فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، يونيو 25، 2008

عن الطب و بعض الأطباء

أو أن أعترف أنني لست ممن يذهبون للأطباء الا لحدث جلل مثل أستقاله وزير تصيبني بالدهشه أو صعودنا لكأس العالم تصيبني بالفرحه المفرطه والي الأن وبفضل من الله لم تحدث. وأعتمد في مرضي علي بعض الوصفات الشعبيه التي تؤدي الي نفس النتائج .
الا مع العبدين ولأن زوجتي من انصارالمتابعه الدوريه عند الاطباء لهم .
بالأمس عند عودتي من العمل وجدت زوجتي تقول لي لابد من الذهاب لعبد الرحمن للطبيب للأطمئنان عليه . وكانت حالته ليست ضروريه للذهاب اليوم ولكني ذهبت . ولان الطبيب الذي نتعامل معه له طقوس غريبه لابد من الوقوف أمام باب العياده من الساعه الخامسه لكي تقوم بحجز الدور وتأخذ ميعاد وغالباً يكون الساعه السابعه وبعد الذهاب في الميعاد المحدد والقيام بأبرازالورقه فئه المائه جنيه قيمه الكشف وتنتظر حتي الساعه الواحده صباحاً حتي يأتي دورك وتخرج بروشته قيمتها مثل قيمه الكشف تقريباً .
حاولت مراراً وتكراراً تغيير الدكتور ولكن الحق يقال أن طبيب ماهر وذات مره قام طبيب أخر بكتابه روشته لعبد الله وكان وقتها عنده 5 أشهر صفحتين وعند شرائي للادويه فوجئت بوجود بها ادويه منومه ومخدره وممنوعه وما يقرب من 13 علبه دواء مختلفه .
بالامس ذهبت للحجز ولكني فؤجئت بأنه يقول لي ان حجز اليوم قد انتهي وعلي ٌ دفع كشف مستعجل والانتظار لليوم الثاني لكي أنتظر اعتذار اي أحد من اليوم التالي فأن لم يحدث فعلي الحضور بعد 3 أيام لاجراء الكشف .
أعرف أن حاله عبد الرحمن لم تستدعي العجل والسرعه ولكن هناك الالاف مثل عبد الرحمن يموتون من شده الالم ويبحثون عن نصف طبيب يستنجدون به ولكنهم للاسف لم يستطيعوا أن يجدوا أي طبيب
لن اتحدث عن قيمه الكشف الخياليه التي ليس لها اي معايير او مقاييس أوعن الروشتات الرهيبه التي لابد من صرفها في صيدلايات معينه غالباً ما يتعامل معها بعض الأطباء
ولكني أتحدث عن ضمير بعض الأطباء الذين حولوا مهنه الطب الي تجاره وأخدوا يبيعوا ويشتروا في المرضي المتعلقين بهم وتناسوا انهم كما يقال عليهم ملائكه الرحمه
*************
حديثي منصب علي بعض الأطباء الذين نحوا الضمائر جانباً وحولوا المهنه الي تجاره حتي لا يتم فهم سطوري خطأ مثلما حدث في البوست السابق والهجوم عليٌ بسبب رائي في الملصقات داخل المسجد

التسميات:

24 تعليقات:

  • في الأربعاء, يونيو 25, 2008 11:51:00 ص , Blogger خمسة فضفضة يقول...

    السلام عليكم ورحمة الله وبركاته

    اللي انت قلت ده يا استاذ محمد مايجيش قطره في بحر

    وما خفي كان اعظم زي ما بيقولوا ويامامصايب بتحصل دا غير النصب علي العيانين واللي بيبقي علي عينك ياتاجر والبحث عن طرق للتربح من ورا العيان ومهما كانت الطريقه صح ولا غلط
    وغيرها من المهازل اللي اكتر واحد بيكون واخد باله منها حد يكون من وسط المجال الطبي

    والله اديا بتاكلني بقالي فتره وعاوزه اكتب عن كده ومش بس الدكاتره لا كمان بعض الصيدله اللي بقي عندهم العيان مجرد زبون مش طالبين من وراه الا المكسب

    يمكن ابقي اكتب عن كل ده بس يارب اعرف امسك نفسي وتبقي التدوينه متماشيه مع كون المدونه مدونة نظيفه

    :))))

    سلام

     
  • في الأربعاء, يونيو 25, 2008 1:29:00 م , Blogger مصــــري..!! يقول...

    السلام عليكم.

    كيف الحال يا أبو العبدين.

    أنا اشتغلت في احدي شركات الادوية يوماً ما كمندوب دعاية.
    كان كل احتكاكي مع الأطباء.
    وللأسف الموقف الذي حكيت هو صفر علي الشمال مما كنت أري.
    لا داعي للحكي.

    ولكنهم أقلية والحمد لله.
    ولكن نسبتهم تتجه للزيادة.

    تحياتي
    أسامة

     
  • في الأربعاء, يونيو 25, 2008 3:15:00 م , Blogger محمد عبد الغفار يقول...

    بعض !!! انت بتقول بعض !!! بعض ايه يا جده بس

     
  • في الأربعاء, يونيو 25, 2008 3:17:00 م , Blogger شــــمـس الديـن يقول...

    علي فكرة بقي

    مع احترامي الشديد
    الطبيب اللي انت مقتنع بيه اوي دا لا شاطر ولا يحزنزن و في الغالب بيستخدم خلطة ادوية بيتضر بالمناعة و بتبين "ظاهريا " ان الطفل خف ولا هو خف ولا دياولوا

    اساسا العلادج بيكون في 3 ادوية و لو زاد بيبقي خمسة دا يعني لو ايه
    لكن كون ان الادويا تزيد عن كدا فدا معناه انه مش عارف حاجة و بيكتب كل الادوية اللي خلقها ربنا علشان لو حاجة مش صابت التانية تصيب

    و ما اكثر الغش اللي بيحصل و لكن للاسف العقليات المصرية لا تساعد ان الواحد ينصحها ... اولا المصريين فقدوا المصداقية في كل شئ
    ثانيا الصيدلي لو عايز ينصح لوجه الله مش بيقتنعوا و بيفتكروا ان كلام الطبيب انزل من السماء

    ثالثا عايزين الاعراض تختفي باي شكل حتي لو حلفتلهم علي المصحف ان الحاجات دي كورتيزون و بتقلل المناعة مش بتخفف هما عايزين العيل اعراض المرض تختفي و خلاص و مش مستوعبين ان دا اذي ليه

    يالا اقول ايه بس

    انا بعمل ما يملي عليه ضميري و لكن دي بقت قاعدة عامة ان كل شئ تحول الي سلعة و مكسب مادي حتي صحة الانسان

    اللي معاه يدفع و اللي معهوش يموت بمرضة احسن !

     
  • في الأربعاء, يونيو 25, 2008 6:48:00 م , Blogger رفقة عمر يقول...

    فعلا الاطباء نسوا مهمتهم الاساسيه واستخدموا الطب تجارة كان والدى فى حاله حرجه جدا والطبيبه الخاصه بالشيفت النهارى فى العنايه المركزة ولا على بالها وكان ابى قلبه يوشك على التوقف وهى تتحدث مكالمه شخصيه من تليفون المستشفى
    وعندما نهرتها وقلتلها والدى النبض عنده بيقل بسرعه رهيبه
    عندما وصلت اليه كان فاضت روحه الكريمه الى الله اظن انها قتلته بلا مبالاتها
    هذا حال معظم الاطباء اصبحوا بلا قلب واصبحت مهنه الطب مهنه للثراء فقط

     
  • في الأربعاء, يونيو 25, 2008 8:20:00 م , Blogger Wafa.. يقول...

    والله الموضوع دا مؤرق جدا بالنسبة لي (أنا طالب في خامسة طب بالمناسبة).. مرة سألت إمام المسجد هوا أنا لما أعالج عيان وأخدت منه فلوس مش كده أنا ماليش أجر وخدت أجري في الدنيا قام قاللي لأ لو كلامك صح ماكنتش هتلاقي إمام طلع على منبر..ما انت لازم يبقى ليك دخلك االي تعيش منه.

    بس عن خبرة ضحلة بالمجال (من العيانين اللي بيجولنا مستشفى الحسين) مش هيا دي مشاكل الدكاترة مع كامل احترامي حتى لو الراجل خد منك قد اللي خده تلات مرات.
    المشكلة إن مفيش دكتور هايقلك إنه ماعرفش تشخيص وإنه كدة كدة لازم هايقلك إجابة ويكتبلك دوا..إحنا بيجيلنا الناس بسرطانات وبلا أزرق والدكاترة برة (دا احتقان في الزور, دا حساسية, دا شوية كسل في الكبد..) وبيبقى مهري مسكنات ومضادات حيوية
    دخلت لدكتور قبل كدة (عافنا الله وإياكم) وقالك أنا ماعرفش التشخيص روح لحد تاني؟؟؟؟
    في دكتور مرة قال لنا (ثوابك من اللي رجعتله فلوس الكشف مش من اللي خدتها منه)
    أهم شيء في الدكتور الإمانة العلمية (ودي على فكرة ماحدش يعرف يقيمها من المرضى أو زويهم)..ولو تعرف دكتور انت شايفه أمين روح له ولو انت شايفه حمار ولامؤاخذة.

    أنا بسأل الله تعالى إن يبقى ليا مصدر دخل غير المهنة دي عشان ماجيش على عيان عشان عليا قسط عربية, ولا أقلب واحد محتاج أطول معاه عشان المدام بترن عليا من ساعة.

    بخصوص موضوع طب الأطفال..المتابعة (الحمد لله الذي وفقك) مهمة فعلا وواظب عليها باذات أول سنتين خد بالك من لين العظام والإسهال
    :D بجد مش بهزر

    وإنا تحت أمرك في أي معلومة طبية (أعرفها)
    وبنص التمن بس يا باشا عشان خاطرك :P:P:P:P


    إدعيلي بالمناسبة لاحسن محتاج الدعاء



    محمد أبو الوفا

     
  • في الأربعاء, يونيو 25, 2008 9:07:00 م , Blogger mohra يقول...

    هذا الطبيب بالفعل تاجر ....لكن ما عذرك انت ؟؟ان ما يقوم به بستطيع اى طبيب حديث التخرج القيام به و لكن خوفنا الشديد هو الذى يدفعنا للجرى وراء الاسماء البراقه
    فالنتحمل اذا
    لا تغضب منى من فضلك و لكن لا اظن حاله ابنك الصغير تزيد عن نزله شعبيه او معويه
    وفر اموالك للامراض الاصعب ...بعد الشر يعنى

     
  • في الأربعاء, يونيو 25, 2008 10:18:00 م , Blogger نونو يقول...

    السلام عليكم
    اخي محمد ما تسرده حضرتك ليس بجديد ابدا ولن يكون الوحيد
    اسالني انا مرض ابني محمد وقتها كان 7 شهور واستلموني دكتورين كل واحد يعدل على التاني وابني كان على ابواب التهاب رئوي وذهبت لمركز طبي كبيروقتها كان ب25 جنيه الكشف وادوية حوالي ب100 جنيه وتعديل للادوية اخر بكشف بتاع 50 جنيه كمان غير جلسات تنفس اكتشفت ما لهاش لازمة تعمل حوالي 30 جنيه النهاية بيعملوا سبوبة للمركز والصيدلية بتاعت المركز وابني على المحك وحسبي الله ونعم الوكيل
    الحمد لله على كل حال
    لكن يبقى الحال الطب في مصر حدث ولا حرج
    الا من رحم ربي


    اتمنى تذكرنا فقد اخصيت زوجي خالد فتحي بكلمة منتهى الرقة في حفل المدونين كنت مع زوجي خالد وكنت منتقبة وجينا في حفل كتاب المدونين في اخره
    تحياتي ويسعدني دوام التواصل بينا

     
  • في الخميس, يونيو 26, 2008 10:35:00 ص , Blogger freedom يقول...

    انا تعلمت من زيارة الاطباء التكررة احتمال الالم لأبعد ما يمكن

     
  • في الخميس, يونيو 26, 2008 2:27:00 م , Blogger أبو أمل يقول...

    انتظرونا على شاشة الأولى بالتليفزيون المصري
    برنامج القصة وما فيها
    لرولا خرسا
    عن موضوع مبادرة الحد من المغالاة فى الزواج
    انتظرونا

     
  • في الخميس, يونيو 26, 2008 3:47:00 م , Blogger كلام وخلاص يقول...

    هو للاسف الى انت بتحكيه موجود وساعات ببشاعة اكبر الروشتات الطويلة العريضة سواء من دكتور شاطر او لاء ده اولا واخيرا دواء يعنى مادة كيميائية
    هى الفكرة انهم زى كل مجتمعنا بكل سلبياته بس بما ان المجال حساس لانهم اسباب الصحة فاقل سلبية بجد بتأثر واحنا كطلبة طب فى البداية بيقى فينا صراع ما بين الانسانية فى مجالنا وبين اننا بنى ادمين زينا زى غيرنا محتاجين ماديات عشان نعيش وضيف بقه الناحية العلمية الى احنا عاوزين نزودها والخبرة والسمعة ووفى الاخر تفضل محافظ على لقب انسان ده ولا ساحر يعرف يعملها

     
  • في الخميس, يونيو 26, 2008 9:11:00 م , Blogger Eman M يقول...

    بدل بعض -- معظم
    لأن معظمهم فعلاً بقوا تجار

     
  • في الجمعة, يونيو 27, 2008 12:43:00 م , Blogger O2A يقول...

    والله مش أعرف أكتب أقول ايه بس خلينا نحاول
    فيما يخص الاطباء فالاغلبية بتتقى الله وبتحاول على قد ماتقدر وفيديو مستشفى المطرية يشهد
    أما عن الاخوة اللى بيعملوها سبوبةفحسبى الله ونعم الوكيل فيهم بس لازم كل واحد يلاقى أن فى إهدار لحقوقه مايسكتش عن حقه
    أما عن الاولاد فإذا إحتاجت حاجة يا أبو حميد إستشارة فيما يخص أسامى وعناوين بعض من الاطباء الثقة الذين يتقوا الله فأنا تحت امرك

    تحياتى

     
  • في الجمعة, يونيو 27, 2008 6:59:00 م , Blogger No Fear يقول...

    السلام عليكم
    أولا ألف سلامة علي بودي و ربنا يحفظه هو و أخوه من كل سوء
    ثانيا بالنسبة للدكاترة
    ربنا يهديهم بجد شئ مؤسف جدا أصبح المرض و الدواء و العلاج و العمليات حتي الأعضاء البشرية تجارة متوحشة
    ربنا يستر الأيام القادمة
    ما بالك دي دكاترة أتعلمت ببلاش ما بالك بالجيل اللي هيكون مدفوع فيه الشئ الفلاني علشان يبقي دكتور لا و هو كان فاشل كمان
    ربنا يرحمنا

     
  • في السبت, يونيو 28, 2008 12:52:00 ص , Blogger son's egypt يقول...

    السلام عليكم
    فعلا بعض الاطباء وليس جميعهم اتخذوا الطب كتجارة وابتعدوا به عن هدفة الاسمي الذي وجد له

     
  • في السبت, يونيو 28, 2008 1:09:00 ص , Blogger أحمد كمال يقول...

    الحقيقة بقى الأطباء فعلا أصبحوا مستفزين في مصر ، و المرضى كمان ، يعني كل الناس بتروح للدكتور المشهور اللي بيتميز بفزيتة عالية و طابور انتظار طويل ، و في النهاية الفرق طفيف إذا كان في فرق أساسا ، لأن الرعاية الطبية كلها معدومة ، و انت كده كده مش حاتصدقه ، و حاتروح لكذا دكتور ، صح ولا غلط ؟ :)

     
  • في السبت, يونيو 28, 2008 11:49:00 ص , Blogger مدحت محمد يقول...

    فى فئة فعلا من الاطباء بقى كل همها
    التجارة والربح

    مش صحة الناس


    وهو ده للاسف السائد دلوقتى

     
  • في السبت, يونيو 28, 2008 12:47:00 م , Blogger إيمان يقول...

    الأخ الكريم محمد
    عارف وصل بينا الحال لفين
    وصل بينا لو جالنا الالم أهون
    من الذهاب للأطباء ...ويا عالم هيعرفوا يشخصوا ولا لأ
    ويا عالم هنطلع من عندهم زى ما كنا داخلين ولا أسوا حالا
    لو قلنا ان المشكلة حتى مش فى فلوس الكشف
    فهتكون فى البحث عن طبيب أمين ناجح
    ودول قلة

    وشكرى لزياراتك الكريمة إلى شخابيطى

    تحياتى وتقديرى

     
  • في الأحد, يونيو 29, 2008 3:52:00 م , Blogger bedo يقول...

    ومن في هذه البلد لا يتاجر في الام الفقراء الا ما رحم ربي لقد عملت في مستشفى خاص ستة شهور ورأيت بعيني منتهى الظلم المهم ربنا يعافينا وأهلك والمسلمين

     
  • في الأحد, يونيو 29, 2008 9:27:00 م , Blogger فوكيره يقول...

    انــا لسه متعرضه للموضوع ده من يومين
    يا استـاذ محمد والبوست جاى على الجرح

    الدكتور حسيت انه تاجر ...
    كلمتين واقلب ودخل الي بعده ...
    اسئله كتير مسألتهوش عنها وحجات كتير
    اوى غلط ... مش بس كشوفات غاليه
    وانتظاار غريب الشكل في العياده
    وقله نظام

    ربنا يكفينا شر انفسنا ... وميكتبش علينا ابدا نعمل في الناس كده

     
  • في الثلاثاء, يوليو 01, 2008 6:48:00 ص , Blogger حزيــــــــــــــــــن يقول...

    انت ليه يا محمد مش بتحب تروح لدكاتره
    وليه مش بتسأل ولا قولتلى انك كنت على البورصه اول امبارح ولا حتى رنيت
    وحشنى يبنى والله

     
  • في الثلاثاء, يوليو 01, 2008 12:25:00 م , Blogger أحمد سلامــة يقول...

    انت في حل ي ااخي من التنويه الاخير
    فانت تتحدث في مشكله هي اشهر من النار على العلم في مستودع للقمامة
    الطب اصبح تجارة والمهنة اصبحت حرفة مكررة والتشخيص ثابت والادوية حسب موزن السوق والعينات المجانية وشركات الادوية الشاطرة ، ودليلي على ذلك عدد مندوبي الأدوية في مصر والذي يتضخم ببشاعة ويقبل جميع الخريجين
    الطب مهنة انسانية رغم انف الجميع ، ولكن ممارسو ذلك والحق لك اقول اندر من الماس في التراب ، وانت تعلم اني في الوسط ولا مبالغة هنالك

     
  • في السبت, يوليو 05, 2008 9:36:00 م , Blogger وعد العيون يقول...

    ربنا يخففلك كل اولادي و يخليهم بصحة و سلام يا رب
    و تشوفهم لا اما دكاترة زيك كدة
    لا اما تشوفهم مهندسين زيي باذن الله لو فلحت في الكلية باذن الله
    طبعا حكايتك عن الدكتور ده استغربت ليها
    ازاي المستعجل يكون بعد 3 ايام
    و العادي يكون في نفس اليوم ؟؟؟
    حاجة غريبة فعلا
    ربنا يصلح حال البلد دي يا رب
    و يصلح حال ملائكة الرحمة الي علي الارض
    تحياتي
    محمد

     
  • في الاثنين, فبراير 16, 2009 1:34:00 م , Anonymous غير معرف يقول...

    A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

    A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

    情色,AV女優,UT聊天室,聊天室,A片,視訊聊天室

    一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية