فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، نوفمبر 14، 2007

فليتسع صدرك لي

فضيلة مفتي الديار الحكومية ( علي جمعه ) بات من أكثر الشخصيات أثارتاً للجدل في الفترة الاخيره

فكل يوم له مشكله معينه في حياتنا اليومية والتي تجعله كثير ما يقع في المحظور . ولكن هذه المره سقط سقوط مدوي عندما تصدر للإفتاء في قضيه غرق الشباب حيث صرح بأن( الشباب الغرقي ليسوا شهداء ولكنهم طماعين لأنهم سافروا بحثاً عن المال ) فقد كانت هذه الفتوى كالصاعقة علي كل الناس من عده أوجه وهي توقيت الفتوى والتي أحرقت قلوب أهالي الضحايا أكثر وأكثر والادله الواهية التي ساقها المفتي لتبرير الفتوى العجيبة وعندما تعرض للنقد خرج وبرر الموضوع بحجه وضيعه حينما قال هي ليست فتوي ولكنها رأي شخصي خاص بي

فليتسع صدرك لي يا فضيلة المفتي.فأنك لم تدخل في علم الغيب وتعرف هل هم شهداء أم لا ? فأنت لأتملك ختم الشهادة لتوزعه علي من تريد ومن وجهه نظري المتواضعة انه سفر شرعي بحثاً عن قوت يومهم الذي لم تنجح الحكومة في توفير العمل لهم أليس هذا سعي للرزق يا فضيلة المفتي ؟

فليس برجل مسئول مثلك مطالب بإصدار احكام شرعيه أن يعبر برأيه في مواضيع تحتاج إلي أحكام

فما أكثر من مفصلي تلك الأحكام والقوانين لتفصيلها علي مقاس الحكومة

من وجهه نظري أن الاعتذار الوحيد المقبول منك يا فضيلة المفتي وان كنت لا تقدر عليه

إلا وهو الإستقالة


التسميات:

32 تعليقات:

  • في الأربعاء, نوفمبر 14, 2007 3:37:00 م , Blogger Mohamed A. Ghaffar يقول...

    الإستقاله كلمه خارج القاموس المصرى

    وعلى اسوأ تقدي اجتهد واخطا فله اجر

     
  • في الأربعاء, نوفمبر 14, 2007 3:54:00 م , Blogger ibn nasser - ابن ناصر يقول...

    هههههههههه
    اجتهد وله أجر!!!
    مش عايزين اجتهادة شكرا
    هو مين عشان يقول شهيد ولا لأ
    وقبل كدة يقولي اللي خبطتو عربية انتحر
    مش شهيد
    عشان عربية الشرطة اللي داست البت!!
    لا ده فوق الفظيع
    ..
    تحياتي
    مقال رائع

     
  • في الأربعاء, نوفمبر 14, 2007 7:34:00 م , Blogger عصفور المدينة يقول...

    المشكلة يا أخي إن الناس لم أصبح كثير منهم مرجعيتهم دينية أصبح دور هذا المفتي أو غيره تفصيل الفتاوى لكل حدث حيث أن الناس ينظرون بمقياس الشرع فكان لادب استخدام نظارة سوداء لتعمية هذه النظرة

     
  • في الأربعاء, نوفمبر 14, 2007 9:20:00 م , Blogger smraa alnil يقول...

    يوم ما قلت اني مش بحب معظم الشيوخ
    قامت الدنيا ومش قعدت

    الناس دي كل مرة بتثبتلي انها الامر بامر الحاكم مش بامر الله
    وان ليا مصلحة ما
    وان هما لا يستحقون ارتداء ملابس الشيوخ

    الدين بتاعنا غير بتاعهم

    تعرف الهايف منين يجي الهايفة ويتصدر

    فين بقي المفتي من فتواه في الخمر اللي موجود في بلدنا
    فين المفتي في فتواه في غرق الالف في العبارات
    والفيديو كليب
    ولاغاني الهابطة
    والافلام النجسة
    والسياسة العميا

    حسبي الله ونعم الوكيل

     
  • في الأربعاء, نوفمبر 14, 2007 10:30:00 م , Blogger وطني يقول...

    لماذا يستقيل ؟
    هل إعترافا بالخطأ؟
    أم رجوعا إلى الحق ؟
    يا اخي الكريم .. لو كانت عنده هذه المؤهلات و لو كانت لديه هذه الثقافة - ثقافة الرجوع إلى الحق و الإعتراف بالخطأ- لما تم إختياره أصلا من أهل الفساد و الإفساد في بلادنا لشغل هذا المكان وتولي هذه المسؤولية
    دعني أسألك بالله عليك .. لو وسد الأمر للفاسدين ماذا ستكون النتيجة ؟ وماذا لو وسد الأمر للمفسدبن ؟؟؟؟؟؟؟؟؟؟

     
  • في الأربعاء, نوفمبر 14, 2007 11:02:00 م , Blogger انسااااااااانة يقول...

    انتوا حيرتونى والله , ناس تقول على جمعه زيه مفيش وناس تقول مش عارفة ايه


    بصوا بالنسبة للى انتوا قلتوه فعلا موقف يخجل منه اى احد ان مفتى يقولرايه الشخصى فى مسالة زى ده وبالطريقة ده

    مش عارفة اقول ايه اذا كان مافعله المفتى او ما فعله ويفعله وسيفعله بنا شيخ الازهر
    لا حول ولا قوة الا بالله العلى العظيم

     
  • في الخميس, نوفمبر 15, 2007 11:14:00 ص , Blogger مـحـمـد مـفـيـد يقول...

    حبيبي محمد عبدالغفار
    فعلا الاستقاله لم ترد في قاموس مصر
    ولكن المشكله انه عندما يجتهد ويخطأ لاب من الاعتراف بالخطأ اذا تبين له ذلك

     
  • في الخميس, نوفمبر 15, 2007 11:16:00 ص , Blogger مـحـمـد مـفـيـد يقول...

    ابن ناصر
    الاخطاء زادت جدا منه في الفتره الاخيره
    بجد الموضوع بقي غريب جدا

     
  • في الخميس, نوفمبر 15, 2007 11:18:00 ص , Blogger مـحـمـد مـفـيـد يقول...

    عصفور المدينه
    تبقي طامه كبري لو اصبح هذا هو دور المفتي وهو تفصيل الفتاوي
    اللهم ارحمنا

     
  • في الخميس, نوفمبر 15, 2007 11:18:00 ص , Blogger مـحـمـد مـفـيـد يقول...

    عصفور المدينه
    تبقي طامه كبري لو اصبح هذا هو دور المفتي وهو تفصيل الفتاوي
    اللهم ارحمنا

     
  • في الخميس, نوفمبر 15, 2007 11:18:00 ص , Blogger مـحـمـد مـفـيـد يقول...

    انجي
    بجد مش كلهم أكيد في ناس كتيره علي قدر كبير من العلم
    فالتوي لا تحتاج الي علم بقد ما تحتاج الي فقه
    نورتي البلوج

     
  • في الخميس, نوفمبر 15, 2007 11:20:00 ص , Blogger مـحـمـد مـفـيـد يقول...

    اخي الوطني
    أجابه سؤالك مريره
    فأنظر الي حالنا لتعرف الاجابه
    دمت بخير

     
  • في الخميس, نوفمبر 15, 2007 11:21:00 ص , Blogger مـحـمـد مـفـيـد يقول...

    أنسانه

    مش مهم الناس بتقول ايه
    المهم انتي شايفاه ايه؟
    من تمرير الحرام وتحريم الحلال
    والاخلال بالقواعد الدينيه
    تسميه ايه؟
    المشكله عنده هو لانه ليس لديه اي اسانيد ومراجع دينيه لما يقوله

     
  • في الجمعة, نوفمبر 16, 2007 10:51:00 م , Blogger آلام وآمال يقول...

    أسأل الله العظيم رب العرش العظيم أن يصلح أحوالنا وأن يولي أمورنا خيارنا ولا يوليها شرارنا وأن يردنا إلى دينه ردا جميلا

     
  • في السبت, نوفمبر 17, 2007 2:23:00 ص , Blogger ذو النون المصري يقول...

    زي ما قلت
    فعلا مثير للجدل
    فتاواه اصبحت غريبه جدا
    اول ما بدا كان ممتاز ومحترم
    مش عارف ايه اللي بوظه

     
  • في السبت, نوفمبر 17, 2007 4:23:00 ص , Blogger سكوت هنصوت يقول...

    مفييد

    كأننا عدنا الى القرون الوسطى

    و عصر الكنيسة حين كان البابا يوزع صكوك الغفران

    سبحان الله...كيف يتناسى المفتي قوله تعالى...فيما كنتم قالوا كنا مستضعفين في الارض..الم تكن ارض الله واسعة فتهاجروا فيها

    ان كان هؤلاء البسطاء يفضلون الموت على العودة لديارهم...الا يفتينا المفتي في حكم من يسرق قوت الناس..و يغرقهم..ثم يهرب و لا يحاكم

    بل ما حكم من يدلوا بأموالهم الى الحكام ليأكلوا فريقا من اموال الناس بالإثم...

    ولا حكم من إذا سرق فيهم الشريف تركوه..و ان سرق فيهم الفقير اقاموا عليه الحد

    الا يكفي فخامته..ما نلاقيه في بلادنا من ذل و انكسار و هوان

    كمان هيسمموا علينا عيشتنا بإنهم يحرموا علينا الجنة

    مش كفاية قلبوا الأرض جهنم حمرا..كمان هيمنعوا عننا الشهادة

    حسبنا الله و نعم الوكيل

     
  • في السبت, نوفمبر 17, 2007 12:02:00 م , Blogger سارة يقول...

    المشكلة لطنطاوى وجمعة واحدة وعامة فى ربوع مصر

    ان يتصدى رجال الدين لاصدار فتاوى سياسية لا تليق الا بمزاج الحاكم
    فالنتيجة الطبيعية ان نرى تلك الفتاوى المشبوهة

    تحية

     
  • في السبت, نوفمبر 17, 2007 6:14:00 م , Blogger مـحـمـد مـفـيـد يقول...

    الاموأمال
    اللهم أمين
    بجد نورت

     
  • في السبت, نوفمبر 17, 2007 6:18:00 م , Blogger مـحـمـد مـفـيـد يقول...

    ذو النون المصري
    ما يدعو للدهشه هي بدايه المفتي علي جمعه المعتدله والتي استبشر بها الجميع خيرا
    لكن سرعان ما تحولت هذه الحاله الي سراب
    ربنا يهدي الجميع

     
  • في السبت, نوفمبر 17, 2007 6:20:00 م , Blogger مـحـمـد مـفـيـد يقول...

    الاخت العزيزه مها

    والله العظيم لم تتركي لي مجالا للرد فقد قمتي بتحليل البوست افضل مما انا كتبته
    بجد المفتي تجاوز كل الحدود واصبح شئ غريب
    ربنا يهديه ويرشده الي الصزاب والاعتراف بالخطأ

     
  • في السبت, نوفمبر 17, 2007 6:32:00 م , Blogger مـحـمـد مـفـيـد يقول...

    ساره
    جمعه وشيخ الازهر وجهان لعمله واحده ومثال صارخ
    للنفاق الحكومي
    نورتي البلوج

     
  • في السبت, نوفمبر 17, 2007 6:46:00 م , Blogger Tamer Nabil يقول...

    السلام عليكم

    من كتر ما الواحد بيشوف

    حاس ان الفتاوى الغريبة دى مقصودة والغرض منها الشهرة دى حاجة

    والتانية لو تلاحظ اغلبية الفتاوى لها وجة سياسى


    تحياتى

     
  • في السبت, نوفمبر 17, 2007 7:10:00 م , Blogger Carmen يقول...

    طبعا طماعين يا محمد

    لما يسيبوا مصر وكل الخير اللى فيها

    والهنا والرخاء والعدل والحياة السهلة الجميلة اللى ولى أمرنا العادل الحكيم اللى مفيش زيه موفرهالنا يبقوا طماعين


    طماعين

    عشان بيدوروا على فرصة حياة كريمة فى بلد خدت منهم كل حاجة ومادتهمش حاجة

    طماعين عشان بيحلموا انهم يعيشوا عيشة مستورة

    طماعين عشان عايزين يعيشوا اصلا


    حسبى الله ونعم الوكيل فيه وفى كل اللى زيه اللى على مر الازمان سخروا الدين لتحقيق رغبات الحاكم

    ونسيوا انهم فى يوم من الايام هيقفواقدام رب عادل هيحاسبهم على كل ده

    خلاص نسيوا ده كله

     
  • في السبت, نوفمبر 17, 2007 7:35:00 م , Blogger ابراهيم يقول...

    اعتقد ان شخصية مفتي الديار المصرية
    اكثر شخصية مثيرة للجدل في مجتمعنا
    لا اعرف لماذا؟
    ولكنها حقيقة.........
    كل يوم فتوي جديدة
    وخبر جديدة
    واعتقد انه لابد من الرجوع الي ائمة المسلمين في هذه الفتوي
    لانها بالفعل مثير لجدل
    لان هؤلاء الشباب خرجوا بحثا عن فرصة عمل ومصدر رزق
    والحديث الشريف يتحدث عن هذه النقطة
    "من خرج بحثا عن المال"
    لا اعرف حقا تفسير لهذه الجملة سوي ان هؤلاء الشباب شهداء
    والله اعلم

     
  • في الأحد, نوفمبر 18, 2007 11:07:00 م , Blogger Dody يقول...

    والله يا محمد انا على حسب علمى يعنى
    ان مش من حق حد انه يحكم على حد ده مات شهيد ولا مات كافر لان ربنا هو اللى عارف نيه كل واحد فينا وهو بكل شيئ عليم
    اما فتوى المفتى على جمعه فاحنا متعودين منه على الحاجات الغريبه اللى بيقولها دى
    ومنقدرش نقول غير حسبى الله ونعم الوكيل

     
  • في الاثنين, نوفمبر 19, 2007 12:15:00 م , Blogger نقطة مية يقول...

    ابو عبدالله...ازيك يا اخي العزيز..كل عام و انت طيب...وحشتني مدونتك جدا..
    اما المفتي الغالي..متستغربش ايوة غالي..اصل من كتر غلاوته مش عايزين ياخده اجراء ضده..ربنا يحسن خاتمتنا و يكملنا بعقلنا...
    سلامي الى عبدالله باشا
    ربنا يبارك فيك

     
  • في الثلاثاء, نوفمبر 20, 2007 11:02:00 ص , Blogger مـحـمـد مـفـيـد يقول...

    تامر

    بجد تحس انها موجهه فعلا
    نورت يا ريس

     
  • في الثلاثاء, نوفمبر 20, 2007 11:04:00 ص , Blogger مـحـمـد مـفـيـد يقول...

    مروه كارمن
    عوده حميده يا مروه
    لخصتي القصه كلها في كلمتين
    نورتي

     
  • في الثلاثاء, نوفمبر 20, 2007 11:05:00 ص , Blogger مـحـمـد مـفـيـد يقول...

    ابراهيم
    فينك يا هيما
    فعلا شخص غريب يستحق التوقف عنده

     
  • في الثلاثاء, نوفمبر 20, 2007 11:06:00 ص , Blogger مـحـمـد مـفـيـد يقول...

    رضوي
    الشهاده دي لا يعلمها الا الله وبعدين ليه نقعد نهاجم ونشجب بدل ما نحل مشاكل الناس دي

     
  • في الثلاثاء, نوفمبر 20, 2007 11:07:00 ص , Blogger مـحـمـد مـفـيـد يقول...

    نقطه ميه
    اعتقد انكي الان تترحمي علي ايامك في مصر في ظل هذه المعارك الضاريه

     
  • في الأحد, نوفمبر 25, 2007 7:56:00 م , Anonymous وردة يقول...

    طبعا هم مو شهداء،بس حكاية الطمع هي كانت مو بمحلها:)

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية