فــي الــصــمــيـــم

لما الضماير تهون شوف اللي ممكن يكون تخدع وممكن تخون وتصاحب الشيطان بس في نهايه المصير الحق صوته يبان

الاثنين، يوليو 31، 2006

واليوم قــــــــانا





الـي كـل زعمـاء العرب... اتقــوا الله فـي الامـه

الأحد، يوليو 30، 2006

مـن لنـا سـواك

الأربعاء، يوليو 26، 2006

كفايه بقي حرام عليكو


يوم الجمعه قبل الماضي خرجت علينا الحكومه المبجله بقرار زياده تذكره المترو من 75قرش الي جنيه بحالو واالجمعه اللي فاتت زودت سعر البنزين والسولار
والله انا مكنتش ناوي اتكلم في حاجه دلوقتي عشان لبنان واللي بيحصل لكن خلاص بقي كفايه حرام عليكو يعني لا
علاقات خارجيه الدوله نافعه فيه ولاامور الدوله الداخليه عارفه تديرها. انا ااساسا مش من رواد المترو ولكن تشاء الظروف احيانا الي ان اركب مترو. وركبت امبارح وانا رايح شبرا ايه العفانه دي والاهمال وعدم النضافه وكل بيركب علي كله وسلالم ااخر مره اتمسحت يوم استفتاء الندامه بتاع ماده النخلف (76 ) بتعت الدستور اياه. وبعد ده كله زودوها من 40 قرش الي50قرش الي 75 الي جنيه طيب ايه الاماره؟
قلت عم بلاش مترو الهباب وركبت ميكروباص لقيت المصييه اشد.
قبل العربيه ماتتحرك لقيت السواق بصوت تخين/ الاجره 75 قرش يااسيادنا واللي مش عاجيه ينزل ويشوفله عربيه تانيه وكلام من اللي قلبك بيحبه قولته/ الاجره كانت 50 قرش يا اسطي الاجره غليت.رد عليا وكاد ان يشتمني / انت جاي تكلمني انا ماتروح تكلم الحكومه اللي غلت كل حاجه جت عليا ووقفت. سكت وقلت ييا عم عدي اليوم ده علي خير وروحت اخيرا البيت وقلت اقرا الجورنان قبل ما انام لقيت خبر كبير قوي في اول صفحه (والله العظيم) مصدر مسئول/ توقعات ارتفاع اسعار الكهرباء والغاز الطبيعي والمياه
رحت قافل الجورنان ونمت.
ليه الحكومه بتعمل فينا كده كل حاجه عندها بتغلي الا المواطن بيرخص والله مش لاقي حاجه اقولها. السلام عليكم عشان الكهرباء هتغلي الحق اقفل الكمبيوتر

الاثنين، يوليو 24، 2006

الاخ حســـن ....... نصر الله آت

من شعر سيد حجاب
دنيتنــــــا موجه.موجب وسالـــب
عارجه وعوجه.مسلوب وسالـــب
ودي ناس تعالب غاويه المقالـــب
تيطاتلها تغلب تغلبها غالــــــــــب
ياصاحبي حقك. ماتسبيش حقــــك
شي تستحقه ويستحقـــــــــــــــــك
خد مستحقك ما حد حقـــــــــــــــك
دا مضعش حق وراه مطالــــــــب

اهداء الي عظيم الرجال/ حسن نصر الله

الاثنين، يوليو 17، 2006

لمن كان له قلـب

كانت عقارب الساعه تشير الي الواحده صباحا وكنت اشاهد قناه الناس الفضائيه وكان برنامج فضفضه شغال حين اتصل ولد عمره 10 سنوات وقال بالحرف الواحد :-
انا ابويا مات من 10 ايام وانا نفسي اطلع عالم واحرر القدس واموت وابويا وامي راضيين عني
قال هكذا بالحرف الواحد. حينها احسست بالعار والخذي فاين نحن ؟ اننا نقرا منذ سنوات عند كل ما يجري بالامه ولا نحرك ساكنا وكان كبيرنا ان نترحم علي من مات او جرح انما اي خطوه ايجابيه لا .
فاول امس فلسطين وامس العراق واليوم لبنان وسوريا وغدا مصر وغيرها ولكن لا حد يحرك ساكنا لاننا كغثاء السيل كما قال الحبيب المصطفي
اين نحن هل تعودنا علي الذل والمهانه؟ اين الحكماء العرب اين الزعماء ؟
الا تزال اعلام الكيان الصهيوني القذر ترفرف في عواصمنا العربيه
الايزال سفرائهم الحقراء ينعمون في عواصمنا
الاتزال تجارتهم المشبوهه مباحه متاحه في اسواقنا
كفانا غفله ويجب ان نتحرك فليسقط مجلس الامن وتسقط جامعه الدول العربيه الذان يقفوا مكتوفي الايدي امام كل هذا الاستبداد في زمن الحامي هو الحرامي .زمن الراعي يلتهم فيه الغنم
فتبا للكيا ن الصهيوني الحقير
تبا لمحور الشر امريكا
وتبا لكل من يخذل الدين والوطن علي الارض

الخميس، يوليو 13، 2006

حـال مـجـلـس الشـغـب -الشـعب سابقا

جلست وفي يدي كوب الشاي لكي ابدأ اشحن البطاريه الادميه للدخول في يوم العمل الجديد وكنت اطالع الجرايد ووقعت عيني علي خبر فظيع لذا قررت ان اكتب في هذا الموضوع .
الخبر بيقول ان هناك انشقاق كبير في الحزب الوطني داخل مجلس الشعب والانشقاق يضم 3 جبهات الجبهه الاولي تضم الاستاذ المحترم ( حلوه المحترم دي ) احمد بيه عز وحمدي الطحان وابراهيم الجوجري( مين الجوجري ده) المهم والجبهه الثانيه تضم (ديناصور الحكومه )كمال الشاذلي وعبد الاحد جمال الدين وعبد الرحيم الغول)
والجبهه الثانيه فهي جبهه المايسترو زكريا باشا عزمي بمفرده ( الصديق الانتيخ لممدوح اسماعيل)
ويقول الخبر (خير اللهم اجعله خير ) ان هناك اختلاف بينهم حول موضوع خصخصه السكك الحديديه ومنهم من هو مؤيد ومعارض الامر الذي أدي الي الوصول بالتطاول فيما بينهما لكن الحمد لله لم تظهر لنا اي جزمه جديده .
المهم في كل هذه الاحداث لم اجد اي صوت للاخوان المسلمين الذين حصلوا علي اكثر من 80 مقعد وانهم لم يفعلو ا اي شي منذ دخلوهم المجلس فأذا كان هدفهم الوصول للكرسي نتلك مصيبه اما اذا كان دورهم محجم فالمصيبه اعظم فنسوا انهم نجحوا علي طريقه ليس حبا في معاويه بل كرها في علي او العكس
اما المستلقيين فهم الذين هرولوا للحزب الوطني بعد ان طردهم شر طرده فارتموا في احضانه الا من رحم ربي وعددهم لا يتجاوز عدد اصابع اليد الواحده.
اما احزاب المعارضه فالبقاء لله فهي ماتت ولم ولن تعود.
فاننا الان اما كارثه الحزب الاوحد وعندما تجد انشقاق وانقسام بداخله من اكبر الروؤس المسيطره عليه فنحن الان في مفترق طرق ولكن لا حياه لمن تنادي
وخطر علي بالي شعر سيد حجاب اللي قالوا في مسرحيه اللي بنا مصر بيقول:-
ماتقوموا بقي وفوقوا يا مقاتيــل
بطلوا نيله ياولاد النيــــــــــــــــل
طب احنا واحنا تماثيــــــــــــــــل
قومنا ليه وانتو نومكو تقيـــــــل

الاثنين، يوليو 10، 2006



لو عايز تموت
لوعايز تموت شهيد ؟
ياتركب طياره ياتركب عباره
لو عايز تموت من الجوع؟
ياتشتغل موظف ( بعقد) يا تشتري عربيه قسط
لو عايز تموت من الحسره ؟
يا تتفرج علي الفاترينات يا تروح مارينا
لو عايز تموت من الغيظ ؟
ياتتفرج علي القنوات المحليه ياتتفرج علي النشره الجويه
لوعايز تموت من الزهق؟
يا تستني الاشاره تفتح يا تقف في اي طابور
لوعايز تموت من الهبل ؟
يا تدخل السينما يا تسمع نجوم اف ام
لو عايز تموت مخنوق ؟
يا تروح تخلص اي ورق يا تقرأ الجرايد الحكوميه
لو عايز تموت مشهور ؟
يا تتجوز راقصه يا تنصب علي بنك
لو عايز تموت مليونير؟
يا تعمل فيديو كليب يا تلعب كوره
لو عايز تموت من الحزن ؟
يا تفكر في احوالك يا تحط الحكومه في بالك
لو عايز تموت في حالك؟
اعمل نفسك مش واخد بالك

الأحد، يوليو 09، 2006



أ نــا خــلاص قــرفــت

النهارده يوم الاحد الموافق9/7/2006 هو يوم الوقفه الاحتجاجيه ويوم الصحافه المحجوبه في مصر ردا علي قانون حبس الصحفيين في مجلس الشعب فانا لا اتخيل ابدا يوم من يوم يمر دون ان يجد كل من هو متابع لجريده حقا او يحب ان يقرأ بحق وحقيق انه لم يجد الجريده المفضله له وده كله عشان الظلم والاستبداد اين حريه الصحافه التي يتشدقون بها ؟ اين حريه التعبير؟ انهم يريدون اعين صماء ايدي مكبله يريدون صحافه عوجاء لا تري الا الجانب الحكومي المشرق.سوف تجداليوم بائع الجلرائد الغلبان بيهش وينش علشان محدش بيشتري الاهرام - الاخبار- الجمهوريه - ........ وزيهم تخيل ان النهارده مش هتلاقي الصحافه الجريئه التي تدافع عن المواطن الغلبان وتدافع عن ابسط حقوقنا ولا تجد الا الصحافه الحكوميه الموجهه التي تتزين لنا كل صباح ولا تجد لها فائده الا ان تفرشها في المطبخ او علي التربيزه او تلمع بها زجاج السياره يعني بتنفع في الاغراض المنزليه انما تتطلع منها بخبر اشك

انا خلاص قرفت وتذكرت الان احدي رباعيات عمنا صلاح جاهين التي تقول:

انــــا كل يوم اسمع فلان عذبــــــــــــوه

أسرح في بغداد والجزائر واتـــــــــــــوه

ماأعجبيش م اللي يطيق بجسمه العذاب

وأعجب من اللي يطيق يعذب اخـــــــــــوه

وعجبي

الخميس، يوليو 06، 2006

الــســجــن

السجن مش احجار ولا اسوار ولا قضبان
انا مش لازمني زنزانات ولا باب ولا سجان
انا سجني جوايا تنوره دموعي
زنزنتي في قلبي قضباني في ضلوعي
مش عايز اقول مظلوم
انا عايز اقول متهان
انا ياناس متهوم ميت بلا اكفان
وسجني جوايا وحكايتي دي حكايه

السبت، يوليو 01، 2006

د ائما نتسأل لمـــــــــــــــــــــــــــــاذا ؟

سؤال يتبادر الي الذهن عندما تقوم بعمل اي خطوه في حياتك اما ان كانت صواب او خطأ الا وهو لماذااااااااااااااا؟
فحين تعبر عن رأيك في موضوع معارض لرأي الحكومه فانك تصبح احد المتطاولين عليها انما اذا كنت احد الشاكرين لها واحد
المنحنيين لها تقديرا واعزازا لما تقدمه لنا فانك من الصفوه المختاره من الناس
حين يصب الشاب اهتمامه علي موضوع ما (رياضه- موسيقي- 000000) فهو يعتبر عاقلا ناضجا اما ان كان اهتمامه هذا بالدين او السياسه فهو فاشل ومصيره معروف للجميع

حين يطلق اليهودي لحيته ويمارس طقوسه الدينيه بكامل حريته يعتبرونه مؤمنا انما المسلم حين يطلق لحيته ويحاول ان يمارس عبادته فهو ارهابي ومتطرف

حين ترتدي الفتاه ملابس عاريه او تقلد الكليبات فهي متحرره ويحق لها ان تعمل ما بدي لها انما الفتاه المسلمه اذا التي ترتدي الحجاب فيعتبرونه تخلف ورجعيه وقد تحرم من دخول احد الاماكن بحجه مخالفه المظهر الحضاري
بعد كل هذا عندما نواجه اي مشكله يمكننا قبول اي حل بصدر رحب الا الحل الامثل
ونصدق كل ما هو مكتوب من تفاهات واكاذيب في الجرائد الحكوميه وينسون الواقع المريررررررررالذي نحياه