فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الجمعة، يونيو 29، 2007

ما ذنبهم ....؟

موضوع غريب جداً خرجت به علينا وزاره العجائب ( التربيه والتعليم سابقا ) تجاه حريق 67 ورقه أجابه للغه الانجليزيه لطلبه الثانويه ( السامه ) وفي طريقها لحل هذه المشكله الذي اثبتت لجان الفحص أن الخطأ في السياره لانها لم تكن سليمه مئه بالمئه طرحت الوزاره حلول أبسط ما يقال عنها الا أنها استخفاف بعقول الطلبه وأولياء الامور معا الحلول هي

ان يأخذ الطلبه نصف درجه الماده ويرضوا بنصيبهم

او ينتظروا الدخول الدور الثاني في الماده

حلول اعتقد مرضيه جدا وكافيه لتعويض هؤلاء الطلبه . أعتقد ان الحل الجهنمي الاول مرفوض تماماً وغير قابل للتفكير فيه . اما الحل العبقري الثاني فما ذنب هؤلاء الطلبه وأولياء أمورهم ان يجلسواالي شهر أغسطس داخل هذا المعسكر اللعين الذي جعلته الوزاره وبالاً علي جميع أولياء الامورمن أستنزاف الدروس الخصوصيه وحرق للاعصاب طوال العام ليس كافياً أن يظلوا في تلك الحلقه المفرغه يسددون فاتوره تقاعس الوزاره عن توافير الامن والسلامه ليس للطلبه ولكن لنقل اوراق الاجابه سالمه غانمه الي لجان التصحيح التي يعتصم فيها المصححين للمعامله غير الادميه لهم من الوزاره

ما يضار الوزاره في أعطاء هؤلاء الطلبه ال67 الدرجه النهائيه في الماده؟

أو من الممكن أن تكون بعض الاجابات تحتوي علي مواد متفجره وهنا فقط من الممكن قبول احد الحلول المطروحه

أعتقد أن تعنت الوزاره تجاه حلول المشاكل أصبح أحد سمات الوزاره المبجله

التسميات:

30 تعليقات:

  • في السبت, يونيو 30, 2007 12:00:00 ص , Blogger Monzer يقول...

    ماذا لو كان هؤلاء الطلبة هم أبناء المسئومين الكبار
    ماذا لو كانوا ممن فى المدارس الامريكية والبريطانية

    ماذا لو كانت اوراق هذه الإجابات أوراق الترشيح المزورة والمزيفة
    والله لو كانت هذه هي أوراق الترشيح المزيفة والمزورة لكانوا حافظوا عليها، ولكانت مهمة لهم أكتر من تعب وكد وجهد واموال وسهر وعناء هؤلاء الطلبة

    فليشعروا بنا ولو لمرة واحدة فقط

    حقيقة موضوع اكثر من رائ وأسلوب تناول ساحر
    اتعلم منك الكثير يوما بعد يوم

     
  • في السبت, يونيو 30, 2007 12:26:00 ص , Anonymous ام عهد يقول...

    بجد انا مش عارفه اقول ايه يامحمد ربنا ينتقم منهم ايه زنب الطلبه يقعدوا طول الفتره دى تانى دول ياربى مابيصدقوا يخلصوا وايه ذنب الاهالى الغلابه اللى مموتين نفسهم وحرقه دم واعصاب هيفضلو تانى فى نفس الوضع عشان خاطر عدم الاعتناء والتهريج بجد كده كفايه حسبى الله ونعم الوكيل
    موضوع رائع يا حماده
    اتمنى لك المزيد من التالق

     
  • في السبت, يونيو 30, 2007 12:42:00 ص , Blogger نبض اسكندرية يقول...

    لا تعليق

    حسبنا الله ونعم الوكيل

     
  • في السبت, يونيو 30, 2007 12:02:00 م , Blogger أحمد المصري يقول...

    بس انت فلتها في الآخر التعنت هو سمة الوزارة00بل كل الوزارات00ولا عزاء للطلبة 00

     
  • في السبت, يونيو 30, 2007 2:41:00 م , Blogger SAKAyAR يقول...

    يا محمد باشا زمانهم بيهزروا بس مع الطلبة
    وحتى لو مش بيهزروا ... متهيألي اللي بيتعمل ده نبع برنامج مقدمة الحزب الوطني اسمه كيف تكره بلدك

     
  • في السبت, يونيو 30, 2007 2:45:00 م , Blogger mohamedgado يقول...

    مش هاقول غير كلمتين
    ده اهمال واستهبال
    تحياتى

     
  • في السبت, يونيو 30, 2007 3:07:00 م , Blogger اه يا دماغى يقول...

    طبعا استخفاف بعقول الناس عامة
    نص درجة بتفرق
    ازاى

    تحياتى

     
  • في السبت, يونيو 30, 2007 10:00:00 م , Blogger ضـوء الـقـمر يقول...

    لو كانو ولادهم هم اللي تعبوا وسهروا وذاكروا مكنش حصل كل ده
    ولو هم الاهالي اللي صرفوا دم قلبهم على تعليم ولادهم بردو مكنش حصل كل ده
    انا بجد مش لاقيه كلام اقوله بس هقول ايه اكتر من ان : هي دي بلدنا
    ربنا يكون في عوننا

     
  • في السبت, يونيو 30, 2007 11:31:00 م , Blogger mo'men mohamed يقول...

    أنت عارف
    لو كان من الـ 67 دول واحد ابن واحد مهم
    كان أخد الدرجة على طول
    بس نعمل ايه
    دول عالم ولاد ــــــــــ
    حسبى الله ونعم الوكيل
    السلام عليكم

     
  • في الأحد, يوليو 01, 2007 12:56:00 ص , Blogger soosa el-mafroosa يقول...

    الله ...يعني اللي تتحرق ورقته تقترح ياخد الدرجة النهائية

    نتيجة الكلام ده هتظهر السنة الجاية لما ورق كل المواد يتحرق و يمكن يحرقوا المصححين كمان


    الإهمال في بلدنا له جذور ضاربة في القدم...مش عارفة بنستغرب ليه

    يا جماعة احنا دولة متخلفة...اللي مش طبيعي اننا لسه عايشين و ماولعناش في روحنا كلنا

     
  • في الأحد, يوليو 01, 2007 1:04:00 ص , Blogger Dody يقول...

    بجد انا متغاظه من ساعه ما عرفت الموضوع ده

    وبجد حسبنا الله ونعم الوكيل
    وذنب الطلبه دول واهاليهم مش هيروح كده

     
  • في الأحد, يوليو 01, 2007 7:07:00 م , Blogger حائر في دنيا الله يقول...

    تعليم أونطة
    هاتوا عقولنا
    !!!

     
  • في الأحد, يوليو 01, 2007 7:30:00 م , Anonymous محمد الجرايحى يقول...

    السلام عليكم ورحمة الله وبركاته
    أخى الفاضل: محمد مفيد
    إنه الظلم بعينه
    فما الذنب الذى اقترفه هؤلاء حتى نجازيهم بمثل هذا الجزاء
    هؤلاء الطلبة فى حاجة إلى نظرة ابوية حانية عادلة

    تقديرى واحترامى لك أخى الكريم

    أخوك
    محمد

     
  • في الاثنين, يوليو 02, 2007 12:47:00 ص , Blogger رينـــــــــــا يقول...

    يااستاذى
    دا ينم على عقليه عبقريه فاذة
    نظام تعليم مطبقش والا هيطبق فى العالم اساسا
    وبعدين هى جت على دى :D

     
  • في الاثنين, يوليو 02, 2007 10:07:00 ص , Blogger مـحـمـد مـفـيـد يقول...

    حبيبي منذر
    شكرا علي الاشاده
    ولكنك تشعر بأن الوزاره في واد والطلبه واولياء الامور في واد اخر
    فلن يشعروا بنا يا عزيزي

    **************************
    أم عهد
    مش مهم عندهم حرق الاعصاب مش مهم المعسكرات
    المهم ان الامتحانات دون شكاوي
    المهم اتنه في مستوي الطالب المتوسط
    في الاخر ايه اللي هيحصل هتتحرق الاجابه وخلاص
    يتعبوا نفسهم ليه

    ************************
    اسماء
    نعم
    حسينا الله ونعم الوكيل

    **************************
    أحمد المصري
    شرفت بزيارتك واتمني التواصل

    **************************
    SAKAyAR
    حلوه فكره كيف تكره بلدك دي؟
    بس تعتقد انهم فعلا هيقدورا
    نورت بأول زياره لك
    **********************
    محمد جادو
    كلمتين في الصميم
    اشكرك جدا

     
  • في الاثنين, يوليو 02, 2007 10:33:00 ص , Blogger مـحـمـد مـفـيـد يقول...

    اه يا دماغى
    وطبعا لو في خطأ من اي طالب هيوله انما الوزاره مش مهم

    **********************
    ضوء القمر
    بجد لو بيحسوا بالمعاناه كانوا قدروا يفكروا فيهم مش يقرروا
    ربنا يرحمنا

    ***********************
    mo'men mohamed
    لو واحد منهم ابنه اللي حصل معاه كده ماكنش كمل الامتحانات اساسا لان الدرجات النهائيه كلها في جيبه يا حبيبي

    **********************
    سوسه
    ا جماعة احنا دولة متخلفة...اللي مش طبيعي اننا لسه عايشين و ماولعناش في روحنا كلنا
    جامد اوي ومن الاخر

    **********************

     
  • في الاثنين, يوليو 02, 2007 10:45:00 ص , Blogger مـحـمـد مـفـيـد يقول...

    دودي
    ذنبهم انهم قرروا يدخلوا ثانويه عامه
    لو قعدوا في البيت كان زمانهم بقوا وزراء دلوقتي

    **********************
    عم احمد الحائر

    اونطه اونطه
    حتي عقولنا قدروا يحتلوها


    **********************
    أ/ محمد الجرايحي
    ومن من تأتي هذه النظره
    الم يتعرض الطلبه طوال العام الي الظلم ولا احد يشعر بهم حتي نطلبها ايام الامتحانات
    طلب صعب المنال

    نورت المدونه وسعيد بتواصلك

    *************************

    العزيزه رينا
    أبتسمي وبكل فخر
    فأنتي في مصر
    بلد العجائب

     
  • في الاثنين, يوليو 02, 2007 1:51:00 م , Blogger نقطة مية يقول...

    السلام عليكم..
    المشكلة اننا اتعودنا على عدم ارجاع الحق لاصحابه..فابنستكثر على صاحب الحق حقه و بنحاول نرجعه منقوص..مش عارفة ليه دي بقت سياسة دولة..و بصراحة متخيلش نفسي مكان احد هؤلاء الطلبة او اهاليهم..فهم في وضع لا يحسدون عليه..والاخطر انهم لما يدخلوا الجامعة مش هيكون في دماغهم انهم يدوا البلد حقها..
    ربنا يصلح الحال

     
  • في الثلاثاء, يوليو 03, 2007 1:30:00 ص , Blogger يا مراكبي يقول...

    أول مرة أسمع الموضوع ده .. لكن المصيبة الأكبر في الحلين اللي طرحتهم الوزارة

    وعلى فكرة .. أغلب القرارات الحكومية لو تابعتها هتلاقيها دايما غير منطقية وغير عقلانية وخارجحدود المنطق

    الشخصية لا تتجزأ يا عزيزي .. وفاقد الشيء لا يعطيه

     
  • في الثلاثاء, يوليو 03, 2007 2:18:00 ص , Blogger ياسمين يقول...

    صحيح ايه ذنبهم الطلبة دول
    والله حرام

    المفروض يرفعوا قضية على الوزارة ويطالبوا فعلا بالدرجة النهائية

    تحياتى موضوع مهم

     
  • في الثلاثاء, يوليو 03, 2007 4:07:00 ص , Blogger break يقول...

    انا كمان والله فعلا صعبانين عليا اوى
    بس مش معنى كدا انى مقتنعة انهم ياخدو الدرجة النهائية بردو
    فى ناس تانية كدا هتتظلم
    وميخدوش نصف الدرجة لانهم هيتظلمو
    حسة الموضوع فعلا عايز حل غير دا ودا و دا
    مش مشكلتهم اه ان العربية اتحرقت
    بس فكل الاحوال ذنبهم فرقبة الوزارة
    دا غير انهم عمالين يطلعو اجيال بتحب مصر اكتر واكتر


    تحياتى

     
  • في الثلاثاء, يوليو 03, 2007 1:24:00 م , Blogger شـــــهــــروزة يقول...

    ومازال مسلسل الاستحمار والاستغباء المصرى مستمر


    ويضيع مستقبل كام طالب علشان غلطة واهمال وتسيب وزارة التربية والتعليم
    زى ما يكون مكتوب علينا ولحد دلوقتى ان ندفع نحن كشعب ثمن اخطاء الكبار ويخرجوا هم من اخطاءهم ابرياء براءة الذئب من دم ابن يعقوب


    ولية ميحصلوش على الدرجة النهائية فى المادة؟؟؟؟؟؟؟؟؟؟؟؟؟
    ولية يحطوهم فى الكوم الناقص دايما
    ولغلطة هم اللى ارتكبوها؟؟؟؟؟؟؟

    أة يا بلد

     
  • في الثلاثاء, يوليو 03, 2007 8:58:00 م , Blogger خليك فى البيت يقول...

    ندعوكم لزيارة مدونة خليك فى البيت والمشاركة فى الحملة

     
  • في الأربعاء, يوليو 04, 2007 10:31:00 ص , Blogger نورهان مفيد يقول...

    أولا ابق غبية جدا
    لو دخلت في حرب مع أستاذي ومعلمي
    ثانيا
    أنا أصغر بكتير من أن أقول رأيي في مدونتك لآن ببساطة أنا مستوي تفكيري أقل بكتير مما يدور هنا
    من حوارات ومناقشات

    ولكني أحاول التعلم للمشاركة والآطلاف فقط وليس من أجل النقد والتجريح

    مدونة حضرتك من كتر ماهي حقيقية فهي بتوجع لآن الحقيقة صعبة وبتوجع

    ومن كتر الوجع بقي في أكتئاب ولآكتئاب بيجي من السواد المستديم

    حاول تدور علي نقطة ضوء واحدة
    نمشي وراها
    أتكلم عن حاجوة واحدة حلوة بتحصل رحمة بينا مش أكثر

    أسفة للاطالة
    وأدخل في صميم البوست بقي عشان أعلق
    ياسيدي
    العربية ولعت ايه الشبهة الجنائية في كده ولا من مصلحة مين يحرق ورق أمتحانات طلبة في ثانوية عامة

    بيقولوا درجة الحرارة كانت خمسين في الظل فما بالك في الشمس والعربية ماشية مسافات طويلة

    أنا معاك أن الحلول مستفزة وده مش جديد عليهم
    والحل أنهم يا خدوا الدرجات النهائية
    في المادة مفتكرش هتأثلر كتير
    تحياتي

     
  • في الأربعاء, يوليو 04, 2007 10:39:00 ص , Blogger مـحـمـد مـفـيـد يقول...

    نقطه ميه
    فعلا لما يقل الانتماء وتلاقي لا مبالاه عند الطلبه وتلاقي دايما حقك منقوص
    نرجع ونقول ليه الشباب بيحصل لهم كده وليه وليه وليه

    شكرا للزياره وغرقتي البلوج بالميه الرائعه
    **********************************
    أحمد ثروت باشا


    أي خدمه يا عم اخوك جايبلك الاخبار كلها اهي
    وفعلا فاقد الشئ لا يعطيه

    **********************************
    ياسمين
    شكرا للزياره وثناءك
    وبعد القضيه عقبال ما يتحكم فيها يكونوا الطلبه ماتوا

    **********************************
    break
    طيب ايه الحل ؟
    مش فيها ظلم برضه للطلبه لما يقعدوا لشهر 8
    انا طرحت بديل بس او حتي بفكر في حل انما هما مش ناويين يفكروا
    شكرا للزياره

    ********************************
    العزيزه شهروزه

    ومازال مسلسل الاستحمار والاستغباء المصرى مستمر
    وسيزال ابد الدهر
    نورتي بجد

    *************************
    خليك في البيت
    شكرا

     
  • في الأربعاء, يوليو 04, 2007 11:10:00 ص , Blogger مـحـمـد مـفـيـد يقول...

    أختي وحبيبي نورهان مفيد
    اولا انتي قدها وقدود ومفيش حاجه في التدوين اسمهامستوي تفكير كبير وصغير
    وبعدين يا نانا
    انا شايف اننا لازم نتكلم عن المشاكل ونحاول نشوف لها حل وده اللي مخلي البلوج اسود شويه بس انا مش ينفع اجي واقول لنورهان برافو علي اللي عماتيه لان المفروض ان كل واحد يعمل حاجه تكون حلو ويكون بيعملها بضمير
    ولازم انقد لان النقد هو اللي بيظهر الجوانب الخفيه للمواضيع
    ده مش معناه ان التدوين كله اسود لاء
    انا بحب النقد وبحب اطرح المشاكل اللي بتهزني وشايف ان الحياه الشخصيه دي ملكي والحياه الاجتماعيه كلنا نحيا فيها فالمختلف عن الناس كلها هو التفكير في المواضيع


    بالنسبه لرد فنا متفق معكي


    سعيد جدا بأختلافك معي يا نور ولو ما اختلفتيش معي تبقي بتنافقي

    وماشي يا عفريته

     
  • في الأربعاء, يوليو 04, 2007 11:18:00 ص , Blogger نورهان مفيد يقول...

    معاك
    بس الل بيعمل برضه حاجة حلوة وبضمير يستحق مننا الشكر والتقدير والتشجيع علي أنه يستمر في أنه يعهمل حلو

    كلنا بنبقي مبسوطين لما بنسمع كلمة حلوة علي حاجة عملناها صح والكلمة دي بتدفعنا نحقق تاني وننجز اكتر واحسن

    يبقي الحلو ياخد حقه والوحش ياخد فوق دماغه

    أما عن حياتك الشخصية فمش قصدي أنك تتكلم عن حياتك وبيتك
    في حاجات بتبقي شخصية بس برضه عامة
    فاهمني
    في حاجات كتير بتحصل في يومنا نستحق نتكلم عنها بعيد عن السياسة والبلد والنظام
    الانسان ويومه وحياته وقلبه ومشاكله وتناتقضه مع نفسه فرحه وحزنه
    كل ده عشان الدايرة تكتمل

    معايا ولا ايه
    مش هقولك كلمنا عن الحب واعمل اسامة منير لانك اصلا مش بتعترف بالحب بس بص حواليك هتلاقي حاجات بجد تستحق التحدث عنها بعيد عن الحياة السياسية والاجتماعية


    تحياتي

     
  • في الأربعاء, يوليو 04, 2007 11:21:00 ص , Blogger مـحـمـد مـفـيـد يقول...

    لو حضرتك جيبتي المدونه من الاول هتلاقيني بتكلم في كل حاجه بس انتي لما بدأتي تتابعي حظك جه كده
    انما حكايه الحب
    فالحب مش نحنحه وسهتنه وتسبيل
    الحب افعال

     
  • في الاثنين, يوليو 23, 2007 8:15:00 م , Blogger maro يقول...

    ما ده ابسط حل يخرج من وزارة التربيه و التلقين
    الموضوع ده لو كان حصل فى اى دوله محترمه كانت الدنيا انقلبت زى العربيه ما انقلبت باوراق الاجابات
    لن لان الوزير قايم ع التلقين فيقول و ايه يعنى اهم حيحفظوا لهم كلمتين و بعدين يكبوهم

     
  • في الأربعاء, يوليو 20, 2011 3:30:00 ص , Anonymous افلام اون لاين يقول...

    مشكووووووووووور

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية