فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الأربعاء، سبتمبر 23، 2009

الأصلي والتقليد

طوال شهر رمضان والعبدين يصروا علي مشاهده حلقات كرومبو وفي نفس واحد / هات كرومبو الاصلي
لم اعرف ان حتي كرومبو ظهر منه أصلي وتقليد . حتي أن شاهدوا الحلقات الاخري قالوا لي / لاء عايزين الأصلي . وبدأت من هنا الاسئله المتكرره من العبدين  يعني ايه أصلي ويعني ايه تقليد ؟

فكره الأصلي والتقليد فكره متصارعه جداً فتجد أي شئ يظهر علي اي ساحه ما إلا وظهر له نظير تقليد حتي انك لم ولن تستطيع أن تكتشف ايهما الاصلي والتقليد
تقف أمام أي محل للادوات الكهربائيه فتجد تليفزيون 21 بوصه بـ 2000 جنيه وأخر بـ800 جنيه وعند التحدث مع البائع فيقول لك الاتنين أصلي !!
والأغرب ان مفهوم الأصلي والتقليد موجود بمصر فقط ففي زيارتي لاحد الدول العربيه قمت بشراء تي شيرت رياضي بما يعادل 40 جنيه مصري وعند نزولي ذهبت أنا وصديقي للتوكيل في التحرير لشراء تي شيرت له وجدت نفس التي شيرت بتاعي والأدهي أن زميلي قام بشراءه بـ 380 جنيه . وعند التحدث مع البائع قال لي تي شيرتك تقليد انما ده الاصلي . وعند أول مباره لنا لبست التي شيرت وصديقي كذلك ولم ننجح الي الأن في تحديد الاختلافات وانهم متشابهان في كل شئ حتي وضع البادج الخاص بماركه التي شيرت

أصبحنا الان لا نستطيع أن نفرق بين الأصلي والتقليد وتساوت الكفاتان
ولكن السؤال الاصعب بجد أحنا بني أدمين أصلي والا تقليد؟


التسميات:

9 تعليقات:

  • في الأربعاء, سبتمبر 23, 2009 1:44:00 م , Blogger Appy يقول...

    بيبان فى الغسيل وعوامل الزمن
    قيس ده على كل حاجه فى حياتنا

     
  • في الأربعاء, سبتمبر 23, 2009 7:41:00 م , Anonymous dody يقول...

    فكره الطرح والربط عجبتني جداً
    وطرحت سؤال اعتقد صعب الاجابه عليه

     
  • في الخميس, سبتمبر 24, 2009 10:09:00 ص , Blogger صاحب المضيفة يقول...

    بعد اخر منتجات الصين اللي هلت علينا من فترة وقامت عليها الدنيا ومش قعدت

    باقي يعملوا لنا ناس صينيين ويستبدلونا احنا كمان

    ربنا يكون في العون

    كل سنة وانت طيب ياباشا والعبدن كمان

     
  • في الخميس, سبتمبر 24, 2009 10:09:00 ص , Blogger صاحب المضيفة يقول...

    بعد اخر منتجات الصين اللي هلت علينا من فترة وقامت عليها الدنيا ومش قعدت

    باقي يعملوا لنا ناس صينيين ويستبدلونا احنا كمان

    ربنا يكون في العون

    كل سنة وانت طيب ياباشا والعبدن كمان

     
  • في الجمعة, سبتمبر 25, 2009 8:56:00 ص , Blogger ـ-ـ- أحمد عبد العدل-ـ-ـ يقول...

    سلام عليم يابو العبدين الأصلى
    ضحكت أوى فى أول البوست لأنى بتسئل (أصلى هذا ؟ ) حوالى خمسين مرة فى اليوم لأن العميل السعودى عنده عقيدة انه بيتنصب عليه دايماً فبيسأل السؤال العجيب ده على الدوا كمان
    عجبنى أوى رد آبى بالنسبة للتفريق بين الأصلى و التقليد باختبارهم و هو نفسه المثل المصرى ( تعرف فلان ؟ آه، عاملته؟ لأ ، تبقى معرفتوش )، وفى الاية القرانية الكريمة ( أما الزبد فيذهب جفاءاً و أما ما ينفع الناس فيمكث فى الأرض) التعبير البليغ عن رد آبى و عن المثل المصرى
    ربنا خلقنا بالفطرة أصليين لكن كتير مننا اختاروا يعيشوا ممسوخين و بهتت ألوانهم من أول غسلة أول بعد عدد آخر من غسلات الزمن
    كل سنة وانت طيب و جميل ، بجد بحس ان الدنيا بخير لما أتابع أخبارك ،،، أصلى بجد يابو العبدين ،، كل سنة و حضرتك و هما بكل خير و سعادة و طاعة و جمال

     
  • في الجمعة, سبتمبر 25, 2009 10:48:00 م , Blogger ذو النون المصري يقول...

    هو فعلا سؤال صعب
    لكن اذا قارننا انفسنا بالبشر في الامم المتقدمة
    اكيد تلاقينا محصلناش تقليد
    يمكن نكون اقل من البشر
    تحياتي و كل عام انتم بخير

     
  • في الجمعة, سبتمبر 25, 2009 11:56:00 م , Blogger يا مراكبي يقول...

    بالنسبة للبني آدم .. الحمد لله ان كله لحد دلوقت أصلي وما حدش لعب لسه بموضوع استنساخ الانسان

     
  • في الثلاثاء, سبتمبر 29, 2009 8:15:00 م , Blogger أسما عواد يقول...

    سؤال جميل يا محمد
    انا بسأله لنفسي دايما
    تعرف يا محمد أد إيه المرارة اللي بحس بيها لما ابص حواليا واحس بالزيف في كل شيء؟
    ربنا يستر على الجيل اللي جاي على الاقل احنا لحقنا حاجات بسيطة جميلة
    أمال اللي جايين هيعملوا ايه؟
    كل سنة وانت وكل اللي بتحبهم بخير

     
  • في الأحد, أكتوبر 04, 2009 11:24:00 م , Blogger rony يقول...

    السلام عليكم ورحمه الله وبركاته
    ازيك يااستاذ محمد
    يارب تكون كويس ويكونوا الاولاد ومامتهم بخير ان شاء الله
    انت كده معلوماتك متاخره جدا علي فكره
    ده ظهر كرمبو الاصلي جدا
    وكرمبو وحموكشه المتخلف جدا
    وفى الحالتين الاتنين احسن من سرحان ونفيسه الانيمشن التاني السخيف جدا جدا جدا
    بس فى الاخر
    الاصلي اصلي والتقليد تقليد
    وربنا يرحمنا جميعا

     

إرسال تعليق

الاشتراك في تعليقات الرسالة [Atom]

روابط هذه الرسالة:

إنشاء رابط

<< الصفحة الرئيسية