فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

السبت، يونيو 09، 2007

شاشه تأخذك الي الجنه والسوق أحياناً



انتشرت وبسرعة هائلة قناة الناس الفضائية فتجدها في كل بيت مصري وعربي ونجحت في بدايتها أن تخطف الأضواء والمشاهدين من قناة أقرأ والتي لم يكن غيرها علي الدش وبدأت ببرامج ومجموعه صغيره من الشيوخ والاساتذه وبدأ لها خطه عمل صغيره ولكنها كانت نافعة جداً .

ألا أنها ركبت موجه الفضائيات الاخري ولم تنظر إلي ما تقدمه وأقتصر ت الطريق في الوصول إلي الربح المادي دون النظر إلي ما تقدمه واتجهت إلي طرق غريبة ومفزعه في بعض الأحيان منها البرامج المخصصة للتسوق وما أكثرها علي القناة والتي جعلت برامج في مواعيد متتالية في عرض منتجات شركات التسويق


مفرش سرير الفراشة أبو 120 قطعه مش موجود ألا علي قناتنا

العلبة الزرقا والعلبة الحمرا العلاج السحري للمشاكل الزوجيه

ليه تحط أغنيه لرنتك لما ممكن تحط سوره بصوت الشيخ فلان اتصل علي

وفي الشريط العجيب للرسائل

انا م م عندي 60 سنه مطلق وعندي 8 أبناء اريد عروسه معاها موبيل نوكيا

وبعدها بدقيه انا العروسه بس الموبيل بتاعي اتسرق. رقمي في الكنترول


والي إعلانات أخري من هذا القبيل . والغريب أن القناة من المفروض أنها دينيه ولكن للأسف لايوجد بها برنامج واحد يخاطب الشباب ويطرح مشاكلهم وبحث طرق حلها من المنظور الديني والذي أصبحت القناة غير متخصصة دينيا و نجحت في البداية أصباغها بروح الدين وتجميع اكبر قدر من المشاهدين وبعد ذلك تفعل ما يحلو لها


ليه دايما نستغل النجاح ونسوء كل الأفكار التي تنفع المجتمع ونحولها إلي تجاره فعلي القناة يأما تحدد أنها قناة دينيه فقط أو قناة عامه مثلها مثل من القنوات الكثيرة ولا داعي لتخفي خلف عباءه الدين لتحقيق المنافع

التسميات:

73 تعليقات:

  • في الاثنين, يونيو 11, 2007 12:21:00 ص , Blogger hapasa يقول...

    أستاذى ومعلمى أستاذ محمد
    أولا تسمحلى إنى اختلف معاك؟

    أي قناة علشان تسوق نفسها وتغطى تكالفها وتكسب لابد لها من طريقين تسلكه
    الطريق الأول التشفير زي إقرأ يعنى لو عاوز تتفرج على إقرأ يبقى لازم تشترك فى art ومافيش مانع برده من الإعلانات وتبقى بتكسب من الاتنين

    الطريق الآخر وهو الإعلانات والإعلانات فقط، ولكن فى رأي أنها قناة محترمة والقائمين عليها قناة محترمة فمس هيبقىالشيخ يعقوب بيقولك غض البصر وماستعش لمزاميرالشيطان ويجيى بعديه فاصل لواحدة ست بشعرها ولابسة ضيق وقصير بيعرض عن برفان أو مزيل للعرق أو حتاة حفاضة أطفال هنا أصبح تداخل الحلال والحرام بدرجة كبيرة يرفضه القائمين على هذه القناة
    يعنى تعمل ايه ماتجبش إعلانات خالص ـ تخسر لو عملت كده فيبق دى الحل فى الإعلانات التعبناة الخنيقة الىاناأصلا بستفز منها جدا وبضياقنى لن أخفى عليك، بس ده برده قناة لازم يكون فيها إعلانات علشان تكسب
    ف{اي إن ده أسلم طريق بدل ماتجيب إعلانات رقص ومياعة

    آسف على الإطالة أستاذى ومعلمى

     
  • في الاثنين, يونيو 11, 2007 12:22:00 ص , Blogger Bella يقول...

    الأسترزاق باسم الدين او تحت مظلة الدين موجود منذ فترة ويظهر من وقت لآخر بصورة جديدة

    شركات توظيف تستغل ارتباط الناس بالدين فتخدعهم باسم الدين وشوية ذقون على شوية جلاليب وحبة مشاريع وشوية اعلانات الخير على حبة مشاريع البركة والناس سهل خداعهم

    وهكذا

    وطبعا لاننا في عصر الفضائيات والعولمة والتنمية المستدامة وشةي المصطلحات الجديدة التي ماانزل لها بها من سلطان كان لابد من ركوب موجة الحداثة والتربح بطريقة ذكية تداعب المتفرج وتلعب على مايحب.

    والقنوات الدينية بعضها استغل هذه الامور ولعب على الدين للتأثير على المشاهدين

    صراحة ومن غير زعل من اول ماطلعت قناة الناس وانا ماعجبتنيش قوي

    خصوصا شعارها قناة تأخذك إلى الجنة كأن صكوك الغفران بين ايدي القائمين عليها ومن لايتفرج على القناة لن يدخل الجنة

    اهه كله بيزنس والسلام

     
  • في الاثنين, يونيو 11, 2007 12:27:00 ص , Blogger hapasa يقول...

    أستاذ محمد علشان تبقى علقة واحدة

    فيه نقطة اخرى

    كان فيه حجر وملاحقة كبيرة جدا على شيوخ هذه القناة
    الشيوخ دول كانوا محبوسين جوه الجوامع وجوه الأشرطة أما المساجد السلفية

    أنا للأسفمش سلفى وإن كنت أحترم هؤلاء الشيوخ جميع وأقدرهم لان دول مش بتوع لا شهرة ولا مال ولا سلطان ولا أي شيئ
    عقيدتهم واضحة وصريحة وضوح الشمس منهجهم دين الإسلام وقدوتهم رسول الإسلام
    وآن لهم أن يظهروا ويعبروا عن انفسهم وفكرهم
    وماذا حدث علموا حقيقة أنصاف الشيوخ وانصاف المفتين وانصاف العلماء وعهلم الناس من هم مدعو الشهر والمجد والدعاية والإعلان
    كل واحد بطريقته وبأسلوبه وأسأل الله أن يفع بهم
    ولكن فى النهاية تجربة جاءت متاخرة وتحتاج لشيئ من المساندة

    كده كام علقة مش بقول لحضرتك إنى رغاي
    وأرجوا ان تتفهم وجهة نظرى
    وجزاكم الله خيرا

     
  • في الاثنين, يونيو 11, 2007 1:06:00 ص , Anonymous ام عهد يقول...

    السلام عليكم اخى الغالى ابو عبداللهبصراحه انا هذه المره اختلف جدا معاك فى الراىانا من اشد المعجبين بقناه الناس فهى فعلا قناه محترمه جدا واحسن من غيرها كتير اوى انا معاك ان الاعلانات فيها كتير ولكن دى فعلا مش بتسبب اذى للمشاهد وعلشان زى ما الاخ قال تصرف على نفسها ولكن الحقيقه هى بتجيب شيوخ ممتازة وفى قمه الاحترام مثل الشيخ محمد حسان ومحمد حسين يعقوب ومحمود المصرى وصفوت حجازى انا عن نفسى اتعلمت منهم الكثير والكثير ومش هقولك انهم كانوا سبب فى هدايتى لان الله يهدى من يشاء ولكن ربنا جعلهم سبب لى كى اتقرب اكتر واكتر من الله وافهم الكثير فى امور الدين
    جزاهم الله كل خير عنا
    وبعدين يا اخ محمد انت على طول معترض ومش عاجبك حاجه حرام عليك
    اسفه للاطاله ولكن الموضوع يستحق
    واخيرا دى وجهت نظرى الشخصيه شكرا لك اخى الفاضل

     
  • في الاثنين, يونيو 11, 2007 1:54:00 ص , Blogger A.SAMIR يقول...

    اذا عرفت ان مالك القناة احد شيوخ النفط
    هتعرف هم ليه بقوا كدة
    الراجل دة لما لقي بزنس القنوات الدينية اربح الايام دي....قام حول قناته الخليجية بتاعة الكليبات لقناة دينية زي قناة الناس كدة
    واهو كله بيزنس
    تحياتي واحتراماتي

     
  • في الاثنين, يونيو 11, 2007 2:07:00 ص , Blogger ابراهيم عز الدين يقول...

    استاذ محمد انا مش عارف ليه انت متحمل اوي علي هذه القناة
    مع انها تقدم برامج دينية بطريقة مبسطة
    اما مسألة الاعلانات فاعتقد انها من اجل ان تغطي نفقات القناة والتي اعتبرها من احسن القنوات الدينية الفضائية مع قناة اقرأ والمجد
    ولكن معك حق في مسألة نوع الاعلانات فيجب الاخد في الاعتبار انها قناة دينية
    واحيانا كثيرة وانا اتابع هذه القناة استغراب كثيرة من نوعية الاعلانات
    "الاختلاف في الرأي لا يفسد للود قضية"

     
  • في الاثنين, يونيو 11, 2007 10:33:00 ص , Anonymous nahla يقول...

    لو مفيش اعلانات مش هيكون في برامج معاك انهم مزودنها حبة بس علي قد البرامج المفيدة اللى بتتقدم لازم يكون في شركات اعلان تمول وتدفع للشيوخ اللي بيقولوا أنهم بيعملوا البرامج دي لله دة اللي أنا شايفاه وبرده الأختلاف ف الرأى لا يفسد للود قضية

     
  • في الاثنين, يونيو 11, 2007 11:36:00 ص , Blogger مـحـمـد مـفـيـد يقول...

    أخي منذر
    أولا اخجلتني جدا من معلمي يا اخي انت كريم
    سأرد علي تعليقاتك مره واحده
    حكايه التشفير اثبتت فشلها بدليل كثره انتشار الوصلات المنزليه
    اما عن طريقه الاعلانات فأعتقد ان مالك القناه هو الشيخ منصور احد مشايخ البترول في الخليج فهو ليس بداعي لكم هذه الاعلانات لتغطيه مصاريف القناه كما قلت لان القناه بسيطه واعتقد ان تكلفتها لن تكون مهوله كقنوات اخري
    ولكن الذي اعترض عليه هو مواعيد ثابته كل ليو ولساعات طويله علي برامج مخصصه للاعلانات والتسويق واعلانات ممله واتخذت القناه طريق مغاير لما بدأت عليه وقلت مساحه النفع
    انا لست ضد الاعلان ولكني ضد الاسراف فيه علي حساب النفع

    شكرا اخي علي متابعتك

     
  • في الاثنين, يونيو 11, 2007 11:39:00 ص , Blogger مـحـمـد مـفـيـد يقول...

    Bella
    لا اريد حصر مسأله خداع الناس علي الملتزمين والدين فقط ففي كل مجال يكون هناك من يخادع
    فاختلف معكي في هذه النقطه
    لابد من النظر بعين الفحص مره اخري لهذه القناه

     
  • في الاثنين, يونيو 11, 2007 11:42:00 ص , Blogger مـحـمـد مـفـيـد يقول...

    الاخت أم عهد

    :)
    المسأله مش مسأله اعتراض وخلاص
    المسأله مسأله نحدد السلبيات والعمل علي ايجاد حل لها فلا نشيد بأي عمل جيد لا نبالضروري لابد من كل واحد فينا ان يعمل عمل ان يجيده
    ولن اعترض علي الشيوخ الاجلاء الذين يتواجدون فيها وتعرفين مدي علاقتي بهم ولكن اعتراضي عن طريق الاعلانات والحاجات الغريبه التي انتشرت فيها في الاونه الاخيره

    وسعيد بأختلافك جدا
    ونورتي البلوج

     
  • في الاثنين, يونيو 11, 2007 11:45:00 ص , Blogger مـحـمـد مـفـيـد يقول...

    أحمد سمير
    بجد انت طرحت نقطه في منتهي الاهميه وهي ان صاحب القناه حول الخليجيه بتاعت الكليبات الي قناه دينيه
    طبعا الدين ممكن يأكل عيش
    طالما هعلن منتجات
    انما الكليبات مفيش فواصل علشان اعرض اي اعلان

    رأيك اتفق معه جدا

     
  • في الاثنين, يونيو 11, 2007 11:50:00 ص , Blogger مـحـمـد مـفـيـد يقول...

    الاخ / ابراهيم عز الدين
    والاخت / نهله
    الرد مجمع لان التعليق يدور في نفس نقطه الحوار
    انا لست متحامل ولكنه رصد بسيط للسلبيات الموجوده بها والتحول المفاجئ
    ولماذا المجد لم تقدم هذه الاعلانات ؟
    لان الهدف منها العلم
    ولو علي النفقات والاعلانات فمالك هذه القنوات ليس بحاجه لهذه الاعلانات أذا كان هدفه هو النفع
    انما لو الربح فأهلا وسهلا بها
    وعمر ما الاختلاف يفسد القضيه ولكنه يرسخ الفكره ويدعمها ويطرح بدائل لتوضيح وجهه النظر

    اشكركم جدا وتواصلكم الشيق

     
  • في الاثنين, يونيو 11, 2007 12:18:00 م , Blogger يا مراكبي يقول...

    حكمة من أخوك: أي قناة فضائية في الدنيا ممكن تمنع الإعلانات لما السيارات تقدر تمشي من غير بنزين

    فتش عن البزنس يا عزيزي .. ولو كنت في يوم فاكر إن فيه أي قناة فضائية هتكون من غير إعلانات .. يبقى إنت لازم تدور على ناس ممولين تصرف على القناة الدينية لوجه الله تعالى دون إنتظار أرباح أو على الأقل تغطية تكلفتها

    Money Talks

     
  • في الاثنين, يونيو 11, 2007 2:16:00 م , Blogger Bella يقول...

    يبدو اني لم اوضح وجهة نظري بالقدر الكافي

    انا لم احصر الخداع على الملتحفين بعباءة الدين

    فالخداع له اهله المنتشرين في كل مكان ومن كل نوع

    انا تكلمت عن التكسب باسم الدين في هذه الحالة المحددة بهذه القناة

    لو كنا نتكلم عن الخداع بشكل عام كنت افردت لك امثلة اخرى

    ولكننا بصدد الحديث عن قناة تتخذ من الدين شعار لها وفي نفس الوقت تتكسب من وراء ذلك

    بدأت بداية جيدة لاباس

    ولكنها لم تستمر على نفس الجودة حتى انها سمحت باستقبال الرسائل القصيرة والتعارف بين الجنسين

    ومع احترامي لاهداف القناة النبيلة الا ان مسألة الرسائل القصيرة تحديدا يكتنفها نوع من العبثية والمتابع لهذه النوعية من الرسائل حتى على قناة الناس يلاحظ ذلك بسهولة

    ارجو ان تكون وجهة نظري واضحة

     
  • في الاثنين, يونيو 11, 2007 2:18:00 م , Blogger ذو النون المصري يقول...

    موضوع كنت بفكر اتكلم عنه من مده لكن الانشغالات منعتني
    عموما انا لست من هواة متابعة قناة الناس و بصراحه لا اري لبرامجها انها مفيده بالنسبة لي
    لاني اراها تقدم الدين باسلوب قديم جدا اسلوبالمحاضره و هناك ماده معرفيه معينه ركزت عليها القناه دون ان تقدم باقي نواحي المعرفه الاسلاميه
    فهي تقدم برامج عن حياة الصحابه و تفسير الاحلام غالبا مع الاعتراض علي تفسير الاحلام من اساسه
    لاتقدم القناه برامج تاريخ و حضاره و فلسفه اسلاميه او غير ذلك من جوانب المعرفه
    كما ان الكثير من شيوخها يتصنعون البكاء
    الامر الاخر ان هناك من تخصص في الحديث عن الجنه و النار و يوم القيامه فقط بلا توقف
    نحتاج برامج تعلم المسلمين كيف يعيشون لا كيف يستعدون للموت
    كيف نصنع الجنه علي الارض قبل ان نموت فنعيش في جنتين لا جنه واحده

     
  • في الاثنين, يونيو 11, 2007 2:19:00 م , Blogger ذو النون المصري يقول...

    كنت عاوز اعرف صورة مجلة شبابيك كيف يمكن ان اضعها في مدونتي؟و لك جزيل الشكر

     
  • في الاثنين, يونيو 11, 2007 8:50:00 م , Anonymous wahed يقول...

    للاسف الشديد الدين أصبح سبوبه لكل شئ يا سيدي نحن نعيش أزمة اخلاق والغريبه بيقوله أنه قال فيه صحوه اسلاميه والله فعلا زمن عجيب

     
  • في الثلاثاء, يونيو 12, 2007 1:56:00 ص , Blogger رينـــــــــــا يقول...

    السلام عليكم
    بص هو انا للاسف مختلفه معاك
    انت عارف ان مشايخنا بتتحارب
    والقنوات الدينيه المحترمه
    بتتحارب
    وان مفيش رجل اعمال ثرى اوى
    يقدر يشغل ناس بطاردهم امن الدوله
    فيكون الحل
    ان اللى يقدر ويقول انا جدع
    ويمول القناه
    حد مش ثرى اوى
    ويعتمد بئا
    فى تمويل القناه على الاعلانات

    ..وبدام اعلانات محترمه وبتجيب دخل للقناه
    وكمان بتفيد الناس وبتفيد اصحاب الاعلانات
    يبقى ايه المشكله
    الكل بيفيد وبيستفيد
    ودا مش معناه
    اننا بنتاجر با اسم الدين

    دى وجهه نظرى مع احترامى لكل وجهات النظر الاخر

     
  • في الثلاثاء, يونيو 12, 2007 2:58:00 ص , Blogger اعشق فى اليل ضوء القمر يقول...

    السلام عليكم
    أخى محمد مع إن الموضوع مهم إلا إنك خلتنى أضحك
    علشان فتره شغلى لا تسمح لى برأيه القناه إلا ليلا إلا يوم أجازتى لاحظت ذلك
    وده بيحصل مع أى قناه عايزه تستمر حتى فى الشركه عندى بيفكروا بتنزيل إعلان فى هذه القناه ولما سألت قالوا لى ربح القناه ديه من الأعلان أحسن من أن تربحه قناه ثانيه بتعرض هشك وبشك

     
  • في الثلاثاء, يونيو 12, 2007 3:15:00 ص , Blogger نقطة مية يقول...

    انا مش من انصار القناة دي خالص..لان متناقضاتها كتير و منهم اللي ذكرته..بس قرأت مرة ان صاحبها ثري عربي و يمتلك قناة اغاني"نجوم..نغم"حاجة كدة يعني..و كان عليها مشاكل كتير داخل ادارتها نتيجة رغبة احد الشيوخ"و هو نجم القناة الاوحد"عدم عمل اي اناث في القناة فتم تسريح العاملات مع العلم انهن محجبات طبعا نظرا لطبيعة القناة..هذا و الله اعلم

     
  • في الثلاثاء, يونيو 12, 2007 11:20:00 ص , Blogger مـحـمـد مـفـيـد يقول...

    احمد باشا ثروت
    للاسف يا عزيزي ان القناه اتجهت وبقوه الي الاعلانات علي حساب البرامج المفيده

    شرفت

    *************
    Bella
    لقد وضحت وجهه نظرك وللاسف طبعا ان الامور هذه انتشرت وبصوره مفزعه داخل القناه وذلك علي حساب ما تقدمه

    سعيد بالعوده هره اخري والتعهليق ثانيا
    وأشكرك جدا علي التواصل

     
  • في الثلاثاء, يونيو 12, 2007 11:54:00 ص , Blogger مـحـمـد مـفـيـد يقول...

    ذو النون المصري
    المسأله مش مسأله تقديم الدين المسأله هو ما تقدمه من اعلانات بدأت تطفو علي حجم الاستفاده من هذه القناه والتحول من قناه دينيه الي قناه اعلانات بطريقه هائله
    لذا كنت اتمني المحافظه علي هيكلها وقوامها التي بدأت به

    اما عن البانرفالكود عندك ياباشا وانت تأمر

     
  • في الثلاثاء, يونيو 12, 2007 11:56:00 ص , Blogger مـحـمـد مـفـيـد يقول...

    وحيد
    لا تربط الصحوه الاسلاميه بهذا الموضوع
    لان الاسلام ليس بحاجه لصحوه
    الخوف كل الخوف من استخدام الدين لسبوبه كما ذكرت

    نورت البلوج واتمني التكرار

     
  • في الثلاثاء, يونيو 12, 2007 11:58:00 ص , Blogger مـحـمـد مـفـيـد يقول...

    الاخت العزيزه / رينا
    اعلم مدي التعنت الذي يواجهه تلك المشايخ وانا علي علاقه وطيده بهم جدا ولكني لن اقدر علي توجيه النقد لهم لانهم افضل مني بكثييييير ولكن انا معترض علي خريطه سير هذه القناه والاعلانات الغريبه بها
    والخوف من النظر لها بعين الربح عن ما تقدمه لنا

    سعيد بأختلافك جدا

     
  • في الثلاثاء, يونيو 12, 2007 12:00:00 م , Blogger مـحـمـد مـفـيـد يقول...

    اعشق فى اليل ضوء القمر
    اولا / اسك المدونه جميل جدا
    ثانيا / بدأت الناس تتجه الي القناه هذه لاعلانات فيها لانها نجحت في تحقيق قاعده جماهير يه لها
    لذلك اعتقد ان تكاليفها ليست باهظه تستدعي كم هذه الاعلانات الرهيبه
    والدليل شركتكم وما تصبو اليه

    نورت البلوج

     
  • في الثلاثاء, يونيو 12, 2007 12:03:00 م , Blogger مـحـمـد مـفـيـد يقول...

    نقطه ميه
    انا لست ضد القناه ولكني ضد الاتجاه الذي بدأت تسلكه في الفتره الاخيره
    وصاحب القناه هو الشيخ منصور وهو من اكبر مشايخ الخليج عملا في مجال النفط لذلك أعلم مدي حجم استثمارته لو اراد توجيه قناه للافاده فقط وليس للبيزنس
    والقناهالاخري هي قناه الخليجيه والتي بدأت لاغاني الفيديو كليب والان تحولت الي قناه دينيه

    نورتي البلوج

     
  • في الثلاثاء, يونيو 12, 2007 2:37:00 م , Blogger نورهان مفيد يقول...

    بص يامحمد
    القناة أول ما بدأت ماكنش فيها الكلام ده

    بعد فترة وبعد ماحققت نسبة مشاهدة كبيرة لازم بقي الناحية التجارية تشتغل
    يعني لازم الاعلانات عشان القناة تقدر تصرف وتقوم وتشتغل
    بس المفروض مش بالشكل الرهيب ده
    يعني المفروض يكون اعلان او اتنين بين كل برنامج طوال ال24ساعة

    مش مابين كل برنامج والتاني ساعة اعلانات ونفس الاعلانات بتتكرر كتير

    الوقت ده البرامج أولي بيه
    هما بس اساوا التصرف

     
  • في الثلاثاء, يونيو 12, 2007 3:29:00 م , Blogger شيماء الجيزى يقول...

    استاذ محمد

    انا اتفق معاك بشكل كبير جدا بعيداً عن المادة الدينيه التى تقدمها القناة

    فلقد اصبحت تجاريه اكثر منها قناة اجتماعيه ملتزمه كما يصفها مديرها

    فصباحاً اجد برنامج مخصص له مساحة كبير من الوقت لعرض منتجات شركة ما
    وعروض وتخفيضات وتنتقل بقدرة قادر
    الى قناة اعلانيه خالصه

    غير ذلك كل ربع ساعه ربع ساعه تقابلها من الاعلانات
    بجد وبدون افتراء
    الاعلانات موجوده بشكل كبير

    ده بقى غير الشريط الى فى الاسفل الى فيه عروض زواج
    لو صح منها شئ بنسبة 1% وانا عايزة اقول انى كان ليا احدى قريباتى فى حاجه لنمرة شيخ

    وارسلت رساله من موبيلى المبجل
    الى اتاخد منه فى الرساله عشرة جنيه
    وبدون متظهر او يتم اى شئ
    :s

    ولا تعليق غير هذا
    فالاستغلال اعتقد انه واضح
    والترويج للتجارة واضح ايضا

    .................

    ادعوك للقاء المدونين فى بورسعيد
    دعوة للتواصل...يوم صيفى جدا
    التفاصيل بداخل مدونتى
    اتمنى الزيارة

    تحياتى

     
  • في الثلاثاء, يونيو 12, 2007 7:52:00 م , Blogger Hannoda يقول...

    أنا ما شوفتش القناه ده قبل كده عشان مافيش أي وقت للتلفزيون.. لكن..لفت نظري جدا عنوان البوست... الجنة.. و السوق.. أحيانا


    أنا معاك جدا في إن شرائط الماسجات ده شيء مستفز جدا..
    والاعلانات الطويلة بالتأكيد مملة.. لكن بغض النظر عن الملل و الإستفزاز

    اسأل نفسك .. هل اللي بيقدموه فوسط كل ده فيه فائدة حقيقية؟ .. هل أنا بستفيد؟ هل إعلاناتهم تناقد ما يدعونه من حرص على تعليمات الدين؟

    لو آه.. يبقى نعذرهم على اضرارهم لإتباع سياسات الأعمال اللي بتساعد على تنشيط المؤسسة

    وإذا لأ يبقى لك كل الحق في نقدهم...

     
  • في الثلاثاء, يونيو 12, 2007 8:42:00 م , Blogger hapasa يقول...

    آسف على التحليق خارج السرب
    ولكن إيماننا بدفاعكم عنمبدال الحرية
    ندعوكم للتضامن مع عمر الشرقواى المعتقل فى قسم طلخا

    إثر قيامه بتغطية انتخابات مجلس الشورى
    وجزاكم الله خيرا

     
  • في الثلاثاء, يونيو 12, 2007 11:23:00 م , Blogger BinO يقول...

    مختلف معك تماماً قلباً وقالباً
    فالواضح انك لاتتابع القناة جيداً
    وسأبدأ من أخر كلامك
    تقول أن القناة لا تقدم ولا برنامج عن الشباب
    ألم تر مربي الشباب والكبار وحتي الصغار
    الشيخ محمد حسين يعقوب
    يربينا حقيقة
    تربية نظيفة
    في برنامجي فضفضة وكيف وأخواتها
    وكذلك برنامج الشيخ محمود المصري
    مش بقولك انك مش متابع

    طبعاً كثرة الأعلانات تثير الملل
    وتدفع البعض الي النظر مثل تلك النظرة التي ألقيتها في المقالة عن حال القناة
    ولكن ماذا تفعل القناة حتي تنفق علي نشاطها الدعوي علي كتاب الله وسنة نبيه الكريم صلي الله عليه وسلم
    أعطيني أجابة
    ؟؟؟
    ربح تجاري
    لا أعتقد أخي في الله
    فماصاريف الأعلانات ماذا ستغطي في رأيك
    أيجار القمر
    أم الأستديوهات أم المعدات
    أم أجور العاملين
    أم طلبة العلم والبحث
    أم أم أم
    القناة الوحيدة في مصر علي كتاب الله وسنة نبيه
    أنا فخور كل الفخر بوجودها
    فهي علي الأقل توصل مالم أستطيع أيصاله الي أهلي وأصحابي
    والحمد لله
    وربنا يعينهم
    ويوسع من رزقهم


    الأستاذ A.samir
    مالك القناة الخليجية غير مالك قناة الناس تماماً
    فلاداعي الي نقل معلومات غير موثوق منها

     
  • في الأربعاء, يونيو 13, 2007 9:55:00 ص , Anonymous M RASLAN يقول...

    يا نهار ابيض
    ايه يا ابو حميد الحاجات الجامده دي ده اللي يعرفك ميصدقش انك معارض وناقد جامد جدا جدا رغم هدؤءك المعتاد
    انت اللي معايا في المكتب مش مصدق.
    المهم الموضوع ده اساسا مش عاجبني لاني اساسا مابتفرجش علي الناس دي خالص لو عندك قناه اغاني او افلام او مباريات هتلاقيني شغال علي طول

    سلام يا للي هتحبسنا

     
  • في الأربعاء, يونيو 13, 2007 10:15:00 ص , Blogger مـحـمـد مـفـيـد يقول...

    نورهان مفيد
    اعتقد انكي تري الاتجاه الاعلاني الفظيع التي تسير فيه القناه
    بس ايه رأيك في المفرش؟
    هاتيلي واحد معاكي
    :)

    ****************************
    شيماء الجيزي

    اهلا بكي في اول تعليق لكي عندي
    للاسف اري ان الصوره بدأت تأخذ شكل بيزنس علي حساب الدين

    وبالنسبه ليوم بورسعيد ٍاحاول بأمر الله

     
  • في الأربعاء, يونيو 13, 2007 10:17:00 ص , Blogger مـحـمـد مـفـيـد يقول...

    Hannoda
    للاسف هي بدأت في الاول بالاستفاده الكامله
    انما في الفتره الاخيره اتسعت دائره الاعلانات بطريقه غريبه جدا مما أثر علي القناه

     
  • في الأربعاء, يونيو 13, 2007 10:29:00 ص , Blogger مـحـمـد مـفـيـد يقول...

    منذر

    وقد تم يا باشا

    *****************

    الاخ الغالي/ بينو

    اولا سعيد جدا بأختلافك معي ولكن ليتسع صدرك لي

    اولا / مالك القناه هو الشيخ منصور بن كدسه وهو مالك قناه الخليجيه ايضا هذا حقيقه فعلا

    ثانيا / انا لن انتقد اي من المشايخ
    العظماء والاجلاء علي هذه القناه وليس بمثلي انا الذي يتحدث عنهم ولكني انتقد السياسه التي بدأت تتجه للاعلانات بطريقه مفزعه

    ثالثا / برنامج فضفضه فهو ليس موجه
    للقناه بشكل خاص ولكنه غلي حلقات متفرقه يتحدث عن مشكله من مشاكل الشباب ولكني اتمني تخصيص مساحه مخصصه لطرح كل المشاكل وليس بعض وعلي فترات متباعده


    رابعا / اعتقد ان مصاريف القناه لن تكون مكلفه بالقدر الذي يجعل ربع وقتها من الاعلانات وكل ماذكرته يمثل ثمنا ليس بباهظ جدا كما تتصور فقناه المجد فقط تقدم نفس الرساله التي تحملها قناه الناس لماذا لا نجد كم الاعلانات هذه
    لانها تنظر الي الاستفاده بغض النظر عن الربح والدفاع عن الرسول صلي الله عليه وسلم والوقوف امام الحملات الشعواء التي لن تنال من الاسلام

    خامسا /نجحت القناه في الوصول الي كل البيوت المصريه لذلك اتمني ان يعيدوا النظر اليها لاني متفق معك جدا انها نجحت فيما فشلنا نحن فيه ولكن لكي تستمر الرساله الهادفه منها
    وعلي فكره انا من اشد المعجبين بها والمتابعين لها دوماً

    سعيد جدا جدا برأيك وأختلافك
    واتمني ان يتسع صدرك لكلامي

     
  • في الأربعاء, يونيو 13, 2007 10:30:00 ص , Blogger مـحـمـد مـفـيـد يقول...

    M RASLAN

    ايه اللي جابك هنا ؟
    :)
    مش تستأذن الاول
    خليك في الكره والاغاني بتوعك
    وان شاء الله اول ما اتحبس هجيبك معايا
    وأوعي تيجي تاني
    مفهوم والا
    سفريه أسيوط جاهزه

     
  • في الأربعاء, يونيو 13, 2007 12:03:00 م , Blogger مهندس مسلم يقول...

    فعلي القناة يأما تحدد أنها قناة دينيه فقط أو قناة عامه مثلها مثل من القنوات الكثيرة ولا داعي لتخفي خلف عباءه الدين لتحقيق المنافع

    كان نفسي تقول ولا داعي للتحول الى حلب جيوب الناس

     
  • في الأربعاء, يونيو 13, 2007 3:01:00 م , Blogger ibn nasser - ابن ناصر يقول...

    والله اصبح الكثير من االقنوات,وبعض الاشخاص يسترزقون تحت مظلة الدين ..ويظهر ذلك في النغمات وشعارات الموبايل وخلافه لكننا في نفسالوقت نشجع القنوات الهادفه بمعني ان تعمل قناه لتسترزق من هذا الكلام-مع انه مرفوض-لكن افضل من امثال جاد شويري وبعض الفاسدين...
    تحياتي لقلمك الرشيق

     
  • في الخميس, يونيو 14, 2007 5:11:00 ص , Blogger مدونة كسبان يقول...

    الأعلانات شئ عادى جدا
    بس تكون اعلانات

     
  • في الخميس, يونيو 14, 2007 4:56:00 م , Blogger Sampateek يقول...

    انا برضه استغربت اية اللي جرا للقناة دي؟
    بس اكتشفت انها قناة تجارية زي باقى القنوات
    و بيشوفوا الزبون عايز اية
    و لا حول و لا قوة الا بالله


    تحياتي

     
  • في الخميس, يونيو 14, 2007 11:14:00 م , Blogger Sharm يقول...

    ازاي الراجل صاحب القناة ده يعلن عن قناة الخليجية لتلات ايام على الشاشة كده

     
  • في الجمعة, يونيو 15, 2007 5:49:00 م , Blogger hapasa يقول...

    انا بدعوكم رسميا لحضور احتفالية
    مهرجان القلوب التى تستمر سبعة أيام
    ويمكنكم اختيار اي يوم او أية اسمية وذلك لتحقيق مزيد من التواصل الانسانى بين المدونين ولمعرفة مزيد من التفاصيل
    ادخل عندى
    www.hapasa.blogspot.com


    والدعوة عامة لكل مدون او صديق يرغب فى المجيئ

     
  • في السبت, يونيو 16, 2007 4:19:00 ص , Blogger صاحب البوابــة يقول...

    السلام عليكم

    اشكر كل من تساءل عن غيابي

    ووقف بجانبي في محنتي

    تحياتي لكل شريف حر

     
  • في السبت, يونيو 16, 2007 1:19:00 م , Blogger رفقه عمر يقول...

    السلام عليكم استاذ محمد مفيد
    كانوا فى بدايات القناه بينادوا باصحاب الشركات بعمل اعلانات فى القناه لكى تستمر ويقدروا يصرفوا عليها وهو دة الوسيله الوحيدة لتكويل القناه حتى كانت الاول ديكورتها بسيطه جدا دلوقتى بدأوا يحسنوا من شكل القناه شويه بشويه الحاجه الوحيده اللى انا معترضه عليها اعلانات المنتجات الطبيعه والعلاجات
    لان فيه ناس جربوها ولم تكن ليها اى فائدة وطبعا دة اسمه غش والمفروض ان القناه لا تشجع على هذا الغش

     
  • في السبت, يونيو 16, 2007 3:37:00 م , Blogger fares يقول...

    ابناء مصر بنحب. هنقدر. هنغير
    http://abna2masr.blogspot.com/

     
  • في السبت, يونيو 16, 2007 4:04:00 م , Blogger hend يقول...

    قناة الناس وكمان قناة الحكمة نجحوا فعلا وده اكثر بسبب الشيوخ المعروفين فى القناة واللى معروف عنهم انهم شيوخ بجد مش شيوخ تاكاواى زى بعض شيوخ اقرأ او باقى شيوخ الدش وعلى رأس الشيوخ دول طبعا محمود المصرى و حسين يعقوب و محمد حسان
    بس الحلو ميكملش علشان الاعلانات اللى بتمتد لمدة طويلة جدا تصيب المشاهد بالملل وكمان مواعيدها بيبقى وقت ما الناس راجحعة من الشغل وفاضية يعنى منمرين على معاد يخلى الواحد يطفش منهم

     
  • في الأحد, يونيو 17, 2007 1:03:00 ص , Blogger مـحـمـد مـفـيـد يقول...

    مهندس مسلم
    ياريت تحدد علشان نرتاح ونعرف هي عايزه ايه
    نورت البلوج

    ***********************
    ابن ناصر

    اشكرك علي كلامك الجميل
    المشله اننا عارفين ان دول بتوع اغاني انما لما نلاقي قنوات دينيه بتعمل كده تبقي دي المشكله

     
  • في الأحد, يونيو 17, 2007 1:07:00 ص , Blogger مـحـمـد مـفـيـد يقول...

    كسبان

    لاء طبعا لما الاعلانات تبقي بالشكل ده ونقول عليها دينيه
    تبقي مشكله طبعا

    ********************
    سمباتيك

    فعلا لا حول ولا فوخ الا بالله
    حاجه بقت غريبه التحول الغريب غي القناه

     
  • في الأحد, يونيو 17, 2007 1:09:00 ص , Blogger مـحـمـد مـفـيـد يقول...

    شارم باشا

    ما هو لازم يعلن عنها لمده 3 ايام مش القناه بتاعتوا التانيه وعايز الجماهير تروح لها والغله تبقي اتنين
    نورت البلوج رغم الغيبه

    ******************************
    منذر

    حق الاعلان يا نجم؟
    :)

     
  • في الأحد, يونيو 17, 2007 1:11:00 ص , Blogger مـحـمـد مـفـيـد يقول...

    صاحب البوابه الغالي

    يا اخي لا شكر علي واجب
    وأعانك الله وثبتك
    وفي انتظار ابداعاتك كما عودتني يا صديقي


    **************************
    رفقه عمر

    اعتقد ان القناه سابت سكه الدين وراحت سكه البيزنس وده الخوف

    نورتي رغم الغيبه

     
  • في الأحد, يونيو 17, 2007 1:13:00 ص , Blogger مـحـمـد مـفـيـد يقول...

    فارس

    بأمر الله


    *******************
    هند

    انا لم اعترض علي الشيوخ العظام ولا اقدر علي ذلك ولكني اعترض علي السياسه والاتجاه الي الربح دون النظر الي ما يقدم

    نورتي البلوج

     
  • في الأحد, يونيو 17, 2007 1:34:00 ص , Blogger عمرو غريب يقول...

    انا بصراحة بختلف معاك في الرائي يعني علشان مفهاش حاجة لما القناة تعرض اعلانات طالما انها اعلانات محترمة ومفهاش قلة ادب وانا شايف انا طالما انا القناة بتعرض برامج رائعة مفهاش حاجة لما تعرض اعلانات وعلي فكرة لازم تعرض اعلانات لا العلانات هذة هي التي بتغطي تكلفة البرامج من اجور مقدمي البرامج و المصورين و الخرجين يعني انت عاوز الراجل صاحب القناة يفتحها سبيل من غير ما يكسب تحياتي ليك واتمني لك التوفيق عمرة غريب

     
  • في الأحد, يونيو 17, 2007 9:31:00 ص , Blogger Dr-hema يقول...

    استاذ محمد عندك حق وعلى الرغم منى لا اتابع هذه القناة ولكن قد تاجرت باسم الدين لقد وجدت ان هذه القناة فى الشارع المصرى لها شعبية كبيرة جدا وحب على ماذا لا اعرف ولكن ما يحيرنى ان الشخص منا يسمع النصائح الاسلامية فى كل مكان سواء فى الراديو فى الجامع فى اى مصدر ولا يعمل المهم العمل بهذه النصائح مش نبقى قاعدين قدام قناة الناس وخلاص مش عارف هيا الكعكة فى ايد التيميم عجبة زى ما بيقولوا ولا ايه اشمعنا قناة الناس يعنى واللى يحزننى اكتر برده زى ما حضرتك ذكرت الفتيات الطالبة للزواج فى هذه القناة ولا تعليق على ذلك

     
  • في الأحد, يونيو 17, 2007 3:27:00 م , Blogger سهر الليالى يقول...

    كله بزنس وبس لا انتشارالدين ولا الترفيه ولا متعه المشاهده كلها شعارات يا باشا قلبك ابيض ايه الاربح فى الزمن ده
    تحياتى بوست رائع

     
  • في الأحد, يونيو 17, 2007 5:03:00 م , Blogger شـــــهــــروزة يقول...

    أنا أتفق مع وجهة نظر ذو النون المصرى
    لأنه قال نفس الكلام اللى كنت حأقوله

    وكمان عندك من فترة كتب أبو الليل بوست عن قناة الناس بعد باديتها بفترة
    بطريقة جامحة وساخرة قاسية بالفعل
    لكنها برضة وضحت اللى اعتمل فى عقلى من تلك القناة وقت عرضها

    ربنا خلق لنا عقول برضة يا اخواننا

    قناة مش معتمدة الا على فتاوى الحجاب والخمار والنقاب مع احترامى لتلك الفتاوى
    وكمان تفسير الأحلام بالكلاب السودا والبطة العرجا
    وكمان اعلانات عن منتجات بير السلم وعلب الكريمات وحبة البركة والعسل الجبلى والسبح والعطور
    وفك المربوط وحل السحر وخسف العمل المعمول بالبوار ووقف الحال

    وشاشة تأخذك الى الجنة

    حسيت أول ما تابعتها أنها بتخاطب ناس من ساكنى الخيام ومن مرتادى الكهوف لسة وقائدى الجمال والنوق

    مش مسلمين فى عصور اضطرابات و فتنة

    مش مسلمين فى عصر الذرة والهبوط على المريخ..لأن القمر بقا موضة قديمة

    مش مسلمين طالع عين اللى جابوهم من حاكم ظالم وبيصرخوا من الخراب اللى حل بيهم

    مش مسلمين بيقتلوا ويذبحوا يوميا وبيد أبناء عمومتهم كستار خفى للمستعمر الأكبر الغير خفى عن الجميع

    مش مسلمين تلات أرباعهم شباب عاطل عن العمل وعاجز عن الزواج ويبحث عن فرص للعمل الشريف قابض على عفته بجمر من النار

    مش مسلمين منتهكين ومغتصبة حقوقهم وأراضيهم من الحاكم الغاصب والكابس على أنفاس الأجيال لحد ما بقا سن المعاش هنا يبدأ من العشرين

    أين قناة الناس من مشاكل وآهات وآنات الناس؟؟؟؟؟؟

    أعتذر عن عدم اعترافى بتلك القناة

    فأنا لا أقر ولا أعترف الا بما يحقق للعقول غذائها
    وللقلوب نضارتها وعشقها وربطها بالخالق العظيم
    وللحياة الانسانية ما يضمن لها أحترامها وآدميتها وصون عقولها ونفوسها

    تحياتى اخى العزيز
    ====================

    دة لينك بوست أبو الليل عن قناة الناس
    لكن بأسلوب تانى

    صدقنى حيعجبك بالفعل
    لأن انتوا الاتنين كملتوا بعض فى النقاط دى
    http://yakhya7a.blogspot.com/2007/02/blog-post.html

     
  • في الاثنين, يونيو 18, 2007 12:58:00 م , Blogger camera_girl يقول...

    حسيت أول ما تابعتها أنها بتخاطب ناس من ساكنى الخيام ومن مرتادى الكهوف لسة وقائدى الجمال والنوق

    مش مسلمين فى عصور اضطرابات و فتنة

    مش مسلمين فى عصر الذرة والهبوط على المريخ..لأن القمر بقا موضة قديمة

    مش مسلمين طالع عين اللى جابوهم من حاكم ظالم وبيصرخوا من الخراب اللى حل بيهم
    -----------------------------

    شهروزه قالت المفيد تمام جدا ده غير انك خليتنى اخد باللى من القناه الى مكنتش متابعاها لأنى قريت اكتر من مره عن العته الرسمى الى فيها

     
  • في الاثنين, يونيو 18, 2007 7:36:00 م , Blogger Hadota يقول...

    الامر ببساطة
    انا القناة خاصة وبتغطى نفقاتها من الاعلانات لان ملهاش ممول
    والناس اللى شغالة فيا دى لازم تقبض

     
  • في الثلاثاء, يونيو 19, 2007 3:08:00 ص , Blogger صاحب البوابــة يقول...

    السلام عليكم

    كنت قد وعدت أخي الغالي وصديقي محمد مفيد عندما التقيت به أن اكشف للجميع كواليس هذه القناة من واقع تدريبي وعملى بها لفترة

    انتظرني اخي العزيز محمد مفيد فأنا بصدد إصدار هذا البوست قريباً

    تحياتي أخي الغالي وأنا معك فيما قلته قلباً وقالباً

    تحياتي لكل من يبحث عن الحقيقة

     
  • في الثلاثاء, يونيو 19, 2007 9:07:00 ص , Blogger مـحـمـد مـفـيـد يقول...

    عمرو غريب
    انا لست ضد الاعلانات ولكني ضد جعلها قناه تسويقيه علي حساب ما تقدمه
    فلابد من اعاده النظر فيما تتجه اليه تلك القناه
    نورت ياعمرو

    *********************************
    دكتور هيما
    اشكرك علي الزياره
    واعتقد ان القناه لابد من اعاده تصحيح مفهومها وان تحدد ماذا تريد ؟

    نورت البلوج

     
  • في الثلاثاء, يونيو 19, 2007 9:12:00 ص , Blogger مـحـمـد مـفـيـد يقول...

    سهر الليالي

    اشكرك جدا علي التواصل
    الخوف تلك الخوف من هذا التحول الفظيع لدي سياسه هذه القناه
    فلو نظرت الي البيزنس والربح المادي فلابد من التصدي لها

    *****************************
    الغائبه الحاضره شهروزه

    لابد من تجديد الخطاب الديني لمواجهه كل العثرات التي تقع فيها الامه حاليا
    واتفق معكي فيما تقولين

    وفي انتظار عوده المحارب

     
  • في الثلاثاء, يونيو 19, 2007 9:33:00 ص , Blogger مـحـمـد مـفـيـد يقول...

    camera_girl

    فينك ؟
    ونورتي البلوج
    وسيبك من العته في برامج كويسه جدا ولكنها واخده مساحه قليله جدا

    **************************
    حدوته

    اولا شكرا علي زياره البلوج
    ثانيا / القناه مش بتصرف او لها تكاليف زي اي قناه اخري تستدعي الي فتح باب الاعلانات بالكم المهول ده
    وبعدين صاحب القناه فاتحها للعلم والا للبيزنس
    علما بأن من مشايخ البترول في الخليج

     
  • في الثلاثاء, يونيو 19, 2007 9:54:00 ص , Blogger مـحـمـد مـفـيـد يقول...

    عزيزي وحبيبي صاحب البوابه
    ياباشا في انتظار ما وعدتني به وان تتقبل كل هذا النقد عني يا اخي شويه
    هو احنا مش اخوات
    :)

    نورت يا باشا والبلوج بلوجك

     
  • في الثلاثاء, يونيو 19, 2007 2:24:00 م , Blogger mohamed يقول...

    أزال المؤلف هذا التعليق.

     
  • في الثلاثاء, يونيو 19, 2007 2:28:00 م , Blogger mohamed يقول...

    انا شايف نفس وجهه نظر الاستاذ عباس

    القناة عشان تكسب لازم طريقتيت اما الاعلانات او التشفير او انها لو هدفها مش الربح فدى قصة تانية ..

    جزاك الله خير الموضوع رائع

    بعد اذنك انا كنت عاوز اعمل نفس شريط الاخبار اللى حضرتك عملة

    ممكن تعرفنى

    انا ايميلى didodido_2005@hotmail.com

     
  • في الأربعاء, يونيو 20, 2007 2:00:00 ص , Anonymous محمد الجرايحى يقول...

    الأخ الفاضل: محمد مفيد
    السلام عليكم ورحمة الله وبركاته
    حقيقة أستطاعت قناة الناس أن تحقق نجاحاً ملحوظاً وفى فترة وجيزة
    وذلك لتعطش الناس إلى الدين
    وهرباً من مطاردة قنوات الأغانى والأفلام التى تخاطب الغرائز وتعمل على إثارة الشهوات...
    وهذا دليل واضح على أن القلوب مازالت بخير
    ومازالت تبحث عن الخير والنظافة

    وقد يكون هذا النجاح السريع والفائق للمتوقع جعل من أصحاب المصالح التجارية إغراء القناة بالمال استغلالاً للكثافة الجماهيرية
    ويأخذ على القناة والقائمين عليها
    انسياقهم وراء هؤلاء مما حدى بالقناة إلى الخروج عن الطريق المطلوب وهذا يهدد
    استمرارية القناة

    أخى : نحن فى أشد الاحتياج لقنوات تعيد المبادئ السامية ، وتنشر القيم الهادفة
    وتقف سداً منيعاً أمام طوفان العرى

    تقديرى واحترامى
    واعتذارى عن الإطالة
    أخوك
    محمد

     
  • في الأربعاء, يونيو 20, 2007 1:38:00 م , Blogger همسات يقول...

    مع احترامى لكل الأراء
    انا شايفة انها شاشة تأخذك الى الجنة والسوق او النار أحيانا
    لما نستغل الدين غلط فى ترهيب الانسان
    ونفهمه غلط للناس
    يبقة عادى لما استغلها فى الاعلانات
    عارفة ان ناس كتييير هتهاجم كلامى ده
    بس ده انا شايفاه
    اما يخلوا النقاب فرض
    والغناء حرام _رغم وجود كثير من العلماء حللوه اذا كان كلامه محترم_
    واللحية فرض
    والنساء أعداء
    متهيألى عادى التجارة بقة باسم الدين
    رغم ان اى قناة بالتأكيد محتاجة لتمويل بس اكيد مش من رسائل الsms
    واعلانات الاعشاب اللى متعرفش منين اصلا
    خاصة لو قناة دينية

     
  • في الخميس, يونيو 21, 2007 1:06:00 ص , Blogger smraa alnil يقول...

    ياا سلااام عليك
    بجد بوست في الصميم بجد
    وفي الجون كمان

    انا كمان ماما لما كانت تقولي سيبي القناه دي دينية
    كنت اقولها فين دي روح الدين فيها
    يمكن لاني مش كنت متابعاها علي طول

    بس ياما حاجات كتيرة بتتعمل باسم الدين

    مش هتيجي علي الانات وشوية رسايل

    عارف انا اكتشفت ان الغرب مش غلطانين فينا ولا حاجة ولا بيسيئوا للاسلام
    لكن احنا اللي سيئنا الاسلام بينا

     
  • في الخميس, يونيو 21, 2007 9:54:00 ص , Blogger مـحـمـد مـفـيـد يقول...

    محمد كش ملك

    اولا الطلب وصل ولو في اي حاجه انا تحت امرك

    ثانيا القناه ليست بحاجه الي كم الاعلانات الفظيع والمرعب ده لان تكاليفها ليست بالباهظه

     
  • في الخميس, يونيو 21, 2007 9:59:00 ص , Blogger مـحـمـد مـفـيـد يقول...

    محمد الجرايحى

    اولا اشكرك علي الزياره الكريمه
    ثانيا / بسبب تعطش الناس للدين وهروبهم من قنوات الاغاني نجحت قناه الناس في الوصول الي كل البيوت ولكن ليس ضريبه النجاح ان تخرج عن الاطار وتبدأ في استغلال القناه للبيزنس والبعد عن المصلحه والنفع التي خصصت من اجله

    اشكرك علي تعليقك القيم واتمني التواصل

     
  • في الخميس, يونيو 21, 2007 10:08:00 ص , Blogger مـحـمـد مـفـيـد يقول...

    همسات

    طبعا انا لست ممن يقدرون عن التحدث علي الفتاوي لان لها اهلها

    ولكن القناه كسياسه اعتقد انها محتاجه مراجعه وتصحيح بعض المفاهيم

    شكرا للزياره

     
  • في الخميس, يونيو 21, 2007 10:13:00 ص , Blogger مـحـمـد مـفـيـد يقول...

    عروسه التدوين
    أنجي

    اولا / شكرا علي كلامك الجميل
    ثانيا المشكله الكبري في استغلال الدين للمصالح والبيزنس


    عارف انا اكتشفت ان الغرب مش غلطانين فينا ولا حاجة ولا بيسيئوا للاسلام
    لكن احنا اللي سيئنا الاسلام بينا

    جامده اوي دي يا انجي
    بس لازم احنا اللي ننصلح الاول وبعدين نغير الصوره لانها كما قولتي مش نقيه

    شكرا جدا لكي وعلي كلامك الجميل

     
  • في السبت, يونيو 23, 2007 2:53:00 م , Blogger nesrelsharke يقول...

    فعلا أخى صدقت
    انا لاحظت الحكايه دى فعلا
    بس للأسف فى ناس كتير مأخدتش بالها من الحكايه دى و بقى كل همها الشيخ محمود اللى بيفسر الأحلام والكلام اللى زى ده
    على العموم ربنا يهدينا جميعا

     
  • في الأربعاء, يوليو 18, 2007 8:39:00 م , Blogger قلم جاف يقول...

    الغاية لا تبرر الوسيلة يا سادة..

    وللأسف ، عندما نتعصب نجد المبرر الجاهز لكل تصرف حتى مع علمنا بأنه خاطئ ويتنافى مع ما نؤمن به ونعتنقه!

    آل إيه.. القناة محتاجة فلوس؟

    بالطريقة دي؟

    الرسائل القصيرة في قاع الشاشة لا تراجع على الإطلاق ولا أحد يكترث لها!

    الإعلانات التي لا تتأكد القناة الدينية من مصدرها ..

    أود تصحيح معلومة على الماشي : أي قناة "حرة" في إنها ترفض إعلانات تتعارض مع سياستها .. المفروض إن القناة الدينية دي تتحرى المصداقية في إعلاناتها اللي بتعرضها مادام ذلك ممكن (وحسب علمي إنه ممكن جداً بدليل إشراف "الخبير الاقتصادي" سعيد توفيق بركات على قناة البركة "الشقيقة" لقناة الناس واللي معظم الناس دي بتيجي من طرفه)

    لكن دة مبيتنفذش!

    وموقف القناة من الغناء أغرب ، فبنشوفها بتذيع أغاني وإنشاد "إسلامي" .. رغم إن هذا الإنشاد الترانيمي المنسوب للإسلام لم يذكر في القرآن الكريم والسنة المطهرة..

    أتمنى أن تبتعد تلك القناة عن حشر الدين في أساليب تمويلها.. وربنا يهدي الجميع إلى سواء السبيل..

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية