فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، أبريل 16، 2007

عندما أصبح الغش فرضاً


تتعالي الصيحات وتتبادل الاتهامات في قضيه الغش في أحدي المدارس التجريبية بالجيزة

وعندما ذهب رئيس النيابة الاداريه للمدرسة لاستجواب 50 طالب وطالبه في الصف الرابع الابتدائي في الوقت الذي أكد فيه انه استجواب لابد منه. في الوقت الذي يؤكد فيه أولياء الأمور مدي ثاثيرهذا الاستجواب والجو البوليسي بالسلب علي الطلبة في المستقبل علي الطلبة هولاء .

أنا اتفق مع أولياء الأمور في هذه النقطة ولكننا نتناسى أننا أمام حاله غش جماعي وبفعل فاعل حيث خرجت علينا المدرسة تسوق لنا الحجج الواهية التي دفعتها لارتكاب مثل هذا الفعل آلا وهو أن ماده الحاسب الالي ماده تنشيطية وليس بالضرورة الاهتمام بها حتى إنهم لم يسلموا الطلبة إلي اليوم الكتاب المدرسي الخاص بالوزارة

ومدي حجم المأساة التي لحقت بمدرسه تجريبية يتكبد كل ولي أمر أول كل عام دراسي ألاف الجنيهات حتى يجد ابنه في النهاية ناجح بالغش

فلتتساوي جميع المدارس الحكومية بالتجريبية باللغات فالنهاية واحده

ولكي نكون منصفين عدم حصر الغش في أطار التعليم فقط بل أصبح الغش متغلغل في وجدان مصر أصبحنا نري

غش في الامتحانات

غش في الانتخابات

غش في الاستفتاء

غش علي مستوي الاصعده وفي مختلف المجالات

فأنا لا أبرأ ساحة رئيس النيابة الاداريه من فعله المشين وهو دخول المدرسة محصن برجال الشرطة وكأن الحرب بدأت ولكن لابد من معالجه الأمور بحكمه وعقلانيه حتى لا نواصل السقوط

لذا أتمني أن يختلف منظور التعليم لدينا حتى لا ندوس علي طلبه كهؤلاء من اجل رفع أسم مدرسه ما عالياً والتباهي بنتائجها المبهرة ولا تنظر هذه المدارس ماذا تبني للمجتمع

فلكم جزيل الشكر يا مدعي التقدم والازدهار

فالمحصلة : غــــــش

33 تعليقات:

  • في الاثنين, أبريل 16, 2007 7:24:00 م , Blogger حــلم يقول...

    المشكلة مزدوجة
    لا دى لها عشر اطراف
    اولياء امور سكتوا عن عدم تسليم الكتاب
    ومدرسة مهملة فى الكتب ومتخصصة فى تعميم فكرة الغش
    ونيابة ادارية كل هما اثبات الحالة بطريقة مخيفة للطلبة
    يعنى المنظومة كلها غلط زى ما بيقولوا
    مافيش سيستم

    بنتى كانت بتذاكر درس عن عباس العقاد
    وعايزة تبقى زيه
    تتعلم من منازلهم
    :)

     
  • في الاثنين, أبريل 16, 2007 9:18:00 م , Blogger متغيرة شوية يقول...

    المشكلة انك تلاقي اللي بيغش ده مش معتبر انه بيعمل حاجة حرام
    وبيوجد لنفسه كل الاعذار علشان يطلع صح.

    بس علشان القضاء على الغش لازم نظام التعليم كه يتغير ، ميكونش امتحان واحد هو اللي بيحدد كل حاجة ..اللي غش فيه يبقى دكتور واللي معرفش يبقى أمين شرطة

     
  • في الاثنين, أبريل 16, 2007 10:42:00 م , Blogger حسام مراد يقول...

    ده كله يرجع لتقدمنا فبيقاس تقدم الامم بالتعليم
    واحنا كابنها غش منتهى التقدم والاذدهار

    حسام مراد
    شغال

     
  • في الثلاثاء, أبريل 17, 2007 12:32:00 ص , Blogger صاحب البوابــة يقول...

    تحياتي للموضوع القيم

    لكن

    صدقونى

    فالمنظومة بأكملها فاسدة

    تحياتي لكل من حاول اصلاح تلك البلاد

     
  • في الثلاثاء, أبريل 17, 2007 1:26:00 ص , Blogger 18goosebumps يقول...

    امممممممم

    من اخر تعديلات دستوريه
    واخدت بالي من ان كلنا بنزور بردو
    في حجات كتير
    زي ما في الكليه تكتب اسم زميلك في الغياب وهو غايب
    مهو ده بردو غش وتزوير

    على قدر الامكان بحاول اخد بالى واغير الطباع دى في
    وفي الي حواليا

    حيث ان الله لا يغير ما بقوم حتى يغيروا ما بأنفسهم

    تحياتى

     
  • في الثلاثاء, أبريل 17, 2007 8:46:00 ص , Blogger Mohamed A. Ghaffar يقول...

    ده نتاج تفاعلى لمتغيات كتير فى المجتمع حاله يجب علاجها بحد ذاتها فهذا عرض وليس مرض

    احنا عاوزين نغير منظورنا للحياه كلها

     
  • في الثلاثاء, أبريل 17, 2007 1:56:00 م , Blogger raspoutine يقول...

    طبعاً انا مقدرش على زعلك يا محمد وانت عارف بس والله انت لو متابعنى هتعرف انى كنت بمر بفترة علاج لابد منه والحمد لله
    الموضوع ده بجد لما قريته المنى اوى
    حتى اطفال الرابعة بنستجوبهم
    ده ايه ده لاشرع ولا قانون بيقولو كده
    فعلاً احنا بقينا فبلد ماشية بالعصاية والكرباج
    تحياتى ليك يا محمد وشكراً لزيارتك ليا

     
  • في الثلاثاء, أبريل 17, 2007 8:00:00 م , Anonymous ام عهد يقول...

    يا ابو عبدالله انت زعلان عشان الغش فى الموضوع ده بس يابنى الغش اصبح فى حياتنا كلها اصلا مصر كلها مابقتش تمشى الا بالغش فى كل شئ دى بقت حاجه تارف ولاهى العظيم وحسبى الله ونعم الوكيل
    شكرا لك وتحياتى لبودى ومامتو
    ام عهد

     
  • في الثلاثاء, أبريل 17, 2007 8:00:00 م , Blogger No Fear يقول...

    السلام عليكم
    أولا مبروك علي تجديد البلوج بتاعك كده أحسن من اللي فات

    ثانيا مجتيش علي دي يعني و بعدين الموضوع ده بيحصل من قرن من الزمان مش قضية يعني الموضوع ده اللي وجد لنا الدكاترة اللي بتنسي الفوط في بطن المرضي و المهندسين العباقرة اللي بيهدوا المباني و هي لسه بتتبني و كل الفاسدين في كل مكان
    ياعم كبر دماغك
    هم قدروا يبوظوا أهم حاجة و هي التعليم للأسف

     
  • في الثلاثاء, أبريل 17, 2007 10:39:00 م , Blogger نورهان مفيد يقول...

    اولا دي مش حاجة جديدة ومعظم المدارس الخاصة بتعمل كده عشان النتايج النهائية وسمعه وشكل المدرسة
    وفي داهية بقي التلاميذ ومستقبلهم

    وبعدين بقي تعالي قولي
    التعليم ماهو الا جزء من الكل
    واذا كان الكل فاسد ومتنيل علي عينه هيبقي الامل في التعليم

    ما خلاص يامحمد
    دي بدايه النهاية في كل حاجة حوالينا
    كله بقي فاسد ومينفعش
    ومنهم لله اللي في بالي

    وزي ما بيقولوا
    اصبر علي جار السو يا يرحل يا تجيله مصيبه فوق دماغه

     
  • في الثلاثاء, أبريل 17, 2007 11:34:00 م , Blogger قلم جاف يقول...

    خالص تهانئي على اللوك الجديد للمدونة .. وسعيد جداً بالقراءة لك في أي وقت وأي لوك..وعذراً لأن رجلي على النت كانت تقيلة بعض الشيء خلال الأيام الماضية بشكل عام..

    ثانياً.. الموضوع مهم جداً ، فكرت في الكتابة عنه لولا إني ماقدرتش أجمع بيانات ، لكن حتماً ح أكتب عن الغش بشكل عام في "التعليم أهه" قريباً جداً إن شاء الله..

    لكن ما أثار قرفي هو المنسوب للمدرسين في المدرسة ومحاولة التصييح بنظرية المؤامرة وأن المدرسة فيها فلان ابن علان الفي آي بي.. أين كان هؤلاء عندما كان عشرات الفلالين أبناء عشرات العلالين يتم تغشيشهم على أيدي نفس المدرسين من أجل التلات تسعات بتوع نهاية كل سنة؟

    ووووووعكبيييييي (مع الاعتذار لسيد الملاح مقلداً شفيق جلال)!

     
  • في الأربعاء, أبريل 18, 2007 1:38:00 ص , Blogger Ahmed Shokeir يقول...

    يامحمد لو كان ده إجراء متعارف عليه في حالات الغش الجماعي وبتحصل دايما كان ممكن يكون الأمر طبيعي ولكن لأن الغش الجماعي ظاهرة منتشرة ومنذ فترة ولم يتم التضدي لها بالشكل المناسب هنا تصبح الحكاية غير مقنعة خصوصا لو ان ابنك بهذه المدرسة وسمعت انه في عدم وجودك وفي هذه السن تعرض للتحقيق وأخذ اقواله

    المفروض العملية لها قواعد وقيود ونظام يطبق على الجميع

    وبصراحة احنا مش متوعدين على كده اعتقد ان في الأمر شيئا شخصيا وخافيا حرك الموضوع

     
  • في الخميس, أبريل 19, 2007 1:34:00 ص , Blogger VEЯŎ يقول...

    أولاً ازيك يا باشا ان شاء الله تكون بخير معلش اديلي مدة موش بدخل عندك ولا بدخل اي مدونة ثانيا بقه مبروك يا معلم الشكل الجديد النيو لوك يا معلم جامد جدا وبالتوفيق ديما يا برنس


    " من غشنا فليس منا "

     
  • في الخميس, أبريل 19, 2007 1:32:00 م , Blogger smraa alnil يقول...

    مش عارفةاقول ايه
    الغش بقي ظاهرة عادية جدا

    والعجيب ان الناس بتدافع عنه كانه حق مكتسب

    علينا العوض

    علي فكرة حلو النيو لوك اللي في المدونة اوي

     
  • في الخميس, أبريل 19, 2007 2:12:00 م , Blogger gamal يقول...

    والله يأستاذ محمد
    الواحد أحتار أحنا فى البيت بنعلم أولادنا الصدق وعدم الكذب ونعرفهم ان الغش حرام
    والأخر يروحو المدرسه يلاقو المدرسه بتساعدهم على الغش
    ربنا يستر على هذا الجيل
    لك تحياتى وتقديرى

     
  • في الجمعة, أبريل 20, 2007 12:19:00 ص , Blogger wa3d-el3yoon يقول...

    الغش ظاهره صحيه فى البلاد الناميه وزايده أوى فى بلدنا

     
  • في الجمعة, أبريل 20, 2007 7:38:00 ص , Blogger أجدع واحد في الشارع يقول...

    يا جماعة بجد انتو لازم تشركوني حفله عيد ميلاد جينرمو معايا فى البلوج بتاعى انهاردة عيد ميلادها عشان انهاردة بجد اسعد يوم فى حياتى

     
  • في الجمعة, أبريل 20, 2007 4:01:00 م , Blogger مسلم يقول...

    موضعك جميل

    بس الأجمل هو رد فعل رئيس النيابه

    و كأنها أول حاله غش بتحصل في مصر

    و كأنه ميعرفش إن الكلام ده بيتم من سنين

    و أول ما عرف هب من ثباته العميق

    و قال يعمل تحقيق

    صحي النوم يا حضره رئيس النيابه

    الكلام ده بيتعمل في كل المواد اللي زي الحاسب الآلي

    ماده التربيه الدينيه و التربيه القوميه و المجالات و التربيه الفنيه و أي تربيه بقه فيها غش

    عشان كده بقينا شعب قليل التربيه...و بقي في ناس زي سعد الصغي و عماد بعرور بيملوا عينا ثقافتنا

    إممممم الواحد قلبه واجعه

    بس الخير جي

    السلام عليكم

     
  • في الجمعة, أبريل 20, 2007 5:51:00 م , Blogger مـحـمـد مـفـيـد يقول...

    حلم
    والله بنتك لو ذاكرت في البيت يبقي احسن لان المدرسه مفهاش حاجه الواحد يروح علشان
    اللهم الا شويه معلومات بسيطه
    وبعدين ساعتها هنلاقيها احسن من العقاد
    شرفتي ونورتيني

    ***********

    سلمي صلاح
    الغش ده مسأله اصبحت عاديه جدا وبعدين كل الانظمه في الدوله لازم تتغير مش اتعليم بس
    شرفتيني

    ****************
    حسام مراد
    طالما هو ده المقياس يبقي عليه العوض
    نورت وشغال
    :))

    ************
    صاحب البوابه
    والله الانظمه فعلا لازم تتغير
    نورتني

    **********
    فوكيره

    لازم احنا فعلا اللي نتغير لان ببساطه لن يغيروا هم شئ
    نورتي

    ***********
    استاذ / محمد عبد الغفار
    دائما ما تسعدني زيارتك الكريمه وسعيد جدا بتواصلك
    والله لازم نبدأ بأنفسنا الاول

    **********
    ايمن باشا
    انا مقدرش علي زعلك يا حبيبي
    والف الف حمدلله علي السلامه
    ************

    أم عهد الغاليه الحبيبه
    خليكي هناك
    كلها هنا غش في غش

     
  • في الجمعة, أبريل 20, 2007 5:57:00 م , Blogger مـحـمـد مـفـيـد يقول...

    عزيزي محمد
    مبعرفش والله اكبرها مكنش ده بقي حالي
    وبعدين نجحوا انهم يقضوا عليه مش يخربوه
    **********************

    نورهان مفيد
    لا مش بدايه النهايه
    دي بدايه التصحيح لازم نعرف احنا عايزين ايه ونفوق بلاش بقي
    كفايه علينا كده

    **************************
    عزيزي الرائع شريف بقلمك الجاف
    انا في انتظارك في اي وقت ويكفيني تعليقك يا حبيبي ويشرفني طبعا رغم قلته
    فعلا المشكله انهم نسيوا اهم حاجه وماسكين في حاجات عبيطه
    وسلم لي علي شفيق جلال الله يرحمه

    ******************
    المميز / أحمد شقير
    كلامك منطقي ولكننا تعودنا علي الصمت فلما نتكلم يبقي شئ خفي

    ********************
    احمد باشا فيرو
    من غشنا فليس منا

    ******************

     
  • في الجمعة, أبريل 20, 2007 6:12:00 م , Blogger مـحـمـد مـفـيـد يقول...

    انجي
    نورتي البلوج وشكرا ليكي
    واصبح فعلا شئ يدافع عنه وكأنه حق من حقوقنا
    *********************
    استاذ / جمال
    تخيل حضرتك كده بقي طول عمرك بتقول لاولادك الغش حرام وشئ مشين ويروحوا يلاقوه في المدرسه حاجه عاديه خالص
    ***********************
    وحيد العيون
    دي زايده ومليانه علي الاخر كمان
    نورت يا باشا وابقي تعالي
    ***************
    باسم
    انا زعلان بس هاجي برضه
    **********
    مسلم
    رغم كل الوجع والاسي والهم
    الخير والله العظيم هييجي
    نورت المدونه وفي انتظار التواصل

     
  • في الجمعة, أبريل 20, 2007 6:35:00 م , Blogger نبض اسكندرية يقول...

    جميل قوى البوست دة يابو عبدالله

    ونزلتة بشكل اكثر من رائع

    ونتمنى اننا نربى الجيل الجديد على الحق

    وان الغش حرام بكل انواعة

    ونتمنى ان رسالتك تكون وصلت

    تحياتى

     
  • في الجمعة, أبريل 20, 2007 6:59:00 م , Blogger مـحـمـد مـفـيـد يقول...

    أسماء
    اشكرك علي كلامك الجميل
    واتمني ان تكون الرساله وصلت ولازم نزرع جوه كل واحد فينا كده

     
  • في الجمعة, أبريل 20, 2007 8:28:00 م , Blogger عمرو غريب يقول...

    بصراحة لما بتكون عادة متعود الفرد عليها منذ الصغر استحالة ان يبطل هذة العادة وهذة العادة هي الغيش الذي اصبحت ظاهرة في كل المدارس وطالما ان الصغار متعودين علي الغشن منذ الصغر في المدارس يبقي منستغربش لما بيكون في غش في الحاجات الاخري

     
  • في الجمعة, أبريل 20, 2007 9:13:00 م , Blogger حائر في دنيا الله يقول...

    شوف يا أو عبدالله يا حبيبي
    دي كما ذكرت في آخر موضوع عندي بوصف فوضى مميتة فإذا كان الفساد يقتل الناس على الطريق فإنه هنا يقتل أخلاق التلاميذ ويفسد ضمائرهم والدائرة كبيرة وواسعة ومشتركة بدءاً من البيت الذي لا يمنع ابنه من هذا ولا اتعجب ان شجعه على الغش ان لم يعرف الاجابة، والمدرسة التي تود ان تكون نتيجتها مرتفعة والمدرس الذي غاب ضميره والنظام الذي لا يراقب ولا يحاسب فهو مشغول في نفسه فقط
    فعلا فوضى مميتة والله أعلم الدور على مين ومتى
    ؟

    مع تحياتي الحارة لك ولعبوود الجميل

     
  • في السبت, أبريل 21, 2007 6:28:00 ص , Blogger يا مراكبي يقول...

    الله عليك

    أحلى كمان من البوست .. العنوان

    تحياتي

     
  • في السبت, أبريل 21, 2007 1:35:00 م , Blogger david santos يقول...

    tHANKS FOR YOU WORK AND HAVE A GOOD WEEKEND

     
  • في السبت, أبريل 21, 2007 6:45:00 م , Blogger sendrlla يقول...

    انا بشجع الغش فى الامتحانات دا مش غش دا مساعده

    وبعدين هما هيجوا على الطلبه ليه يعنى ما الدوله كلها بتغش جت على الطلبه الغلبنين يعنى

     
  • في السبت, أبريل 21, 2007 8:44:00 م , Blogger شــهــروزة يقول...

    اذا كان رب البيت بالغش عازف
    فشيمة أهل البيت النصب


    بس خلاص

     
  • في الأحد, أبريل 22, 2007 12:11:00 ص , Blogger محمد مفيد يقول...

    عمرو غريب
    اللي حصل معاهم دول طلبه في رابعه ابتدائي يعني لما يكبروا هتلاقي المسأله عادي
    انما لو اتعودوا علي الصح
    هتلاقي المواضيع اتعدلت شويه يا عمور
    ***********

    احمد حبيبي الحائر
    اولا عبد الله بيسلم عليك يا حاج
    الواقع مؤلم وقاتم
    بس اكيد التغيير جاي يا عم احمد
    **************

    احمد ثروت باشا

    اشكرك يا عمي علي الكلام الجميل

    **************
    david santos

    tHANKS
    ******************
    سندريلا

    كده ينفع يعني ؟

    *****************
    العزيزه / شهروزه
    فشيمه اهل البيت انهم يتخلصوا من رب البيت الفاشل والظالم
    والا ايه رأيك

     
  • في الأحد, أبريل 22, 2007 4:37:00 م , Blogger كلام لوجيك يقول...

    طبعا زي ما قال الاخوة اللى قبلى ان كلنا مسؤلين عن هذه العملية وعن تلك الفوضى الأخلاقية
    وللاسف دي سياسة عامة للدولة فى كل حاجه
    انا عاوز أقول ان الموضوع ده منتشر ومستفحل بشكل رهيب جدا
    عندي اخت فى 4 ابتدائي وفى يوم لقيتها جاية مبسوطة بعد الامتحان وبتقولى ان الاساتذه غششوهم وكتبولهم النتيجة عالسبورة
    طبعا تضايقت جدا وقولتلها يعنى كده مبسوطة من نفسك انك غشيتى؟؟
    نسيتى الحديث الشريف من غشنا فليس منا؟؟
    قالتلى
    لا والله يا ابيه انا ماغشيتش
    انا مارضيتش ابص عالاجابة اللى كتبوها

    للاسف الشديد انهم بيعلموا الراعم من صغرها على التواكل والغش وتدمير القيم الانسانية والدينية والفطرية السليمة بداخلهم
    واللى بيتعلم الغش فى صغره ... بيفضل طول عمره غشاش بعد كده

    شكرا لموضوعك المهم
    خالص تحياتى
    دمتم جميعا بخير

     
  • في الاثنين, أبريل 23, 2007 11:55:00 ص , Blogger مـحـمـد مـفـيـد يقول...

    كلام لوجيك
    اولا اشكرك جدا علي زيارتك لمدونتي المتواضعه واتمني التواصل بأذن الله

    شوفت انت عملت ايه مع اختك الصغيره وقولت لها ايه
    في تاس بقي بتهلل وتحس وكأنتها كده ميه ميه
    لازم احنا اللي نغير الغلط ده ونبدأ بنفسنا الاول

     
  • في الثلاثاء, مايو 15, 2007 2:12:00 م , Blogger الافغانى يقول...

    لمشاركة في حملة التامين الصحي هذا هو الموقع
    http://el7a2felse7a.wordpress.com

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية