فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، نوفمبر 07، 2007

تحيه للنادي الاهلي

رغم خساره الكأس ورغم مراره الهزيمه ورغم حزني الشديد الا اني اشكر كل جمهور الاهلي العظيم
الذي ملئ جنبات الاستاد وأشكر جميع اللاعبين والجهاز الفني
انها الرياضه . فكم فوزنا من بطولات وكم حملنا الكأس وكم انتصرنا في نهائيات ورفعنا رايات النصر فهؤلاء هم ابطال افريقيا السابقين وهم ابطال الدوري . لابد من ان نشكرهم وان نقول لهم لكل جواد كبوه وانت كبير يا اهلي فليس بالضروره ان تأخذ كل بطوله تشارك فيها ولكن يكفيك فخرا انك شرفت كل الاهلويه
الي كل مشجع اهلاوي بحق
ارفعوا القبعات للنادي الاهلي ولهم كل التحيه فهزيمه بطوله ليست نهايه المطاف
دي لافته في مدرجات النادي المصري البورسعيدي
وجمهور الزمالك كان رافع علم تونس
وجمهور الاسماعيلي ضرب لاعبي الاهلي و هتف تونس طوال المباره

لما كل هذه الكراهيه والعداء للاهلي ؟

شكرا لكم ايتها الجماهير التي لا تعي معني الرياضه

وفهذا هو قدر الاهلي

التسميات:

49 تعليقات:

  • في الجمعة, نوفمبر 09, 2007 9:59:00 م , Blogger ibn nasser - ابن ناصر يقول...

    بشاير النصر ...
    _____________________________

    في صباح الاثنين اخذ اسلام نبية تلاتة

    في مساء الجمعة الاهلي اخذ بالتلاتة

    ...

    اللي مزعلني حاجه ان كل كورة بتضيع من الاهلي كانت السيدة سوزان مبارك ومبارك

    واما كانت بتفتكر الكورة جون للاهلي كانت بتبقي في قمة السعادة فيا خسارة

    فرحتهم راحت

    والحاجة التانية مدحت شلبي قال الاهلي قدامو اختيارين

    ياإما الفوز يا اما ولا سمح الله -مش عارف بيقول يعني حاجه عيب!- ان الاهلي يتعادل تعادل اجابي !!!!!!!!!!!

    اكن مفيش حاجه اسمها خسارررة!!!!

    والله قال كدة بالكلمة!

    ,,,,

    بس الحقيقه لازم نقولها

    ان الشرميطي غسلكم

    ونفخة نفخكم

    وسيلفا كواكم

    ....

    وبنقولكم هاااارد لك

    وان شاء الله تكسبو بس يعني التواضع حلو بلاش حكاية فوق الجميع والبطل اللي مفيش غيرة

    والاختيارين يإما الفوز او التعادل لا سمح الله !!!

    ...

    تحياتي

     
  • في الجمعة, نوفمبر 09, 2007 10:03:00 م , Blogger مـحـمـد مـفـيـد يقول...

    حبيبي أحمد
    طبعا أذا كان الاهلي كسب طبعا كانوا قالوا مبروك لمصر وأول ناس هتخرج تههل هي جماهير الزمالك لاننا ساندنا الاهلي واللي حصل دي افراد
    انما علشان خسر فالدنيا كلها هتعلق السكاكين للاعبين اللي شلناهم علي كتفنا من كام شهر
    للاسف
    هو ده مفهوم الكره عندكوا

     
  • في الجمعة, نوفمبر 09, 2007 10:08:00 م , Blogger ibn nasser - ابن ناصر يقول...

    فعلا الاعبين عملو الي عليهم وزياد
    انا معاك فعلا
    بس هيعملو ايه
    هو ده مقداركم
    وحجمكم
    الحقيقي

     
  • في الجمعة, نوفمبر 09, 2007 10:39:00 م , Blogger مـحـمـد مـفـيـد يقول...

    أشكرك علي روحك الرياضه
    :)

     
  • في الجمعة, نوفمبر 09, 2007 11:12:00 م , Blogger سكوت هنصوت يقول...

    هو راحت فين قاعدة انا واخويا على ابن عمي وانا وابن عمي على الغريب

    انا زملكاوية لكن حزينة على نتيجة الأهلي
    لإن اكيد الأهلي الي هو اخونا اولى من ابن عمنا الي هي تونس

    ولو تونس بتلعب مع اي دولة اجنبية

    يبقى تونس بنت عمي اولى من الغريب

    لكن ان الناس تشجع تونس كإن الاهلي ده إسرائيل فبصراحة ده غير مقبول

    ومش عايزة اقول وصفة يبقى ايه

    بس هنقو ايه
    سلوكيات الغوغاء

    تحياتي و تعازيي المخلصة

     
  • في الجمعة, نوفمبر 09, 2007 11:17:00 م , Blogger حــلم يقول...

    حقيقي كانت موقعة شرسة لكن فعلا كانوا رجالة واكيد الخسارة مش نهاية المطاف.. الغريب فعلا هو المشاعر السلبية من جماهير الأندية الأخري.. اللي بتوضح درجة تعصب سيئة ناتجة عن :فقدان الوعي وعدم وجود هدف كبير واحد بيضم الشعب الغلبان دة ولهذا نتجت الانتماءات الصغيرة لعدم وجود انتماء كبير راسخ.. شكرا لتحيتك لكيان محترم هو الأهلي

     
  • في السبت, نوفمبر 10, 2007 12:00:00 ص , Blogger اسكندراني اوي يقول...

    خيرها في غيرها
    الماتش كان حلو
    لكن الساحره المستديره مفاجئتها لا يمكن التنبا بها

    تحياتي

     
  • في السبت, نوفمبر 10, 2007 11:56:00 ص , Blogger No Fear يقول...

    السلام عليكم
    محمد
    طبعا زي ما أنت عارف أنا زملكاوي و كنت متفائل زي ما قلتلك قبل الماتش إن النتيجة واحد واحد لكن بالتلاتة جامدة حقيقي
    :))))))
    المشكلة إنكم خلاص لاغيتم فكرة الهزيمة من دماغكم بالرغم من إن متعة كرة القدم في مكسبها و خسارتها لكن أنتم سبب ضياع الأمتاع في الكرة المصرية لأنكم بتلمو كل اللاعيبه عندكم و اللاعيبه غلابة اللي يدفع أكتر يروحوا له طبعا فرغتم الأسماعيلي و الزمالك و المصري و الأتحاد و كنتم بتبعيوا في لاعبيتكم و ترجعوا تشتروهم تاني و تشتروا لاعيبه تنسوها الكرة أصلا من كتر الركنة
    ده أولا
    ثانيا الغرور ركبكم و لا مؤاخذه
    و تعملوا اللي يخضع لكم ملاك من السما و اللعيب اللي يحاول يظهر الله يرحمه
    و الأمثلة كتير في كل نقطة قلتها
    مثلا
    حسن مصطفي
    محمد شوقي
    وائل جمعة
    ابراهيم سعيد
    محمد عبدالله
    محمد صديق
    طارق السعيد
    .
    .
    .
    و كتير تاني
    و كل كوم مبادئ الأهلي
    كفاية عليك كده
    و كفاية علي كده علشان الناس هتشتمني أكيد

     
  • في السبت, نوفمبر 10, 2007 11:58:00 ص , Blogger No Fear يقول...

    السلام عليكم
    نسيت أهم حاجة مين اللي كان حاضر ماتش برشلونة و عزمتوه علشان يسلمكم الكأس في ماتش النجم
    أنت عارف أنا جبان مش هأقدر أقول
    :)))))
    ده أنت المفروض تشجع الزمالك علشان النقطة دي بس

     
  • في السبت, نوفمبر 10, 2007 1:21:00 م , Blogger عمرو غريب يقول...

    الاهلي رغم الخسارة سوف يبقي و يظل افضل الاندية الافريقية و ايضا سوق يبقي و يظل من افضل النوادي علي مستوي العالمي نظرا للانجازات الكثيرة جدا التي حققها و التي لا يستطيع اي نادي في العالم تحقيها بسهولة

    اما بالنسبة للجماهير المتعصبة ضدد الاهلي عندما يلعب بأسم الكرة المصرية
    فهي و الله و الله مريضة

    تحياتي لك و بالتوفيق

    عمرو غريب

    مدونة بيت الرياضة

     
  • في السبت, نوفمبر 10, 2007 5:03:00 م , Blogger Mohamed A. Ghaffar يقول...

    معلش السنه الجايه تفرج

     
  • في السبت, نوفمبر 10, 2007 6:55:00 م , Blogger مـحـمـد مـفـيـد يقول...

    الرائعه مها
    لم أجد ما اقوله لكي ايتها الزملكاويه التي تشجع دون تعصب
    فهذا ليس بجدبد عليكي

     
  • في السبت, نوفمبر 10, 2007 6:57:00 م , Blogger مـحـمـد مـفـيـد يقول...

    العزيزه حلم
    أشكرك علي تعليقك القيم فدائما ما تثري التعليقات
    والحقد والكراهيه لفئه عمياء لا تعي شئ

     
  • في السبت, نوفمبر 10, 2007 6:58:00 م , Blogger مـحـمـد مـفـيـد يقول...

    اسكندراني اوي
    حقا انها الساحره المستديره

     
  • في السبت, نوفمبر 10, 2007 7:05:00 م , Blogger مـحـمـد مـفـيـد يقول...

    محمد باشا جمعه
    والله العظيم انت نحس يا ابني
    بس من غير تعصب
    تعالي نفكر شويه
    طالما اننا ننادي بالاحتراف وبتطبيق الفكر الاحترافي ففكره اننا نفرغ الانديه دي حجه واهيه
    بدليل ان الزمالك هو الاخر ضم جميع انديه الدوري مثل
    احمد حسام - المقاولون
    عبد المنصف - مزارع دينا
    كريم زكري- المصري
    محمود فتح الله-المحله
    احمد مجدي-شريف اشرف - الاهلي
    اسامه حسن - مجدي عطوه - انبي

    وكذلك الاسماعيلي
    محمد فضل ومحمد جوده وهاني سعيد واحمد سمير فرج
    مش دول لاعبي الاهلي برضوا والا انا بفتري
    زي ما بتبيع بتشتري يبقي نغمه تفريغ الانديه دي نغمه زائفه

    نرجع لفكره الانتصار علي طول
    طالما انتوا مش عايزين الاهلي يكسب ما تلعب انت يا اخي وتكسب
    ليه تدور علي حد من بره يجي يغلب الاهلي وانت موجود؟
    ليه الكراهيه
    اقولك انا ليه
    علشان دايما الانسان اللي حاسس بشئ من النقص مش بيحب اللي احسن منه
    بلاش تعصب وفشل وندور نصلح نفسنا قبل ما ندور ازاي نتحالف علي بعض

    نورت يا جمعه واقعد اشرب شاي

     
  • في السبت, نوفمبر 10, 2007 7:06:00 م , Blogger مـحـمـد مـفـيـد يقول...

    عمرو غريب
    هذا هو قدر الاهلي
    ولكنه سيبقي الاهلي

     
  • في السبت, نوفمبر 10, 2007 7:07:00 م , Blogger مـحـمـد مـفـيـد يقول...

    محمد عبد الغفار
    ليس الرياضه فوز علي طول ولا هزيمه علي طول
    فعلا بكره نفرح
    نورت يا نجم

     
  • في السبت, نوفمبر 10, 2007 7:26:00 م , Blogger MariaM Bent Omran يقول...

    أزال المؤلف هذا التعليق.

     
  • في السبت, نوفمبر 10, 2007 7:30:00 م , Blogger MariaM Bent Omran يقول...

    مش هتكلم عن شماتة الزمالكوية و لا هقول احنا تعبنا من كتر البطولات و الألقاب...

    لأ أنا فعلا زعلانة اننا خسرنا امبارح و اتهزمنا هزيمة نكراء فعلا... و ده طبيعي نكسب 1000 ماتش و نخسر واحد

    و احنا يوم ما بنخسر بنخسر من برشلونة و انترناتسيونال البرازيلي انما النجم الساحلي ده كبوة... و الله مش بيقولك لكل جواد كبوة؟؟

    ماعلينا اظن كمان كان واضح قووي ضربيتين الجزاء امبارح...بس مش هعمل زي الزمالكوية و أقول الحكم قابض و اتعشى فين و اولول زي الزمالكوية في كل ماتش بيخسروا فيه انما هقول عاادي مش نصيبنا المرة دي نكسب


    انما هقوول لكل زمالكاوي شمتان روحوا اكسبوا الجيش الأول بعدين تعالوا اتكلموا


    و والله عيــــب اعرف ان فيه منهم في مدرجات التوانسة و بيشجعوهم و الله عيب
    و عموما مبرروك للنجم و ان شاء الله يكسب كاس العالم .. و الأهلي برضه هيفضل فوق الجميع

     
  • في السبت, نوفمبر 10, 2007 9:16:00 م , Blogger islamz يقول...

    الاهلى سيظل ملكا متوجا لعرش الرياضة فى مصر والقارة الافريقية .. ليس معنى خسارة
    بطولة نهاية العالم او سقوط الملك من فوق عرشه واللى يقول غير كده حاقد وكان هيبقي اول واحد ساكت لو ان الاهلى كان فاز باللقب .. شماتة الزمالكوية والجمهور الاصفر ليست الا تنفيسا عن احقاد دفينة
    من فريق كبير زى الاهلى اعتادوا ان يأتوا خلفه دائما .. عرفنا نحن الاهلاوية ان
    فريقنا فريق بطولات لذا كان من الصعب علينا تقبل الخسارة بسهولة .. ولكن لكل جواد كبوة .. ومننساش اننا خرجنا من ماتش النهائي يعنى مش زى اصحابنا الشمتانين .. كنت اتوقع كل تلك الشماتة ولكن ما لم اتوقعه ابدا هو محاولة محو كل امجاد الاهلى والتنبؤ بسقوطه ولكن ده بعيد عن شنباتكم الاهلى سيظل فوق الجميع بلاعبيه وجمهوره
    وادارته وبقيمه ومبادءه اللى مبيصدقوا يسمعوها ويقولوا اللى هيقولوه دلوقتى ..
    هارد لك يا اهلى والجايات اكتر من الرايحات ..
    تحياتى لك يا محمد

     
  • في السبت, نوفمبر 10, 2007 10:54:00 م , Blogger No Fear يقول...

    السلام عليكم
    مفيد باشا
    حلو قوي الكلام اللي أنت قلته شوف اللعيبه اللي أنت قلتها دي كم واحد منهم بيلعب أساسي أو لما كان في الزمالك لعب أساسي تقريبا الوحيد اللي مظلوم في اللي أنت قلتهم أسامة حسن و أخد فرصته بس مش كاملة
    أنتم في لاعيبه في الأهلي معرفتش حاجة في الأهلي غير الفلوس و الدكة و أشترتوهم فقط علشان ميلعبوش في الزمالك
    أنا معاك أننا أضعف من الأهلي و ده اللي بيخليني أصلا أشجع الزمالك
    و بعدين أهوة طوبة طوبة و أيد علي أيد نهد النادي الأهلي الحديد

     
  • في الأحد, نوفمبر 11, 2007 12:24:00 ص , Anonymous سلمي يقول...

    ياعم بقي ارحمني شويه لسه بدافع عن الاهلي وخمهوره انتي مسعتيش عملوا ايه في المدرب ياعم خليك ساكت احسن دول منحوسين علي فكره انا اهلويه وبحب الاهلي موت بس مش عارفه اقول ايه بعد الي حصل امبارح وعلي العموم البقاء لله زي مقال الي انا معرفوش

     
  • في الأحد, نوفمبر 11, 2007 12:30:00 ص , Blogger ibn nasser - ابن ناصر يقول...

    كده يا سكوت ماشي
    والله ما هنساها
    بعدين اخويا ايه وابن عمي ايه
    اما يبقي اخويا ده كفتجي ووعلي طوول كسبان يبقي كفاية
    بعدين بقول لواحد كنا بنشجعكم ومدرجات الاهلي مليانة زمالكوية
    قالي مانتو فقر نحستونا
    اقولة ايه!!!!!!!!
    اقولة احنا مش هنشجعكم تاني
    ..
    بعدين تومس مش اسرائيل اما يلاعب اسرائيل اكيد هشجع الاهلي
    تحياتي

     
  • في الأحد, نوفمبر 11, 2007 12:33:00 ص , Blogger ibn nasser - ابن ناصر يقول...

    واللي بيقولي روح رياضية ياريت تشوفو الفيدو الصغير ده بعناية
    ..
    بيتف وهيضربو!!!!
    http://www.youtube.com/watch?v=9_ws83VCZ2Q&eurl=http://t5at5a.blogspot.com/2007/11/blog-post_10.html

     
  • في الأحد, نوفمبر 11, 2007 9:31:00 ص , Blogger مـحـمـد مـفـيـد يقول...

    مريم عمران
    شوفتي يا مريم وقعه الكبير بيحصله ايه
    تلاقي كل الناس عامله فيها عندها فكر كروي والكل بيهاجم
    مش مهم فده قدر الاهلي زي ما قلت

     
  • في الأحد, نوفمبر 11, 2007 9:34:00 ص , Blogger مـحـمـد مـفـيـد يقول...

    islamz
    بصراحه تعبيقك يدل علي انك شخص محترم واحييك علي انتماءك وولاءك للنادي العظيم
    شرفت المدونه واتمني تكرار الزياره

     
  • في الأحد, نوفمبر 11, 2007 9:42:00 ص , Blogger مـحـمـد مـفـيـد يقول...

    محمد جمعه
    يا عم كل اللي انت قولت عليهم عملوا ايه للزمالك
    بقالكم 3 سنين مش عارفين تنافسوا حتي مش بتأخدوا بطوله
    انما اللاعبين اللي الاهلي جابهم جابهم علشان البطولات
    لازم تحدد انت جايب ليه مش بتجيب وخلاص
    وبعدين كفايه انك بتعترف انكوا ضعفاء
    عرفت بقي هو ده السبب ؟

    واحد شاي تاني يا جمعه

     
  • في الأحد, نوفمبر 11, 2007 9:52:00 ص , Blogger مـحـمـد مـفـيـد يقول...

    سلمي
    مش قولت لك
    انت شكلك وشك وحش علي الاهلي
    بس الاهلي هيفضل اهلي برضوا

     
  • في الأحد, نوفمبر 11, 2007 9:54:00 ص , Blogger مـحـمـد مـفـيـد يقول...

    ابن ناصر
    مش قولت لك يا احمد انت متعصب ولا تعي معني الكره جيدا
    ليه يعني دائما نتصيد الاخطاء
    عمر ما الزمالك عمل كده؟
    ليه يعني الاهلي دايما هو اللي محسوبه عليه كل حاجه نسيتوا اللاعبيبن وهي بتشتم بعض علي الهواء
    ولو عايز فيديوهات هبعتهالك لينك انت مش هحطها علي البلوج واما اصدق اي سقطه لاي حد

     
  • في الأحد, نوفمبر 11, 2007 1:11:00 م , Blogger محمد مارو يقول...

    الرياضه غالب و مغلوب و لو الاهلى فضل يكسب ع طول مش هنحس بطعم الفوز لازم الاول نشعر بمرارة الهزيمه ع شان نحسبطعم الفوز
    بس بجد دى مش كانتاى هزيمه دول3 ع ملعبه ووسط جمهوره و اما الريس
    تلاته من العياار الثقيييييييييييييل

     
  • في الأحد, نوفمبر 11, 2007 5:34:00 م , Blogger Dody يقول...

    بجد بجد بجد
    انا مش عارفه اقول ايه للزمالكويه وللاسمعلاويه
    يااااااااااه كل ده حقد انا مصدقتش لما عرفت انهم خرجوا يحتفلوا بالنجم
    بجد هو ده معدنكم الحقيقى
    ولا تعليييييييق
    اه نسيت اقول لما تبقى تكسبوا بطولات يبقى صوتكم يطلع ههههههه
    واووووووووووووووووووووه اهلاوووووووووووى
    والاهلى كبير وهيفضل طول عمره كبير
    وموتوا بغيظكم يا "زبلكاويه" انتوا واعوانكم اللى فى تل ابيب يووووه قصدى اللى فى الاسماعليه

     
  • في الأحد, نوفمبر 11, 2007 7:57:00 م , Blogger mohand يقول...

    السلام عليكم


    معلش يا ابو عبد الله
    جاي متاخر


    بس مش هتكلم عن جمهور الزمالك والاسماعيلي والمصري


    هتكلم عن اللي قال الحجه اللي دايما تتقال ان الاهلي بيفرغ الانديه

    اندية ايه اللي فرغها

    خد ابو تريكة منين؟
    ولما خده خد حد تاني من نفس فريقه؟

    يبقي فين التفريغ ؟


    خد بركات والشاطر والنحاس من الاسماعيلي ولا كانوا بايعينهم اصلا؟


    طارق السعيد ومعتز اينو كانت عقودهم خلصت ولا لسه؟


    وبعدين يا اخي اللعيب دا مش بني ادم عايز يلبس ويتجوز وياكل ويعيش

    لما فرقكم تعرف تصرف علي اللعيبه ابقوا اشتروهم

    ومتقوليش انكم فقراء لا سمح الله

    النادي الزمالك فيه فلوس كتير بس الحرامية فيه اكتر


    تحياتي

     
  • في الأحد, نوفمبر 11, 2007 8:37:00 م , Blogger ibn nasser - ابن ناصر يقول...

    مفيد غيرت اسم الفيديو واسلوب الكلام
    ارجوك تشوف عشان حسيت اني غلطان
    تحياتي

     
  • في الاثنين, نوفمبر 12, 2007 10:19:00 ص , Blogger مـحـمـد مـفـيـد يقول...

    محمد مارو
    الهزيمه ليست نهايه المطاف
    ولكن الحزن لانها كانت غير متوقعه

     
  • في الاثنين, نوفمبر 12, 2007 10:21:00 ص , Blogger مـحـمـد مـفـيـد يقول...

    رضوي
    نورتي بجد ودائما ما افتقد تعليقاتك
    هذا هو قد الاهلي ودائما الانسان يكره ما هو احسن منه
    فده دليل علي عجز الزمالك والانديه الاخري
    سيبك انتي
    الاهلي هو الاهلي

     
  • في الاثنين, نوفمبر 12, 2007 10:22:00 ص , Blogger مـحـمـد مـفـيـد يقول...

    مهند
    شرفت يا نجم
    واحييك علي كلامك الممتع
    واهنئك لانتماءك لهذا النادي العظيم

     
  • في الاثنين, نوفمبر 12, 2007 10:23:00 ص , Blogger مـحـمـد مـفـيـد يقول...

    ابن ناصر
    :))))))
    يا حبيبي من حقك ان تكتب ما تشاء في مدونتك ولكن لا داعي للتعصب الاعمي

    احييك علي سعه صدرك

     
  • في الاثنين, نوفمبر 12, 2007 3:27:00 م , Blogger شادي فايد يقول...

    اصلا وصول الأهلي للنهائي
    انجاز لوحدة
    :)

     
  • في الاثنين, نوفمبر 12, 2007 4:00:00 م , Blogger همسات يقول...

    سواء أهلاوى أو غيره
    مالهاش دعوة غير بالاخلاق
    لأن الرياضة اخلاق

    هارد لاك للأهلى وبإذن الله يعوض

     
  • في الثلاثاء, نوفمبر 13, 2007 8:39:00 ص , Blogger فى القلب يقول...

    حتى البرازيل يا محمد بتخسر

    الحسره ألى حصلت دى أنكم بتعملو الاهلى


    أنه ألله الكره فى مصر مش ممكن يخسر

    و طبعا بعض الجماهير القله ألى أبدت شماتها فى الأهلى دى ليس عندها أى وعى أو تربيه

    يعنى لو ميه مش مقارنه بجماهير الزمالك العريضه و الى كانت قاعده تشجع أسم مصر من وراء الشاشه

    أنا زمالكاويه و سأنى الموقف ده أوى

    و ربنا يوفق الزمالك و الأهلى لامتعنا فى النهايه


    الواحد بس مش زعلان غير على الأثنين مليون دولار ألى سافرو تونس
    تقلش كنت هقبضهم أنا

     
  • في الثلاثاء, نوفمبر 13, 2007 11:53:00 م , Blogger وينكى يقول...

    ممكن أستغل المساحه دى واعمل اعلان صغير
    نوفمبر يا جماعه16 ..مستنياكو يوم الجمعه الجايه الساعه 8 م..قاعة الحكمة بساقية الصاوى
    هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
    تعالوا وقولوا للحبايب

     
  • في الأربعاء, نوفمبر 14, 2007 2:29:00 م , Blogger ابو مفراح يقول...

    بصراحه الزعل مش حيجيب نتيجه لازم نقول اننا لازم نستفيد من المباراه و نعمل لما بعدها اعتقد بان الاهلى مقبل على تغييرات جذريه

    تحياتى اليك
    ابو مفراح

     
  • في الأربعاء, نوفمبر 14, 2007 3:15:00 م , Blogger مـحـمـد مـفـيـد يقول...

    شادي

    بجد انا سعيد لعودتك والاهلي حديد

     
  • في الأربعاء, نوفمبر 14, 2007 3:16:00 م , Blogger مـحـمـد مـفـيـد يقول...

    همسات
    شكرا علي تعليقك الجميل

     
  • في الأربعاء, نوفمبر 14, 2007 3:16:00 م , Blogger مـحـمـد مـفـيـد يقول...

    رشا
    من القلب
    الاعلام مش احنا
    وطالما مفيش اي منافس فلابد من التعامل مع الاهلي هكذا
    نورتي المدونه واقابلك بعد القمه

     
  • في الأربعاء, نوفمبر 14, 2007 3:17:00 م , Blogger مـحـمـد مـفـيـد يقول...

    وينكي
    البيت بيتك

     
  • في الأربعاء, نوفمبر 14, 2007 3:18:00 م , Blogger مـحـمـد مـفـيـد يقول...

    أبو مفراح
    الزعل فتره مرحليه نتمني تجاوزها سريعا
    فالاهلي اهلي

     
  • في الخميس, نوفمبر 15, 2007 9:53:00 ص , Blogger أُكتب بالرصاص يقول...

    أبو حميد

    الاهلى خسر بفعل فاعل
    وفاعل مرفوع بالضمة كمان


    مش بالواو .!

    حسبنا الله ونعم الوكيل

    بس برضه الكاس في بيتها

    تونس مننا وعلينا

    يا قلبي لا تحزن

     
  • في الخميس, أبريل 03, 2008 10:08:00 م , Anonymous نادي يقول...

    لا طبعا محدش ليه حق يزعل من جمهور الاهلي
    الاهلي الاول في بطولتين و التاني في البطوله التالته و ده شرف موصلشي ليه اي نادي من الاندية اكبري مش الاندية الفاشله الي ما تعرفش تعدي دور ال 64 في اي بطوله تعبانه ده اذا وصلت اصلا لبطوه دوليه

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية