فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، ديسمبر ٢٥، ٢٠٠٦

أي عبور للمستقبل هذا


هذه ليست صور لمقالب مخصصه للزباله.انها صوره كل شارع وكل حاره داخل مصر المحروسه والتي اصبحت الزباله فيها تزاحم كل فرد من افراد الشعب
فبعد الازمه الاخيره بين الحكومه وشركه النظافه الايطاليه والتي تعاقدت معها الحكومه لجمع الزباله (لن اقول قمامه)وبعد ان كسبت القضيه التي كانت في المحاكم والزمت الشعب بدفع رسوم الزباله علي ايصالات الكهرباء حتي خرج علينا وزير الكهرباء المصري حسن يونس بتحديد 3 شرائح لدفع الرسوم وهي (3&6 &9 جنيه ) لكل شقه حسب استهلاك كل شقه علي حدا .ولي هنا عده اسئله
ما هي علاقه استهلاك الكهرباء بالزباله ؟
علي اي اساس تم تحديد هذه الشرائح ؟
وهل هذه الشركات تقوم بعملها علي اكمل وجه حتي تحصل تلك الرسوم ؟
فلا تكلف نفسك وان تخرج الي الشارع بل انظر من الشباك المجاور لك وانظر الي كم الزباله الهائل المتواجد في الشوارع وبعد كل هذا الاهمال نجد اول كل شهر يمد لنا المحصل يده لاخذ الرسوم
فلي صديق يملك محل ودفع له استهلاك كهرباء 60 جنيها ودفع رسوم للنظافه 40 جنيها . بل الادهي من ذلك والمضحك فأن عمي له شقه مغلقه ودفعنا له 2.5 جنيه ( 50 قرش ايجار عداد -مكتوب كده في الايصال -و2 جنيه رسوم نظافه )طبعاً مضحكه
وتجد علي اسوار جميع المدارس عباره ( مدينتي جميله ونظيفه )فتلك العباره ايضا عباره انتخابات مثل سابقها
فنحن الان في مرحله العبور الي المستقبل الذي نص عليه البرنامج الانتخابي للرئيس
فأي عبور هذا .عبور الي المستقبل والزباله ملئ الشوارع والبيوت
عبور الي المستقبل والرسوم ضعف الاستهلاك
عبور الي المستقبل والزباله اكثر من البشر
فلا نطالب بألغاء تلك الرسوم لانها ببساطه غصب عن عين الشعب هتتدفع هتتدفع ولكن الا نستحق ان ترفع تلك الزباله من الشوارع. وكل عام والحكومه بألف بخير

40 تعليقات:

  • في الاثنين, ديسمبر ٢٥, ٢٠٠٦ ١٢:١٩:٠٠ م , Blogger Egypt Camira يقول...

    دى الأنطلاقة التانية للحزب الوطنى .. امال لما تشوف الأنطلاقة التالتة هتعمل ايه ؟

     
  • في الاثنين, ديسمبر ٢٥, ٢٠٠٦ ١٢:٢٧:٠٠ م , Blogger أجدع واحد في الشارع يقول...

    ده بقا يا محمد بلدنا
    وهى دى الحياه اللى
    احنا عيشين فيها
    هنعمل ايه الناس عايزة
    كده كل لما هنقول ننضف
    شوية يمشو معاك شهر ولا اتنين
    وبعدين ترجع ريمه لعدتها القديمة
    ذى ما بيقوله

     
  • في الاثنين, ديسمبر ٢٥, ٢٠٠٦ ٦:٥٩:٠٠ م , Blogger smraa alnil يقول...

    انا عايزة اسال سؤال
    الراجل اللي فاتح محل دة رسوم نضافة ايه اللي تجيله
    هو اصلا بيوسخ ايه عشان يبقي عنده زبالة
    حسبي الله ونعم الوكيل
    انا عايزة اسال سؤال احنا ليه ساكتين علي كدة
    ليه مش نرفع قضية علي الحكومة وناخد حقنا
    تقريبا انا بهيس وبحلم
    بس بصراحة انا متغاظة اوي

    حسبي الله ونعم الوكيل كمان مرة

     
  • في الثلاثاء, ديسمبر ٢٦, ٢٠٠٦ ١:٢٠:٠٠ ص , Blogger شيمـــــاء يقول...

    يا ابنى
    كهربا كتير يبقى انت راجل فاضى وعمال تاكل ليل ونهار
    او بتشتغل و عمال تقطع فى ورق
    او بتشد فى شعرك
    او مليون حاجة بتعملها وانت صاحى
    فطبيعى ان يكون استهلاك للزبالة وانت صاحى اكتير يعنى فى النور

    اومال هتنام فى النور
    ايه ده دايما ظالمين الحكومة كده
    مش ممكن اتقوا الله بقى

     
  • في الثلاثاء, ديسمبر ٢٦, ٢٠٠٦ ٢:١٩:٠٠ ص , Blogger أحمــــــــدبــــــــــلال يقول...

    أنا متفق مع شيماء فى كلامها
    و ان دى طريقة الحساب
    لكن المضحك فى الموضوع كلمة مدرستى نظيفة
    أنا شفت بعينى تحت الكلمة دى عند سور مدرسة كوم زبالة كبير جداً لدرجة أنه كان مدارى على جزء من الكلمة

     
  • في الثلاثاء, ديسمبر ٢٦, ٢٠٠٦ ٣:٥٨:٠٠ ص , Blogger voice of love يقول...

    يبقى انت اكيد اكيد فى مصر
    شكرا على متابعتك المستمرة صديقى العزيز
    وعلى فكرة أنا رديت على سؤالك اللى حطيته عندى فى الكومنت
    خالص تحياتى وعميق شكرى

     
  • في الثلاثاء, ديسمبر ٢٦, ٢٠٠٦ ٦:٠٤:٠٠ ص , Blogger albida يقول...

    يا جماعة أنتوا مش فاهمين... أصلهم ناويين يخلوا الزبالة رمز من رموز مصر, زى النيل والقمح والأهرامات كده
    وأن شاء الله فى مشروع قريب أنهم هيشيلوا النسر اللى فى علم مصر ويحطوا بداله كيس زبالة!!

    manal

     
  • في الثلاثاء, ديسمبر ٢٦, ٢٠٠٦ ٨:٠٦:٠٠ ص , Blogger LAMIA MAHMOUD يقول...

    كل سنة وانت طيب

    ده عبور من بتاع خط برليف بس المرة ده ساتر قمامي بدل ساتر ترابي

     
  • في الثلاثاء, ديسمبر ٢٦, ٢٠٠٦ ١١:١٤:٠٠ م , Blogger elgharep يقول...

    انت جيت على دى البلد حالها يصعب على الكافر ياريت تيجى على الزبالة وتقف
    الفساد والبطالة والقمع والعبارة كل دى ملفات توضح أد أيه أحنا غرقنا مش عدينا
    الغريب

     
  • في الثلاثاء, ديسمبر ٢٦, ٢٠٠٦ ١١:٥٨:٠٠ م , Blogger sherif gharib يقول...

    و الله هقول ايه بس
    مفيش حاجه تتقال غير انها فعلا حكومه زباله
    يعنى و بنقول مصر ام الدنيا
    و الله حاجه تضحك
    تحياتى

     
  • في الأربعاء, ديسمبر ٢٧, ٢٠٠٦ ١:٣٠:٠٠ ص , Blogger بين الأمل و اليأس يقول...

    يابني دا الطبيعي
    دانا ببقى اشي في الشارع ويبقه جنبك صندوق الزبالة وتسيبه وترمي على الارض طب ليه متفهمش
    اما بالنسبه لموضوع الرسوم الشرائح فانت لازم تشكر الحكومه على تحديد الشرائح عشان الواحد للي معاه فلوس كتيره ياخدو منه رسوم اكتر واللي معاه رسوم اقل ياخدو منه اقل
    ايه يابني ماهمه بيراعوا ظروف الشعب اهه وبيسرقوهم بحنيه وبأصول
    عايز ايه بعد كدا
    وكمان يعني انا عندنا تلات عدادات واحد بس اللي شغال لازم تستخدم بقه هنا معرفتك عشان ماتدجفعش الرسوم عليهم كلهم انا البيت هنا بيعمل كدا بس اهه مضطرين نعمل كدا اهه بيعتبروه اسلوب دفاع عن حقوقنا بدل مانتسرق من الحكومه
    بكره هايخدو الرسوم على عدد الافراد في البيت
    وربنا يسترها

     
  • في الأربعاء, ديسمبر ٢٧, ٢٠٠٦ ١:٣٥:٠٠ ص , Blogger dandana يقول...

    اجاوبك انا بقى على تساؤلك...
    ببساطة
    هو عبور تلال الزبالة الى المستقبل...
    وحلنى بقى ...
    لما حكومة الرئيس الطيار تبقى تدرس الموضوع...
    واضح انهم شاييفين انه مش خطير للدرجة اللى تديله اهمية..
    ومدام اللى فوق شايفينه مش خطير...
    يبقى مش خطير...
    ماتسيبوا الناس تشوف شغلها بقى

     
  • في الأربعاء, ديسمبر ٢٧, ٢٠٠٦ ٢:٥٥:٠٠ م , Blogger الاء سعود المجيبل يقول...

    عندنا وعندكم خير يا محمد...:)

    مشكلتنا الحكومه والقائمين عليها...!!!

    البلد لازم تنظف يا محمد ولازم نبدأ الاول بيهم ;PpPp

     
  • في الأربعاء, ديسمبر ٢٧, ٢٠٠٦ ١١:٤٣:٠٠ م , Blogger rony يقول...

    استاذ محمد...هى رسوم الزباله بس اللى مش عاجبه حضرتك
    احنا بندفع كمان رسوم نضافه للشارع لصاحب العماره ولمجلس المدينه والاخيره باثر رجعى....ومحدش راضى يتنازل عن الرسوم دى
    واكوام الزباله فى الشارع هاتبقى من الاثار ومش بعيد شركات السياحه تنظم رحلات ليها والاجانب يقفوا يتصوروا جنبها
    كل سنه وحضرتك طيب وبخير

     
  • في الخميس, ديسمبر ٢٨, ٢٠٠٦ ١٢:٠٢:٠٠ ص , Blogger mariam يقول...

    للأسف كل الناس اشتكوا من الموضوع دة
    بس تقول لمين
    لا احد يستمع
    و بعدين شوف الشوارع عامله ازاى
    دة الزباله بقت سمه مميزه لشوارع مصر

     
  • في الخميس, ديسمبر ٢٨, ٢٠٠٦ ١٢:٣١:٠٠ ص , Blogger frozen love يقول...

    انت مش عارف العلاقة بين الزبالة والكهرباء....زي العلاقة بين التعديل في الدستور والحرية كده بالضبط...بس هتنضف البلد اكيد..من الزبالتين!!...العقول والشوارع

     
  • في الخميس, ديسمبر ٢٨, ٢٠٠٦ ١١:٤٩:٠٠ ص , Anonymous غير معرف يقول...

    السلام عليكم
    تحية طيبة للجميع
    يا اخ محمد علاقة الكهرباء بالرسوم الخاصة بالزبالةعبارة عن قانون عام من قوانين الفيزياء حيث ان
    كيس زباله اسود = نهب / علي فاتورة الكهرباء زي ما انت عايز
    وفيه قانون كثافه الزباله اللي بيقول
    كلما زادت كثافه الزباله في الشارع كلما قل عدد العمال وزادت فاتورة الكهرباء وده اسمه قانون وزارة الكهرباء والبيئه المشترك(زي قوانين نيوتن بالظبط)
    انا مش هقول غير شئ واحد حسبي الله ونعم الوكيل في الوزراء والمجلس كله اللي سايبين الناس كده وبرضه حسبي الله ونعم الوكيل في المحافظ بتاع الجيزة
    (بالمناسبة فيه مشرع جديد هيتعمل في البلد اسمه توك توك لكل مواطن)ياريت نركز علي شويه ياميدو
    ومعلش طولت عليكم والسلام عليكم.
    السير/كريم محمود رمضان
    kareem.mahmoud@egytrav.com

     
  • في الخميس, ديسمبر ٢٨, ٢٠٠٦ ٤:٢٥:٠٠ م , Blogger tota يقول...

    العزيز محمد
    كل عام وانت بخير

    العبور الى المستقبل النظيف يحتاج منا كاشخاص مجهود اولا

    ومن الحكومة المجهود الثانى
    عندما يبخل احدهم ان يدفع شهريا 5 جنيهات رسوم نقل القمامة من شقته وينزل بنفسه ليضعها فى الشارع هذا كائن يستحق الاعدام
    فالخمسة جنيهات لا تساوى ثمن علبة سجائر لكنها تحفظ شارع كامل نظيف
    اما دور الحكومة هو رفع ما يتم القائه فى الشارع لغياب سلال القمامة
    فنادرا ما تجد سلة تلقى فيها ورقة
    وان وجدت باسكت كما كان من سنتين او اقل سوف تكتشف ان بعضهم سرقه ووضعه فوق السطوح ليلم فيه الغسيل او يخزن فيه بعض الاشياء

    الناس وسلوكلهم العجيب الذى يحتاج الى تقويم قبل الحكومة هم السر فى قذارة البلد
    اختفاء التوعية فى المدارس عن دور النظافة
    وقوع الاباء القدوة فى الاخطاء التى تمحى الفكرة التى نحاول تعليمها لاولادنا

    الموضوع اكبر من دور الحكومة
    الموضوع احنا يا محمد
    عايزين حملة كبيرة نتعلم ونعلم بعض
    ناخد ازاى خطوات ايجابية

    اشكرك على فتح هذا الموضوع
    تحياتى

     
  • في الخميس, ديسمبر ٢٨, ٢٠٠٦ ٤:٣١:٠٠ م , Anonymous غير معرف يقول...

    ازيك يا محمد
    فيه حاجات كتيرة في حياتنا مش في مكانها الصحيح بس بنتعود عليها
    الزبالة برده كده
    تحياتي

     
  • في الخميس, ديسمبر ٢٨, ٢٠٠٦ ٦:٥٨:٠٠ م , Blogger عماد رفعت يقول...

    بمناسبه العام الجديد دعني اقولكم كل عام وانتم بخير بخلاف هذا الموضوع الصعب والمعتاد ع المصريين

     
  • في الخميس, ديسمبر ٢٨, ٢٠٠٦ ٧:٠٥:٠٠ م , Blogger بيجاسوس المصرى يقول...

    يا جماعة انتوا مش واحدين بالكم

    ده فعلا العبور الى المستقبل
    زبالة لكل مواطن
    و الفلوس اللى بتأخدها الدولة بتشترى بها ارصفة علشان ترمى الزبالة فيها


    يارب حافظ على البلد دى من الضياع

    تحياتى
    بيجاسوس المصرى

     
  • في الخميس, ديسمبر ٢٨, ٢٠٠٦ ١٠:٢٣:٠٠ م , Blogger Lion king يقول...

    كل سنه وانت طيب وكويس وجدع
    :)

     
  • في الخميس, ديسمبر ٢٨, ٢٠٠٦ ١٠:٢٣:٠٠ م , Blogger Lion king يقول...

    كل سنه وانت طيب وكويس وجدع
    :)

     
  • في الجمعة, ديسمبر ٢٩, ٢٠٠٦ ٢:٥٠:٠٠ ص , Blogger ALiaa يقول...

    مش عارفة يا أستاذ محمد.... موضوع الزبالة دا مش هيخلص غير باعتراض حقيقي و الشعب يغير من فكرته عن النظافة..... بس الغريب ان فواتير التليفون نزلت جامد... أصابك من النزول دا حاجة؟؟

     
  • في الجمعة, ديسمبر ٢٩, ٢٠٠٦ ٧:٥٧:٠٠ م , Anonymous غير معرف يقول...

    جامد يا محمد

     
  • في الجمعة, ديسمبر ٢٩, ٢٠٠٦ ١٠:٥٢:٠٠ م , Anonymous غير معرف يقول...

    هى جت على دى كفاية ان سعر الفرض المصرى ميسواش ويظهر ان الحكومة ماشية على مبدأ من يقتل شخصا يعدم ومن يقتل 1000 شخص يكافأ ويترك
    هى طبلت على دماغنا كلنا

     
  • في السبت, ديسمبر ٣٠, ٢٠٠٦ ٣:٢٨:٠٠ ص , Blogger Nouran يقول...

    كل سنة وانت طيب يا باشا فين بوست العيد؟؟

     
  • في السبت, ديسمبر ٣٠, ٢٠٠٦ ٤:٤٥:٠٠ م , Blogger m_elsewedy يقول...

    كل سنة وانت طيب يا باشا

     
  • في السبت, ديسمبر ٣٠, ٢٠٠٦ ٦:٣٣:٠٠ م , Blogger كلبوزة لكن سمباتيك يقول...

    نمى الى علمي ان فاتورة النظافة سوف تفصل عن فاتورة الكهرباء لرفع الظلم الواقع على المغتربين الذين يحسب لهم متوسط استخدام الصيف و يدفعوا على اساسه فواتير نظافة و هم غير متواجدين في البلد
    و ان النظام الجديد سوف يحسب عدد مرات شد السيفون
    وسوف تقوم وزارة المجاري بتركيب عداد على كل سيفون لتقنين مرات شد السيفون
    و اهو يبقى ترشيد استهلاك و اكل في نفس الوقت
    و اللي عنده عيل صغير اهطل بيشد السيفون عمال على بطال بقى يلمه
    مش ناقصين بعزقه

    ---
    كل سنة و انت طيب


    --
    تعالى صوت عندي

     
  • في السبت, ديسمبر ٣٠, ٢٠٠٦ ٧:٣٥:٠٠ م , Blogger saso يقول...

    الاحلي انك بتدفع لجامع القمامة الاساسي عادي لانة مالوش ذنب من ناحية ولانة بيطلع يجيبها من الشقق من ناحية تانية
    الاظرف ان نفس الناس اللي بيجمعوا القمامة دول بيتسولوا ويلعبوا بالمقشة قصاد رجلك لحد ما تضطر تديهم فلوس تاني.. ويا سلام بقي لو الناس الظراف اللي بيحفروا الرصيف زي القندس بمجرد ما يتعمل علشان يركبوا اي حاجة وبعد ما يمشوا تلقي الشارع ارض جولف كلها حفر وتضطر تديلهم فلوس علشان يشيلوا التراب وفي الاخر تدفع الفلوس للمرة التالتة مع فاتورة الكهربا

    بمناسبة العيد في شارع كامل في السيدة عائشة وانا طالعة المقطم باشوفة تحول الي مزود لاكل الخراف والخراف نفسها ومفيش مكان تعدي منة الناس بتعدي من شارع جانبي كنوع من البلطجة المقترنة بكلمة كل سنة وانت طيب
    غير النهاردة وانا رايحة الشغل.. بحور دم والعياذ باللة في كل حتة ومحدش هان علية ينضف قصاد المحل عندة
    اةةةةة
    يلا كل سنة وانت طيب

     
  • في السبت, ديسمبر ٣٠, ٢٠٠٦ ٨:١٧:٠٠ م , Blogger بعدك على بالى يقول...

    كل سنة وانت طيب
    كل عام وانت بخير

    كل عيد وانت فى صحة وخير

    كل مستقبل وانت اكثر نجاحا انت وكل من تحب

    تحياتى

     
  • في السبت, ديسمبر ٣٠, ٢٠٠٦ ١١:٠٠:٠٠ م , Blogger DoOoOoOdY يقول...

    كل سنه وانت طيب يا محمد
    وكل سنه ونورهان طيبه سلملى عليها اوى
    ومبروووووووك للاهلى يا باشا

     
  • في السبت, ديسمبر ٣٠, ٢٠٠٦ ١١:٤٥:٠٠ م , Blogger smraa alnil يقول...

    كل سنة وانت طيب يا محمد

     
  • في الأحد, ديسمبر ٣١, ٢٠٠٦ ١٢:٠٠:٠٠ ص , Blogger Racha Khoury يقول...

    كل سنة وانت طيب يا محمد ويا رب سنة خير عليك وعلى مصر وعلى الدنيا

    ويا رب تشوف الخير والسعادة والسلام

    اعياد مباركة

     
  • في الأحد, ديسمبر ٣١, ٢٠٠٦ ١٢:٢٥:٠٠ ص , Blogger سالفة قلب يقول...

    عيدك مبارك

    وكل عام وانت بخير

     
  • في الأحد, ديسمبر ٣١, ٢٠٠٦ ١١:٠٢:٠٠ ص , Blogger No Fear يقول...

    السلام عليكم
    بصرف النظر عن الموضوع
    كل سنة و أنت طيب

     
  • في الأحد, ديسمبر ٣١, ٢٠٠٦ ٢:١٦:٠٠ م , Blogger Lion king يقول...

    كل سنه وانت طيب
    :)

     
  • في الأحد, ديسمبر ٣١, ٢٠٠٦ ٢:١٧:٠٠ م , Blogger Lion king يقول...

    كل سنه وانت طيب
    :)

     
  • في الاثنين, يناير ٠١, ٢٠٠٧ ١١:١٥:٠٠ م , Anonymous غير معرف يقول...

    المشكلة ان لما ندفع مفيش حد هيخد الزبالة ده انت اللى هتنزلها بنفسك ومبتلقيش مكان فبترميها فى اى مكان او يجى واحد ياخدها وياخد فلوس وبرضو تدفع الفاتورة هى دى مصر

     
  • في الخميس, يناير ١١, ٢٠٠٧ ٢:٥٠:٠٠ ص , Anonymous غير معرف يقول...

    انا شوفت تعليقك عند محمود عزت وبالمناسبة هو دكتور ايه ( حمير ولا معيز ) الله عليك انت انك طلعت زيه لا تعرف ان الله حى لا يموت .

     

إرسال تعليق

الاشتراك في تعليقات الرسالة [Atom]

<< الصفحة الرئيسية