فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، أغسطس 13، 2007

كدابين الزفة

ماتت كريمه وقبلها بدور وبعدها يوسف وسنجد كل يوم ضحية جديدة ولكن ليس بسبب الختان كما هلل ونادي بها مفتي الجمهورية المبجل والذي لم نسمع له صوت في غلاء الأسعار أو عدم وجود قطره الماء للشرب ونادي بتجريم وحرمانيه الختان علي الرغم أنه في كتابه ( الدين والحياة ) أجاز فيه عمليه الختان ولكن للأسف .
لن أتحدث عن مدي حل أو حرمانيه الختان فماتت كريمه وبدور ويوسف ( أبن زميل لي ) يبلغ من العمر عامين بسبب جرعه بنج زائدة وهو يجري عمليه بالقلب ولكن سرعان ما خرجت علينا كدابين الزفة من منظمات المجتمع المدني تنادي وتندد وتشجب الختان وكأنه وليد اليوم ووجدوا موضوع يضيعون فيه أوقات فراغهم ويظهرون علي الساحات الاعلاميه ونسوا أخر استقصاء للمجلس القومي للمرأة علي الأمهات المصرية فوجدوا 97 % من الامهات المصريه قد أجروا عمليات ختان وقامت الدولة المحترمة بدفع ملايين الجنيهات وحملات توعيه للتصدي إلي الختان ونسوا مشاكل التعليم ومشاكل المياه حتى الخبز الذي عجزت الدولة علي توفيره تركت كل هذه المشاكل وتفرغت للختان

ولن نسمع عن مصير الطبيبة التي تسببت في قتل بدور

ولن نسمع عن الطبيب الذي قتل كريمه

لان ببساطه نجحوا كدابو الزفة في تمييع الحقيقة وإيهام الناس بأن الختان هو الطامة الكبرى وعدم التصدي للمشكلة الازليه التي ستستمر اليوم وأمس وغداً فهناك الألف مثل بدور وكريمه ماتوا بأخطاء الأطباء لكن للأسف ليسوا علي هوي كدابين الزفة حتى يتم تلميعهم أعلامياً.

أنا مع عمليات الختان التي تتم تحت أشراف الدكاترة والمتخصصين وليس عند حلاق القرية أو دكتور معاه دبلوم أو عيادة تحت بير السلم .

فلو أرادنا أن نقوم بالتصدي لعمليات الختان فمن باب أولي أن نقوم بإلغاء قسم الجراحة في الطب لأنه في النهاية عمليه ختان أو عمليه الزايده أو عمليه في القلب في النهاية المصير واحد وهو الموت مادامت هناك أصوات تحاول إيهامنا بالأشياء الزائفة بعيداً عن الحقائق المؤكدة .

39 تعليقات:

  • في الاثنين, أغسطس 13, 2007 11:20:00 م , Blogger مدونه انا بحبك يا مصر يقول...

    انا معاك فى موضوع الختان
    الدوله سابت مشاكل البنيه التحتيه والتعليم والصحه وفضيه للقرائه لجميع بدل الميه للجميع
    وفضيه لموضوع الختان وسابت مشاكل الدم المولث والاهمال الطبى فى المستشفيات دة ملف كبير جدا
    احمد الجيزاوى

     
  • في الاثنين, أغسطس 13, 2007 11:32:00 م , Blogger ذو النون المصري يقول...

    الحكومه خلاص ايديها افلت منها كل شيء في البلد و لم تعد قادره علي التحكم في اي شيء حتي في الاسعار
    فاي شيء تلهي به الناس و القيادات الشعبيه و الاعلاميه هو شيء مهم بالنسبه لها
    و لا تنتظر ابدا من حكومه انتهت بمصيرنا الي هذا المنحدر ان تفكر في مصلحتنا
    لابد ان تفكر في الهائنا بالدرجه الاولي
    تحياتي

     
  • في الثلاثاء, أغسطس 14, 2007 1:33:00 ص , Blogger هاني جابر يقول...

    لا أملك إلا ان اقول حسبي الله ونعم الوكيل

     
  • في الثلاثاء, أغسطس 14, 2007 8:07:00 ص , Blogger Mohamed A. Ghaffar يقول...

    لا دفاع عن الختان ولا زم فيه

    انما بتكيف اوى اما بلاقى حد بيفهم

     
  • في الثلاثاء, أغسطس 14, 2007 1:19:00 م , Blogger Monzer يقول...

    اولا
    انا مكسوف منك قوى قوى
    ومش عارف أعمل ايه علشان تسامحنى
    او انا أسامح نفسى
    اعذرنى فعلا
    بس ظروف الشغل الى باه اتناشر ساعة
    اعذرنى والله ده انا بعلق من الشغل
    بس ايه توراد الأفكار ده
    نكلم فى نفس الموضوع وفى نفس الوقت

    بص فيه كبسة دلوقتى
    هاجيلك بعد شوية

     
  • في الثلاثاء, أغسطس 14, 2007 6:02:00 م , Blogger No Fear يقول...

    السلام عليكم
    تعرف أنا لسه عارف أول أمبارح أن كريمة توفت بسبب البنج كنت متخيل بس الختان
    و الله مش عارف يتقال أية
    بس يعني ممكن يروحوا يلمو الفوط من بطون المرضي و بعدين يجوا يتكلموا علي الختان الغريب أن الطبيب تلاقيه عادي جدا و نقيب الأطباء يقلك الطبيب بشر من حقه يغلط
    حسبنا الله و نعم الوكيل

     
  • في الثلاثاء, أغسطس 14, 2007 6:18:00 م , Blogger حائر في دنيا الله يقول...

    ربما لأن أمريكا والاتحاد الأوربي لا يضغطن بقوة في مسألة التعليم والصحة بقدر ما يرغبن في مسألة الختان تلك
    للأسف نظرية المؤامرة هي ما اقنعتني بعد كل ما حدث مؤخراً، فيا يعم الحاج (من الحق نسيت ابارك لك ع العمرة) حكومتنا العبيطة لا تسير وفق ما نريد نحن بل ما يريدونه هم ليس أكثر ولا أقل ونحن أو اغلبيتنا في النهاية نجري ورائهم ككذابين الزفة
    للأسف

    مع تحياتي
    السلام عليكم

     
  • في الثلاثاء, أغسطس 14, 2007 7:49:00 م , Anonymous ام عهد يقول...

    الله عليك يا ابو عبدالله دايما بتضع يدك على المواضيع القيمه الزوقيمه انا فعلا سعيده بيك وبمدونتك الرائعه
    طبعا انا معاك فى موضوع ختان البنات
    لان فعلا فى بنات بيكون لازم لها ذلك ولكن المشكله مش فى الختان المشكله فى انعدام الضمائر الذى اصبح سمه من سمات العصر فى بلدنا هقول ايه غير حسبى الله ونعم الوكيل وربنا يرحمنا برحمته يارب
    شكرا لك

     
  • في الثلاثاء, أغسطس 14, 2007 11:06:00 م , Blogger mariam يقول...

    فى موضوع مهمل فى الدوله
    موضوع الأهمال الطبى
    انا بسمع عن حالات كارثيه بتحصل فى مستشفيات عديده
    و غالبا بسبب التخدير
    اللى بيدخل يعمل عملية لوز دلوقتى
    اللى هى ابسط حاجه
    بيخاف ميخرجش تانى
    المصيبه هى عدم محاسبة الأطباء

     
  • في الأربعاء, أغسطس 15, 2007 3:25:00 م , Blogger رفقه عمر يقول...

    ليه مش بيجرموا عمليات التجميل اللى انتشرت كالطاعون فى هذه الايام
    حسبى الله وعنم الوكيل على علماء لفتنه

     
  • في الأربعاء, أغسطس 15, 2007 3:36:00 م , Blogger soha يقول...

    طب ده عن الختان و نسيت من فترة قريبة حدودة الحجاب لما الدنيا قعدت و ماقمش؟
    اهي بلد و ناس هايفة يمسكوا في الرفايع و يسيبوا البلاوي و يرجعوا يقولوا ان الفساد مرض و ساير ف البدل
    ماهو لو بيحلوا التقايل و يبعدوا عن الهايف مكانش بقي ده حالنا
    و الله يرحمك يا عبد الناصر

     
  • في الأربعاء, أغسطس 15, 2007 8:46:00 م , Blogger نورهان مفيد يقول...

    وبرغم كل ده مش هيكونوا اخر الضحايا هما مش منعوا الختان بقرارات رسمية بعد فترة هنسمع تانسي وتالت
    انت قولتها كل موضوع يتميع ويتفرع ونسيب الاساس ونطلع للفروع

    حسبي الله ونعم الوكيل فيهم كلهم

     
  • في الخميس, أغسطس 16, 2007 3:05:00 ص , Blogger ابو مفراح يقول...

    يا شيخ تسمحلى اقولك ماهو دة شغل كايرو برده

     
  • في الخميس, أغسطس 16, 2007 4:03:00 م , Blogger mozn يقول...

    لا يا محمد البنات بتموت من الختان ومش بس من جرعة البينج الزايدة والاستهانة بموت واهانة البنات دى بتعرضيهن للختان أمر مرعب
    عملية الختان ومأساتها لاتقل عن مشاكل التعليم والصحة لان اجساد النات دى و نفسياتهم وحياتهم مش لعبة
    وكدابيين الزفة- اللى مش عاجبينك- دول بيتكلموا عن الموضوع من عشرات السنين وان احنا مكناش سمعينهم لا يعنى انهم مكانوش موجوديين وبيشتغلوا على القضية
    وهناك الالاف ماتوا زى بدور وكريمة من عمليات الختان وملايين اتشوهت نفسياتهم وعلاقاتهم بسبب تلك العملية
    انا مش هتكلم فى دوافع المفتى لانه أكيد فى رغبة حكومية لتجريم الختان ولكن تلك الرغبة لاتنفى الحقيقة وهى وجوب تجريمه ولو ترجع لكل الدول الاسلامية لن تجد من يقوم بتلك العملية سوانا
    والتصدى لعملية الختان مختلف عن التصدى للعمليات الجراحية فمأسى الختان ليس فقط كغيرها من العمليات ولا اولوية لواحدة عن الاخرى
    انا ضد كل عمليات الختان ولا يجب ان نستمر فى التعامل مع قضايا المراة على انها قضايا ثانوية يمكن الانتظار فى حلها حتى موتهم مبيحركناش واللى ميع القضية انت مش التانيين لانك ربطها بقضايا قومية وحطيتها فى الديل
    اسفه على الاطالة

     
  • في الجمعة, أغسطس 17, 2007 12:19:00 ص , Blogger ضـوء الـقـمر يقول...

    نتناقش ونجادل في امور الدين اه
    نصلح الاخطاء ونناقش المشاكل في دنيتنا لا
    هو دي النظريه اللي احنا ماشيين عليها
    افتكروا دلوقتي يتكلموا في موضوع الختان؟ولا هم بياخدو المشاكل بالاقدمية؟
    ولا اهي اي حاجه تغطي على اي حاجه والسلام
    ولنفترض مثلا ان الحالات دي فعلا ماتت بسبب الختان
    ففي حالات اكتر واكتر واكتر ماتت بسبب الاهمال الطبي
    حسبي الله
    تحياتي

     
  • في الجمعة, أغسطس 17, 2007 6:29:00 م , Blogger مصراوي أوي يقول...

    بجد بجد من اجمل ما قرأت بخصوص هذا الموضوع

    وكلام مختصر ووافي

    بارك الله فيك وبضم صوتي لكل كلمة انت قلتها

     
  • في الجمعة, أغسطس 17, 2007 6:42:00 م , Blogger sokoothansawat يقول...

    يا ترى لو كان الذي قتل طفلا ذكرا أثناء عملية اختتانة كان رد فعل المفتي والدولة سيكون نفس رد فعلهم الحالي؟؟

    اتفق معك و بشدة في أن الدولة بتيجي في الهايفة و تتصدر..و ترى الأمور من منظور شديد الغرابة... إيه علاقة السمكة بالعجلة...طفل قتل من جرعة تخدير زائدة..بصرف النظر عن سبب العملية..كيف ينتهي الحال بإلغاء العملية...انا شخصيا لا اجد في الختان قضية تستحق كل هذه الهوجة المطروحة..و لا اشجعة شخصيا..لكن بصر النظر عن رايي الشخصي..فلا شكل ان الدولة تناولت الأمر بأجندة خاصة جدا..غريبة جدا

    مقال حقيقي رائع و فعلا...في الصميم

    تحياتي

     
  • في الجمعة, أغسطس 17, 2007 7:48:00 م , Blogger وطـــني يقول...

    سبحان الله نفس الموضوع قرات عنه في مدونة أخي منذر (حين البأس)و و المقالان رائعان وبعد إذنك سوف أضع نفس التعليق
    ...........
    أجمل وصف قراته حول هذا الموضوع
    هو وصف هؤلاء النسوة بالحيزبونات و من يقرأ لهن لا يحتاج لطول تفكير في إشتراكهن في مؤامرة ضد الاسرة المصرية والهدف الواضح والمؤكد لهذه الحملة هو نشر الرذيلة
    على الجانب الآخر أخي محمد هناك من جعل الختان معركة الإسلام الكبرى وهو (كما تعلم )ليس كذلك إنما هو مكرمة ويخضع لرأي الطبيب الثقة هو الذي يقرر ما إذا كانت البنت في حاجة إليه أم لا

     
  • في الجمعة, أغسطس 17, 2007 9:56:00 م , Blogger هيما يقول...

    انا ضد الختان حتي ولو كان تحت يد اطباء

     
  • في الجمعة, أغسطس 17, 2007 11:20:00 م , Blogger tota يقول...

    محمد
    يجوز الغضب من ان روح انسان تضيع بيخلينا نعمم الفكرة

    كل مهنة فيها اخطائها لان فى الاول والاخر صاحب المهنة انسان غير معصوم لكن مهنة الطب بالذات الخطأ بيساوى روح انسان مع انتفاء تعمد ازهاق الروح بالطبع
    وده مش دفاع ولا مبرر بالعكس ده ادعى انه يكون حريص لان فى ايده روح انسان ومش هدخل فى مهاطرات فكره ان الدكتور ده متبهدل ازاى ووارد بعد كل البهدلة اللى هو فيها انه يعمل غلط
    وقصاد الغلطة فى مليون روح برده انقذتها ايد جراح

    هرجع تانى بقى لفكرة الراى العام اللى اتعودنا منه انه يخرج عن الموضوع ويدور على جوانبه الفرعية زى ما شرحت انت
    وايه الفرق بين الدين والموروثات
    وايه دور المجتمع بعيدا عن الاعلام
    وليه مفيش استجابة رغم وجود ضحايا
    وايه العقليات اللى رافضة التغيير دى
    فى مليون سبب وسبب مش الحكومة ولا الاعلام هما السبب فى
    الشعب المصرى غريب فى فكره ويتحمل مسئولية كبيرة فى كل اللى بيحصل
    ومش قادرة ادافع عنه اكتر من كده
    لان كل المشاكل اللى فى مصر نص الاسباب فيها هو احنا ومحاولة التغيير حتى مش موجودة

    فاضل جملة واحدة وجب عليك تحديد رأيك فيها مع ختان من ؟ لان ختان الاناث مرفوض تماما ولا على يد اى حد حتى لو وزير الصحة

    يظهر يا محمد اننا شعب اتعود ان التغيير لازم بالاجبار مش بالاقناع ومش هينفع غير غرامة او حكم على اى اسرة تعمل كده فى بناتها ودى حاجة مؤلمة جدا


    تحياتى

     
  • في السبت, أغسطس 18, 2007 1:04:00 ص , Blogger مـحـمـد مـفـيـد يقول...

    مدونه انا بحبك يا مصر
    ذو النون المصري
    هاني جابر
    Mohamed A. Ghaffar
    Monzer
    No Fear
    حائر في دنيا الله
    ام عهد
    mariam
    رفقه عمر
    نورهان مفيد
    soha
    ابو مفراح
    ضـوء الـقـمر
    مصراوي أوي
    sokoothansawat
    وطـــني



    أشكرك تشريفك الجليل للمدونه واري أن الدوله عاجزه عن حل اي مشكله ولابد من الاعتراف منها بذلك وكم من أخطاء أرتكبت وممارسات أنتهكت ولا أحد يحرك لها ساكن
    أشكر أتفاقكم معي في الرأي أسف في الرد المجمع لاني بجد مشغول شويه
    بجد أشكركم جدا

     
  • في السبت, أغسطس 18, 2007 1:13:00 ص , Blogger مـحـمـد مـفـيـد يقول...

    mozn العزيزه
    هيما باشا
    العزيزه التي أفتقدها بجد توته

    بجد والله أنا من أكثر البوستات التي أتعرض فيها للنقد وأكون سعيد بأختلاف وجهه النظر وانا سعيد جدا برأيكم
    ولكن انا من وجهه نظري المتواضعه أن موضوع الختان ليس اقصد من تقليل من دور المرأه كما قالت مزن ولكن أعتقد أنكي يا مزن تعرفي رأئي في المرأه كما قلت لكي قبل ذلك دون الرجوع اليه وانا لا اقصد ان اجعلها قضيه مرأه او قضيه رجل ولا احب لغه التفريق بين النوعين فكلنا مكمل للاخر
    مفيش حاجه أسمها أولويات وثانويات للمشاكل كلها مشاكل لابد من العمل علي حلها
    اما بالنسبه لموضوع الختان
    فمن السنه النبويه أحاديث تدل علي الختان وليس دليل علي أن المجتمعات العربيه معظمها لا تقوم بالختان فأنها دليل علي عدم مشروعيته
    أنا لم أقول انه فرض او سنه ولكن انا اري انه تعرض البنت علي الدكتور المختص وهو الذي يحدد انها تحتاج الي ختان ام لا واعتقد ان التخصص هنا مطلوب
    انما نأخذ الامور قهر كما قالت توته فلماذا الجوانب الدينيه هي التي دائما الحيطه المايله للحكومه والعلماء
    ونسينا معظم المشاكل المحيطه ونعمل ليها ودن من طين ودن من عجين
    فلماذا لم تحدث الضجه علي الختان من سنوات مضت ولم نكن نسمع عن حالات توفيت بسبب الختان أخذنا الاخطاء ونسن لها قوانين علي اهواءنا
    المشكله كما قالت توته في سلوكياتنا نحن ولكنلاننا نصدق في لحظه ويتضحك علينا في لحظه

    أسف للاطاله وسعيد جدا برأيكم

     
  • في السبت, أغسطس 18, 2007 6:44:00 م , Blogger ياسر سليم يقول...

    العريان وراء القضبان

    شاركنا فى حملة التضامن مع الدكتور عصام العريان

    على مدونتى

     
  • في السبت, أغسطس 18, 2007 10:27:00 م , Blogger أحمد المصري يقول...

    الدكاترة مش لاقية اللي يلمهم..والنقابة معدش ليها لازمة,دول مش كدابين زفة بس دول كدابين كل حاجة..
    الظاهر إنهم معادوش بيعلموا تخدير في الكلية0

     
  • في السبت, أغسطس 18, 2007 11:22:00 م , Blogger صاحب البوابــة يقول...

    فعلاً

    وصف جميل جدا

    كدابين الزفة

    :)

    ينطبق عليهم تماماً

     
  • في السبت, أغسطس 18, 2007 11:45:00 م , Blogger rony يقول...

    ياه يااستاذ محمد....عامل ايه وعبدالله عامل ايه
    يارب يكون كويس
    بجد شكرا على كلامك الجميل عندى وعقبال عبدالله ان شاء الله فى حياتى
    نيجى بقى لموضوعنا الجامد جدا
    زى ما الناس علقت كلها عندك وبصراحه انا مقدرش افتى فى موضوع الختان ده علمه عند ربنا بس فعلا هى المشكله مشكله دكاتره مش العمليه نفسها
    انا فاكره مره زمان وانا صغيره كان فيه مشكله جامده جدا كانت بنت صوروا عمليه ختانها عند حلاق صحه واتذاعت تقريبا على ال cnn او الbbc
    مش فاكره بالظبط وبرضه كانوا بيهاجموا اهل البنت على العمليه مش على الحلاق اللى عملها
    هى دى طريقتنا وحياتنا واسلوبنا من زمان
    نسيب المشكله الكبيره او المصيبه بمعنى اصح ونمسك فى الهيافات الصغيره مع الفرق طبعا فى حجمها
    بس لما تقارن حرمانيه او حلال الختان من دكاتره مش عارفين يدوا لمريض حقنه بنج يبقى العيب فى مين
    فى البنج طبعا
    وقال يقولك طب من كليات القمه
    حسبى الله ونعم الوكيل
    ام هند يعنى هى شكلها خطه من الحكومه علشان تخف الزياده السكانيه شويه
    ربك يسترها
    انا من الاول قولت ولادى مش هايدخلوا مدارس ودلوقتى ولا مستشفيات كمان
    بعون الله هاشترى جزيره ربع متر فى 5سم اقعد فيها انا وهما وابوهم

     
  • في الأحد, أغسطس 19, 2007 1:25:00 م , Blogger ibn nasser - ابن ناصر يقول...

    طبعا كلو نظام استهبال
    فين الدكاترو دول صحيح؟؟
    ...
    تحياتي موضوع أكتر من رائع
    وليك وحشه والله

     
  • في الأحد, أغسطس 19, 2007 3:12:00 م , Anonymous محمد الجرايحى يقول...

    الأخ الكريم : محمد مفيد
    السلام عليكم ورحمة الله وبركاته
    اهتمام الدولة ظاهرياً فقط لولا ماأثير حول موضوع الختان منذ الفيلم التسجيلى التى قامت بتصوير محطة أجنبية والزوبعة التى أثارها البعض ليس حرصا على سمعة مصر ولابنات مصر وإنما للتواجد وبعض الأضواء والحكومة وجدتها لعبة حلوة دخلت اللعبة وكله تغيب للحقائق والأزمات المزمنة التى عجزت الحكومة عن حلها ووجدت المخرج

    تقديرى واحترامى لك اخى الكريم

     
  • في الاثنين, أغسطس 20, 2007 2:09:00 ص , Blogger متغيرة شوية يقول...

    ازيك يا محمد

    هوطبعا تيتة سوزان كل شوية بتحب تطلعلها بحاجة لمجرد انها تظهر في الاضواء وتروح مؤتمرات دولية وتاخددكتورا فخرية من جامعة كوم حمادة
    صح
    وبرضه صح الاعلام كله بيبقى وراها وبيهيصوا في الهيصة

    لكن المرة دي هي رب ضرة نافعة ، الختان شيء ضار جدا جدا ، سيبك حتى من الناحية الطبية لكن على الناحية النفسية يمكن اكتر

    حتى لو كان الدافع بتاع تيتة سوزان مش هو الصالح العام ، لكن اهي حاجة كويسة واحدة .. وياريت الناس فعلا تبطل الدبح اللي بيعملوه في بناتهم

     
  • في الاثنين, أغسطس 20, 2007 7:31:00 ص , Blogger ahmEd_H يقول...

    فى حديث صحيح لسيدما محمد عليه افضل الصلاة و السلام قال
    اذا مس الختان الختانا فقد وجب الغسل

    انا معاك برضه يا محمد فى موضوع الختان و ووجوبه

    بجد فعلا احنا محتاجيين نوقف وقفه مع العالم دى

     
  • في الاثنين, أغسطس 20, 2007 7:44:00 ص , Blogger ro7 يقول...

    السلام عليكم
    سلمت يمينك علي هذا
    المقال ووفيت وكفيت
    ومدونتك جميلة
    ربا يبارك لك فيها
    تقبل تحياتي

     
  • في الاثنين, أغسطس 20, 2007 10:00:00 ص , Blogger مـحـمـد مـفـيـد يقول...

    ياسر سليم

    تم يا فندم

    *******************
    صاحب البوابه
    شكرا لتشريفك المدونه
    وأي خدمه وانت عارف :)

    *********************
    أحمد المصري

    أسال الله ان يكون والدك الان سليم معاف
    وللاسف خلظ الاوراق شئ فظيع
    تحيه لك
    **********************

    رنا
    ينفع ك\ه يا عروسه نزعلك ونفور دمك
    :)
    ما هي دي مصر يا رنا

     
  • في الاثنين, أغسطس 20, 2007 10:27:00 ص , Blogger مـحـمـد مـفـيـد يقول...

    أبن ناصر

    نورت يا حاج

    *************************
    أ/محمد الجريحي

    أشكرك متابعتك القيمه والتلميع من الحكومه ده لازم علشان يهربوا من الاخطاء المتلاحقه

    ************************
    سلمي صلاح

    بقالك كتير مشفوتكيش هنا
    أختلف معكي في جزئيه الختان وأعتقد أن اراء الاطباء والمتخصصين هي الفيصل
    انما المعالجه للمشكله ككل فهي المشكله
    نورتي البلوج

    ************************
    ahmEd_H
    لن أتطرق في كلامي للناحيه الشرعيه لوجود أكثر من دليل شرعي
    ولكني طرقت باب الحوار العادي لاقرب وجهه نظري

    شرفت المدونه
    **********************
    روح
    أخجلني كلامك الرقيق
    شكرأ لكي

     
  • في الاثنين, أغسطس 20, 2007 2:28:00 م , Blogger maro يقول...

    لو سألت كل واحد من اللى مش عوزيم ختان هتلاقى امه او مراته او اخته او هو نفسه اجرى له عملية الختان و اللى هيقول لاء محصلش لى و لا لامى و لا اختى و لا مراتى اقوله فتش بئه فى علاقتهم الخاصه و دور عليهم و شوف بيعملوا ايه
    الختاااااااااااااااااااااان عفه
    محمد مارو

     
  • في الاثنين, أغسطس 20, 2007 2:58:00 م , Blogger مـحـمـد مـفـيـد يقول...

    محمد مارو

    أولا شكرا لحضورك
    مش عايزين أي انفاعلات أو او اي تشويه لصوره الحوار بالعصبيه لابد من التحلي بالهدوء للوصول للمرغوب فيه ولكل واحد وجهه نظر لابد من أحترامها
    سعدت بأختلافك مع البعض رغم العصبيه

     
  • في الاثنين, أغسطس 20, 2007 5:59:00 م , Blogger Abdou Basha يقول...

    الختان ليس إلا عادة يتم التمسح في الدين لتنفيذها، وحين أقرأ الآراء التي تتحدث في هذا الموضوع حتى من رجال الأزهر أجد أن العرق الريفي بيظهر في كلامهم وانهم عايزين يسيبوا الباب موارب للي عايز يختن بنته
    أنا أحترم المفتي إنه كان أكثر وضوحا
    وبعدين العملية دي ليها تأثيرها.. بس طبعا لما تبقى النسبة 97% فلازم الكل يدافع عنها وإلا هتبقى إدانة للأغلبية
    البنت لما تبقى بوعيها وإدراكها وعايز تتخذ قرار زي ده تبقى تروح لدكتور، لإن ده أصلا حاجة مش مطلوبة منها

     
  • في الثلاثاء, أغسطس 21, 2007 11:04:00 ص , Blogger مـحـمـد مـفـيـد يقول...

    أخي عبده باشا
    لقد طالت غيبتك
    ولكن أعتقد أنك قد قدمت الحل في اخر سطور كلماتك
    وهي لابد من أستشاره الطبيب وهو الذي يحدد
    ولكن اري أن الدين له رأي في هذا الموضوع ويوجد أحاديث متواتره في السنه كثيرا
    اسعدني أختلافك كثيراً

     
  • في الجمعة, أغسطس 24, 2007 1:02:00 م , Blogger عبدالله مفتاح يقول...

    دي بقت حاجة تخنق
    انا عايزك تناقش بنت من اللي حاطين البانر بتاع ضد الختان
    هتلاقي كلامهم بالنص من كلام كدابين الزفه لاننا مش مستعدين لتشغيل ادمغتنا
    فالحين بس في التقليد
    تحياتي

     
  • في الاثنين, سبتمبر 03, 2007 9:21:00 م , Blogger قلم جاف يقول...

    الميت بسبب الإهمال الطبي هو ميت بلا دية..

    الميت في حادث سيارة في أغلب الأحوال هو ميت بلا دية..

    الميت في قطار محروق عادةً ميت بلا دية..

    وفي كل الحالات سنفاجأ بـ"أنكل" من "الأناكل" في "نكابة الأتباء" وهو يذكرنا بأن الطب في مصر على أعلى مستوى ومستهدف وبأننا نعاقب كل من يهمل وكل من يخرج على الأصول بعد أن يدان قضائياً (طالما الست نكابة بتحكم المهنة بنفس قواعد القانون .. ما تسيب الموضوع للمحكمة وتقفل خالص أحسن).. والشيء نفسه بالنسبة للطرق والسكك الحضيضية..

    فعلاً .. الطب والسكك الحضيضية والطرق وأشياء كثيرة على أعلى مستوى مثل من يتفوهون بتلك اللازمة.. مفيش داعي أقول على أعلى مستوى في إيه بالضبط.. وعلى رأي صلاح عبد الله.. سك ع البك!

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية