فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، يوليو 28، 2008

ولكنه ضحك كالبكاء

فاز الأهلي وخرجت الجماهير الغفيره في حاله هوس تجوب الشوارع
وتجمعت الجماهير علي قلب رجل واحد من الصباح الباكر في الاستاد
لمشاهده المباره المصيريه
وفي أثناء الحشود الجماهيريه للاهلي والزمالك
يحترق فؤاد الشعب بأكلمه ونواح ولطم وعويل
ليس لضياع فلافيو هدف
ولا لهجمه أجوجو الخطيره
ولكن
ياعم اللي ماتوا دول فقرا
ملهمش ضهر ولا ديه
أيه المشكله لما يطلع براءه
يعني هو كان عمل أيه ؟
دول 1200 واحد بس
أيه الجديد ؟
يوسف والي اللي سرطن الدنيا كلها عايش وتمام التمام
وأحمد عز محتكر البلد وعال العال
وغيره وغيره
والشعب مسالم وبيتفرج علي الماتشات
ومسلسلات اللي مجننه الناس
وبيسمعوا اغاني كلها خبط ورزع
وضاربنها طناش
هو أحنا عايزين أيه بالظبط ؟
في مباراه للكره كلنا تمام
في جنازه لفنان كلنا أنتباه
شبعنا كلام وقرفنا
في ايه تأني متعملش فينا
والا اقولك
أربي العبدين أحسن لي

التسميات:

16 تعليقات:

  • في الاثنين, يوليو 28, 2008 12:12:00 م , Blogger هوندا يقول...

    هنقول ايه حسبى الله ونعم الوكيل فى الظالم والمفترى

     
  • في الاثنين, يوليو 28, 2008 12:24:00 م , Blogger محمد عبد الغفار يقول...

    ربيهم عشان هو ده الحل الوحيد

     
  • في الاثنين, يوليو 28, 2008 12:45:00 م , Blogger النجمة الصامدة يقول...

    ياليتني اجد الضحك حتى
    !!

    حسبنا الله ونعم الوكيل

    وكما قلت للبعض امس

    طول ماحنا كدا يبقى نستاهل الحرق

    ربنا يرحمنا ويتوب علينا من الذل بقى

     
  • في الاثنين, يوليو 28, 2008 2:16:00 م , Blogger خمسة فضفضة يقول...

    السلام عليكم ورحمة الله وبركاته

    " ولاتحسبن الله غافلاً عما يعمل الظالمون، إنما يؤخرهم ليوم تشخص فيه الأبصار. مهطعين مقنعي رؤوسهم، لايرتد إليهم طرفهم، وأفئدتهم هواء"

     
  • في الاثنين, يوليو 28, 2008 4:08:00 م , Blogger نونو يقول...

    انا لله وانا اليه راجعون

     
  • في الاثنين, يوليو 28, 2008 10:28:00 م , Blogger بنت القمر يقول...

    مش لا قيه كلام احسن من الايه اللي قالتها فضفضه

     
  • في الثلاثاء, يوليو 29, 2008 12:29:00 ص , Blogger يا مراكبي يقول...

    وفي بلد الإنصاف والعدل بتاعتنا دي .. لو ربنا وفقك وقدرت تربي العبدين يبقى إحمد ربنا .. دي كفاية قوي في وسط المشاكل دي كلها

     
  • في الثلاثاء, يوليو 29, 2008 11:46:00 ص , Blogger مصــــري..!! يقول...

    يارب وفق العبدين الي دنيا لا يجدوا فيها الا الخير.

     
  • في الثلاثاء, يوليو 29, 2008 8:55:00 م , Blogger hesham يقول...

    و الله ياباشا
    هو ده الحل الوحيد

    انك تربى العبدين

    ده مش حل جانبى للمشكلة

    ده هو ده الحل ذاته

    اخراج عقول سليمة و اشخاص صالحون للمجتمع قد يغير وجه المجتمع بالكامل

    و فى نفس الوقت همل اللى بيمثلوا الامل
    فى بكرة

    ربنا يخليهم للك يا باشا و يقدرك على تربيتهم احسن تربية ان شاء الله

    اخوك هش

     
  • في الخميس, يوليو 31, 2008 6:47:00 ص , Blogger ضـوء الـقـمر يقول...

    هنقول ايه بس
    حسبي الله ونعم الوكيل
    حسبي الله ونعم الوكيل

    ربنا يخليلك العبدين يا استاذ محمد وتربيهم احسن تربيه

     
  • في الخميس, يوليو 31, 2008 3:38:00 م , Blogger اهو ده عيبه يقول...

    ازيك يا استاذ مفيد وسامحنى لتقصيرى

    مش عارفه اقول ايه خصوصا اننا بلد اخترعت امثال من عينه يطلع زى الشعرة من العجين ويقتل القتيل ويمشى فى جنازته
    ودى كلها تنطبق على المهزلة اللى حاصله
    حتى الدرع اللى كان فاضل بنتحامى فيه طلع ورق وضيع كل امل لينا فى قصاص عادل
    حسبى الله ونعم الوكيل فى كل ظالم

     
  • في الجمعة, أغسطس 01, 2008 10:47:00 م , Blogger حائر في دنيا الله يقول...

    هو لا مؤاخذة والسؤال مش ليك خالص
    هو احنا اساسا بنربي العيال
    دي حتى حجة فارغة بنقولها ومش قادرين نعلمها

    ربنا يستر

     
  • في السبت, أغسطس 02, 2008 3:13:00 م , Blogger عاليا حليم يقول...

    ما أنز لما بقول كده يقوللي الناس عايزة تفرح بأي حاجة
    طب بالذمة يفرحوا بحل مشاكلهم صلاح ظروفهم آحسن بفوز الأهلي الأحسن ؟

     
  • في السبت, أغسطس 02, 2008 11:48:00 م , Anonymous غير معرف يقول...

    السلام عليكم
    اولا باسم الله ما شاء الله دائما فى تقدم وموصوعاتك تجنن انا بقالى كتير مش بدخل ولما بدخل بلاقيك فى ازدياد وتقدم ربنا معاك ويخلى لك العبدين وبقول نخليها فى الوسط ولاضحك اوى ولا بكاء اوى رغم ان كل حياتنا اصبحت بكاء

     
  • في الأربعاء, سبتمبر 10, 2008 10:14:00 م , Anonymous غير معرف يقول...

    فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

     
  • في الثلاثاء, سبتمبر 23, 2008 12:05:00 ص , Anonymous غير معرف يقول...

    ديما متألق كتابه .. وموضوعاتك هامه
    ومفيده . وفيها وطنيه ...
    .. وبرغم اختلافى معك فى وجهات النظر
    الا اننى اقدرك ... واحترمك
    شكرا لك ..والى الامام
    ... وخلى بالك انك لم تزورنى .. ولا مره ...
    نورهان .......

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية