مأساه وطن لم يعد يرحم
لا ليهم ضهر يحميهم...ولا دولة اجنبية تسهر عليهم
والإسم عايشين في بلدهم
سكان كفر العلو عشان الي مش عارف...للأسف الشديد
الحكومة خدت اراضيهم و هدت عليهم بيوتهم و تركتهم في العراء
وعدتهم بتعويضات ما شافوش منها حاجة
الناس دي في الشارع من رمضان الماضي
لا الحكومة هتشفع ولا هتنفع
وكلنا معرضين في اي لحظة ان بيوتنا تتهد على نافوخنا
ولا حد هيحوش عنا ولا حد هينصفنا
مش هينصفنا غير وقفتنا جنب بعض....نقف بجد بدعم حقيقي
قعدين في الشارع في عز البرد محتاجين بطاطين تحميهم و عيالهم من البرد
محتاجين لبس شتوي بدل الهدوم الي اتبهدلت تحت الأنقاض
محتاجين اكل لإنهم بياكلو الكفاف
محتاجين رعاية طبية خاصة للأطفال...
محتاجين ادوية و علاج...محتاجين ما يحتاجة اي لاجئ من اللاجئين في اي مكان
كمان محتاجين خيم لإنهم قاعدين في مكان على مجرى سيل
بيخرج عليهم افاعي وتعابين و حشرات و ذئاب
و حياتهم و حياة عيالهم طول الوقت مهددة بالموت
عايزين نعمل للناس دي اي حاجه
ده الميل بتاعي اللي عايز يعمل اي حاجه للناس دي يبعت لي
وانا أروحلوا اخر الدنيا
وده موبايل منذر مسئول التبرعات
0106778994
بالله عليكوا خليكوا مكان الناس دي
واختي واختك امي وامك بنتي وبنتك
بيناموا في الشارع ومش عارفين يعملوا ايه ؟
شوفوا هيبقي ايه احساسكم بقي
التسميات: نقد
مرسلة بواسطة مـحـمـد مـفـيـد @ ١٠:١٠ ص
17 تعليقات:
في الثلاثاء, نوفمبر ٢٠, ٢٠٠٧ ١٢:٥٢:٠٠ م ,
نداء يقول...
في البداية
لابد من ان اشكرك علي تعاطفك مع اهل هذه القرية اللي موجودة في مصر!
لكن في ملايين الكفور والفري في صعيد مصر حالها اكتر من كده
فعلا رحم الله عبد الناصر
صاحب قوانين الاشتراكية والاصلاح الزراعي
علي فكرة الحكومة معندهش وقت للناس دول لان في عاصمة جديدة لمصر يتم انشائها
نفسي اعرف مالها القاهرة عاصمة مصر منذ الفاطمين لكن فلوس قناة السويس والسياحة تروح فين غير في المشروعات دي وطبعا علي بنوك سويسرا
ارحمنا يا رب!
وربنا يكون في عون الناس دول فعلا
وتقدر تساعدهم ورب معاك
"شكر الله سعيك"
في الثلاثاء, نوفمبر ٢٠, ٢٠٠٧ ٥:١٥:٠٠ م ,
غير معرف يقول...
شكرا على عرضك للمساعدة .. عندي فقط تعليق أرجو أن يتسع صدرك له.
بالنسبة لي أنا لا أعرفك لذلك سوف سكون عندي تحفظات على دفع مبالغ لك شخصيا ، هل هناك مثلا جمعية أو مؤسسة تقوم بدعم هؤلاء الفقراء ؟
شكرا على تفهمك ، لك تحياتي
يوسف علي
في الثلاثاء, نوفمبر ٢٠, ٢٠٠٧ ٥:٢٠:٠٠ م ,
اسكندراني اوي يقول...
وفيه كمان اكتر من كده بكتير
ربنا يرحمهم ويرحمنا برحمته
في الأربعاء, نوفمبر ٢١, ٢٠٠٧ ١٠:٠٧:٠٠ ص ,
مـحـمـد مـفـيـد يقول...
إبراهيم
شكرا علي تعليقك يا اخي
في الأربعاء, نوفمبر ٢١, ٢٠٠٧ ١٠:٠٩:٠٠ ص ,
مـحـمـد مـفـيـد يقول...
يوسف علي
لك كل الحق يا اخي فعلا أكي لديك هذا الشعور
من الممكن الاتصال بهذا الرقم ومنذر سيخبرك بميعاد زياره كفر العلو وهي يوم الجمعه والسبت القادمين
ولو تحب تروح لوحدك وتشوف بنفسك
محطه مترو التبين تنزل وتسأل علي كفر العلو وهتلاقي الناس كلها هناك عارفاها
لك كل الحق يا اخي وسعيد لاهتمامك
في الأربعاء, نوفمبر ٢١, ٢٠٠٧ ١٠:١٠:٠٠ ص ,
مـحـمـد مـفـيـد يقول...
مصراوي أوي
ربنا يرحمنا ويرحمهم
في الأربعاء, نوفمبر ٢١, ٢٠٠٧ ١١:١٨:٠٠ ص ,
Hannoda يقول...
أنا بجد نفسي يكون فيه أي تسهيلات للناس اللي برة مصر
الناس ده تقدر على حاجات كتير
وواجعها انها بعيده عن كل ده
في الأربعاء, نوفمبر ٢١, ٢٠٠٧ ١:١٠:٠٠ م ,
محمد عبد الغفار يقول...
تعاطف محمود صرت افتقده فى نفسى
في الأربعاء, نوفمبر ٢١, ٢٠٠٧ ٥:١٦:٠٠ م ,
رفقة عمر يقول...
لا حول ولا قوة الا بالله
هما عاملين دورة عربيه وصارفين عليها ملايين
وسايبن الناس اللى بقوا ارخص حاجه فى مصر كدة من غير ماوى ولا كسوه يعنى الناس اتهدت بيوتهم من غير حروب ولا غيره اهلهم هما اللى هدوا عليهم البيوت بقوا لاجئين فى وطنهم
وحسبى الله ونعم الوكيل فى الظلمه الفاسقين
في الأربعاء, نوفمبر ٢١, ٢٠٠٧ ١٠:١٩:٠٠ م ,
غير معرف يقول...
محترف سيعتزل بس خيره عليك
كلام مؤثر وموضوع مؤثر مش لاقي كلام اعبر بيه عن مدي احساسي بناس عايشين بتعاني بالطريقة ده بس في الاخر ربنا موجود
محترف سيعتزل بس خيره عليك
في الأربعاء, نوفمبر ٢١, ٢٠٠٧ ١٠:٤٧:٠٠ م ,
انسااااااااانة....غريبة يقول...
لا حول ولا قوة الا بالله
فعلا فى ناس كتير كده ده انا لحد دلوقتى بشوف ناس بيغسلوا هدومهم و مواعينهم وكده فى مياه ترع , والله حاجة تبكى بجد
عامة انا هحاول اعمل حاجة وربنا يسهل بس
اه وكان عندى اقتراح فى جمعيات خيرية كتير دلوقتى فى كل مكان ليه مش تكونوا على اتصال بيهم وانا متاكدة انهم هيساعدوهم , عامة انا من ناحيتى مشتركة فى جمعيتين منهم رسالة وصناع هحاول اشوف كده لو فى فروع هناك للجمعيات ده ولو ينفع يساعدواوانتوا برده اسالوا فى الموضوع ده
وممكن كمان تبعتوا رسالة قصيرة على قناة الناس والحكمة والقنوات ده باختصار شديد للمشكلة واللى هيعرف يساعد هيكلمكوا
او ممكن نشوف لو ينفع كمان نطرح مشكلتهم فى جورنال محلى
ولا انتوا رايكوا ايه؟
وطبعا الدعاء قبل كل ده
ربنا يفرج كربتهم يا رب
في الأربعاء, نوفمبر ٢١, ٢٠٠٧ ١١:٤٤:٠٠ م ,
غير معرف يقول...
احناكلنا والله عاوزين نساعدهم بس انت بتعمل الي يرضا ربنا وانت عارف اني مفيش حد هيعمل حاجه ولو هندبرع هدبرع بقد ايه تتفتكر ده ممكن يساعدهم
في الجمعة, نوفمبر ٢٣, ٢٠٠٧ ١٠:٤٩:٠٠ ص ,
غير معرف يقول...
السلام عليكم اخى الغالى ابو عبدالله بارك الله فيك وفى اخوانك الداعين للخير والفاعلين له
بجد مش قادره اوصف فظاعه وبشاعه اللى حصل دة حسبى الله ونعم الوكيل فى كل واحد كان السبب فى تشريد هذه الضحايا هو ايه اللى بيحصل دة الواحد مش مصدق بجد انا فوجئت ربنا معاهم ومعانا ويارب يرحمنا برحمته
اشكرك جدا على مدونتك الرائعه الممتعه هذه
في الجمعة, نوفمبر ٢٣, ٢٠٠٧ ٩:٤٩:٠٠ م ,
ذو النون المصري يقول...
اهل دارفور ليهم منظمات بتسهر عليهم و ان كانوا مش عارفين اصلا ياخدوا حقهم لكن اهو فيه اللي بيهتم بيهم
انا حسيت انهم في بلاد تانيه و لاجئين
المفروض يكون فيه جمعيات اهليه و مؤسسات منظمه تهتم بيهم لان الاهتمام الفردي نتيجته و ان كانت مقبوله و اجرها عظيم عند الله الا انها لا تشفع اما الاحتياجات الحقيقيه لهؤلاء الناس
مطلوب حل ناجع
و المفروض منتركش الحكومه في حالها لانها مسؤله
في السبت, نوفمبر ٢٤, ٢٠٠٧ ٢:٤٢:٠٠ ص ,
روح يقول...
طيب انا من الصعيد
وتحديدا اسيوط لو عايزة اتبرع
اعمل اية؟؟؟
بوركت
في الأحد, نوفمبر ٢٥, ٢٠٠٧ ٥:٠٣:٠٠ م ,
غير معرف يقول...
ازيك يا استاذ محمد
انا اسفة جدا على التأخير والله بس الظروف لم تسمح بالمتابعه والف الف مبروك على وصول عبد الرحمن سامحني انها جت متأخرة شويتين
تعاطفك مع اهالي كفر العلو حاجه جميلة جدا
وانا ساكنة في حلوان واعرف جمعيات خيرية ممكن توصلهم المساعدات لو اي حد عايز يوصل تبرعات عن طريق الجمعيات دي فأنا في الخدمة
في الاثنين, نوفمبر ٢٦, ٢٠٠٧ ١٢:٤٨:٠٠ م ,
فى القلب يقول...
جزاك الله خيرا أخى
إرسال تعليق
الاشتراك في تعليقات الرسالة [Atom]
<< الصفحة الرئيسية