فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الثلاثاء، يناير 23، 2007

توك توك العاصمه


بعد فشل مشروع تاكسي العاصمه الذي هو للاغنياء فقط وكثره اهمال سائقي المكيروباص واستغلال سائقي التاكسي للركاب ظهر علينا التوك توك وسيلة نقل الركاب ذات العجلات الثلاثة التي انتشرت في السنوات الأخيرة في أحياء القاهرة الشعبية وفي المدن الصغيرة وأيضا في التجمعات العمرانية الحديثة

ومع ذلك فإن أعداده تنتشر وبالآلاف في هذه المناطق المصرية، حيث يحقق فرص عمل لأعداد لا بأس بها من الشباب والطلبة وكذلك توفير فرصه عمل للشباب في ظل حالة البطالة التي تعاني منها مصر. بالإضافة إلى أنه يعتبر وسيلة نقل رخيصة تتناسب مع معظم قاطني الأحياء الشعبية الفقيرة في مصر.

ومع انتشاره الفظيع والمروع داخل الاحياء الا انه ظهرت له مساوء اكثر من مميزاته حيث انه الميزه الوحيده من وجهه نظري هو قدرته علي الدخول الشوارع والازقه الضيقه المنتشره في المناطق الشعبيه الا ان مساوءه كثيره جدا مثل عدم الامان حيث انه ليس به ابواب ومعرض للانقلاب في اي وقت لكونه علي ثلاث عجلات والانتشار المفزع الذي يعوق حركه المرور . والمشكله الاكبر بل الاخطر هي انخفاض معدل اعمار سائقي هذه المركبه والذين هم صبيه لم يتعدوا الثالثه عشر من عمرهم وقد رأيتهم بعيني حيث ان التوك توك منتشر اكثر من البشر في المنطقه .

فلابد من النظر الي هذه الظاهره بعين الفحص وتقنين تلك المركبه ويتم وضع ضوابط لها حتي يتسني لنا الشعور بالطمأنينه ليس فقط عند ركوبها بل عند المرور في الشوارع

24 تعليقات:

  • في الخميس, يناير 25, 2007 1:23:00 ص , Blogger VEЯŎ يقول...

    أولاً ازيك يا محمد تاني حاجه فعلا موضوع التوكتوك ده انتشر قوي ولازم يكون له ضواط هوه اكيد بيكون فرصة غمل لناس كتير موش لاقيه شغل بس لازم يكون فيه ضوابط بتحكمو .

    Ahmed

     
  • في الخميس, يناير 25, 2007 2:06:00 ص , Blogger أحمــــــــدبــــــــــلال يقول...

    فى أحد أعلانات الفيلم التافه المسمى
    قصة الحى الشعبى
    جاء على لسان طلعت زكريا أحد الابطال فى الفيلم عندما سئل عن التوكتوك
    أن العربيات النقل لما السواقين بيقفوا على جانب علشان يعملوا بيبى "يتبولوا"فى الطريق الصحراوى
    التوك توك بقى هو البيبى بتاع العربيات النقل دى

    أسف لسوقية التعليق
    و لكنها هكذا قيلت فى الاعلان
    ؟؟؟!!!!!

     
  • في الخميس, يناير 25, 2007 1:17:00 م , Blogger حــلم يقول...

    سلام عليكم
    حكاية التوك توك دى بتقول ازاى الشعب الشاطر دة بيغزل برجل حمار
    بس حقيقى هو كارثة.. ولو ان اولادى هيموتوا ويركبوه
    فاكرينه ملاهى
    :)

     
  • في الخميس, يناير 25, 2007 5:48:00 م , Blogger HaMzA يقول...

    السلام عليكم ورحمة الله

    اهلين اخ محمد
    انا ما شفت الفلم
    لكن الظاهر انه سوقي جدا والدليل التافه حبيب الحمار اللي بيمثل فيه

    يالله
    في امان الله

     
  • في الخميس, يناير 25, 2007 7:34:00 م , Blogger smraa alnil يقول...

    وحياتك في سواقين ميكروباصات سنهم بيبقي 10 سنين و13 و 15 سنة
    والناس بتستلم طالما بيعرف يسوق وهيوصلنا لشغلنا

    ومش تعرف مي اللي مشغل مين

    هي جت علي التوكتوك يا محمد
    روح المناطق الشعبية اللي تلاقي فيها حتة ولد مفعوص سايق بيك
    ما هو برضه خطر
    وايه اللي في حياتنا مش بقي خطر؟؟؟؟

     
  • في الجمعة, يناير 26, 2007 2:25:00 ص , Blogger أروى الطويل يقول...

    لأأأأأأأأأأأ لو سمحت كله الا التوك توك ده حياتى ولا عمرى استغنى عنه كده عيب تغلط فى التكتوك

     
  • في الجمعة, يناير 26, 2007 4:14:00 ص , Blogger frozen love يقول...

    ياه دي حاجة حلوة بالنسبة لبوستاتك اللي فاتت مثلا

    هيرخصوه اهو متقلقش..ده حتى في اغنية للتوك توك دلوقتي

     
  • في الجمعة, يناير 26, 2007 9:27:00 ص , Anonymous غير معرف يقول...

    الشلام علئكم النؤك تؤك ذةحاجة جمئلة اؤلا هؤ فية عيوب كتير بس فين هؤ الؤسيلة الى تقدر تؤصلك المكرباص بينزلك وهو ماشى مشمهم انت شيل طفل اؤ مش شيل المهم انى يفضى مكان وخلاص وتاكسى كمان يشرط عليك هتدفع كام وانااوصلك مفيش غير التوك توك يامحمد ولوجابت حضرتك السيتات هترحمن من التوك توك والمكرباص وتاكسي

     
  • في الجمعة, يناير 26, 2007 4:16:00 م , Blogger tota يقول...

    محمد
    التوك توك ده اختراع مخيف فعلا
    زى ما قلت ميزاته بيخفف البطالة ويوصل لاماكن كتير
    لكن هو غير امن بالمرة والسواقين ميعرفوش اى قواعد ومفزع بصراحة
    احيانا كثيرة أفاجئ به امام السيارة بصورة عشوائية ولولا ستر ربنا لكان هناك حوادث كثيرة بسببه
    اظن بالفعل انه غير مرخص له من الجهة المختصة هو صورة مخالفة بكافة المعايير شكلا وموضوعا

    لكن الحاجة ام الاختراع يا عزيزى

    تحياتى

     
  • في الجمعة, يناير 26, 2007 7:54:00 م , Anonymous O2A يقول...

    القى نظرة على ماصرح به وكيل لجنة الدفاع والامن القومى فى مجلس الشعب بخصوص سفاح المعادى واتفرج ومتع عينك


    http://12.47.45.221/article.aspx?ArticleID=45945&r=t

    عفواً للخروج عن سياق التعليق على هذه التدوينة

     
  • في السبت, يناير 27, 2007 2:20:00 ص , Anonymous -= Mafia =- يقول...

    ياتوك توك يا صغير كل الناس حبوك بتمشي ع الحيطه ومش عرفين ينزلوك
    ******************************
    ده طبيعي الظاهره ده هتستمر عشان السلطات مش بتخش الحواري اللي بيمشي فيها التوك توك وبعدين الناس هتزعل لانه ليه ميزة حلوة جدا انه مش بيهموا زحمه شارع او اشاره او خلافه يعني مش بيقف غير في حالتين وهو بيركبك او بينزلك غير كده تلاقيه ماشي حتي لو تحت الارض او ع الحيطه

     
  • في السبت, يناير 27, 2007 6:43:00 ص , Blogger Nouran يقول...

    يا نهاري ع التوك توك ده مشكلة ع راي واحد اعرفه ابقى ماشي حاسس انهم صراصير جنب ديناصورات ويااه رخم خلق الله بتبقى فيهم ربنا يرحمنا من الاختراعات اللي بتطلعنا دي

     
  • في السبت, يناير 27, 2007 12:16:00 م , Blogger Q8ya يقول...

    والله انا بحب اركب التوك توك ههههه

     
  • في السبت, يناير 27, 2007 8:14:00 م , Blogger pegasuselmasry يقول...

    بالرغم اننى لم اراه لانى فى احدى محافظات الصعيد و لكن على حسب كلام زملائى فانه قنبلة تسير على ثلاث عجلات تقد تنفجر فى اى وقت و بدون سابق انظار لها
    فاين جناب السفير المسئول عن ذلك

     
  • في السبت, يناير 27, 2007 9:17:00 م , Blogger Dody يقول...

    بجد التوك توك مصيبه وغير امن بالمره وممكن يتسبب فى حواتدث كتير

    ربنا يتوب علينا بقى من البلاوى دى

     
  • في الأحد, يناير 28, 2007 1:50:00 ص , Blogger mansourawy يقول...

    التوك توك فعلا وسيلة سريعة ومتوفرة للجميع
    وفعلا عايزة مزيد من الرقابة والتنظيم
    المشكلة الهوا اللى بيجى من ع الجانبين
    عيزين شبابيك كدا ولا حتى بوابات
    من يويمن كنت راكب واحد
    جاللى برد لغية اللوقتى منيمنى ف السرير

     
  • في الأحد, يناير 28, 2007 2:29:00 م , Blogger أحمد المصري يقول...

    عندك حق فعلا ..الموضوع انتشر بطريقة مستفزة ..زي ماتقول الناس ماصدقت لقت حاجة جديدة جريواعليها وبوظت اللي كان ممكن يتصلح بوجوده..ربنا يهدي ..
    مع تحياتي 00
    والسلام عليكم.

     
  • في الثلاثاء, يناير 30, 2007 11:02:00 م , Anonymous نورهان مفيد يقول...

    والله يامحمد انا معاك ان مميزات التوتوك مش اكتر من عيوبه
    انا كنت من اول الناس اللي بتكسف تركبه دلوقتي خلاص بقي المواصلة الاسرع والاسهل
    واكتر حاجة عجباني فعلا انه شغل ناس كتير
    بس ياريت ميخلوش عيال صغيرة تسوقه حفاظا ع الارواح اللي بتركبه
    والله هزعل لو منعوه خلاص اتعودنا عليه وسهل علينا مشاوير كتير

     
  • في السبت, فبراير 17, 2007 9:57:00 م , Blogger مـحـمـد مـفـيـد يقول...

    شكرا لهذه التعليقات الرائعه
    انا لم اطالب بمنعه او تركه هكذا لابدمن قوانين تحكمه

     
  • في الثلاثاء, مارس 20, 2007 6:07:00 م , Blogger عمرو غريب يقول...

    الموضوع جميل

     
  • في الجمعة, مارس 30, 2007 8:27:00 م , Anonymous هيما عز يقول...

    انا من وجهة نظري انا موضوع التوك له فوائد وعيوب بس الناس هي اللي بتخلي للتوك عيوب لو كل سواق التزم هيبقي موضوع التوك كله فوائد بس مش عارف له كده زي المكرباص السواقين اللي بياركه كل واحد فيهم فاكر نفسه بلطجي ويضحك علي الناس

     
  • في الاثنين, مايو 05, 2008 11:05:00 ص , Blogger عصام بلال يقول...

    التوك توك ده مواصلة جميلة وسهلة ورخيصة احسن من التاكسى وبغدين بيدخل فى الشوارع الضيقة لانه صغير الحجم

     
  • في الثلاثاء, نوفمبر 04, 2008 10:52:00 م , Anonymous غير معرف يقول...

    يا ريت يتعمله تراخيص
    اقولكم حاجة تضحك مع انها تبكي
    انا شغال موظف واستلفت فلوس واشتريت توكتوك احسن بيه دخلي واشغل عليه اخويا العاطل
    رحت دفعت جمارك وعملت تخليص جمركي ؟ حلو
    وسجلت العقد في الشهر العقاري ؟ حلو
    والتوكتوك البلد هي اللي بتستورده ؟ حلو
    اللي مش حلو
    ان الحكومة اللي اخدت الفلوس دي كلها جت وخدته بحجة انه مركبة مالهاش تراخيص
    يرضي مين ده
    حد قال يترخص وقلنا لا
    حسبنا الله ونعم الوكيل

     
  • في الثلاثاء, فبراير 10, 2009 9:59:00 م , Anonymous غير معرف يقول...

    على فكرة انا شاب 24 سنة وخريخ جامعة القاهرة نجارة تمام بس والديا مش واصلين يعنى ماليش مكان فى اى شركة هاعمل اية استلفت تقديمة توك توك واشتغلت ولا اقعد فى البيت واعنس
    وبعدين ياراجل يا طيب انا رحت اشتغل فى شركة بمؤهلى قالولى مافيش غيرالبوفية واشتغلت فعلا بس هاعمل اية وغيرى ابيض من الورد وقاعد على مكتب ياعم دع الملك للمالك وربنا يكرمك

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية