعد لمعرفتك ايها الشخص الجميل

    vero
    شكرا لزيارتك المتواصله وسعيد بك جدا


    احمد فتحي
    المشكله اساسها انتشار الدعوه والافتاء دون علم مما يجعلك تسأل في اي شئ اياً كان ما هو


    الشقيه نورهان
    مرجع مره واحده ده لسه بدري اوي اوي:)))))
    اعتقد تعليقك الجميل لا يستحق سوي نجمه في كشكول محاضراتك الجميل


    LionKing
    حبيبي نورتني والله والي الامام

    دنانير
    والله بجد بقي الموضوع سخيف جدا ومسخره زي ما قلتي


    مانو

    فعلا الموضوع دة مينفعش فية العشوائية
    لازم التخصص والرجوع للاصول وترك الفروع


    د/ احمد المصري
    شكرا لزيارتك الكريمه وعندك حق

    اميره القلم
    نورتيني

    لمياء الحالمه
    فينك ايه الغيبه دي كلها ؟
    المهم نورتي البلوج وبعدين الشيوخ بقي نجوم فعلا الا من رحم ربي

     
  • في الاثنين, ديسمبر ٠٤, ٢٠٠٦ ١٢:٤٠:٠٠ م , Blogger Heba Al_Menshawy يقول...

    معاك حق يا استاذ محمد وللأسف فيه ناس بتمشي ورا الفتاوي دي وورا اي حاجة تتقال وبقى كل واحد عايز يقول كلمتين يطلع يقولهم ويبقى مفتي بعدها :(

     
  • في الاثنين, ديسمبر ٠٤, ٢٠٠٦ ٣:٥٢:٠٠ م , Blogger Mamdouh Dorrah يقول...

    الفتوي بقت سبوبة و بتتفصل ع المقاس كمان

     
  • في الاثنين, ديسمبر ٠٤, ٢٠٠٦ ٤:٣٠:٠٠ م , Blogger sara86 يقول...

    يقولون على الله مالا يعلمون

    وفى معنى الحديث ان من افتى بغير علم

    فليتبوا مقعده من النار

    تحياتى على الموضوع الحيوى

     
  • في الاثنين, ديسمبر ٠٤, ٢٠٠٦ ٥:٣٢:٠٠ م , Anonymous غير معرف يقول...

    قوم يحلولن الحرام ..ويحرمون الحلال

    أى حد عايز يعمل حاجة حرام دلوقتى ..يسأل المفتى و هو يحللها !!!ا

     
  • في الاثنين, ديسمبر ٠٤, ٢٠٠٦ ١٠:١٩:٠٠ م , Anonymous غير معرف يقول...

    بجد فى الصميم

     
  • في الثلاثاء, ديسمبر ٠٥, ٢٠٠٦ ١٠:٤٠:٠٠ ص , Blogger شيمـــــاء يقول...

    كلامك جميل اوى يا محمد
    بس انا كمان ليه راى
    دلوقتى بنسمع خمسيت الف فتوى فى اليوم
    ليه مندورش احنا
    المتعلمين فرض عليهم طلب العلم
    طلبه بس

    هتفرق كيتر اننا هنقدر نميز من هو قادر على الفتوى من غير القادر

    تحياتى ليك و موضوع فى الصميم كالعادة

     
  • في الثلاثاء, ديسمبر ٠٥, ٢٠٠٦ ٢:٤٢:٠٠ م , Anonymous غير معرف يقول...

    أتفق معك

     
  • في الثلاثاء, ديسمبر ٠٥, ٢٠٠٦ ٦:٤٩:٠٠ م , Blogger أحمــــــــدبــــــــــلال يقول...

    حسبنا الله و نعم الوكيل

     
  • في الأربعاء, ديسمبر ٠٦, ٢٠٠٦ ١٢:٢٢:٠٠ ص , Blogger sara يقول...

    السلام عليكم
    المشكلة مش من الناس اللي بتفتي .. المشكلة في الناس اللي بتسمعلها
    يعني المشكلة و بكل بساطة .. لو الناس اللي بتفتي ده لم تجد احد يسمعها ... ببساطة هتبطل تفتي
    المشكلة فينا احنا .. احنا اللي جعلنا من كل ذى صاحب لحية عالم من علماء الدين

     
  • في الأربعاء, ديسمبر ٠٦, ٢٠٠٦ ٢:٣٢:٠٠ ص , Blogger so7ab يقول...

    اعتقد ان الازمه يا محمد مش فى اللى بيفتو اعتقد ان الازمه فى سامع الفتوى وطالبها

    اللى حصل ان الجميع قدرو انهم يحطو من عقلهم وحصل تدنى ضخم لقيم التفكير والعقل واصبحنا لانثق فى عقولنا وهنا زاد بشكل ضخم طلب الفتوى

    ثانيه اذا تغير مفهوم الفتوى من الااس واصبحت ملزمه لمن يرتضى به ويؤمن بها اعتقد ان الازمه ستكون ابسط

    الازم باختصار فى عدم احترامنا لعقولنا وتقديسنا لفتاوى

     
  • في الأربعاء, ديسمبر ٠٦, ٢٠٠٦ ٣:٢٩:٠٠ ص , Blogger smraa alnil يقول...

    يا سيدي مفيش اكتر من الافتا عندنا
    ولاسف احنا معروفين في الدول العربية اننا شعب مفتي
    يعني انا مش مستغربة لما تلاقي اتنين بيتخانقم وانا من ضمنهم في المترو عشان واحدة بتتكلم عن الدين وفي حاجة صح
    عامة انا كاتباها عندي في البلوج
    يعني من الاخر بتتكلم صح بتتكلم غلط هيتقال عليك انك بتفتي
    استفتي قلبك لان القلب بين يدي الله وادعوه ان يثبت قلوبنا
    بس عادي الافتا دلوقتي عاملة زي نتانا سينما مش هتقدر تغمض عنيك
    ربنا يرحما يارب

     
  • في الأربعاء, ديسمبر ٠٦, ٢٠٠٦ ٤:٥٩:٠٠ ص , Blogger albida يقول...

    أستاذ محمد
    مدونتك ممتعة بالفعل.. انا فاكرة أنى جيت هنا قبل كده بس امتى وازاى؟ الله أعلم.. منه لله الزهايمر
    :)

    وبالنسبة لموضوع الافتاء فده موضوع أصبح زائد عن الحد فعلا... وعلشان نوصل لحل لازم نعرف ايه أسبابه الأول
    فى رأيى.. معظم المشاكل اللى احنا بنعانى منها دلوقتى بقت نابعة من اختفاء الوعى ! للأسف الناس بقت مغيبة.. مش عارفة ايه الصح وايه الغلط.. مش عارفة تفكر أساسا!! والناس هما السبب الاول وراء انتشار موضوع الافتاء ده لأنهم بيصدقوه وبيمشوا وراه
    مش عارفة والله.. ده رأيى فى الموضوع

    تحياتى لحضرتك ولمدونتك الجميلة

    manal

     
  • في الأربعاء, ديسمبر ٠٦, ٢٠٠٦ ٩:٣٢:٠٠ م , Blogger مُزمُز يقول...

    تحياتي

    الموضوع مهم جدا جدا من رأيي لأنها صارت ثقافة مجتمع وأفراد فقدور القدرة على التمييز والتعقل لذلك لجؤا الى أي شخص يحرك حياتهم لأنهم عاجزون عن ذلك

    اذن الأزمة الحقيقة في رأيي الشخصي هي فوضى الاستفتاء وليس الافتاء

    من المستغرب أن تسأل امرأة شيخا في برنامج عم يتساءلون هل من الجائز أن تجلس أمام أبيها واخوتها من غير غطاء
    الرأس!!!!!!!!!؟؟

    ذلك الهوس بكل ما هو ديني هو المشكلة التي أغرت كثيرا من ذوي المعرفة الدينية الضحلة أن يخوضوا حقل الافتاء ويرتدوا هيبة العلماء

    اذن لابد من العودة للعقل والاطلاع الفردي والطبيعي أن يكون الاستفتاء في المسائل المعقدة كمسائل الطلاق والمواريث وغير ذلك وما قد يعجز شخص ما عن استيعابه من الكتب الفقهية

    ان الاستفتاء في جوهره ليس لأخذ العلم ولكن كما قلت لحل الأزمات الفقهية أما المسائل العادية التي تختص بعباداتنا فمن المؤسف أن تجد مسلما يجهلها ففيم اسلامه اذن؟

    تحياتي وشكرا لك على تشريف مدونتي وأتمنى أن تكرر الزيارة

     
  • في الخميس, ديسمبر ٠٧, ٢٠٠٦ ١١:٠٩:٠٠ ص , Blogger مـحـمـد مـفـيـد يقول...

    هبه
    اللهم ارحمنا وشكرا لتشريفك


    ممدوح
    شكرا لك يا فنان واين انت ؟

    86ساره
    والخوف حقا ان يأخدونا معهم اذا كانوا يسيروا الي النار

    نوران
    فعلا حاجه مستفزه جدا حكايه المفتي ده كمان


    العزيزه شيماء
    شكرا علي كلامك الجميل دهومن بعض ما عندكم يا فندم
    واله ياشيماء بقي يفرضوا علينا حاجات غريبه ولا تجدي اي احد يعترف بالاخطاء ليس كلهم طبعا

    tazart
    اسعدني وجودك

    احمد بلال
    بتحسبن علي الانتشار الفتوي والا علي ايام الجيش ؟
    :)))


    ساره
    المشكله ليست فينا فأسألوا اهل الذكر
    فلمن نلجأ في شي صعب علينا فهم ولكن المشكله تكمن فينا في اختيار من نلجأ اليه حقا


    so7ab
    تعليقك قيم واعتقد ان مفهوم الافتاء لابد من تغيير في بلد بها الازهر ؟
    شكرا للتواجد الدائم والمتابعه

    سمراء النيل
    كم كان تعليفك رائع :))
    فعلا كلها بتفتي

    منال
    والله الكلام ده كتييييير عليا اوي شكرا لكي جدا وللمتابعه القيمه من حضرتك واهتمامك بالبلوج

    مزمز
    اصبح هوس حقا واصبحنا نسأل في كل شي كل كبيره وصغيره
    سعيد بالتواصل جدا

     
  • في الخميس, ديسمبر ٠٧, ٢٠٠٦ ٤:١٢:٠٠ م , Blogger بين الأمل و اليأس يقول...

    دي مش بقة ظاهرة دي بقة وباء كل من هب ودب تلاقيه بيفتي واخر ماسمعت ان السجائر الله يتوب على خلقه منها انها مش بتفطر ودي سمعتها على قناة والله وبدون هزار فتخيل اصبح الافتاء بمصر على الاخص في الحضيض ورغم ان الدين منتهي بوفاة النبي عليه السلام فكيف نخترع احكام الان بحجة ان تتماشى مع العصر القرءان الكريم واضح والافتاء هو استخراج الاحكام من القران والسنه مش اختراع
    وربنا يسترها

     
  • في الخميس, ديسمبر ٠٧, ٢٠٠٦ ٦:٥٠:٠٠ م , Anonymous غير معرف يقول...

    أنا قارية الموضوع من زمان و نفسي أعلق بس للأسف البلوجر و مشاكله.... أنا مش ضد الدعاة بالعكس أنا مهتمة بوجودهم بس حسيتهم من ثقتهم فيما قرأوه بقوا جريئين علي الفتوي و دا يؤخذ عليهم لأن اللي بيحبوهم بياخدوا كلامهم أمر مسلم بيه بدون البحث...

     
  • في السبت, ديسمبر ٠٩, ٢٠٠٦ ١:٥٧:٠٠ ص , Blogger ام العيال يقول...

    من افتى بغير علم فليتبوء مقعده من النار
    كلام الرسول صلى الله عليه و سلم خير ما يقال

     
  • في السبت, ديسمبر ٠٩, ٢٠٠٦ ١:١٣:٠٠ م , Blogger dandana يقول...

    رحم الله امرئ عرف قدر نفسه

     
  • في السبت, ديسمبر ٠٩, ٢٠٠٦ ٤:٢٣:٠٠ م , Blogger layal يقول...

    دعاة علي ابواب جهنم

     
  • في السبت, ديسمبر ٠٩, ٢٠٠٦ ٧:٠٥:٠٠ م , Blogger Ahmad Hegab يقول...

    ماسمعتوش اخر فتوه

    على فكره الموضوع مابقاش يختلف كتير عن النكت كل واحد قراء كتاب ولا سمع حديث ماشى يدلى باراءه فى كل حاجه
    و من قال لا ادرى فقد افتى

     
  • في السبت, ديسمبر ٠٩, ٢٠٠٦ ١٠:٤٣:٠٠ م , Blogger لحظة صدق يقول...

    كلامك صحيح يا محمد مفيد
    احنا كل يوم اصلا بيقابلنا ناس و لا هم شيوخ و لا حاجة و يحرموا و يحللوا
    فى فرق كبير جدا بين الامر بالمعروف و الفتوى
    ما فيش حد فاهم
    اما موضة شيوخ الافتاء بقت زايدة عن الحد
    احنا عاوزين نفصل بين الفتوى و الرأى الشخصى أو الرأى القاصر نتيجة لقصور فى المعلومات و الأصول الدينية

     
  • في الأحد, ديسمبر ١٠, ٢٠٠٦ ٢:٥٣:٠٠ ص , Blogger frozen love يقول...

    btdn fe malta kda..el3lm we elden b2a menat mn la mhnat lh..ll2sf elshded..rbna ytwlana br7mto

     
  • في الأحد, ديسمبر ١٠, ٢٠٠٦ ٦:٤٠:٠٠ ص , Blogger واحد يقول...

    أحترم رأيك ياعزيزي وأوافقك بشدة

     
  • في الأحد, ديسمبر ١٠, ٢٠٠٦ ٢:٣٩:٠٠ م , Blogger مـحـمـد مـفـيـد يقول...

    ميزو
    عودا حميدا يا حبيبي
    فعلا ي بقيت وباء وليست ظاهره


    علياء العزيزه
    شكرا للتواصل ومعلش هو كده ساعات بتقفل من كل حاجه

    العزيزه ام العيال

    انجزتي فلخصتي
    شكرا للتواصل


    ليال
    شكرا للتواجدك المستمر

    دندنه
    شكرا للتواصل القيم

    احمد
    نورت المدونه

    لحظه الصدق الجميله
    اشكرك علي تشريفك الدائم لي وملاحظاتك القيمه
    :)
    frozen love
    فعلا اصبحت مهمنه ودي في منتهي الخطوره

    احمد ندا
    اشكرك علي الثناء وارجو التواصل

     
  • في الأحد, ديسمبر ١٠, ٢٠٠٦ ٣:٠٦:٠٠ م , Blogger elgharep يقول...

    الفتوى للأسف أصبحت تجارة رائجة فى مجتمع عطشان للفتاوى فى كل شئ فتجد من يسأل عن مدى شرعية الرضاعة من الزوجة وأخر يسأل عن شرعية الكلام الى النساء فى العمل وغيرها الكثير من الأمور التى أن دلت فهى تدل جهل وغياب الثقافة الدينية البسيطة
    الغريب

     
  • في الأحد, ديسمبر ١٠, ٢٠٠٦ ٦:١٦:٠٠ م , Blogger الاء سعود المجيبل يقول...

    فعلا موضوع الافتاء اصبح ملحوظ في الآونه الاخيرة فكل من قرا له بعض من كتب الدين وحفظ البعض منها اقنع نفسه بانه يمكن ان يفتي لنفسه وللناس ...@@


    المشكله هناك العديد من الجهلة الذين يجهلون اهمية معرفة مصدر وقوة الفتوى!!! قبل تطبيقها !!


    البعض منهم يقول انا سمعت اكثر من فتوى فاستفتيت قلبي بالاحسن منهم؟؟؟؟


    استفتيت قلبك ؟؟؟

    طيب في مشكلة الزنا هل استفتيت قلبك واخترت ان تزني وتتزوج عرفي ؟؟؟؟ وتقتنع بانه صحيح لمجرد انك استفتيت قلبك ؟؟؟

    ام انه استفتاء الشهوة والرغبة ؟؟


    اهنئك محمد على الموضوع فمنذ سنة تقريبا كنا نتحدث عن هذا الموضوع انا وعائلتي....:)


    شكرا...:)

     
  • في الأحد, ديسمبر ١٠, ٢٠٠٦ ١٠:٠٥:٠٠ م , Blogger HANY يقول...

    أخى الركيم:

    الشيوخ , أو بمعنى ادق المتأسلمين الجدد , جزىء لا يتجزأ من المجتمع فالجميع يفتى , محدش بيقول معرفشى خالص, ويقولها ليه , ما هو لو قالها هيبقى حمار , فكله فاهم فى كل حاجه , وعارف كل حاجه , وحسبى الله ونعم الوكيل

    وتقبل تحياتى , وعلى فكره انا حطيت لينك لمدونتك عندى حتى استطيع زيارتها م وقت لاخر

    والسلام

     
  • في الاثنين, ديسمبر ١١, ٢٠٠٦ ١٠:٠٧:٠٠ ص , Blogger مـحـمـد مـفـيـد يقول...

    الغريب
    شكلاا لكلامك القيم وكم انت شخص رائع


    Q8ya
    استفتيت قلبك ؟؟؟
    احد الكوارث التي يلجأ اليها الضعفاء للحصول علي فتوي تفصيل
    تواصلك الرائع ليس بجديد عليكي


    هاني
    اولا اللينك ده شرف كبير ليا جدا
    ثانيا الموضوع اصبح سبوبه

     
  • في الاثنين, ديسمبر ١١, ٢٠٠٦ ١:٢١:٠٠ م , Blogger love4u يقول...

    الموضوع حيوى جدا و مهم
    دعنا نطرح الاسئله
    هل حن فى هذا العصر نحتاج هذا الكم من الفتاوى؟
    لماذا يلجاء الناس الى فتوى اتيك اوى؟
    و لماذ ابتعد الناس على الاخد من امصادر الموثوق منها؟
    و هل يمكن تجريم الفتوى الغير شرعيه و اين دور الازهر من ذلك؟
    ام اصبح الازهر ايضا يقدم فتاوى تيك اوى للحكومه فقط؟
    و اخيرا لا اعلم حقيقه لقد اصبحنا فى عالم غريب

    دعنى اشير الى نقطه

    العالم الاوروبى
    يعتقد ان المجتماعات تمر ب 3 مراحل
    فى المرحله الاولى
    يقم فيهاالمجتمع بتفسير الظواهر الى الخرافه و الاساطير انها المرحله الميتافيزقيه

    المرحله الثانيه

    يقوم المجتمع بتفسير الظواهر و ارجعها الى الدين مثل غضب الاله
    و هذه المرحله الدينيه

    المرحله الثلاثه
    و ى تفسير الظواهر و ارجعها الى العلم و اسبابها العلميه و هو يرى ان هذه المجتماعات ارقى المجتماعات تقدما

    و ارى اننا نقلد دون ان نفهم
    نحن نرفع من شان العلم و نعجب بتطور العلم و ننسى الدين
    بمعنى ان اى تقدم فى المجتمع يكون مادى و معنوى

    اذا راينا ان العلم يمثل التقدم المادى فا الدين يمثل التقدم المعنوى

    و عدم توازن بين الاثنين يؤدى الى التخلف

    و احنا بقى لا طلنا بلح الشام و لا عنب اليمن

    و الله اعلم اسف على الاطاله
    تحياتى

     
  • في الاثنين, ديسمبر ١١, ٢٠٠٦ ٤:٠٢:٠٠ م , Blogger محمد أبو زيد يقول...

    اقتباس من نص كلمة لأحمد رجب في الأخبار يوم الاثنين

    " عن جريدة القبس الكويتية : 'أصدر الشيخان السعوديان عثمان الخميس وسعد الغامدي فتوي تحرم الانترنت علي المرأة بسبب خبث طويتها، واضافت الفتوي : لا يجوز للمرأة فتح الانترنت إلا بحضور محرم وذلك لعهر المرأة ومكرها' .
    "

     
  • في الاثنين, ديسمبر ١١, ٢٠٠٦ ٦:٠٢:٠٠ م , Anonymous غير معرف يقول...

    أنا كنت داخله أعلق على الموضوعبس بصراحه بعد ما قريت التعليق الأخير بتاع عهر المرأه وخبث طويتها الكلام راح وماعادش ليّه نفس أعلق
    منهم لله .. ربنا يحاسبهم على ما يقولونه في حق المرأه التي كرمها الله ورفع من قدرها

     
  • في الاثنين, ديسمبر ١١, ٢٠٠٦ ٦:٥٧:٠٠ م , Blogger الاء سعود المجيبل يقول...

    ^
    ^
    ^
    ^
    ^
    ^

    تعليق الاخ محمد ابو زيد


    هههههههههههههههههههههههههههههههههههههههههههههههه ظحكني

    استغفر الله يا ربي ههههههههههههههههههههههههه



    طيب وقهر الرجال ؟؟؟

    يعني حرام للنساء وحلال للرجال

    يا سلالالالالالالالالالالام

    طيب بعض الرجال الماكرين شيسوون اذا مافي نساء بالانترنت هههههههههههههههههههههه


    يعني هالشيء بيمنعهم هههههههههه


    لا حول ولا قوة الا بالله...:)

     
  • في الثلاثاء, ديسمبر ١٢, ٢٠٠٦ ١١:٠٦:٠٠ ص , Blogger مـحـمـد مـفـيـد يقول...

    محمد هشام باشا
    تعليق اكثر من قيم
    ولابد من تحقيق التواز ن حتب لا نسقط في بحر الظلمات

    جبيبي محمد ابو زيد
    اعتقد انها ليست فتوي ولكنها نكته بلهاء
    :)))

    شيريهان
    عودا حميدا للتعليق عندي بعد الاجازه
    اعتقد انها فتوي مضحكه

    Q8ya
    اولا اشكرك لتعليقك للمره الثانيه واشكر كلمات الثناء التي هي شرف لي
    لا تجعلي الفتوي تحدث انشقاق فيما بيننا فنحن مكملين بعضنا البعض للاخر فلا نحدث تفرق بين الرجل والمرأه
    متفقين

     
  • في الثلاثاء, ديسمبر ١٢, ٢٠٠٦ ٤:٥١:٠٠ م , Anonymous غير معرف يقول...

    محمد ازيك
    موضوع طبعا مهم جدا اللي بتتكلم فيه
    خاصة في الوقت اللي احنا فيه بندور على أي شيء حقيقي مش لاقيين
    شكرا ليك
    تحياتي

     
  • في الثلاثاء, ديسمبر ١٢, ٢٠٠٦ ٤:٥٣:٠٠ م , Anonymous غير معرف يقول...

    محمد انا اللي كاتب الكومنت اللي فات

    تامر العفيفي

     
  • في الثلاثاء, ديسمبر ١٢, ٢٠٠٦ ٥:١٦:٠٠ م , Blogger saso يقول...

    لو في مجال واحد يقال فيه لا اعرف فلابد ان يكون الفتوي لكن المشكلة بدأت من تلميع الفتوي واصدارها حسب الطلب علي ايد الهايل جدا طنطاوي
    ماعلينا من المرحلة دي..بعدها بدأت الافتاءات عبر التليفون والانترنت من بعض الكيانات تلتها دار الافتاء ..اللي مع اني مقتنعة بيها كجهة مسئولة الا ان فكر الفتوي حسب الطلب نفسة مؤلم
    بعدها مرحلة الاتجار المكشوف بيها في قنوات الافتاء الشهيرة ولسه
    البقية تأتي
    عن التدوينة نفسها فرائعة يا محمد

     
  • في الأربعاء, ديسمبر ١٣, ٢٠٠٦ ٣:١٧:٠٠ م , Blogger مـحـمـد مـفـيـد يقول...

    تامر العفيفي حبيبي
    فينك يا عم وسعيد بتشريفك ليا

     
  • في الأربعاء, ديسمبر ١٣, ٢٠٠٦ ٣:١٩:٠٠ م , Blogger مـحـمـد مـفـيـد يقول...

    العزيزه/ بيور
    اولا كالعاده جايه اخر واحده مش مهم المهم انك تيجي وخلاص
    الاتجار بالفتوي انتي جبتي من الاخر والحمد لله انها عجبتك وبدون عصبيه والا انفعال اهه
    :)))

     
  • في الاثنين, ديسمبر ١٨, ٢٠٠٦ ٣:٣٢:٠٠ م , Blogger قلم جاف يقول...

    ومن لديه الجرأة والشجاعة ليقول أنه لا يدري؟

     
  • في الاثنين, ديسمبر ١٨, ٢٠٠٦ ٩:٤٣:٠٠ م , Anonymous غير معرف يقول...

    بصراحه الإفناء خصوصا في مصر صار شي

    عجيب وغريب.. و معليش مع احترامي

    للشعب المصري و الأزهر .. للأسف انا

    ماشفت لمن الحين اي مفتي مصري تكون

    فتوته على مقدار العلم اللي تعلمه

    من الأزهر الشربف..حتى مفتي الأزهر

    أصبحت له فتاوي مثيرة للضحك و الجدل.

     

إرسال تعليق

الاشتراك في تعليقات الرسالة [Atom]

<< الصفحة الرئيسية