فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الجمعة، مارس 30، 2007

يـــوم الـيـتـيــم

دعوه لكل فرد منا يوم الجمعه القادم بالاحتفال بيوم اليتيم
حتي ولو بورده صغيره لكل طفل أو طفله يتيمه
نرسم بيها البسمه وندَخل بيها البهجه علي قلوبهم
علشان يعرفوا انهم اخواتنا وجزء مننا
وجزاكم الله خيرا

30 تعليقات:

  • في الجمعة, مارس 30, 2007 3:12:00 م , Anonymous أياد الكوني يقول...

    انا سعيد جدا بمعرفتي بالمدونات وقد تركت لك رساله سابقه علي الشات بوكس ولكنك لم ترد

    ان شاء الله سأقوم بعمل بلوج واتمني ان تشرفني معرفتك يا استاذ محمد

    دعوه رائعه علي ذلك اليوم الجميل

     
  • في الجمعة, مارس 30, 2007 10:55:00 م , Anonymous حسنة من الله يقول...

    الاخ العزيز محمد
    تعودنا على مدونتك لان بها كل جديد ومسايرة لالرض الواقع
    وايضا تذكرنا بين الحين والاخر بلفتات جميلة منك كعيد الام والان الايتام
    ويارب تلقى دعوتك صدى لدى متبعينك

     
  • في السبت, مارس 31, 2007 3:08:00 ص , Blogger Sharm يقول...

    حبيب قلبي

    بمناسبة البوست ده محضرلك مفاجأة هقولهالك يوم الخميس الجاي

    !!!

    قبل يوم اليتيم بيوم واحد

    اقعد فكر بقى ايه هي ؟

    بس صدقنى دي مفاجأة جامدة اوي

     
  • في السبت, مارس 31, 2007 7:05:00 ص , Blogger BinO يقول...

    أستاذ محمد مفيد
    أنا عايز اعلق تعليق ممكن ميعجبش ناس كتير كالعادة يعني :)
    يوم اليتيم
    مش حتكلم عن الامور الشرعية او غير ذلك
    يوم اليتيم
    يوم واحد
    24 ساعة
    وبعد كده كل واحد يروح لحاله
    واليتيم يروح لحاله
    أن الله عز وجل يقول
    وَيَسْأَلُونَكَ عَنِ الْيَتَامَى قُلْ إِصْلاَحٌ لَّهُمْ خَيْرٌ وَإِنْ تُخَالِطُوهُمْ فَإِخْوَانُكُمْ وَاللّهُ يَعْلَمُ الْمُفْسِدَ مِنَ الْمُصْلِحِ وَلَوْ شَاء اللّهُ لأعْنَتَكُمْ إِنَّ اللّهَ عَزِيزٌ حَكِيمٌ} سورة البقرة(220).
    والأختلاط يعني أن لا يشعروا بغربة
    يشعروا انهم أناس عادين
    لا يشعروا بنقص او حاجة
    ميشعروش بأنهم مختلفين فعملنلهم يوم زي يوم الايدز ولا يوم المعاقين
    الفكرة ربما تكون فيها اشياء جميلة
    ولكن رأيي الشخصي أن التطبيق خاطئ
    100%
    الرجاء تذكر اليتامي طوال العام وليس يوم واحد كما يحدث الان

    وهدانا الله وأياكم أجمعين

     
  • في السبت, مارس 31, 2007 8:37:00 ص , Blogger No Fear يقول...

    السلام عليكم
    أزيك أخبارك أية؟
    أنا الحقيقة متفق مع بينو جدا
    و المشكلة كمان إن اليوم ده تحول لنوع من الدعاية و الرسم يعني تلاقي الممثلين يرحوا حفلات أكيد دور الرعاية الكبيرة و الحاجات اللي فيها منظرة و خلاص
    ياريت فعلا نفتكر الأيتام طول السنة مش اليوم ده و خلاص
    و كمان ياريت كل واحد فينا يهتم باللي قريب منه في المنطقة مش لازم نروح حاجات بعيدة
    أسف علي الإطالة
    و ربنا يوفقنا جميعا للخير إن شاء الله
    سلام

     
  • في السبت, مارس 31, 2007 3:43:00 م , Blogger مـحـمـد مـفـيـد يقول...

    استاذ /أياد الكوني
    سعيد جدا بمعرفتك واتمني لك التوفي في عالم التدوين
    انما بالنسبه للرساله اللي علي الشات بوكس فأنا لم اقاطع ولكني ذهبت وقولت لا وهذا من حقي
    اتمني لك التواصل والتوفيق


    الاخت حسنه من الله
    شكرتا علي ثناءك الجميل وان يجعلها الله في ميزان حسناتنا

    حبيبي لبي احمد باشا

    انا في انتظار المفاجأه يا عمي
    بس زي ماقولت لك

     
  • في السبت, مارس 31, 2007 3:47:00 م , Blogger مـحـمـد مـفـيـد يقول...

    الاخ بينو
    والاخ الحبيب محمد


    انا لم اقصد اننا نجعلها هذا اليوم فقط فالرسول صلي الله عليه وسلم قالالخير في امتي الي يوم القيامه
    فأكيد لابد من الاستمرار في تلك الاعمال العظيمه ولا نجعل لها يوم واحد ولا نخصصها ونعتبرها اعمال ثانويه بل انها اساسيه
    وانا متف معكم جدا في حكايه الشو الاعلامي والميديا هي اللي بتجعل تطبيق الفكره خطأ ولكنها من باب فذكر فأن الذكري تنفع المؤمنون

    سعيد بأختلافكم ولكنه اضاف للموضوع
    اشكركم جداجدا

     
  • في السبت, مارس 31, 2007 4:07:00 م , Blogger Mohamed A. Ghaffar يقول...

    مش عجبانى حكايه يوم اليتيم دى خالص لأنه ببساطه اهدار لحق اليتيم طوال العام

    واراحه ضمائرنا بعد ذلك بهذا اليوم

     
  • في السبت, مارس 31, 2007 9:21:00 م , Anonymous ام عهد يقول...

    السلام عليكم
    الغالى ابو عبدالله انت رائع جدا فى اختيار البوستات بتاعتك فعلا هى مميزه جدا وجميله يارب دائما فى تقدم على طول وفعلا انا متفقه جدا فى الراى اننا لازم نكون متزكرين اليتيم طول السنه مش يوم ويروح لحالو
    جزاك الله كل خير عن الدعوه الجميله دى
    تحياتى لبودى ومامته
    شكرا لك
    ام عهد

     
  • في السبت, مارس 31, 2007 10:49:00 م , Anonymous نورهان مفيد يقول...

    كنت متوقعة بوست اليتيم يكون اجمد من كده
    بكتير
    المهم ان فعلا دي دعوة للدنيا كلهاولازم مش تكون بس يوم واحد
    والله العظيم القعدة معاهم بالدنيا ومافيها اد ايه بيكونوا قريبين من قلبك
    يارب بس الناس تتحرك وتنزل وتروح وتشوف العملية مش مقتصرة ع التبرعات الاطفال دول محتاجين يكون ليهم اهل يحسوا وسطهم بالامان
    ويارب يجازينا ويجازيك عنهم خير

     
  • في الأحد, أبريل 01, 2007 1:30:00 ص , Blogger نبض اسكندرية يقول...

    الله ينور هو دة الشغل الجامد

    حلو قوى التوبيك بجد

    تحياتى

     
  • في الأحد, أبريل 01, 2007 1:35:00 ص , Blogger 18goosebumps يقول...

    يومى الثلثاء القادم
    مع الايتام

    اتمنى ان يكون تخطيطنا له في محله

    تحياتى
    وجراك الله كل الخير على هذه الدعوه

     
  • في الأحد, أبريل 01, 2007 1:37:00 ص , Blogger 18goosebumps يقول...

    أزال المؤلف هذا التعليق.

     
  • في الأحد, أبريل 01, 2007 3:21:00 ص , Blogger متغيرة شوية يقول...

    طب بما ان الناس عاملة نفسها مشغولة طول السنة ومش عارفة تفضي نفسها غير يوم واحد للأيتام ، أنا بقترح ان كل واحد يعمل يو يتيم خاص بيه كل شهر ، يعني يبقى الموضوع عشواائي فيلاقوا الأيتام حد مختلف بيسأل عليهم كل يوم.

     
  • في الأحد, أبريل 01, 2007 4:06:00 ص , Blogger Sharm يقول...

    شوف يا سيدي هي الحكاية في جمعية خيرية تحت الاشهار ان شاء الله سميناها المؤاخاة و و فكرتها ان كل اسرة قادرة تتكفل بطفل يتيم مصاريفه و لبسه و دراسته و الهيئة التابع لها اليتيم تتكفل بتوفير فرصة عمل له و توفير الاموال التى ستنفها عليه الى اموال يبدأ بها طريق حياته

    موضوع كبير اوي لكن ادعيلنا انهم يوافقوا على اشهار الجمعية لانهم الى الان بيوقفونا

     
  • في الأحد, أبريل 01, 2007 12:41:00 م , Blogger حائر في دنيا الله يقول...

    الفكرة في حد ذاتها جميلة جداً
    وأن تكون مصدر سعادة للآخرين فهذا هو الأروع
    ولكنيجب أن نظل على هذا طوال العام فاليتيم ليس يتيم يوم واحد فقط
    ونا شخصيا شاركت الأطفال العام الماضي وكان شعورنا رائع جداً من مرح ولعب وإضفاء سعادة كنا نحتاجها سويا

    لك تحياتي

     
  • في الأحد, أبريل 01, 2007 3:28:00 م , Blogger No Fear يقول...

    السلام عليكم
    شكرا قوي علي الأخ الحبيب محمد دي
    و ربنا يقدرنا كلنا علي الخير في كل وقت و كل مكان

     
  • في الأحد, أبريل 01, 2007 7:43:00 م , Blogger جبهة التهييس الشعبية يقول...

    هو انا لو قلت رايي في يوم اليتيم ده الناس ح تقول عليا خالف تعرف؟

    يعني اليتيم ده المفروض اننا نرعاه طول السنة مش يوم واحد شوية ممثلين وناس يروحوا لليتامى وبعدين ينسوهم طول السنة بعد كده

     
  • في الأحد, أبريل 01, 2007 8:58:00 م , Blogger hend يقول...

    مشكور على هذه التذكرة بس ياريت نذكر اليتيم دايما مش فى اليوم ده بس ونفتكر ان بكل شعره تمر عليها يدك على راس اليتيم ليك بيها حسنة

     
  • في الأحد, أبريل 01, 2007 9:57:00 م , Blogger gamal يقول...

    تقبل الله منك ومنا صالح الأعمــال ان شاء الله
    وجزاك الله خير الجزاء
    تقبل تحياتى ومعذرة على التأخير

     
  • في الاثنين, أبريل 02, 2007 1:56:00 ص , Anonymous هيما عز يقول...

    انا بجد نفسي كل واحد ينظر لنفسه لما يشوف واحد يتيم ويحط نفسه مكانه ويشوف كان هيبقي مواقفه ايه لان بصراحة الام والاب شي مستحيل تعوضه ويارب صبرهم

     
  • في الاثنين, أبريل 02, 2007 7:53:00 ص , Blogger أُكتب بالرصاص يقول...

    جزاك الله خير يا محمد
    دايما حاضر في الصميم
    وفي الخير

     
  • في الاثنين, أبريل 02, 2007 2:40:00 م , Blogger Memo يقول...

    وانت بالصحه و السلامه

     
  • في الاثنين, أبريل 02, 2007 9:27:00 م , Blogger مـحـمـد مـفـيـد يقول...

    محمد عبد الغفار
    انا لم ادعو علي تلك اليوم فقط ولكنه ابسط حاجه ممكن نقدمها لهم
    شكرا لك ولتواصلك رغم تقصيري تجاهك

    أم عهد الحبيبه
    نورتي البلوج وانتي قدها وقدود يا حبيبتي وشكرا علي كلامك الجميل

    نورهان مفيد
    مش مهم الكلام المهم المضمون وربنا يقدرنا علي فعل الخير

    اسماء -نبض اسكندريه
    شكرا علي ثناءك

    18goosebumps
    جعله الله في ميزان حسناتك

    سلمي - متغيره شويه
    والله ده اقل حاجه ممكن نقدمها ليهم ونخليهم ولو ليوم واحد سعداء

     
  • في الاثنين, أبريل 02, 2007 9:39:00 م , Blogger مـحـمـد مـفـيـد يقول...

    احمد باشا شارم
    ياباشا انا تحت امرك في اي حاجه موبيلي معاك وميلي معاك وانا عاي اشترك معاكو في اي حاجه ودي دعوه لا ترد

    عزيزي احمد الحائر
    شفت بقي اللمسه دي رائعه ازاي
    جعلها الله في ميزان حسانتك

    محمد نو فير
    والله اني احبك في الله
    وانت انسان محترم جداوجدير بهذا الحب

    الاخت نواره نجم
    اتفق معكي ولكن لنجعل هذا اليوم بايه لمن ليس لاه اي نشاط من ذلك النوع
    شرقنتي واتمني التواصل

    هند
    اولا شكرا علي بوست الرجل
    :))
    والله اتمني ان يدخل اليتيم في جزء من اهتمامات كل واحد فينا

    ابراهيم عز
    شرفت يا ابو خليل وربنا يجعلزا في ميزان حسانتنا

    الاستاذ جمال
    مع التأخير ولكنك تأتي دائما بالخير
    كل عام وانت بخير

     
  • في الاثنين, أبريل 02, 2007 9:40:00 م , Blogger مـحـمـد مـفـيـد يقول...

    أكتب بالرصاص

    اشكرك علي ثناءك وأطراءك
    ربنا يكرمك ويجعله في ميزان حسناتنا

    ميمو
    كل عام وانتي طيبه

     
  • في الثلاثاء, أبريل 03, 2007 11:10:00 ص , Blogger Heba Al_Menshawy يقول...

    زيارة اليتيم والاحتفال بيه والتخفيف عنه المفروض ميكونش في يوم واحد بس لان ربنا يعلم اليوم دا بيأثر فيهم اد ايه لما يلاقوا الناس كلها جيالهم وبتلعب معاهم لمدة 24 ساعة وبعدها خلاص .. صعب اوي المفروض يبقى الاحتفال بيهم طول السنة

    بس جايز اليوم دا بيكون فرصة للناس اللي بتتكاسل انها تعمل حاجة كويسة
    جزاكم الله كل خير يا استاذ مفيد على التذكرة

    تحياتي
    :)

     
  • في الثلاثاء, أبريل 03, 2007 6:52:00 م , Blogger saso يقول...

    الفكرة رغم نبلها ..بس فكرة انك تخض الولاد في دار العاية وتلقي اكتر من 100 واحد ناقص يتخانقوا علشان يشيلوا الولاد دي حاجة كويسة؟
    مش عارفة تتحل ازاي بس ممكن اليوم ده يبقي للتبرعات مش للزيارات علشان الولاد ميحسوش انه معروضين في فاترينة
    بجد حاول تدخل رسالة يوم اليتيم ..مش هتعرف اصلا تدخل من الزحمة

    انت ناوي تعمل ايه اليوم ده؟ ارجووووك ماتزورش الاطفال في اليوم ده ..ممكن تخليها بعدة بيوم او اتنين
    :)
    جزاك الله خير ..شيري بتقولك كده
    وطبعا بنسلم عليك
    تحياتنا من المقطم الساعة سبعة مساء..باي

     
  • في الثلاثاء, أبريل 03, 2007 9:36:00 م , Blogger مـحـمـد مـفـيـد يقول...

    هبه
    فعلا لازم تكون الدعوه دي طوال العام مش يوم واحد
    نورتي البلوج مع ان غيابك كان طويل اوي


    صفاء
    فعلا لما الاطفال تلاقي هكسوس من الناس داخل عليهم اكيد هيحسوا بشئ غريب
    بس كويس ان الجمعه دي بعديها 3 ايام اجازه نعمل فيهم حاجات كتير علشان الايتام

     
  • في الأربعاء, أبريل 11, 2007 2:40:00 م , Anonymous نهلة يقول...

    عندك حق يامحمد بس مش لازم الجمعة دي ع الأقل يوم في الشهر نبقي معاهم ونحاول نحسسهم بالحب والحنان اللي اتحرموا منه ربنا يقدرنا ونرسم البسمة علي شفايفهم

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية