يبقي أنت أكيد في مصر
لما تلاقي الظلم والقهر واللانظام والاستبداد والاعتقال علي ودنهلما تلاقي الحبس كالماء والهواء والحزب الوطني
يبقي أنت أكيد في مصر
لما تلاقي الفساد مالي البلد والناس مش لاقيه تأكل
لما تلاقي الفساد مالي البلد والناس مش لاقيه تأكل
لما تلاقي الناس بتموت فطيس وحدش بيحس بيهم
يبقي أنت أكيد في مصر
لما تلاقي التزوير بالصوت والصوره
لما تلاقي الحرامي بيتكرم والشريف في السجن
يبقي أنت أكيد في مصر
لما تلاقي الزباله في الشوارع والشباب عاطلين والاكل مسرطن
لما تلاقي الصحافه ناطقه بأسم النظام وملك لاقزام
لما تلاقي الاعلام عباره عن أغاني هابطه وحاجات فاشله
لما تلاقي الرياضه محسوبيه وكوسه وأهلي وزمالك بس
لما تلاقي الفتاوي لكل من هب ودب وأصبحت سبوبه
يبقي أنت أكيد أكيد أكيد في مصر
-----
التسميات: تحيا مصر
مرسلة بواسطة مـحـمـد مـفـيـد @ ١٠:٢٩ ص
22 تعليقات:
في الأربعاء, يونيو ٢٧, ٢٠٠٧ ١٢:٢٣:٠٠ م ,
رفقة عمر يقول...
الحمد لله اول مرة من نفسى اكون اول تعليق عند حضرتك
هى مصر والله حلوة قوى وخيرها كتير قوى بس للاسف اللى ماسكنها عصابه القناع الاسود وزعيم العصابه هو دنجل
ربنا يتوب عليها منهم اللهم امين يارب العالمين
في الأربعاء, يونيو ٢٧, ٢٠٠٧ ٤:١٢:٠٠ م ,
... يقول...
أى
حرام كل الأوجاع دى فى بوست واحد
ربنا يعافينا
ازاى
معرفش
في الأربعاء, يونيو ٢٧, ٢٠٠٧ ٤:٥٨:٠٠ م ,
hoda omran يقول...
لما تحس بالقهر يبقى انت اكيد فى مصر
لما تحس بالخنقة فى عز الشتا يبقة انت اكيد فى مصر
لما صوتك يتخنق جواك يبقة انت اكيد فى مصر
لما تلاقى اصحاب العقول الصامة والغشاشة فى اعلى المناصب يبقة انت اكيد فى مصر
لما تلاقى الفقر حاجة عادية عند اغلب الشعب يبقة انت اكيد فى مصر
.....................
قيس بقة على كدة كل حاجة وحشة وتخنق فى البلد دى
في الأربعاء, يونيو ٢٧, ٢٠٠٧ ٥:٤٩:٠٠ م ,
الأغاني للرأفتاني يقول...
ويا سلام يا استاذى
لما تكون جاى من السفر وداخل مطار القاهره تحس ان ملكش كرامه فى بلدك يبقى انت فى مصر
ولما اروح بلد المهجر وفى مطار كنيدى فى نيويورك تلاقى موظف الجوازات يبتسم ويقولى اهلا بيك فى بيتك
يبقى عاوز اطير م الفرحه
والمرااره فى قلبك..لان مصر خلاص مش بتحب ولادها..
عصبه معدوده نهبوها
والله المستعان
في الأربعاء, يونيو ٢٧, ٢٠٠٧ ٧:٠٨:٠٠ م ,
ضـوء الـقـمر يقول...
لما تلاقي الاشاعات بتنتشر بسرعة البرق بين الناس يبقه انت اكيد في مصر
لما تلاقي وزير بيقول ان الحجاب واجهه غير مشرفه يبقه انت اكيد في مصر
لما تلاقي حكومة تقبل باهانة دينها يبقة انت اكيد في مصر
لما تشوف البلد بتتسرق عيني عينك يبقه انت اكيد في مصر
لما تلاقي القانون بيتطبق بحذافيرة على الغلابه ويعدي منه الكبار يبقه انت اكيد في مصر
لما تلاقي صورة البلد قدام العالم رقص واغاني وعري يبقه انت اكيد في مصر
هتلاقي كتيييييييييير حاجات تثبتلك انك في مصر بس فعلا الشعب المصري ده جمل وكفايه عليه انه بيستحمل كل ده
بوست قلب المواجع يا استاذ محمد :(
في الأربعاء, يونيو ٢٧, ٢٠٠٧ ١٠:٥٣:٠٠ م ,
mo'men mohamed يقول...
حسبى الله ونعم الوكيل
حال يبكى والله
انا اكتر شىء مأثر فيا اخى وببقى عايز أعيط لما افتكره هو الإعلام و الأفكار السوده اللى بتتزرع فى دماغنا
تخيل اخى امبارح قولت لما افتح القنوات الأرضية و أشوف بيتقال فيها ايه عن حماس وفتح
ألاقى الرجل أبن الـــ ....................................................................................بيقول إن حماس عباره عن جماعه ارهابيه تتأمر مع ايران و بيقول عليهم ان كل همهم نشر الإرهاب وان المرأه تغطى وشها ودقن طويلة و لبس قصير
انا اخى كنت حعيط
مستحملتش فديرت القناة على طول
واللى طلع عليا حاجه اسمها حسبى الله ونعم الوكيل
في الأربعاء, يونيو ٢٧, ٢٠٠٧ ١١:٤٠:٠٠ م ,
هيثم محفوظ يقول...
ولما تلاقى تباع فى ميكروباص بيجبر اربع اشخاص بالجلوس فى خلف السيارة يبقى انت اكيد فى مصر .
ولما تلقى عربية مفيمة الزجاج ومحدش بيديها مخالفة عشان عليها علامة هيئة قضائية يبقى انت اكيد فى مصر .
ولما تلاقى شباك فى عمارة اتفتح واتحدفت منه زجاجة زيت يبقى انت اكيد فى مصر .
ولما تلاقى واحد شايل محمول بالافات وبيشتكى من سعر اللحمة يبقى انت اكيد فى مصر .
ولما تلاقى بلطجية فى منتهى الغلب والسذاجه لدرجة ان الامن المركزى بيستغلوهم لاثارة الشغب فى المظاهرات يبقى انت اكيد فى مصر .
ولما تلاقى واحد مبيعرفش يقراشعر يبقى انت اكيد فى مصر .
يا محمد لازم الناس تفوق وتتغير
الحل مش فى موت مبارك. الحل فى ثورة بجد.
على فكرة انتا وحشنى جدا وبرن عليك مبتردش وكمان مبتجليش المدونة.
انتا فين يا استاذ
في الأربعاء, يونيو ٢٧, ٢٠٠٧ ١١:٥٨:٠٠ م ,
نورهان مفيد يقول...
تقريبا أول مرة تنزل بوست وأقعد أشوف التعليقات كلها مكتوب فيها أيه ومزهقش
ده أنت يا محمد عامل زي ماتكون نفخت في نار كان غطاها الرماد
كل دي حسرة وقهر جوة قلوبنا
أنت عارف بس بالسبعة اللي معلقينلك دول بس بالقهرة والحسرة دي
لو عملتوه ثورة هتقلبوا النظام
فما بالك لو الشعب كله فاق من الغيبوبة وثار علي الاوضاع
يا أستاذي برغم حزني الشديد علي السوء اللي وصلناله في كل حاجة
وبرغم كل اللي ذكرته وعندك حق فيه
واللي أضافوه كل اللي علقه
وأنا طبعا متفقة معاهم وأكثر من كده
بس والله العيب مش في مصر
مصرمنهوبة ومسروه وخيرها كتير بس رايح لناس معينة
وأكبر دليل برغم كل السرقة والنهب والسلب لسة واقفة علي رجليها
هنعمل ايه
ما حاميها حراميها
أسفة للاطالة
بس بجد في حزن وحسرة وقهر وشلل وضغط وسكر وفقر دم وكل ما تتخيله موجود
تحياتي
في الخميس, يونيو ٢٨, ٢٠٠٧ ١٢:٢٧:٠٠ ص ,
mariam يقول...
ماذا اقول بعد كل ما قيل
بلاش تفكرنا بكل الكوارث دى
ربنا يرحمنا برحمته
تحياتى
في الخميس, يونيو ٢٨, ٢٠٠٧ ٢:١٨:٠٠ ص ,
هيما يقول...
بجد حرام
انا زي ما كون كانت في وهم كبير وفجاة صحيت منه بجد حرام انت زي ماتكون حطيت ايدك علي الجرح وتحياتي علي الشغل الجامد ده
في الخميس, يونيو ٢٨, ٢٠٠٧ ٣:٠٠:٠٠ ص ,
صاحب البوابــة يقول...
لو تعلم كم سعدت بسماع صوتك صباحاً وانت تهنئني بعودة والدي
كنا قد سهرنا طوال الليل وحتى بعد الفجر نتجاذب أطراف الحديث مع والدي حفظه الله لنا
ثم سمعت صوتك الضاحك المستبشر صباحاً يهنئني بسلامة والدي
لكم اسعدتني تلك المكالمة
اخي العزيز
أشكرك
أشكرك
أشكرك
إني احبك في الله
في الخميس, يونيو ٢٨, ٢٠٠٧ ٢:٣٢:٠٠ م ,
يا مراكبي يقول...
علشان خاطري .. لما حد ينزل بوست زي كده يبقى يخبيه أو يحجبه عني .. إعملوا أي حاجة تخليني ما أعرفش أخش عليه
بتيجي على جرحي جامد يا محمد
في الخميس, يونيو ٢٨, ٢٠٠٧ ٦:٤٥:٠٠ م ,
حائر في دنيا الله يقول...
رغم كل دا والناس عايشة
ورغم كل دا وبنحب بعض
رغم كل دا وفييه ناس بتخاف على بعض
رغم كل دا وفيه شباب بتحب البلد
ورغم كل دا لسه عندنا أمل في مصر بكرة
يبقى انت أكيد أكيد
في مصر
مع تحياتي
في الخميس, يونيو ٢٨, ٢٠٠٧ ١٠:١٠:٠٠ م ,
بسمه عبدالباسط يقول...
المشكلة مش فى مصر المشكلة فى الناس اللى ماسكة مصر
تحياتى لك
في الجمعة, يونيو ٢٩, ٢٠٠٧ ١٢:٥٧:٠٠ ص ,
نقطة مية يقول...
اخي محمد مفيد...
يارب تكون بخير حال...و خدت بلونة من عندي في المدونة لعبدالله باشا بمناسبة خروج والد عمه صاحب البوابة...
:-)
بارك الله فيك و اعزك
.............
اما البوست...ففعلا يبقى انت اكيد في مصر بجد...حسبي الله و نعم الوكيل
كل حاجة حلوة راحت
في الجمعة, يونيو ٢٩, ٢٠٠٧ ٤:٠٥:٠٠ م ,
غير معرف يقول...
اخى الفاضل ابو عبدالله انا معاك فى كل اللى قولته كله بس صدقنى العيب مش بلدنا العيب فى النفوس الضعيفه اللى ماسكه البلد ولكن ولاهى العظيم مصر جميله وهتفضل جميله مهما حصل اصل مش بيحس بيها الا اللى بيتغرب عنها زى حالتى كده
وهنقول ايه غير حسبى الله ونعم الوكيل فى كل شخص يتبوا منصبا ولا يتقى الله فيه
وربنا يرحمنا برحمته يارب
احييك بشده على البوست الرائع اخى الغالى ابو عبدالله
في الجمعة, يونيو ٢٩, ٢٠٠٧ ٥:٠١:٠٠ م ,
جميله بو حريد يقول...
بس يا ترى هى ده مصر فعلا
مصر الزباله مصر المعتقلات مصر الكوسه مصر الفقر و الجوع
الحل فى ان نخليها مصر اللى عاوزنها فى ايدينا اللى بيغيروا اى مجتمع مش لازم يكون كتير اى بس بيكونوا متوحدين يجمعهم وحده الهف وسموه عن اطماعهم ياريت المعارضه بتاعتنا تبقى كده فعلا
في الجمعة, يونيو ٢٩, ٢٠٠٧ ٦:٢٥:٠٠ م ,
mohamed alhaddad يقول...
هههههههههههههههههههه
يبقى أنت أكيد فى مصر
للأسف دى بقت مصر
في الجمعة, يونيو ٢٩, ٢٠٠٧ ٦:٥٣:٠٠ م ,
No Fear يقول...
السلام عليكم
بسم الله الحمن الرحيم
إن الله لا يغير ما بقوم حتي يغيروا ما بأنفسهم
صدق الله العظيم
أحنا اللي عاملين كده في نفسنا مش حد تاني
في الجمعة, يونيو ٢٩, ٢٠٠٧ ٩:٣٥:٠٠ م ,
ذو النون المصري يقول...
فيه حاجات كتيره في مصر سلبيه و ايجابيه لكن امانينا و الواقع بيقول ان السلبي اكتر و اصبح مغرق بطريقه تلغي فرص النجاه للفقراء و الضعفاء
الدوله تخلت تماما عن واجبها و دورها نحو المواطنين
في الجمعة, يونيو ٢٩, ٢٠٠٧ ١١:٣٨:٠٠ م ,
Monzer يقول...
طبعا مافيش كلام بعد كلام حضرتك
ولكن فليكن نداءنا فى المرحلة القادمة
هو الى بيسرقنا ... هو
هو الى مقلبنا ... هو
هو إلى مقشطنا ... هو
حسنى يا حسنى ... حسنى يا حسنى
هو الى مغرقنا .. هو
هو الى بيحرقنا .. هو
هو الى بيقتلنا .. هو
حسنى يا حسنى ... حسنى يا حسنى
هو الى مزهقنا .. هو
هو الى مخنقنا ... هو
هو الى معذبنا .. هو
حسنى يا حسنى .. حسنى يا حسنى
ههههههههههههههه ((((:
بجد كده مش هاينفع
فيه كلام كتير عاوز أقولوهولك
ربنا معاك ان شاء الله
وسلامى لعبد الله
في الأحد, أغسطس ١٢, ٢٠٠٧ ٢:٣٩:٠٠ ص ,
لا تسالنى من انا يقول...
على فكرة مصر مش وحشة اوى كد بجد فى اسوء منها كتير و هتعمل ايه فى حال البلد الى مش هيتغير الا بانقلاب سياسى و انا اقولك انه عمره ماهيحصل لان الحكومة مش هتسمح بحد اصلا يتكلمو لو اتكلم هيطلعوه محنون زى الباقى و كمان هيطلعوه ارهابى و من الاخوان المسلمين و هيلبسه شوية قواضى من الى انت عارفها
إرسال تعليق
الاشتراك في تعليقات الرسالة [Atom]
<< الصفحة الرئيسية