فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، يناير 17، 2007

أوعي تغير المحطه

لا أحد ينكر التقدم والتطور الذي تشهده القنوات الارضيه للتليفزيون المصري من برامج وفقرات مقارنه بما كان عليه في الماضي
ولمحاوله المحاكاه مع القنوات الفضائيه اطلق وزير الاعلام / أنس الفقي مبادرته نحو تطوير وأعاده هيكله للقنوات الارضيه وهو ما حدث بالفعل مع قناه النيل للاخبار والقناتين الاولي والثانيه وان كان التغير بسيط الا انه يعتبر خطوه لابد من تشجيعها والا يكون التغير في اللوجو الخاص بكل قناه. اللهم تحرر بعض الشئ في مناقشه بعض الموضوعات الحيويه ولكن لتكن هذه النواه للابداع حتي نعيد المشاهد الي شاشات التليفزيون المصري مره اخري بعد ان هجرهامنذ فتره واتجه الي الفضائيات الاخري ولم يعد يشاهد المحطات الارضيه الا نادرا
فلابد من مجاره الواقع بكل حياديه وشفافيه دون أي تلميع أو دعايه مقنعه أو افكار معلبه أو برامج منمقه
وعلي صعيد البرامج الحواريه فهناك لمسه من التغيير ولكن يعاب تكرار الضيوف وكأنهم مقيمين داخل هذه البرامج ويتحدثون في كل شئ وعن أي شئ أمثال (كرم جبر- محمد أبو العينين-مكرم محمد أحمد-.... ) وغيرهم كثير من الدائمين علي الشاشه هؤلاء علي سبيل المثال وليس الحصر
فبما أن هذه الخطوه بدأت بالفعل فلابد من تفعيلها والاشاده بها رغم أن التغيير يسير بخطي بطيئه جدا الا أننا وجب علينا أن نشير اليها حتي تستطيع تلك القنوات ان تساير وتجاري قطار الفضائيات الذي اصبح ريح عاصفه في ظل سكون القنوات المصريه الارضيه
مجرد رأي صغير
لو في أي حد يعرف أي مسئول بالتليفزيون بالله عليكوا يكلمه يقولوا ارحمنا من تامر بسيوني الظريف اللي مش عارف حتي يتكلم أو يسأل سؤال عليه القيمه لأي ضيف

36 تعليقات:

  • في الخميس, يناير 18, 2007 1:35:00 ص , Blogger بين الأمل و اليأس يقول...

    انت عارف انا معنديش ارضي اساسا
    بس مثلا لما كنت في رمضان وكنت ببقه معزوم عند قرايبي او عند اصحابي كنت بتفرج على التلفزيون الارضي بجد كنت بكون مذهول للمستوى ده مكنتش بصدق ان القناة الاولى والتانيه بيجيبوا سواء افلام او برامج
    بس هي صحيح تكون مقلده لكن زي مانت قلت
    رغم أن التغيير يسير بخطي بطيئه جدا الا أننا وجب علينا أن نشير اليها حتي تستطيع تلك القنوات ان تساير وتجاري قطار الفضائيات
    بس بجد بتمنى ماتوصلش لدرجة التسيب اللي موجود في الفضائيات وخصوصا الفيديوهات
    يارب
    وربنا يسترها

     
  • في الخميس, يناير 18, 2007 1:41:00 ص , Blogger بين الأمل و اليأس يقول...

    ن مخدتش بالي
    دنا حصلي الشرف واول مره احجز اول وتاني ول يا ول
    اه فكرتني شرفني في همسات
    ربنا يسترها

     
  • في الخميس, يناير 18, 2007 10:18:00 ص , Blogger raspoutine يقول...

    والله يا محمد لو جابو مش انس الفقى لاء انس ابن مالم ماهينصلح حال التليفزيون المصرى تلفزيون ايه يا راجل ده مهزله
    طيب انا فاكر زمان لما القناه السابعه فتحت فرحنا اوى وقلنا هيى بقينا زى بتوع بره ساعتها القناه السابعه كانت بتقلد القناه التانيه فى كل حاجه بقولك كل حاجه ده كان ناقص يقولو القناااااااااااه السابعه شانل تو

     
  • في الخميس, يناير 18, 2007 10:19:00 ص , Blogger raspoutine يقول...

    اه على فكره البلوج بتاعى القديم اتقفل وده البلوج الجديد هو مش جديد اوى بس كنت شايله احتياطى
    محمد انا ايمن فاروق

     
  • في الخميس, يناير 18, 2007 11:19:00 ص , Blogger shaimaa يقول...

    تغير ايه اللى بطئ ... دى بلوة مسيحة القنوات الارضية و ترفع الضغط

    و بعدين الضيوف المكررين
    يا اما من المحبين للنظام و مشجعيه
    او برضه من المعارضين ظاهرا و محبين للنظام من الخلف لاكتمال الصورة الشيك الديمقراطية للتلفزيون المصرى

    يا شيخ صلى على النبى
    كلهم يحرقوا الدم
    و خصوصا الموذيعة اللى مع تامر اللى كل لما اشوفها ابقى عايزة اقوك اديها قلمين واقولها عيب نتكلم بالردح كده يا ماما و عيب نضحك واحنا بنتكلم عن مصايب

    يا سااااااااااتر
    اديك غيرتلى دمى على الصبح
    الله يسامحك

     
  • في الخميس, يناير 18, 2007 2:19:00 م , Blogger smraa alnil يقول...

    اقولك علي حاجة
    احنا تلفزيونا بايظ بقاليه شهر ونص وبصراحة مكلين كلنا نصلحه
    تخيل العيب في ايه
    نغير الريموت بس
    بس تقدر تقول قلنا نرتاح بقي
    لاني زهقت من تكرار حجات مملة ومش ليها لزمة
    ومذيعين يجيبو الضغط بعيد عنك
    طب والله مرتاحين
    عامة انا هكلمك ناس عشان يخلصوك من تامر نفسه
    انت تأمر بس
    :)

     
  • في الجمعة, يناير 19, 2007 7:59:00 ص , Blogger LAMIA MAHMOUD يقول...

    الصراحة انا مقاطعة التلفزيون المصري فضائيات او ارضي

    مالها الام بي سي فور

    بس في الجون ومين تامر بسيوني ده الهي يخليك:)

     
  • في الجمعة, يناير 19, 2007 10:24:00 ص , Blogger No Fear يقول...

    السلام عليكم
    أنا مبدئيا بصراحة مش شايف التغيير
    ده لأني مش بفكر خالص أتفرج علي التلفزيون المصري و واضح أن حضرتك مش فاهم التغيير أو ممكن تكون بتتمناه لأن نوعية الأشخاص اللي أنت بتقول أنهم متككريين معروف بيقولوا أية
    معتقدش أنه تغيير كويس
    بمناسبة تامر أمين أنا بجد مش عارف هو ليه بقة كده ده أنا الأول كنت ممكن أستني النشرة اللي بيقولها في قناة النيل للإخبار و كنت فرحان قوي لما أتنقل للتلفزيون الأرضي بس مش عارف تقريبا الناس اللي حواليه بهتت عليه
    كان في واحدة كمان أتنقلت معاه من قناة النيل للأخبار مش عارف راحت فين
    خير خير
    هي دي مصر
    سلام

     
  • في الجمعة, يناير 19, 2007 5:28:00 م , Blogger hend يقول...

    مهما عرض التليفزيون المصرى من مشاكل وتطور ففى قاعده عامة فيه وهى عدم المساس بالذات العليا للرئاسة ودى كارثة

     
  • في الجمعة, يناير 19, 2007 6:13:00 م , Blogger tota يقول...

    العزيز محمد
    منذ ظهور الفضائيات ووجود بديل للتلفزيون المصرى واصبحت القنوات الارضية فى طى النسيان لانها لم تصل لاى مستوى يصلح للتنافس ولم تجذبنا حتى للعودة اليها الا ما ندر

    والله اراها بالصدفة البحتة ولا اشعر انى غبت عنها
    نفس الوجوه والخلفيات والمتحدثين ونفس المواضيع كإنك باغلاق التلفزيون يتجمد كل شىء بداخله عند اخر لقطة لتفتحه بعد ايام على نفس المشهد
    تحياتى

     
  • في الجمعة, يناير 19, 2007 6:13:00 م , Blogger tota يقول...

    العزيز محمد
    منذ ظهور الفضائيات ووجود بديل للتلفزيون المصرى واصبحت القنوات الارضية فى طى النسيان لانها لم تصل لاى مستوى يصلح للتنافس ولم تجذبنا حتى للعودة اليها الا ما ندر

    والله اراها بالصدفة البحتة ولا اشعر انى غبت عنها
    نفس الوجوه والخلفيات والمتحدثين ونفس المواضيع كإنك باغلاق التلفزيون يتجمد كل شىء بداخله عند اخر لقطة لتفتحه بعد ايام على نفس المشهد
    تحياتى

     
  • في السبت, يناير 20, 2007 1:08:00 ص , Anonymous أحلامنا يقول...

    السلام عليكم
    انا أوافقكم ان شكل التلفزيون اتغير ولكن المحتوى لم يتغير و لكن مع إختلاف انهم اللي عايزين يجيبوة بيجيبوة بألإضافه إلى إحساس شخصي و هو ان أي واحد الحكومه مش راضياه عنه و نويت تتخلص منه بتأمر التلفزيون بفضحه و لاسيما في برنامج الحكومه الأول البيت بيتك و الذي كثيرا ما أحتقرة لإزدوجيه و تناقد فكرة وإستهانته بعقلايه المشاهد و بصراحه الموضوع مش مقتصر على مذيع بس و لكن جميعهم مشاركين من المذيع إلى المخرج و طبعا ميخفاش عليكم ان الذي أهدى البرنامج دة للتلفزيون المصري إيهاب طلعت الهارب من مصر الآن

     
  • في السبت, يناير 20, 2007 9:21:00 ص , Blogger علاء السادس عشر يقول...

    عزيزى محمد
    القناة المصرية الوحيدة المتاحة لى هى القناة المصريةالفضائية وهى بدون منافسة والحق يقال أسوء قناة تليفزيونية فى العالم وتعتبر خليط بين البرامج المملة التى يقدمها مذيعين يمتازوا بالسماجة والسطحية وأفلام لم يسمع عنها أحد وغير قابلة للمشاهدة الأنسانية وبالطبع أخبار بعيدة عما يجرى فى العالم وكل أهتمامها التركيز على الرئيس مبارك ومن قابله حتى لو كان سفرجى رئيس وزراء جزر القمر وماذا فعل حتى ولو كان أفتتاح الرئيس لورشة تصليح أحذية,كما أن الفضائية تبتعد عن كل ما هو مثير للمشاهدين كالرياضة وخاصة المنخبات القومية التى يشغف بها المغتربين فهى لا تنقل مباريات المنتخبات القومية سواء كرة القدم أو اليد أو ما يثير أهتمام المشاهدين.هذه القنوات قنوات طاردة للمشاهدين ورأيى أن ذلك عن عمد وهو يصب لصالح القنوات الخاصة كخطوة من ضمن خطوات كثيرة للقضاء على الثقافة والفن المصريان يقودها أعضاء الطابور الخامس وهم ينقسموا إلى مجموعتان الأولى هى رافعى شعار الريادة والمجموعة الأخرى هى رافعى شعار الأخلاق والعيب على رأى المرحوم السادات . يكفى أن مجرد الحديث عن التلفزيون المصرى يصيب الأنسان بالضيق والغضب
    تحياتى على التدوينة وعلى محاولة الرؤية بايجابية التى ربما تنقصنى فى هذا المجال
    علاء

     
  • في السبت, يناير 20, 2007 4:06:00 م , Blogger saso يقول...

    يوم التغيير الرهيب كنت باتفرج علي النيل للاخبار لقيت اسمها النيل فقط..واسلوب الحوار هوا هوا ..وتقطيع الجملة في القراءة مستنسخ تماما الديكور اتغير الحمد لله كن تاعبني بجد
    باقي القنوات مش شايفة تغيير مهم بس عندي امل يتصلح ان شاء الله
    ربنا يرحمنا من كرم جابر وتوأمة عبد الله كمال وباقي العصابة

    بس تعرف انا قلقانة اخر تغيير جابلنا الجملة الشهيرة "نلتقي بعد الفاصل"وميلاقوش حاجة يجيبوها في الفاصل يحطوا صورة ثابتة للبرنامج في حال تكون نسيت انت بتتفرج علي ايه
    ياتري هيستوردوا اية المرة دي كتغيير

     
  • في السبت, يناير 20, 2007 6:13:00 م , Blogger kareem يقول...

    ممممممممممممم
    بجد موضوع شيق
    و اراء الناس كمان ملفتة للانتباه
    بس عاوز اقول انى بقالى اكتر من سنتين مش بتفرج على تليفزين اقصد يعنى القنوات المحلية و غالبا مش بشوف التليفزيون الاساعة الاكل تخيل مبعرفش اكل الا ادام التليفزيون بس غالبا بيبقى يا قناة ام بي ثري او موفي ستار .... و لو عاوز اتغم و مكولش يبقى قناة الجزيرة الاخبارية

    بس رمضان اللى فات قولت لا يا جماعة ... الواحد لازم يرجع زكريات الطفولة ووقت الفطار و و تخيل الاقى برامج مملة .... حتى بكار تخيل انة لسة ابو كف رقيق و صغير
    يبدو ان التوقيت واقف مش بيمشى عندهم

    سريعا عدت مرة اخرى الى الفضائيات الاخرى منعا للاحراج

    اه سورى
    دى اول زيارة ليك
    اتمنى ان تزورنى ايضا

    كريم

     
  • في السبت, يناير 20, 2007 8:24:00 م , Blogger ALiaa يقول...

    مش هيشيلووووه.... لأنهم محتاجين تلميع للبرنامج من برة حتي لو ماكنش المذيع الوااو من جوة... غباء

     
  • في السبت, يناير 20, 2007 8:30:00 م , Blogger Malk Almasria يقول...

    مساء الخير

    انت بتقول اية ارضى ايه اللى بتتكلم فيه احنا الطبق لما بيتهز والاشارة تقطع كأن عندنا عزاء

    تحياتى

    ملك المصرية

     
  • في السبت, يناير 20, 2007 9:32:00 م , Blogger soosa el-mafroosa يقول...

    دعني أحييك على قوة تحملك و صبرك و جلدك

    بأه يا أخ محمد قدرت تفتح القناة الولى و التانية لحد لما عرفت ان اللوجو كمان اتغير

    كان الله في العون

    أبقاك الله ذخرا للبلد

    بس بصراحة انا عايزة أعترف اني مرة و الا مرتين شفت تامر ده

    انت عارف انهم لما حطوه مرة مع معتز الدمرداش التلفزيون بتاعنا كان هيولع

    آه و النعمة

     
  • في الأحد, يناير 21, 2007 4:00:00 ص , Blogger بين الأمل و اليأس يقول...

    انا حبيت اهني واقول كل عام وانت بالف خير وربنا يخليلك عبدالله يارب ويتربى في عزك يارب
    وربنا يسترها

     
  • في الأحد, يناير 21, 2007 9:00:00 م , Blogger Carmen يقول...

    هو انا شخصيا معنديش ارضى

    بس انا بشوف القناة الفضائية المصرية واحيانا بشوف القناتين الارضيتين


    بس انا مش شايفة التغيير اللى انت بتقوله ده

    كل اللى انا شايفاه انهم بيحاول يقلدوا البرامج الحوارية الناجحة على القنوات الفاضئية بس بدون اى فكر حقيقى
    عشان كده البرامج دى بتطلع صورة مشوة ممسوخة مالهاش اى طعم بمذيعينها اللذين يفتقدون لابسط مهارات التحاور وبضيوفها المكررين اللى بيقولوا نفس الكلام اللى لا يجيب ولا يدوى

    وماظنش انها ممكن فى يوم من الايام تتغير

    لان حالها من حال كل حاجة فى البلد

    عمر ماهيبقى فى تغيير حقيقى غير لما يكون فى تغيير فى الفكر وفى كل حاجة

    وربنا يعينك على ما ابتلاك

     
  • في الأحد, يناير 21, 2007 9:18:00 م , Blogger bEscUitA يقول...

    اقوللك انت كلامك صح من وجهة نظرى
    و ياه ع اللوجوهات اللى محيراهم
    و التقليد الأعمش فى كل شئ
    فين الابداع بقى ف اى حاجة
    فين المصرية
    و فين الناس اللى بجد تستاهل
    كل ميسر لما خلق له
    مبدأ معناه حاجة واحدة الميسر اللى له حد ييسر له حتى ف المذيعين
    المهم
    اما بالنسبة للآراء و لو حد يوصل رأيه
    اهو
    ماكانش انعذر و لا باع جزر
    بس انا مؤمنة بمدأ الاستفتاء ف كل شئ
    بس استفتاء الناس المحايد
    و المطلق على مبدأ التفهيم اولا

     
  • في الأحد, يناير 21, 2007 10:54:00 م , Blogger sara يقول...

    احنا لسه هنشجع اللوجوهات
    ماشى معاك عاى الله يعملوا حاجه مش ممله

     
  • في الأحد, يناير 21, 2007 11:01:00 م , Blogger mano يقول...

    انا مبتابعش التليفزيون المصرى كتير
    بس متهيألى المشكله ان فى حدود للحريه صعب يتخطوها مهما حصل

     
  • في الاثنين, يناير 22, 2007 7:05:00 ص , Blogger HANY يقول...

    أخى الكريم
    ايه قوة التحمل دى يا مان , بتتفرج على البيت بيتك , ده انت تتحسد , انا شفت كام حلقه , كان هيجيلى انهيار عصبى , فخوفا على الانهيار العصبى منى , منعت ان التليفزيون المصرى يشتغل فى بيتنا

    وتقبل تحياتى واحترامى

     
  • في الاثنين, يناير 22, 2007 8:10:00 م , Blogger Epitaph يقول...

    ههههههه
    انا ورورني موضوع اللوجو ده
    اصلي بعيد عنك مش من هواة التلفزيون اوي..لا خالص
    و رغم ان الدش مغلق لدواعي الثانوية العامة و اشياء اخري
    المهم
    قال ايه
    غير اللوجو
    و التوقيت جرينتش
    و شريط الاخبار بقي رمادي مش احمر

    عقبال المحتوي يا رب

     
  • في الثلاثاء, يناير 23, 2007 1:34:00 ص , Blogger أحمــــــــدبــــــــــلال يقول...

    أعوذ بالله أرضى أيه ده اللى أتفرج عليه

    أنا و الحمد لله من الناس اللى مدخلة كابل الدش و مش عارف من غيره كنت قضيت الثلاث سنوات اللى عدوا دول أزاى

    كان زمانى جالى ضغط و سكر من الملل و الهبل
    و أه قبل ما أنسى الاستهبال


    على العموم من كام يوم كنت بقلب فى القنوات لقيت الشعارات بتاعة القنوات أتغيرت و خط الأخبار و قلت ده القناة الاولى و التانية أتروشوا أوى
    بس و الله فرحت و أبتسمت

    يلا بلا هم

     
  • في الثلاثاء, يناير 23, 2007 2:18:00 ص , Blogger نمنماية يقول...

    بما اني لظروف شاء القدر اني اتفرج علي الارضي لمدة 4 ايام
    و اخيرا شفت برنامج البيت بيتك اللي بسمع عنه و شفت تامر بسيوني و جميع الاخوة الاشاوس
    و يا سلام ع الحظ اني شفت الارضي مع اول يوم في النيو لوك بتاعهم
    يااااااه بجد ايشي خيال
    طبعا هما اهتموا فقط بالشكل
    مش هنكر ان اللوك جيد و ان كان يشوبه الكثير من التقليد من هنا و هناك
    حاجة محبشة كدا يعني من ستايلات القنوات الفضائية
    انما علي رأي الوالدة العزيزة هما لازم يغيروا الوشوش الاول
    الله يكون في عون مشاهدي الارضي

     
  • في الثلاثاء, يناير 23, 2007 8:29:00 ص , Blogger Q8ya يقول...

    عندنا وعندكم خير....

    فالتلفزيون الكويتي ايضا سيء جدا بفضل القائمين عليه....

     
  • في الثلاثاء, يناير 23, 2007 5:00:00 م , Blogger شاب اسكندرانى يقول...

    لا للتليفزيون المصرى شعار لحملة جديدة

     
  • في الأربعاء, يناير 24, 2007 4:32:00 ص , Blogger albida يقول...

    هو لما القنوات الفضائية تبقى بتجرى وبتتقدم بسرعة والتلفزيون المصرى بيمشى بمعدل اتنين نملة فى السنة يبقى ده اسمه تغيير؟.. معتقدش!!... الصراحة التلفزيون الأرضى من كتر فشله خلاص بقى مهجور... وعقبال مايفكروا يعملوا حاجة جديدة, تكون الحاجة دى بقت نسيا منسيا فى القنوات الفضائية

    المحطات الأرضية كلها عايزة تتفور وتتعمل من أول وجديد

    manal

     
  • في الأربعاء, يناير 24, 2007 6:25:00 ص , Blogger مُزمُز يقول...

    والله لو اتشقلبوا على دماغهم مش هيعرفوا يخللوه تلفزيون محترم

    وأنا وهما والزمن طويل

     
  • في الأربعاء, يناير 24, 2007 8:55:00 ص , Blogger Heba Al_Menshawy يقول...

    انا بقالي كتير معدتش على اي قناة ارضي .. بالرغم من اني مع حضرتك فيه تغير وخصوصا في بعض البرامج زي اتكلم والبيت بيتك وغيرها .. وطالما فيه تغير حتى لو بطيء بس افضل بكتير من لما يبقى العالم بتغير كله واحنا زي ما احنا
    واقفين بنتفرج

    بس معذرة انا مش مع حضرتك في الرأي الاخير .. رغم اني بقالي فترة مشوفتش تامر امين .. بس ايام ما كنت متابعة البيت بيتك كنت بلاقيه محاور جيد بصرف النظر عن احساسي انه بتاع مشاكل معرفش ليه .. لكن من ناحية الحوار والثقافة فمستواه كويس مقارنة بمذيعين كتير معاه

     
  • في الأربعاء, يناير 24, 2007 2:09:00 م , Anonymous حائر في دنيا الله يقول...

    شوف
    فيه محاولة فعلا للتغيير
    المشكلة في النوايا
    مفيش نوايا صادقة انهم يتغيروا فعلا, يعني طول ما رئيس التلفزيون هو من توابع الحزب الوطني يبقى في النهاية التلفزيون لن يكون غير بوق للحزب الوطني
    قد يكون فيه تغيير... بس جايز تغيير الملابس الداخلية عشن كدا محناش واخدين بالنا

     
  • في الأربعاء, يناير 24, 2007 7:51:00 م , Blogger مـحـمـد مـفـيـد يقول...

    السلام عليكم
    اولا اود ان عبر عن مدي حبي وتقدير يلكل من شرف البلوج سوي بالتعليق اوالمرور عليه وسف اختصر الرد علي التعليقات في هذا التعليق المجمع
    ثانيا / اتفق مع كل من هاجم فكره التطوير ولكن التطوير يسير بخطي بطيئه جدا ونظرا لعدم النظر دائما الي الاشياء السلبيه وننحي جانبا اي محاوله للتغيير فعرضت تلك الرأي للتداول فيما بيننا وقد قلت لنري هذا التطور سيكون للاحسن ام للاسوأ
    الايام عي التي ستتضح لنا ما هو متعلق بتلك القضيه
    وبكل اعتراف حقا ان التليفزيون المصري دمه تقيل وغير قادر علي مجاره الفضائيات ولكن نعتبرها بذره وننتظر المحصول او بشائر الثمار حتي لا نري نصف الكوب الفارغ
    والايام هي الفيصل في تلك القضيه

    اشكرك الجميع ثانيا علي التعليقات
    وادام الله بيننا نعمه التواصل
    في حفظ الله

     
  • في الثلاثاء, يناير 30, 2007 11:18:00 م , Anonymous نورهان مفيد يقول...

    اختلف معاك كتير يامحمدبس خليني الاول
    اتفق معاك في الجزء الاول من البوست ان فعلا الارضي بدا يتطور ها نوعا ماالبرامج زادت واصبحت مواضيعها منفتحة اكتر شكل القنوات اصبح عصري اكتر ومافيش شك ان قنوات النيل المتخصصة رجعت جزء ولو صغير للتلفزيون الارض اللي هرب من زمان للفضائيات لما بها من محاسن ومساوئ بس يارب التطور ده يستمر ويزيد
    وانا ىمعاك ان لازم نشجع حتي لو كانت خطوة صغيرةومشار الالف ميل يبدا بخطوة
    اختلف معاك في موضوع المذيع تامر في البيت بيتك
    اولا البرنامج جامد جدا وتقريباهو اللي اعاد اغلبية الناس للتلفزيون
    تامر مذيع كويس جدا ومتمكن وخفيف الظل وبيضفي روح كدهع ع البرنامج والحلقة انا بصراحة بحبه جدابحسه قريب مننا واوقات كتير بيسال اسئلة فعلا بتدور في دماغي وبتعجبني صراحته ومش هنسي حلقة السافل الغير محترم جاد
    شويري مخرج الكليبات العارية بصراحة كل الاسئلة اللي وجهها له كانت علي لساني ياريت تبصله بنظرة تانية
    وبختلف معاك في رايك

     
  • في الجمعة, فبراير 23, 2007 6:36:00 م , Anonymous غير معرف يقول...

    حملة المدونات لكشف جرائم الاحتلال الامريكي – الصفوي في العراق

    هذه دعوة لأصحاب المدونات التي يؤمن كتابها بأن من لم يهتم بأمر المسلمين فهو ليس منهم،
    ولمن يتعاطف بصدق مع اهله في العراق الذي تنزف اليوم جراحاته دماءا، لطالما روت ارض العروبة في محنها ، ليساهموا في كشف جرائم الاحتلال التي بلغت وجرائم حلفائه الصفويين حدا لم تدوّن لمثل بشاعتها صفحات التاريخ بتاتا .
    وتتلخص هذه الحملة في قيامنا بنشر جريمة من هذه الجرائم موثقة بصورها ، على ان تحظى بموقع الخبر الاول في صفحة المدونة ، ويتم نشرها في وقت واحد من قبل جميع المساهمين في هذه الحملة ولفترة معينة (تحدد عند تعميمنا الخبر) كأن تكون اسبوع او يزيد عليه ، بحسب تداعياتها .
    وباستعانتنا بالله تعالى ، فاننا نزمع ان تكون اولى هذه الحملات هي حملة الجرائم التي يتعرض اليها اهلنا في ( مدينة حديثة) منذ شهور عديدة ..
    وقبل اطلاقنا لهذه الحملة وغيرها ، نأمل من الراغبين بالمساهمة فيها التسجيل عبر احد الوسائل التالية :
    - تسجيل بريد المراسلة في زاوية التعليقات
    - من خلال مراسلتنا عبر رابط راسلني في المدونة

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية