فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، يونيو 04، 2007

شكراً لكي


عندما تولت الوزيرة عائشة عبد الهادي الوزراه وقالت في أحد البرامج التليفزيونية والتي هي ضيفه دائمة عليها كل يوم قالت بالحرف الواحد ( أنا لوحسيت أن عائشة الوزيرة هتتغير عن عائشة الانسانه سأستقيل فورا )

فلنرجع سويا إلي الخلف خطوات قليله ومنذ تولي الوزيرة وزاره القوي العاملة فظهرت الاحتجاجات والإضرابات عن العمل والاعتصامات من أسوان إلي الاسكندريه والوزيرة تقف مكتوفي الأيدي دون وجود أي حل لها حتى الآن رغم تواصلها والتعامل السلبي معها

جميع الخريجين متواجدين ليل نهار علي المقاهي وفي الطرقات وهي عاجزة عن توفير فرصه عمل لهم داخليا وخارجيا . مما زاد من حجم الكارثة بتوقيع تلك الاتفاقية الخسيسة والتي مهما تصنعت وتجملت الوزيرة واختارت لها أسماء في ورق سيلوفان لتلميعها إلا أنها اتفاقيه لسفر المصريات للعمل ( كخادمات )

أليس من باب أولي فتح المجال أمام التخصصات النافعة بدلا من سفر الخادمات ؟

أجاء اليوم علي مصرالذي أصبحنت فيه في مصاف الفلبين والهند وباكستان ؟

هل يا سيادة الوزيرة تقبلين علي ابنتك السفر تحت مظله هذه الاتفاقية ؟

ولتعلمي أن أي شخص من الممكن أن يكون وزيرا ً

ولكن من الصعب أن يكون الوزير أنساناً

يشعر بما نشعر به نحن كشعب

التسميات:

25 تعليقات:

  • في الاثنين, يونيو 04, 2007 3:13:00 م , Blogger ضـوء الـقـمر يقول...

    على فكرة انا معايا ثانوية عامة وهي معاها ابتدائية يعني انا المفروض اكون رئيسة الجمهورية هههههههه
    انا كده ضمنت مستقبلي خلاص هخلص وابقة خدامة بمؤهل عالي
    وليه يعني تفتح مجال للتخصصات ادام ممكن نفضل عايشين مذلولين اكتر من كده يعني تفتح مجال التخصصات وتجيب منين ناس تذلهم وتمرمطهم وتوريهم ان شهادتهم دي ولا حاجه عشان تقولهم انا خدت الوزارة بالابتدائية هشغلكم خدامين بشهادتكم العاليه
    حاجه بقت تكسف

     
  • في الاثنين, يونيو 04, 2007 6:15:00 م , Blogger شــهــروزة يقول...

    لو كانت تقبل أن بنتها تندرج تحت بند هذه الاتفاقية


    يبقا أنا موافقة عليها من الألف للياء

    تحياتى

     
  • في الاثنين, يونيو 04, 2007 7:50:00 م , Blogger يا مراكبي يقول...

    والله ما أخبيش عليك .. أعتقد إن الفلبين والهند وباكستان في وضع عام أحسن مننا كمان .. إحنا بقينا ورا قوي قوي بس مش واخدين بالنا خالص

     
  • في الاثنين, يونيو 04, 2007 8:12:00 م , Anonymous ام عهد يقول...

    موضوع رائع كما عودتنا يا اخى الفاضل
    استحاله اى حد من اللى فوق دول يحس انه انسان عادى جدا زى البشر اللى فى الدنيا وبعدين استاذى العزيز مين من اللى بيطلعوا فى التلفزيون ويتكلموا ويوعدوا حد منهم نفز ولو ربع كلامه لو كان اللى قبلها عمل بكلامه يبقه هى واللى بعدها هيعملوا
    حسبى الله ونعم الوكيل

     
  • في الثلاثاء, يونيو 05, 2007 12:04:00 ص , Blogger عمرو غريب يقول...

    بس سيبك من موضوع تصدير الشغلين من النساء الي دول الخليج والمهانةو التي تنبع من هذا الموقف بس والله العجيب الي بستعجبلة يعني ازاي واحدة معاة ابتدائية يعني يدوبك بتعرف تكتب وتقراءة تمسك وزارة يعني دة دليل علي ان التعليم في مصر ملهوش لازمة ومفيش فرق بين الجاهل و المتعلم في مصر والله ربنا يستر علينا الايام الجاية ممكن تلاقي ولية ممكن دة في واحد خريج طب القاهرة بيشتغل اهوجي والست هانم ام ابتدائية ماسكة وزارة بالفعل يانا العجب تحياتي ليك يا صديقي العزيز واتمني لك التوفيق

     
  • في الثلاثاء, يونيو 05, 2007 1:11:00 ص , Blogger A.SAMIR يقول...

    للاسف وزي ما انا قلتها قبل كدة
    احنا مابقيناش زي الهند وباكستان
    الناس دي عندها نووي وعلماء وصناعات متقدمة ورغبة في التطور
    احنا بقينا بننافس سريلانكا ونيبال
    ربنا يرحمنا
    تحياتي واحتراماتي

     
  • في الثلاثاء, يونيو 05, 2007 2:07:00 ص , Anonymous غير معرف يقول...

    نبض اسكندرية


    الله عليك يابو عبدالله

    بجد قضية هامة جدا ومعظمنا لم يسمع عنها ولكنك استطت تفجيرها لكن السيدة الوزيرة ليس لديها الكثير من الحلول حتى تقدمها لنا وكان اخر ما قدمتة لنا هذا الاقتراح العظيم السفر للخارج من اجل الكنيس والطبيخ والغسيل وجمع الاموال

    اظن البهائم هتكون احسن منا

    السيدة الوزيرة غير قادرة على هذا المنصب

    استقيلى او اطلعى انتى جربى وشوفى لو طلع موضوع الخادمات دة حلو ابقى ابعتلنا

    واشمعنا هيا؟؟؟؟؟؟؟

     
  • في الثلاثاء, يونيو 05, 2007 7:43:00 ص , Blogger نقطة مية يقول...

    الموضوع يكسف اوي...انا متخيلش ابقى في بيت واحدة صاحبتي خليجية و تدخل خادمة مصرية تقدملي الضيافة....بس كمان انا قريت كتير عن الموضوع ده و طلعت الوزيرة في القاهرة اليوم و قالت انها مستحيل تعمل كدة و ان البند رقم 8 في الاتفاقية هو اللي عمل الضجة دي "البند ده متعلق بجليسات لكبار السن"و هي بالتعاون مع الجانب السعودي قامت بلغيه....بس برضه في حاجة مش مريحة..لماذا تلوم على وسائل الاعلام و كل رجل حر ثورته عليها اذا هناك فعلا جليسات لكبار السن؟مع عدم وجود اختلاف بين مسمى الجليسة و الخادمة...و هل بعد لغي البند ده هنسمع ان الخادمات وضعوا تحت بند العمالة بعد لغي تصنيفهم لجليسات و برضه هيروحوا و المهم الورق بتاع البنود سليم؟؟

    ربنا يستر

    تحياتي اخي الفاضل

     
  • في الثلاثاء, يونيو 05, 2007 10:37:00 ص , Blogger امام الجيل يقول...

    فعلا سبحان الله اول ماشفت الحاجة دى قلت بجد شكلها هتعمل حاجة وشكلها صادقة بس نقول ايه بقى الناس دول ميجيش من وراهم خير ابدا فعلا واذا جه الخير بيخلعوه يا استاذ
    حسبنا الله ونعم الوكيل ممن خطفوا هذه البلد وافسدوها

     
  • في الثلاثاء, يونيو 05, 2007 11:09:00 ص , Blogger احمد رفعت يقول...

    المشكلة مش في الحاجة عائشة بس المشكلة في الحكومة اللى فيها دكاترة في لجامعة وكلهم تحس انهم مدخلوش المدرسة .

    المشكلة أكبر من الحاجه عائشة بكتير .

    محمد باشا انا لو زودت مش هتلاقيني علشان محسوبك ارفان من البلد من أوي التخين لحاااااااااد الطويل زالحدق يفهم .

     
  • في الثلاثاء, يونيو 05, 2007 2:56:00 م , Blogger ياسمين يقول...

    انا قلت رأيى فى الموضوع دة واتشمت بسببه فأعذرنى مش هقوله تانى
    تحياتى

     
  • في الثلاثاء, يونيو 05, 2007 3:48:00 م , Blogger hOby يقول...

    مش عارفة هما فعلا خربوها وقعدوا على تلها من زمان .. عايزيين يودونا فين تاني!
    سبحان الله زي ما يكونوا حلفين ليمصوا دم البلد للنخاع!
    هنقول ايه ربنا يرزق الناس صحوة عشان سبحانه وتعالى مش هايشيل عنا غضبه اللا لما نفوق ..

     
  • في الثلاثاء, يونيو 05, 2007 7:22:00 م , Blogger ahmEd_H يقول...

    jحياتى ليك على السؤال الذكى اذا كانت ترضى ان بنتها تروح او لا

    تحليل جيد

     
  • في الثلاثاء, يونيو 05, 2007 7:28:00 م , Blogger hapasa يقول...

    وزيرة القوى العاطلة
    باعت خدامين
    باعت بنى ءادمين
    باعت يا خونا مصريين
    باعتهم يا ناس لمين
    باعتهم للخليجيين
    طب فين نصيب الأمريكان
    واليهود والأسبان
    والصين عاوزلها حته
    وكوريا نفسها فى ستة
    وجالنا عرض م اليابان
    والامريكان فى أفغانستان
    عاوزة بنات من أسوان
    طب ماننزل نسوق فى فرنسا
    أصلى سمعت انى الطليان
    عاوزين يشتروا مننا نسوان
    وجه فاكس من زائير
    عاوزين رجالة ودلاديل
    طب ما نبعت احلى وزير
    بس الاول نقطع الديل
    دول بطلوا يشتروا
    حمييييييييييييييييييييييييييييييييير

     
  • في الأربعاء, يونيو 06, 2007 12:31:00 ص , Blogger voice of love يقول...

    خلى بنتها تروح الأول وتجرب
    وبعدين شكرا يا سيدى على استجابتك للتاج

     
  • في الأربعاء, يونيو 06, 2007 2:07:00 ص , Blogger Sharm يقول...

    الست دي انا بحترمها اوي اوي

    مدونتى فيها موضوع ريحته وحشة
    اللى بيقرف ميدخلش عندي

    :)))))))

     
  • في الأربعاء, يونيو 06, 2007 10:56:00 ص , Blogger مـحـمـد مـفـيـد يقول...

    ضوء القمر
    طالما معاكي ثانويه عامه تبقي تنفعي رئيسه للجمهوريه
    وزاره ايه يا بنتي

    *****************
    شهروزه

    تفتكري هتوافق هي؟

    *****************
    احمد ثروت

    ده انا كنت بقول علي دول علشان اننا بنزل اتارينا احنا اللي تحت
    ربنا يكرمك

    ******************
    أم عهد
    حسبي الله وتعم الوكيل
    مع انك اكتر واحده عارفه الوضع ايه عندكو

    *******************

    عمرو غزيب
    كانوا بيقولوا بلد بتاعت شهادات
    انما طلع تمثيل

    *******************

    احمد سمير
    هي وصلت لنيبال
    يا خبر ابيض

    *******************

    اسماء
    ياتري هتسمعك وتنفذ ؟

    ********************
    نقطه ميه

    بجد حاجه تكسف لما نبقي رخاص اوي كده ومحدش بيحس بينا

    تحياتي

    ********************
    أمام الجيل

    والله وانا كمان كنت مسابشر خير علي العلم انها زميله والدي وكان بيشكر فيها جدا

     
  • في الأربعاء, يونيو 06, 2007 11:01:00 ص , Blogger مـحـمـد مـفـيـد يقول...

    احمد رفعت
    والله الكل مخنوق
    بس انا مش حدق فهمني بالله عليكوبراحتك خالص

    نورت
    ***************
    ياسمين

    لاء لازم تقولي تاني وتالت ورابع علشان يحسوا ويعرفوا ان الناس كلها مش موافقه مش بنصقف وخلاص زي بتووع الوزاره

    *****************
    هبه

    البدايه مننا احنا لانهم ببساطه مش هيعملوا حاجه

    ******************
    أحمد
    اشكرك جدا يا عزيزي

    ******************

    منذر

    وعايزني اقول بعد اللي قولته حاجه

    ******************

    داليا

    والله يا داليا مطخون في الشغل
    معلش

    *****************
    احمد
    يا مساء الروايح
    ليه كده يا عم احمد

     
  • في الأربعاء, يونيو 06, 2007 1:37:00 م , Blogger ذو النون المصري يقول...

    اولا انا لا زلت محتارا في ما تقوله الوزيره من ان لاخر عن الكرامه و القوانين التي ستخضع لها الاتفاقيه لحفظ حقوق العاملات
    مستحيل يكون كلامها صحيح لان الرجال يتعرضون لانتهاك كرامتهم اصلا و لا تفعل الحكومه المصريه شيئا فما بالك بالنساء؟

     
  • في الأربعاء, يونيو 06, 2007 9:24:00 م , Blogger مـحـمـد مـفـيـد يقول...

    ذو النون
    والله المشكله ان العذر اقبح من الذني الا وهو ايجاد فرصه عمل لهم؟
    طيب الرجاله اللي ماليه البلد دي يعملوا ايه

     
  • في الأربعاء, يونيو 06, 2007 9:40:00 م , Blogger نورهان مفيد يقول...

    أنت قولت المفيد
    يامحمد يامفيد

    مش ممكن هتكون الوزيرة أنسانة تحس باللي بنحس بيه أحنا كشعب

    دي مصيبة مش أتفاقية
    وبعدين أنا عايزة أشوف الموضوع من ناحية تانية
    السعوديات مبيكرهوش في حياتهم أد المصريات
    والرجل السعودي بقي معروف من غير ما أكمل بيشوف المصرية أزاي

    يبقي أزاي بقي هتشتغل معاهم مصرية في البيت
    ودي بجد مهزلة
    وحسبي الله ونعم الوكيل
    فيكي ياست الوزيرة

     
  • في الخميس, يونيو 07, 2007 2:23:00 ص , Blogger مـحـمـد مـفـيـد يقول...

    ايه يا نورهان انتي راجعه سانه السكاكين علي الوزيره ليه كده
    :)
    انتي طبعا عارفه الازمه فين؟

     
  • في الخميس, يونيو 07, 2007 8:19:00 ص , Blogger متغيرة شوية يقول...

    هي تقريبا طنط عيشة كان نفسها تطلع خدامة فلما ما عرفتش قالت تخدم أهل بلدها
    صحيح هما المفروض يبقوا خدامات طلبة جامعة وبيجيدوا لغات .. يعني الشروط على مقاسي بالظبط اهو..هخلص السنة اللي فاضلالي في الكلية واطلع هوا على هناك..مرسي يا طنط عيشة

    الا هو صحيح ايه المغزى من الاتفاقات اللي طول النهار عايشين فيها دي؟ تلاقي كلوزير بتاع اي حاجة نفسه يطلع في التليفزيون يروح جايبلنا حد من دولة (صديقة) ويعدوا قعدة عرب يعملوا اتفاقية..علشان يحسانه مشهور والناس بتلعن في اسمه ليل ونهار

     
  • في الخميس, يونيو 07, 2007 9:18:00 ص , Blogger مـحـمـد مـفـيـد يقول...

    سلمي
    بجد والله الوزيره دي حصل لها تغيير كبير جدا وبعدين كفايه عليها كده

     
  • في الأحد, أغسطس 12, 2007 12:04:00 ص , Blogger محمد مفيد يقول...

    :(

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية