فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، يونيو ٢٩، ٢٠٠٩

يمين طلاق بـ 40 جنيه

زميلي بالمكتب أعتبره من أهم المساهمين في شركات السجائر لمساهمته المستمره في شراء أكثر من علبتين يومياً
وفي يوم تحدثنا طويلاً عن فكره التدخين بعيداً عن الحلال والحرام لان الموضوع ده بيتعبه نفسياً وشايف ان التدخين مكروه ومش حرام . المهم
وبعد نقاش طويل كعاده كل يوم قال لي / عليا الطلاق مانا شارب سجاير تاني
قلت له / ايه لازمه الطلاق بقي . ممكن تقرر انك تبطل من غير ما تحلف الموضوع مش حلفان الموضوع عايز اصرار ليس أكثر
قال لي / لاء علشان لما افكر اني اشرب افتكر اليمين( طبعاً منطق غريب جدا) واستمر علي يمينه لمده 48 ساعه
وبعدها وجدته يدخن كعادته فسألته / ايه يا عم الحاج شربت سجاير تاني ليه ؟
قال لي / انا مش قادر ياعم ابطلها وبعدين سألت وقالولي ادفع 40 جنيه كفاره يمين وخلاص
قلت له / وانت عملت ايه ؟ 
قال / دفعت الـ 40 جنيه والحمد لله
قلت له / والحياه في البيت ماشيه زي الفل  ؟
قال/ الحمد لله وربنا يسامحني ياعم. متعقدنيش
قلت له / مين اللي قالك أدفع 40 جنيه
قال لي / شيخ بالمسجد اللي جنبنا ده ( بجوار المكتب ) ودفعتهم له
قلت له / اللي اعرفه ان دي تعتبر طلقه وبعدين أسأل حد ثقه
قال لي / ان شاء الله
وبعد يومين واحنا ماشيين قالي/ شايف الراجل اللي قاعد علي باب المسجد ده هو ده اللي سألته
بصيت بسرعه لقيت الراجل قاعد نص قعده علي باب المسجد وبيشرب سجاره
ولما سألت عنه قالولي أنه / خادم المسجد   

21 تعليقات:

  • في الاثنين, يونيو ٢٩, ٢٠٠٩ ١٠:١٠:٠٠ ص , Blogger Monzer يقول...

    أزال المؤلف هذا التعليق.

     
  • في الاثنين, يونيو ٢٩, ٢٠٠٩ ١٠:١٠:٠٠ ص , Blogger Monzer يقول...

    كان ينزل عزبة حبي أرخص بعشرين جنيه علي فكرة

    سيب الشغل يا مفيد

     
  • في الاثنين, يونيو ٢٩, ٢٠٠٩ ١١:٣٦:٠٠ ص , Blogger aliaa abdalfatah يقول...

    صحيح
    شر البلية ما يضحك :)
    إنا لله وإنا إليه راجعون

     
  • في الاثنين, يونيو ٢٩, ٢٠٠٩ ١١:٣٨:٠٠ ص , Blogger رؤية يقول...

    ههههههه
    لا والله بجد...؟!

    طيب...
    انا من رايى ان كتير من ممارسات الطلاق اصبح الكثير من المشايخ - بخلاف خادم المسجد طبعا- يتهاونون فيها بحجة الحفاظ على الاسرة
    وانا ارى انه لا يصح الا الصحيح
    ولا يصح ان تجعل كلمة الطلاق والحلف بالله كالعلكة يلوكها الجهال فى افواههم

    تحياتى

     
  • في الاثنين, يونيو ٢٩, ٢٠٠٩ ١١:٤٤:٠٠ ص , Blogger Empress appy يقول...

    مبكرهش فى حياتى الا الشخصيات دى بجد كأن يمين الطلاق زى بيبسى كانز عندهم حاجه سهله كده
    وبعدين كل واحد لازم يفتى العيب مش على خادم المسجد العيب على البيه المتعلم يا مفيد

     
  • في الاثنين, يونيو ٢٩, ٢٠٠٩ ١٢:٣٦:٠٠ م , Anonymous غير معرف يقول...

    السلام هليكم

    استاذى الكريم اشكرك فعلا على ذلك المقال ولكن اين رؤيتك كنت انتظر ان يكون له بقيه

    ولكن حضرتك بارع فى اختيار العناوين ما شاء الله

    واسلوب حضرتكم المبهر

    ولكن دعك من هذا الهراء ... ذلك رجل جاهل بدينه .. كم من الاسر الان تعيش فى زنا بسبب ما يحدث من هؤلاء الشيوخ وتهاون الرجال ورضى النساء بالامر الواقع على حد قولهم " عاوزين نربى العيال"

    كيف سينجبون هؤلاء الاباء والامهات الذين لا يدرون ايعيشوف فى حلال الله ام انهم لا يجوزون الى بعضهم تلك الابناء؟؟
    انريد ان نرتقى؟؟
    هذا الرجل لا يستحق الزواج اصلا كيف لرجل ان يقبل به زوجا دون ان يتاكد الاهل من انه يعلم حقوقه وواجبه وحدوده ام لا

    هذه رابطه امام الله كيف نتهاون بها لهذا الحد

    استئت كثيرا من تلك الرجل ومن امثاله

    حقا الاسلام اعطانا رخصه ولكن لمن لا يفرق عند غصبه بين زوجته وامه اى انه غائب عن الوعى تماما فتلك رخصه له

    وليست لذلك الرجل المستهتر
    والذى ان تعدى الثلاث طلقات له مع تلك الزوجه واكمل معها حياتهم

    فهو زان بها على اجماع العلماء

    انا لله وانا اليه راجعون

    اشكرك استاذى على ذلك المقال الذى ناقش اكثر القضايا المثارة والمستهان بها

    Amira Mohamed

     
  • في الاثنين, يونيو ٢٩, ٢٠٠٩ ١٢:٥٨:٠٠ م , Blogger اعشق فى الليل ضوء القمر يقول...

    السلام عليكم ورحمة الله زبركاته

    أنت بتتكلم بجد ولا بتهرج
    لا بجد
    صحبك بيهرج

    فكرتنى زمان كنت شغال فى شركه و كان المسؤل المباشر بتاعى كثير الحلف بالطلاق فقلت له إن يمن الطلاق هو يمين الفجار

    لغاية ما أتى يوم وطلق مراته ثلاث طلقات وقبل ذلك كلقها مرتين
    فقيل له لا رجعه لك وخصوصا إنه كان فى حاله مستقره ويعى ما يقول وكل شيخ يقابله يقول له من يرد عليك الثاثله يرد عليك الخامسه
    ذهب إلى مشيخه الأزهر فأفتيا له بأنه يتصدق ب 50 جنيه كفاره فقال للشيخ إنها الطلقه الخامسه(على أساس إنه طلق مرتين و أخر مره قالها بالثلاثه) فقال له إذن إدفع 67 جنيه
    فكرتنى بيه
    ربنا يهدى ولاه أمورينا
    ويرزقنا الفلاح و صلاح الدين

     
  • في الاثنين, يونيو ٢٩, ٢٠٠٩ ١:٤٧:٠٠ م , Blogger Rannon يقول...

    ياخبر

    الناس دي ماشية ازاي اصلا؟؟

    طب وعمل ايه لما عرف انه خادم المسجد برضوا استكفى بال40 جنيه اللي دفعهم؟؟؟؟؟؟؟؟!!
    ربنا يرحمنا

     
  • في الاثنين, يونيو ٢٩, ٢٠٠٩ ٧:١٧:٠٠ م , Blogger Unknown يقول...

    إنا لله وإنا إليه راجعوان

     
  • في الاثنين, يونيو ٢٩, ٢٠٠٩ ١٠:١٦:٠٠ م , Blogger شيمـــــاء يقول...

    لا الصح بقى 50 جنيه
    كفارة اليمين اطعام10 مساكين من اوسط ما تأكلون يعنى وجبة بعشرة جنيه
    يبقى 50
    حسبى الله ونعم الوكيل
    هو مش فاهم الفرق بين اليمين العادى و يمين الطلاق
    لا حول ولا قوة الا بالله العلى العظيم
    جهل الدين حاجة بقت عادية و بتأدى لبلاوى
    اللهم لا تؤاخذنا بما فعل السفهاء منا يا رب

     
  • في الاثنين, يونيو ٢٩, ٢٠٠٩ ١٠:٤٤:٠٠ م , Blogger Kiara يقول...

    لا حول ولا قوة الا بالله

    وعقله فين

     
  • في الثلاثاء, يونيو ٣٠, ٢٠٠٩ ١٠:٠٠:٠٠ ص , Blogger alexandrany يقول...

    نسأل الله العافيه

     
  • في الخميس, يوليو ٠٢, ٢٠٠٩ ٦:٤٧:٠٠ ص , Blogger عصفور المدينة يقول...

    السلام عليكم يا محمد
    قول شيخ الإسلام بن تيمية اعتبار هذا اليمين يمين فعلا وكفارته كفارة يمين إطعام عشرة مساكين
    لأن المراد به منع النفس عن الشيء وليس إيقاع الطلاق
    وإن كان يقصد حينما حلف أنه يوقع الطلاق فعلا في حالة المخالفة وهذا راجع لنيته فحينئذ تعتبر تطليقه لكن الغالب على أحوال الناس أنهم يقصدون الحلف

    أما سؤاله خادم المسجد فهو خصم وحكم
    :)

     
  • في الخميس, يوليو ٠٢, ٢٠٠٩ ٩:٠٣:٠٠ ص , Blogger صاحب المضيفة يقول...

    ومال الواحد لو طلق التلاتة مش عليهم خصم ولا ايه ؟؟


    ربنا يرحمنا برحمته

    تحياتي يا صديقي

     
  • في السبت, يوليو ٠٤, ٢٠٠٩ ٧:٠٤:٠٠ م , Blogger مخبر قمل دولة يقول...

    مسخــــــــرة
    مصر دلوقت بقا فيها 80 مليون فتوجي
    بس على فكرة .. انا فاكر اني كنت دارس - ف الازهر - ان يمين الطلاق لا ينعقد
    شكلك هترجعني ابص تاني في كتاب الفقه بتاع السنة قبل اللي فاتت

     
  • في الاثنين, يوليو ٠٦, ٢٠٠٩ ١:٣٨:٠٠ م , Anonymous Tadwina يقول...

    مرحبا / محمد
    بعد عمل تقييم من قبل تدوينة دوت كوم لجميع المدونات المصرية نبلغك بأن بعد اضافة مدونتك إلى تدوينة دوت كوم قام العديد من القراء بالاطلاع على مدونتك الشيقة والجميله المليئة بالموضوعات المتنوعة لذا ترجو منك اسرة تدوينة دوت كوم بمراسلتنا للأهمية على
    Tadwina@gmail.com
    حتي نتمكن من ارسال البانر الخاص بنا لوضعه على الصفحة الرئيسية حتى يتمكن العديد من القراء في مصر والدول العربية بالاطلاع على مدوناتك المستحدثة
    يمكنك متابعة مدونتك على الرابط التالى:
    http://www.tadwina.com/feed/173

    مع خالص الشكر
    فريق عمل تدوينة دوت كوم
    www.tadwina.com

     
  • في الاثنين, يوليو ٠٦, ٢٠٠٩ ٧:٣٣:٠٠ م , Blogger قوس قزح يقول...

    يا عينى على مراته اللى مش على بالها ان ممكن جوزها يكون نتيجة تعوده على الحلفان بالطلاق عايش معها كده فى الحرام

    و ياعينى على المسلمين اللى بقى دينهم فى ايد خدام المساجد و نصابين الفضائيات

    و يا عينى على الانسان اللى بقى عبد لشوية دخان شايف فيهم الخلاص

    و عجبى :(

     
  • في الجمعة, يوليو ١٠, ٢٠٠٩ ١٢:٥٠:٠٠ ص , Anonymous غير معرف يقول...

    ياسيدى اشمعنى يعنى خادم المسجد مش هو اللى هيفتى ماهى بقت بظراميط فكرتنى بفتوة الاخ ذو الفتاوى الشهيرة اللى افتى بجواز التقبيل لغير المحارم وللزملاء فى الشغل واخراج كفارة تبدأ من نصف جنيه
    عجبى على الناس اللى بيضحكوا على نفسهم ومصدقينها

     
  • في السبت, يوليو ١٨, ٢٠٠٩ ٢:٥٣:٠٠ ص , Blogger -_- يقول...

    و هكذا تسير الحياة عند العرب .. لا نقرأ عن ديننا و نسأل من لا يعرف و عندما نسمع عن رأي دين متغير نعارضه كأننا قرأنا كل كتب الدين و حفظناها

     
  • في الثلاثاء, يوليو ٢١, ٢٠٠٩ ١٢:١٤:٠٠ ص , Blogger Amira يقول...

    هاهاهاهاها
    أولا حمد الله على سلامتك
    ثانيا الموضوع جد و ما يضحكش و مصيبة سودة بس مش قادره ابطل ضحك

     
  • في الأحد, نوفمبر ٠١, ٢٠٠٩ ٧:١١:٠٠ م , Blogger sherefins يقول...

    والله يا محمد في ناس بتتجوز اصلا عشان تطلق وتعيش حياتها زي ما هي عاوزه مش المشكله مشكله سجاير ولا 40 ولا 50 جنيه

    المشكله ان موضوع الجواز اصبح كاي موضوع تاني في حياتنا شغل مش عاجبني اسيبه وامشي ,شه مش عجباني اعزل ,صاحب اتخنقت منه اسيبه , وكده برضه زوجه اتلكك لها اطلقها وكده يعني

     

إرسال تعليق

الاشتراك في تعليقات الرسالة [Atom]

<< الصفحة الرئيسية